2003 年 10 月 30 日 星期四 【晴】

Halloween Night: 見到好多鬼呀今晚, 由於Marco Polo 果面話今晚如果Dress Up 入場的話會免入場費, 所以都幾多人"扮靚"入場, 結果引黎1600 人黎玩, 好好氣氛呀...不過卻做死我地... 成晚唔係叫D 人唔好衝上台, 就係叫班友唔好企枱... 唉~ 真的很累哩!!

本應見到咁多人, 應該冇一點都收唔到工啦掛... 點知個Show 完左(23:30)之後班客散得勁快, 可能仲有節目啦, 一粒鐘都散得七七八八, 結果0030 就走得, 仲趕得到271 尾班車!!

明天放假, 本應諗住係Winning 7 既比賽日子, 點知Game Players Online 果度仲未搞好話幾時踢, 結果拎左呢日假黎唔知做乜好... 又係打機啦!!

>>November 1, 2003 at 3:53:04 AM GMT+8

2003 年 10 月 29 日 星期三 【晴】

日記版重開!! 死左一個禮拜, 終於寫得返啦!!
講返呢week 有乜搞過啦... 答案係冇既!! 剩係去左報名差佬!!
前幾日出到金鐘報名, 去到填完From 之後就度高磅重& 視力測試, 結果全部Pass 啦!
最後就比張Work Sheet 你, 問你點解想做Police 等等... 填完就走得!!
下個月21 號Frist In !! 一定要得哩!!

至於返工果面, 轉左去The Marco Polo Hong Kong Hotel 做German BierFest 時間多左好多!
以前o係Orchards 返13 粒鐘, 連埋搭車成14.5 hrs, 想打陣機都幾難...
而家就返5 點放12 點, 實質做七粒鐘, 計就計10 hrs 糧, 仲包你一餐,
雖然搵少左($75/日), 但係真係Free 勁多!!
好似而家咁, 3點先出門口, 4點出到TST 食野, 食完仲可以去機舖打返兩舖先返工
之後通常0000 就走得, 一點多少少就返到Home, 真係好正...

(註: 呢個BierFest 可以定義為一個 "Show + Buffet + Disco" 既混合節目, 有唱歌, 有玩Game, 亦有野食, 仲有舞跳哩!)

今日(30/10) 都算幾辛苦下, 成千人黎, 去到中段D 人都已經High High 地, 到Last Dancing 果時就更PK... 累~~

聽日Helloween, 相信仲激!!

>>October 31, 2003 at 5:55:55 AM GMT+8

2003 年 10 月 22 日 星期三 【晴】

Germany Bierfest 2003: 今日第一日返啤酒節, 黃昏5點先返, 4點出到去星光行McDonald's 等齊人, PK Fai, Lok, Andy, 江南 & 文叔食完野就向The Marco Polo Hong Kong Hotel 進發...

去到新地方就緊係巡察一番先啦, 原來今次啤酒節o係4/F 露天停車場度搞, 規模唔算大(但係聽聞係國際知名之盛事), 去到做既野得一個: 齋企....

1800 左右就正式有人入場食野, 之後七點半左右就有Show 睇 (由於我企o係無台隔離, So 成晚都係狂睇Show!!), 就一直做到2300 等D 人散, 0000 就走得, 實質做6 粒鐘, 但係就出10 粒鐘糧...計返走成$42 粒鐘再加有餐飯食, 勁正!!

唔單止人工正...最正既係在場既超勁多靚女!! D 鬼妹又著得少喎, 猛咁o係我面前走黎走去... 搞到我都"眼花撩亂"... 而有2個水吧女仔又係勁正, 一個似利嘉兒, 一個就似阿Gill & Miki 混合體, o係未來廿幾日裡面都會見到佢地~ 爽呀!!

收工返到Home 之後都係0130 左右, 跟住打機打到成4點先訓, Tmr 返1700, 不過約左1600 出去食野, 收就收0130 (因為Friday & Saturday 會多人黎D, So 要收夜D), 時間好似多左好多!!

>>October 24, 2003 at 3:46:44 AM GMT+8

2003 年 10 月 21 日 星期二 【晴】

正如Sell 人 保險話齋: 今日唔知聽日事!!
今日原本係o係Orchards 返埋既尾二日, 點知食完Lunch Ricky 打來通知話提早明天去Hong Kong Hotel 做, 咁即係今日咪變成左Last Day??!
其實Last 唔Last Day 並不是太重要, 而最重要的是我打算明天去報名警察的啊!!
一先諗住Tmr 係"啦屎" 朝早早少少去搞掂佢(因為著住西裝嘛!!) 先至返工, 咁而家Tmr 去TST 做又冇老西著...咁即係要特登搵日著住老西走出金鐘IN 啦... 唉~

o係Orchards最後一日既工作都係咁過, 去到2100 閂閘就閃左去吹水& 聽馬 + 訓覺, Last 粒幾鐘既人工又係白逗~~
而總結呢40 日o係Orchards 既工作, 開荒牛的確不易做... 眼見個樓盤由未發售到中期如火如荼, 再到而家開始冷淡下來, 彷彿看著一位小朋友成長, 開頭得我8 兄弟姊妹做, 到最多時成40 人一齊, 再到Ray 唔做走人到我失勢, 跟住PK Fai o係度搞事令班手足分成2 黨仲差D 打交, Cut 成十幾人, 到我真係算係入到Event Team 去做啤酒節, 都係呢40 日以來所發生的事... 一再回想, 時間真係好快過!! 可以講話而家Orchards 肯定愈來愈好做... 真係有D 唔捨得~~

好~ 明日開始再做開荒牛~ 正就正在返7,8 粒鐘(1730 -- 0030, Fri & Sat 就去到0130), 但係佢話計我地十粒鐘既錢, 咁即係變相又加左人工($31 - $35 / hr), 正~(不過衰在要著軍裝....)


返到Home 之後諗住睇埋車仔VS 拉素場波, 點知開波前訓著左喎... 否則買中左$20 波膽2:1 睇住黎WIN 真係幾過瘾~!! Total 呢兩日D 波連馬又打個和~

>>October 24, 2003 at 3:23:46 AM GMT+8

2003 年 10 月 20 日 星期一 【晴】

今日返九點 tim 呀!! 原本打算今日去IN Police 既, 但係發覺自己好多野都未ready 好, 所以決定暫時唔去住, 留返後日先去...

而今朝因為有Swire D 高層黎到Orchards 睇, So 提早多半粒鐘返去, 而Ricky 亦有落黎, 搞到成朝都冇得Break... 不過After Lunch 就同江南車輪 Break 到放工咁滯... 需則抖得多, 但個人都係好累!! Totally 今日都做得幾開心!!

而下晝亦篇左遲下做啤酒節既假表, 我成個Event (24/10 -- 16/11) 放得2 日... 死得啦!! 中間實要整返一兩個Sick Leave 先得啦, 否則做死人都似!!

好耐冇講波啦~ 今日買左條"無敵和波3串4" 同一場波膽:
(1)AEK雅典 和 燕豪芬 (3.2) X
基輔戴拿模 和 阿仙奴 (3.15) X
祖雲達斯 和 皇家蘇斯達 (3.55)
(2)祖雲達斯 2:2 皇家蘇斯達 (17) @$10

>>October 21, 2003 at 5:16:26 PM GMT+8

2003 年 10 月 19 日 星期日 【晴】

又Day Off... 前兩日摶左十三粒鐘之後都真係幾累, 連寫Diary 既時間都冇... 不過都冇乜特別野可以寫啦~~

而今日Day Off 又係打下機咁過... 下晝叫左Ivan 出黎Tai Wo 比份Proposal 我睇, 原來GL20 真係幾吸引(廿年後收返Double, 65 歲拎返十倍咁滯), 過兩日返TST 時同肥鐘果間比較下, 睇下邊間好D...(PCI 火併 美國萬通?!)


原本諗住聽日去考Police, 點知傾開先知自己好多野仲未Prepare 定... 問過阿森同睇過其他人寫既Diary 講Interview D 野, 如果按自己計劃乜都冇準備的話咁去, 可以話死硬囉...

呢排D 時事野全部唔知, Police 呢排有咩活動又係唔知, 好多好多關於Police 既野都唔清楚, 連到時點去自我介紹都未Plan 好既, 咁點去考呀大佬... 一於決定再過多兩日先去考, 起碼可以溫下書, 準備都好少少啦....

聽朝返九點Tim呀!! 據聞太古D 大粒佬落黎睇, 所以要早多半粒鐘返, 咁即係返13.5 個鐘哩... 人都癲... 不過仲有3 日就要離開Orchards, 有少少唔捨得~~

>>October 20, 2003 at 2:45:43 PM GMT+8

2003 年 10 月 16 日 星期四 【晴】

Day Off 後首日, 返0930, 不過又係六點幾個人已經醒左... 返到去整日又係超少人黎, 夾夾埋埋差唔多二百人, 又係守大閘, Break 既時間都幾多下... 不過係唔慣放咁夜o者~~ 去到九點已經閂閘, 結果周圍走下吹左成粒鐘水到十點二, 三到見Swire班人走晒就收工~

本身想同晒班同事Take Photo 架, 點知影到一半部Digital Camera 冇電... 唉!! 仲諗住同Swire 既Joanne, Karen 等影tim... 冇lu...~


>>October 17, 2003 at 4:43:38 PM GMT+8

2003 年 10 月 15 日 星期三 【晴】

Day Off: 又係訓到八點自動醒左... 跟住又"迫"自己訓到十點先起身... 之後成日都做返"返工做唔到既事"

出左大埔墟拎回鄉咭(拎得成個幾月...而家至拎你話我D 時間有幾得閒啦!!)
再去大中拎恆生咭(又"寄存"左成個禮拜...)
之後就返返太和百佳掃貨, 買左百幾蚊野(全部都是零食耶...)
跟住差唔多1300 食完返就打我既Winning 啦~
打左陣就睇左套VCD-- 戀上你的床, 都OK 好睇!!
睇到四點左右就訓覺訓到七點~ 爽!!

我的Day Off 大概就是這樣渡過~ 頗充實哩!

o係大中撞見肥鐘呀~ 佢過開黎Tai Po 見客, 仲傾開保險D 野... 過兩日睇下有咩Plan o岩自已小小地買返份先~~

今日操左兩次掌上壓, 朝早做30 下, 夜晚做到35 下,目標要50 下!! 距離考Police 仲有3 日... 一於決定21/10 去考... 以最短既時間去操返Fit 自己!!!

明天返0930, 返多個鐘... 時間仲少多少... 實返0800--0000, 死得啦~ 不過都只係頂一week 就過第度做啦~ 相信未來一week 隨時見唔到我Online & 寫Diary~ 忙死!!


>>October 16, 2003 at 2:56:21 PM GMT+8

2003 年 10 月 14 日 星期二 【晴】

今日...要發生既終於發生... 亦有D 野估唔到既事出現...

今日Ricky 又黎Orchards, 佢問我有冇興趣玩"啤酒節", 咁我就話OK 啦~ 24/10 就要離開Orchards 啦, 去尖沙咀馬可勃羅做, 正!!

就係咁, 一行五人(PK Fai, Lok, 我, 光南 & 志文) 就正式做左Event Team 既開荒牛... 佢話保證到過年都有工開... 即係拉長左份Contract

而今日仲有一個頗大既變動, 就係聽日開始全部返0930 - 2230 (13 hrs 哩!!), 要削咁幾個人... David, 文, 昊欣, 成 等都要調出去... 冇得再見佢地lu... 至於平時最黑人憎既Kitl 佢話做返倉務員唔做呢份喎... 今日佢決定之前居然同我講Thank You 同好客氣... 原來好多野可以係咁既!!

仲有... 唔知點解Ricky 居然搵PK Fai, Chi, 大Lun 三個去做容祖兒Concert.... (後兩者跟本新到唔新...得個肥字...) 唉!! 恨死我啦!! 點解唔搵我架... 如果係就有6 晚免費演唱會睇啦!!

咁即係返多一week Orchards 就要走, 相信呢week D 西人走得七七八八咁Orchards 就天下太平啦! 咁趁出開Hong Kong 果面就報埋考Police 啦! 好!! 過幾日去考!


放工後去左太和美心打邊爐with HYK ppl, 今次都幾齊人下(Lai Man, Doy, CE, Nickin, Choi, Gap, 小強, Kwan & 鑫), 話就話補祝我 & 預祝Nickin 生日, 但係又係狂食為實!! 食完之後就去左Nickin Home 打左幾舖牌 & 切蛋糕, 食完返就Home 啦..

可能返完工太累啦, So 成晚超眼訓... 係火車上面又一次訓過左站(去到Fanling)...

明天放假, 抖抖啦~~ Friday 就要返13 粒鐘架啦!!

>>October 16, 2003 at 2:26:55 AM GMT+8

2003 年 10 月 13 日 星期一 【微冷】

天氣開始轉涼啦~

呢兩日守不同既位置, 昨天一如既往留守正門大閘, 可以話比你知好辛苦... 係訓到好辛苦!! 由1000 志文返黎到放工1930 之中不停同志文車輪Break!! 下下落去2/F 度訓半粒鐘以上先返去企, 前前後後起碼訓左3hrs!! 下午時又落過雨咁~ 超正!!


至於今日就做返Tower 1 (手查)Lift, D 人今日來黎樓仲少過昨天(Around 200 人), 結果成日都勁無聊咁坐下,企下,打下機(N-Gage),吹吹水& 踢波(係呀! 的確係得閒到可以踢波!!), 抖既時間又係多過做野既時間!! 咁又一Day!!

上左39/F ShowFlat & 49/F PentHouse 影左D 相, 可惜背光唔係影得咁靚, 聽日有機會再影過!!

Andy 知道我帶左部相機返去, 仲叫我聽日再帶返去Orchards, 話影低佢地班PK 班"惡行", 相信如果咁做的話會有一場大屠殺發生...

返埋聽日放假, 放完之後就開始轉返十十(朝十晚十), 起埋聽朝身啦!

天氣轉涼~ 請大家小心身體, 因為早前自己, 現時身邊的同事, 朋友都一個一個病倒, 希望大家保重身子~~

>>October 14, 2003 at 3:33:08 PM GMT+8