2003 年 11 月 9 日 星期日 【颳風】

先講尋晚D 波先!! 隊死皇馬居然夠膽死上半場15 分鐘輸足3 粒, 搞到我輸錢!!

轉冷啦~ 今日Day Off, 成兩點先死起身, 食完野之後就出左Tai Po Market 剪髮For 明日D 大老細黎睇Show & 21/11 既Police First Interview, 剪完之後就去左大中買衫換季, 去左"佐單勞" & "拔o靚勞" 買左2 件衫, 一條Jeans 同一件褸, 用左差不多成五舊水呀... 不過都想買多幾件, 都係留返去Nike 倉果D 先買啦!! 之後想買埋波鞋, 不過聽志文講佢識人(佢以前就係做Sales) 有七折, 等遲D 先同佢買!!

返到Home 之後就操左幾舗Winning, 又梗係大炒電腦啦~ 15 號個比賽點都入到最後4 強呀! (第4 都已經有$1000 獎金!)

之食完飯之後就"刨報紙"(係惡補先啱), 罕見地睇o既唔係馬/ 波經, 而係新聞版!! 呢排返左工之後都冇乜時間留意新聞, 而咁大個仔都未試過咁認真去"讀"News, 主要都係睇返"王見秋"單News, 相信21/11 Interview 時好大機會會問呢件事...

講返Interview 果度先啦, 唔衰得架... 否則就要等起碼半年先再Try 得...
身邊咁多人都係Police, 希望幫到我!! 數數先, 有做過CID 既Ray(<-- 前阿頭), 有阿Lok 既舊女友 & Her Friend (<-- 最近In 成), 又有"紀小子" (HYK 的師兄), 再加上Lau Wa 既舊同學"小飛"... 真係希望可以一次Pass!!

好! 講完咁多, 聽日返工應該好多明星見, 聽聞話包場包到好似宴會咁, 咁咪好隆重? 有D 期待聽日返工哩!!

>>November 10, 2003 at 3:22:33 PM GMT+8

2003 年 11 月 8 日 星期六 【暴雨】

曲終人散... 唔知可唔可以再見到"佢"呢?

今日可算係啤酒節既"最後一日", 最後一日係比公眾入場睇Show, 今晚客人雖然唔算多, 但就十分多事發生...

首先講講班Acter 做脫衣舞環節啦(唔洗諗啦, 全部都係"佬"黎架!!), 由於勁多觀眾"搞"佢地, 搞到個個黑晒口面咁, 一完呢Part 即入後台...
跟住就係o係2 Parts 既Game Part 度D 女參加者羸左之後當眾換件T-Shirt (獎品), 搞到全場都"We 哇鬼叫", 眼福不淺哩!
最後就係班啤酒妹好可能今日亦都Last 一日, 因為之後都係Private, 有専人侍候班客... 再加上見到佢地放工後個個都猛咁影相... 又同班Acter 玩得好癲咁... 所以有可能以後都再見唔到佢地啦... 再見啦"利嘉兒", "表妹", "表姐" 同埋"Gill + Miki"... 呢半個月以黎真係多謝你地!! 但係真係好可惜... 因為我自己"愛理不理"搞到咁耐都冇同你地認真地傾過一句計... 希望仲見到"你"啦!

而我呢? 聽日放假, 到11/11 再返去HK Hotel, 做多5日可能會返The Orchards 進行返一日十三粒鐘的地獄生活... 但係回顧返呢18日既Bierfest, 發覺...時間真係過得好快囉!! 一齊摶左十幾廿日... 尋日開始走咁D 人, 今日又走一大班... 又有一D 感觸tim... (唔知點解聽"愛失救"好似好Heart 咁...)


今日禮雯生日, 不過佢地o係下晝先開始玩, 咁我就梗係到唔到啦! o係度同禮雯補返句: 生日快樂先!!
睇Nickin 個Diary 知道佢地成班玩得好開心喎... 又係可惜黎唔到!!

>>November 9, 2003 at 8:03:31 PM GMT+8

2003 年 11 月 7 日 星期五 【乍寒還暖】

接近尾聲: 最後一個Saturday for Public, 由於落雨既關係黎D 客都經已少左啦, 但都有接近1000 人黎, 今晚由於守最出既Post 啦, 所以咁多晚以黎第一次"睇" 個Show 睇足全場, 時間好快過~~

聽日Last!! 相信會玩得好激!!


今天真旺!! 馬又羸, 波又中, D 馬買左$80, 收返$380, 至於D 波, 買左$320, 暫時收返$260... 仲有D 明日先踢...

祖雲達斯 對 烏甸尼斯 0:2 (51) (<-- 買錯左..本身想買祖記2:0....)
利華古遜 對 史浩克04 0:1 (9.5), 0:2 (20), 1:2 (14), 史浩克 W (4.5)
西維爾 對 皇家馬德里 1:3 (9) @$10
羅馬 對 拉素 2:2 (17) $20
祖雲達斯 W (1.28) X 皇家馬德里 W (1.57) $130

>>November 9, 2003 at 6:07:42 AM GMT+8

2003 年 11 月 6 日 星期四 【晴】

日子過得真快!! 原來啤酒節都唔係淨返好多日玩ja...

今早(但己是一點多...) Ricky 打來話今日要幫公司試新制服影相, 叫我地成Team 人4點好上去Ready, 點知到左4 點D 飯飛都未黎, 搞到食得"趕喉趕命", 最激氣既係唔係搵我地拍, o係Harbour City 同埋佢地Office D 人拍完就走, 咁洗鬼搵我地特登早成粒鐘返去咩!!

工作方面, 今晚又係超多人, 又係過1000, D 客玩得勁High 呀, 好累!!

而查小欣亦係今晚坐上客, 唔知佢冇化妝定係點, 睇落去佢好老!!
而放工前亦見到林家棟, 佢去Carpark 同佢女友(我諗係掛... 應該係圈外的) 拎車, 真人又係好鬼靚仔喎, 咪睇佢拍TV 時個樣傻下傻下咁, 我敢講佢型過今晚所有入場睇Show 既香港人呀!!

發覺自已冇乜衫& 褲著... 好! 聽日返工前出大中大掃貨先!!

((未來兩日應該將有大事發生, 內容大概關於我, "利嘉兒", 同阿南o既o野!!))

http://www.harbourcity.com.hk/hc/zh/promotions/6947.html (<---德國啤酒節簡介)

>>November 7, 2003 at 7:32:44 PM GMT+8

2003 年 11 月 5 日 星期三 【晴】

尋晚睇波又睇睇下訓著左哩!! 記憶中好似睇得幾分鐘就訓左啦...

今日返去HK Hotel 之前o係星光行大家樂Meet 左肥鐘同佢個阿頭, 傾開保險D 野, 但仲未傾掂... 過幾日再出到Proposal 比較落先決定啦!!

做野果方面, 今晚見到"蘭子"(陳淑蘭) 同埋唐韋琪(做兒童節目的) 呀!! 唐韋琪真人係幾靚女架喎, 成晚同佢既圈外男朋友坐正o係我面前睇Show... 正!! 而成晚都Over 1000 人入場, 氣氛都幾High 之下居然冇乜搞過事, 散又散得幾快下, 都算好彩!! 十二點走人~ 但係因為Guard Force 既大老細今晚落左黎睇我地做野, So 都幾累下!!

>>November 6, 2003 at 6:38:35 PM GMT+8

2003 年 11 月 4 日 星期二 【晴】

賓賓之夜: 哇!! 今晚HK Hotel 變左中環皇后像廣場呀!! 勁多賓賓黎呀!! 話說今晚菲律賓總統(即"阿羅約夫人") 個仔黎睇Show 呀, 搞到好鬼多賓賓入黎特登捧佢場喎(但係一個Body Guard 都見唔到, 莫非D 賓賓個個都係保鑣?!), 連埋其他Public 同埋Book 左枱既客, 今晚差不多有成1000 人入場, 氣氛都算幾好~ 個個完Show 之後就開始走, 咁多人黎都係2345 就走得, 食埋個McDonald's 先搭271 返Home 都仲得~~

今晚見到"李瀚林"呀(唔知有冇記錯... 呢...拍"情牽百子櫃"同呢排拍乜野"好易通易學視像字典"果個呢!!), 真人比上鏡靚仔好多呀!

班女方面... 仲未拎到電話呀... 但係"利嘉兒"主動撩我講野呀, 原來佢特登買左隻錶去偷聽我地講Rocky Talky 呀!!

又叫到風, 話11/11 果日係Private Party, 將會有好多明星出現, 但係果日就要Cut 一個, 打死都返工呀果日!! 話唔定係英皇包場呀!!

波... 好彩尋晚中返條"屎特加" 3:1 姐!!
阿仙奴 對 基輔戴拿模 2:2 (21)
摩納哥 對 拉科魯尼亞 0:3 (31), 1:3 (21), 2:3 (29)
皇家蘇斯達 對 祖雲達斯 3:2 (29), 2:2 (17), 2:3 (29)
布加勒斯特星隊 對 利物浦 0:3 (23), 1:3 (19)
阿仙奴 和 (4)(<-- 而家升到4.6) X 拉科魯尼亞 W (2.65)(<-- 家陣又得返2.4) 2串3 @$10

>>November 5, 2003 at 6:03:00 PM GMT+8

2003 年 11 月 3 日 星期一 【晴】

墨爾本盃賽馬日: 一如既往, 都係廿幾隻馬跑呢項3200 米長途賽事, 都係"立立亂", 結果都係輸錢, 不過今年猜左啦, 淨係買左$40 玩下, 最後由"戴花"勝出...

睇完之後再食埋個Lunch & 打多陣機先返工, 今日返到去就冇尋日咁見到"汪阿姐" 同"豬胃山", 一個明星都見唔到, 人數亦唔算多, 四五百人左右啦~ 去到23:45 就走得~ 一點鬆少少就返到Home 啦~ 正!!

至於班啤酒妹方面... 個死仔阿南同"利嘉兒"發展得好快呀.... 中間佢地一齊去左樓梯果面Break tim 呀!! 跟住佢放工時又想搵阿南去睇戲喎....又拎鬼埋電話... 好可惡!!

好!! 一於聽日問"阿Gill" 拎電話!!

今晚有波睇: Manchester United, 不過成三點半先開波, 睇完天都光啦喎... 一訓就訓到聽日返工啦!!

>>November 4, 2003 at 6:13:31 PM GMT+8

2003 年 11 月 2 日 星期日 【晴】

冇咩特別的一天, 訓到十二點先起身, 極之充足哩!
返到 HK Hotel 都係咁, 今晚D 酒店Stuff 仲多過D 客, 夾夾埋埋都係得二百幾三百人黎睇, So 好易做!!
至於班啤酒妹方面... 唉~ 冇乜進展呀~ 努力!!

Winning 7 個賽期出左啦, 15/11 o係大埔超級城踢, 到時咪好多人黎睇?! 一定撞到熟人架喎... 咁咪唔羸唔得??!

YEAH ~ 聽日出糧!! 放工時去櫃員機度Check 過都仲未有住...(又話4 號出糧, 點知過左十二點去睇都仲未有...) , 唯有聽日先(手禁)出黎啦!!

Tmr 跑墨爾本盃, So 今日買定先, 順便買埋波:
布魯日 對 AC米蘭 0:3 (13), 0:4 (45)
拉素 對 車路士 2:2 (17)
曼聯 對 格拉斯哥流浪 4:2 (51)
彭拿典奈高斯 對 史特加 0:3 (26), 1:3 (21)
柏迪遜 對 皇家馬德里 1:4 (21), AO (31)
阿積士 W (2.9) X 車路士 D (3.2)
阿積士 W (2.9) X 史特加 W (2.35) X 皇家馬德里 W (1.5) @$10
史特加 W (2.35) X 皇家馬德里 W (1.5) $50

希望咪鬼輸晒啦!!

>>November 3, 2003 at 6:16:19 PM GMT+8

2003 年 11 月 1 日 星期六 【晴】

原來尋日放左假錯過左好多野!!!

由於尋晚睇Holland 波既關係睇到4 點先訓, 而今日約好唱K So 要10 點起身... 極之唔夠訓之下起身時喉嚨已經有少少問題...

11:00 就同Fat Fall, YoYo, 游, 筲箕 & o係出面會合既Pinkie 出左去油麻地唱K, 6 條友唱K-Lunch 12:00 唱到15:00, 哎完"愛後餘生" & "第二世"之後就開始沙啦把聲... (放工時証實係喉嚨痛, 好痛!!)
之後就去左信和買波 & 馬, 買完就搭MTR 過TST 食飯返工...

今日得6 個人睇場, 而人數亦只得400人左右, 都算Okay 易做既... 但係由食飯到差唔多放工時都唔明佢地(其他同事)講乜... 最後先知一樣野... 我尋日放假真係走左寶呀!!

原來佢地尋日同班啤酒妹開始熟落, 今晚成晚都同佢地吹水呀... 而我就未同過佢地傾過計... 搞到成晚都只係睇佢地傾計... 好無奈~~~ 不過佢地都有同我笑既... 努力!!
(呢班啤酒妹個個都可以話"好得"黎形容架!! 包括之前講過既"利嘉兒", "Miki & 阿Gill 混合" 之外啦, 仲有兩表姐妹, 表姐高高地勁索, 表妹就少少肥... 真係好得!!)

至於買左既波... 都好危... 以下呢D 係未開場既:
皇家蘇斯達 對 巴塞隆拿 1:3 (19) $10
馬略卡 對 華倫西亞 1:1 (6.5) $20

* Fat Fall 生日快樂!!


>>November 2, 2003 at 6:17:16 PM GMT+8

2003 年 10 月 31 日 星期五 【晴】

又新一個月啦!! 又要有新既開始!!
今個月目標: 當然係Police Interview 果度Pass 啦!! 除此之外...如果踢到Winning Eleven 7 決賽的話都希望WIN 啦!!

至於今日放假, 結果又係用晒黎打機, 又係喪打"童話"呢隻Game... 冇乜做過其他野滯...早知返返去HK Hotel 仲好~

今晚D 波...由於太懶既關係, 再加上糧尾4 號先出糧...So 成日"呢"左o係Home 冇出到去買~

上次o係The Orchards 影D 相仲未收到, 搞到肥Doy 成日追...

Tmr Fat Fall 生日, 佢地話去Sing K & BBQ, 不過由於要返工既關係, 剩係有時間去唱K ja, 唱完K-Lunch 啱啱好~

>>November 1, 2003 at 4:23:43 PM GMT+8