2003 年 11 月 22 日 星期六 【晴】

1123 選舉日, 投票? 我當然冇去啦! (因為連選民都未登記耶...)

某幾位兄弟之間出現左問題... 唔講
至於返工果度又係唔講咁多, 今日可以話累到PK... 成日起碼企左成10hrs, 非人生活...

發覺自己財政上面出現一個好大問題... 未來仲有十日先出糧, 解決方法有三:
(1) 死慳死抵, 日日Lunch 食大家樂$18 飯, Dinner 又係十幾蚊野算
(2) 問老媽子借返轉頭, 但下個月還返比佢之後情況一様尷尬... 主要因為...
(3) 叫Ivan 唔好出份保險住, 叫佢比返D 保險金我轉做月繳唔洗煩(而家係Annuel, 一次過晒佢, 但仲爭佢一千下月還)

最大個問題係, 而家所剩既錢真係淨係夠每日既基本開支, 本應都諗住算啦由得佢, 點知尋晚部Walkie 事件又搞到要徙四舊水買過部新... 唉~~ 煩啦!!

最荒謬地... 自已在中六, 中七時曾當上班會及社的財政一職... 到而家連自己果D 都搞唔掂

Lucky 今晚買左D 波都中返D, 暫時都有返個本收返... 以下呢D 仲未踢:
基爾禾 對 AC米蘭 和．和 (4.8)
華倫西亞 AO (29) @$10
(讓球主客和) 阿積士 W (1.75, 已中) X 華倫西亞 W (2.9) 2X1 $50

希望今晚中多D, 等到自己唔洗煩...

>>November 23, 2003 at 6:00:03 PM GMT+8

2003 年 11 月 21 日 星期五 【晴】

唉.... 白打工... 勁Q 黑呀呢排!!

先講尋日去In Police 件事先, 去到佢問左好多問題我都唔係咁識答, 最後佢比我個評語係"識得講野, 但係事前準備不足", 睇怕都肥佬居多啦... 等多三個月再考過啦!!

至於今日... 早知唔鬼返工啦!! 話說到放工前(Around 2000) 自已勁悶玩玩野, 拋拋下部Walkie Talkie, 點知居然拋到上去5/F 頂時"片西"片左入個燈槽度喎, 咁我眼見拋左上去成廿呎高就即刻Call 班兄弟幫手啦, 但係諗極都冇計, 連"擔"埋一條10 呎既長梯企埋上去都見唔到... 唉... 又唔可以叫工程部D 人去搞, 否則Ricky 知道實激死佢!! 又因為時間問題唔可以擔條更長既梯去拎...睇黎都拎唔返落黎架啦... 又要賠... 成4舊水架部機... 白打成一日幾工...

走前都有叫夜更個"一粒花"幫手, 佢話"少事黎o者, 幫你諗計", 希望佢真係搞得掂拎返部機落黎啦, 比返一百幾十佢去飲茶總好過比4舊水買過部新機!!

>>November 22, 2003 at 5:01:18 PM GMT+8

2003 年 11 月 17 日 星期一 【晴】

天啊... 點解有咁既人架...!!

訓得果5 粒鐘, 又要起身返Orchards... 今日繼續o係Tower 2 Lobby, 基本上成日黎睇樓既客都唔過一百...
本應咁少人就好易做既!! 點知拍住個賤人Helen (專搞是搞非!!), 下晝佢話(手查) Lift (手查) 到好辛苦要去Toilet 頂頂佢, 咁我咪好心叫佢"順便Break 埋啦, Break半粒鐘", 個出發點係完全為佢好既, (你話佢點衰點西法都係我出去做啤酒節之前既事啦, 冇見一排以為佢唔會咁西), 點知佢又走去報串話"Kevin 叫我去夠半粒鐘喎...", 唉~ 歎息既並唔係驚揹鍋, 而係估唔到佢都仲係咁o者...

至於而家Orchards 個勢, 又似乎黎緊去我地果邊啦, 其本上我地幾個係玩晒咁滯, 鐘意去邊就去邊, 完全唔洗理個Post o係邊, 因為度度都係自己友, 只要個Post 唔甩就得架啦~ 個PK Fai 更加奈我地唔何~ 好~~!!

今日返到去又見返好多好耐冇見(其實j都只係一個月o者)既同事, 從佢地口中得知24/11 會有第二間公司上黎做接管, 到時唔知Guard Force 洗唔洗撤走, 如果撤的話相信會有4-5 日係周圍走先到做工展會...

不過又返左十三粒鐘... 對眼真係頂唔順啦... 聽日又朝九晚十啦....想死!!

>>November 18, 2003 at 5:25:45 PM GMT+8

2003 年 11 月 16 日 星期日 【晴】

重返逸樺: 做完German Bierfest 之後, 今日再返返太古逸樺園, 又再過D 朝九晚十既生活啦....

雖然返左黎冇守大閘呢個PK位, 佢本身編我係"Crowd Control"(即係唔洗做既位), 一先以為"返左黎真係唔同D 啦", 點知因為紅姐請左病假, 搞到要頂佢(手查)Lift, 結果都係衰位一個, 未來兩日佢都編我守Tower 2 Lobby(更衰!)... 唉~~

返到去D 人依舊都係咁... 有幾個最黑我憎既人今日放假, 不過都係仲有人o係度搞事... 個PK Fai 一返到黎D 態度同做啤酒節時當堂唔同晒, 又係勁寸果隻... 真係後悔當初出去做啤酒節之前唔篤死佢...(不過聽聞Ricky 已經好x 憎佢!)
而個死人肥仔志(不厭其煩再介紹佢多一次, 佢係一隻豬!! 肥到仆街果隻... 成個樣都係豬西咁款!!) 又搞事, 佢企5/F 居然夠膽死話"睇見"Lobby 冇晒人, 之後仲話搞到要佢接太古黃上去5/ F, 而最可笑既係今日冇人見過太古黃... 唉~~ 都唔明D 人做乜咁鐘野搞搞拱... 我都係想平平穩穩咁過左呢半個月佢o者....

企左好耐呀今日(差不多有成8-9 hrs)... 都幾累... 放工食完野都已經12點啦... 明早又要0800 起床... 死~~~~

>>November 17, 2003 at 4:47:36 PM GMT+8

2003 年 11 月 15 日 星期六 【晴】

放假~ 成日都o係Home 無聊....

一諗起聽日又要返十三粒鐘... 即刻唔想做... 計計下真係完全冇So...

睇返返HK Hotel, 通常都係2點9 到出門, 去到食完野打陣機1700 先返工, Then 0000 放工, 1點3 返到Home... 夾埋只係10 粒半鐘, 仲包你一餐... 出$250 糧, 基本上洗錢既地方只有搭車同打機($25/日)
而返Orchards 就要0815 出門, 0930 開工中間個Lunch & Dinner Break 就要食到趕喉趕命... 2230 先放工,2345 返到Home, Total 15 個半鐘.... 出$325, 但係要計返兩餐, 計佢$50 都唔過份掛... 而搭車用埋學生飛都要$25/日...

咁睇落去, 返Orchards 就返多5 粒鐘, 出多$75 一日, 但係就基本上要洗多起碼$50/日... 咁計計下... 即係返多5 粒鐘搵多$10 (每粒鐘得兩蚊ja... 陰公!! McDonald's 都搵多佢成八倍!!).... 唉~~ 真係唔想返~ 又要挨半個月呢D 生活啦!! >.<

>>November 16, 2003 at 2:30:49 PM GMT+8

2003 年 11 月 14 日 星期五 【晴】

本以為大件事, 但睇黎都係小事, 但點都要等一排先知係咪出事...

今早10 點鐘無啦啦比細妹推醒左... 原來係Ricky 打黎, 話昨晚件事搞到好大鑊, 當事人話要吿HK Hotel, 話佢請班Security 冇做野, 叫我即刻返去HK Hotel 同情報科D 人落料, 搞到要帶著訓得果5 粒鐘既軀殼搭KCR.... 但當時所感覺到既, 唔係眼訓, 而係恐懼... 擔心會唔會比人針住我呢...

搭到去沙田左右又話唔洗返HK Hotel, 返總公司落料, 咁大概1200 左右就返到Office 同情報科陳SIR 落料啦, 事前都心諗, 我去到會唔會比佢黑面架... 話晒都係我搞比黎架喎呢"檀"野, 但係去到既時候, 陳SIR 出奇地咁好人!! 教我地點樣寫個Report 去Protect 自己, 同埋講左勁多安慰說話, 又話: "其實到Last 埋尾先有第一單野發生已經做得好好架啦, Well Done, 以往咁多年啤酒節邊止咁少呀, 仲大鑊D 都有呀!! 呢件事小事黎o者, 冇野既~" 等等既說話, 而山SIR 同Ricky 都猛咁話真係冇野... 咁講法我都安心少少... 但係最後都要睇下果個老太婆係咪真係要吿HK Hotel, 最壞情況可能要上法庭...

<<經一事, 長一智>>... 呢句話真係好啱!! 起碼令我以後知到再遇上尋晚發生既事之時點樣去做野!!

落完Report 之後就成班兄弟& Ricky 傾左陣計, 佢話之後齊齊見山SIR 之後就一定有人升做一粒花(好似叫"見習督察"),但未必個個都升, 而做得Event Team 就點都有一粒花, 換言之我地呢班兄弟都肯定有機會升職, 估計半年之內都應該升到...

傾完之後都只係一點幾, So 成班走左去篤波, 篤左成兩粒鐘先去食野開工~ 唔知係咪"雨過天晴"呢? 下晝o係篤波果度賭馬又幾旺喎, 買左條Q 1 拖2 $50 條, 點知中返成6舊水喎. .. 哈


而今晚就係返HK Hotel 既真正Last 一晚, 今晚由Swire (太古集團) 包場, 三十幾枱食Buffet, 有陳鍵鋒& 陳啟泰睇, 經過尋晚件事之後個個猶如驚弓之鳥, 甚少去Break, 到2230 食完Dessert 之後就散場, 平平穩穩地過渡左這晚"最後之夜"...

Last 啦... 最後都冇同班啤酒妹影相做留念, 皆因今朝出門實在太趕啦, 連DC 都冇帶... 而整段期間佢地真係成為我既"精神食糧" 黎架... 始終都係"孤單的我來臨, 亦孤單的我離去", o係呢段時間好多方面都有得著, 唯獨是呢方面冇收獲... 再見啦咁多位~ 後會有期!!

真真正正曲終人散~ 話咁快又廿幾日啦... 呢廿四日裡面真係好快過... 日日都係咁開心, 特別係11/11 四條一呢日哩!! 咁快玩完真係有D 唔捨得.... 但係.... 天下無不散之筵席... 總結呢廿四日裡面, 如果冇尋晚單野發生既話, 我會比滿分囉!! 但係事情既然發生左, 咪由得佢囉, 總括黎講都真係好好好好正~~ THX ALL GUARDFORCE'S SECURITY WHO WORKING TOGETHER DURING THIS PERIOD

好~~ 明天放假要為之後半個月重返逸樺園既"朝9晚10" 生涯作一個生理時鐘改變, 並且為仲有5日既Police Interview 作準備~ 好好抖抖啦~~

>>November 16, 2003 at 10:29:39 AM GMT+8

2003 年 11 月 13 日 星期四 【晴】

唉... "奶"o野啦!

今晚係Bierfest 真正o既最後一晚, 人少少得百五人都唔夠, 一心諗住平平穩穩地渡過啦... 點知完Band 後就出事....

話說今晚得150 人黎睇Show, 搞到隊Band 見冇乜氣氛就將原本表演3 parts 就縮為2 parts, 結果10 點7 左右(本身話到2330) 就完Band, 點知完左之後班Acter 落左台同佢地D 老朋友傾計, 其中一個Acter "Wubin(胡寳)" 就同一個坐住輪椅既老太婆(聽聞話年年都黎捧隊Band 場)傾計, 而另一方面就有一班人(大概十幾人, 成晚玩得最激係佢地) 影完相之後有幾個劈醉左既客就玩到推黎推去, 結果其中一個撞到輪椅自己跌鬼左落死下, 仲倒瀉左一Jar 啤酒, 而個老太婆就只係"High" 親下, 原本都只係小事一單... 點知比條Wubin 搞到件事鬼咁大...

首先佢o係跌到個人撞到少少個老太婆之後, 就即刻話鬼我"你做乜唔做野"(因為我企得最近佢地), 大佬呀... 咁出左事之後我都即刻行左埋去啦, 而個老太婆已經比你推開左一段距離, 咁我仲可以做D 咩呀?? 打佢地呀?!
跟住其他兄弟都到左現場睇情況, 佢居然夠膽死叫我地兇佢 & "Goo" 住撞到老太婆果條友條頸喎, 咁我地踩佢地有味啦!! 再跟住又話要Call Police 等等, 結果搞到Hotel o既Direct Manager 同埋Guard Force 夜間既IC 上到黎先暫時調停到... 但係就不斷"Port"我話我當時冇做野...

經過呢件事之後又上左寶貴既一課... 比夜間個IC 點醒左, 話好多野都要做"假動作", 話如果當時我扮下野再推個老太婆遠D, 或者走去關心下佢, 可能唔會比人Port... 明架啦!! 原來好多野都要咁做!!!

最後呢件事都落左簿, 相信山Sir 都會知呢件事... 唉! 一個話唔定可能會好大鑊架... 比人炒都唔定!! 不過Fai, 阿Lok 同夜間個IC 都同我講話會冇事既, 但願如此吧, 希望平平穩穩咁過埋考Police 啦!


聽晚係我呢排o係HK Hotel 做既最後一晚, 亦都好可能係最後一次見到班啤酒妹啦... 把握最後機會啦!!

>>November 14, 2003 at 6:55:43 PM GMT+8

2003 年 11 月 12 日 星期三 【晴】

回復平靜... 今晚又變返班德國Band 表演, 成晚都係Private for Macro Polo 會員, $288 入場任飲任食, 結果只得二百人左右入場, 當然易做啦!! 結果一完Band 之後就淸晒咁滯, 十一點半就走得~~ (又係返六粒鐘工, 出十粒鐘糧,,,) 爽!!

Ricky 話做埋呢兩日完左呢個啤酒節之後會返返The Orchards, 之後會安排上1 week o既course(有薪哩!), 途中我地呢班Event Team 開荒牛七兄弟會見Guard Force Security Part 既最大粒Boss -- 山度士, 唔知會點呢? 莫非... 個個都升職??

>>November 13, 2003 at 5:54:34 PM GMT+8

2003 年 11 月 11 日 星期二 【颳風】

Annual Associate Party 週年員工大會: 今晚就係做呢個 Function, 今次食飯終於唔洗去大家樂啦!! 呢次真正(手羅)正牌食呢度D Food 啦!!

Marco Polo 集團o係廣東道o既三間酒店(Gateway, Prince & HK Hotel)今晚o係HK Hotel 6/F CarPark 度進行呢個Party, 主要都係歌唱比賽, Dinner 同埋玩Game, 估唔到連我地o係度做既工作人員(即係Jever班啤酒人& Guard Force 班Security)都有得食哩!! 每人比左2 份Food 同2 份Dessert, 結果o係8 粒鐘既工作時間當中食左2 餐, 分別食左最好賣既德國鹹豬手(超大隻!!), 好難食既肉腸, 好正既雪芭 同埋 好香既杏仁Cake, 本身想食埋燒雞架, 點知比人拎晒~

就係咁, 一半時間用黎食野 & 抖, 一半時間做野(但係其中既一半時間又邊做邊聽馬喎!!), 咁就過左呢晚Stuff Party, 人工照計, 如果日日都係好似呢兩日咁就正lu !!

距離離開HK Hotel 仲有3 日... 要好好珍惜啦!!

>>November 12, 2003 at 6:29:24 PM GMT+8

2003 年 11 月 10 日 星期一 【晴】

無憾...今日係返左Guard Force 既啱啱好第二個月工... 經過今日所見既人之後... 發覺已經對呢份工"無憾" 啦!!

明報周刊演藝動力大獎2003: 今晚o係HK Hotel 6/F Carpark 度舉行(亦即前幾日啤酒節之地), 好彩今晚有返工... 見到絕大部份當紅Artist 出現!! 全部都o係我3 呎唔夠面前行過... 可以話比你地知, 個感覺真係好鬼正架!! 至於見到邊個就唔數啦! 大家聽日睇報紙見到邊個就邊個啦! 但係我想講講幾位Artist...

阿Gill: 真人... 真係可以"天使"去形容佢囉!! 即使相比起我之前話過"好得"果班啤酒妹, 都仲贏9 條街囉!! 當我見到佢果時連自己都唔相信點解呢個世界上會有一個咁靚/正既人囉!!

阿Sa: 終於知道佢點解咁受Fans 歡迎... 今晚因為佢遲到, 搞到早到左既阿Gill 同班助手出返門口接佢, 之後佢講左句: "哈...趕到我死死下..." 佢把聲好掂呀!! 好鬼正!! 傻下傻下咁~~ 哈哈

2R: 又係靚女... 特別係Race... 勁得!!

BoBo: 真人又係勁靚呀!! 唔知係咪著左高掙鞋啦, 好似好高咁...

Tiffany: 哇... 唔知點形容佢... 今晚佢勁Sexy, 超短褲 + 露背 + Bra Top & 一件半拉埋既褸... 好索!!!

傅佩嘉: 好早就走左Lu 佢... 不過見佢一身打扮再加帶埋帽露出條小鞭仔, 十分"少女"Feel~~


一晚見到咁多粒星... 真係好開心!! 不過亦明白一樣野, 就係點解佢地做到明星... 因為佢地真係好靚!

(都係講講今晚見過咩人先!!)
(李克勤, 戴夢夢, "橙頭君如", B 哥, 汪阿姐, 羅家良, E-kids, EO2, 宣萓, 馬浚偉, 水明淇, 水明露, Boy'z, 3T- Maggie, 3T- Mandy, 四哥,秦沛, 李心潔, 顧紀筠, 鄧梓楓, DoDo 姐, 黃賢誌, 丘凱敏,黃敏德, 黃秋生, 馬德鐘, 林夕... 好多好多, 唔記得啦!! 唯獨是Joey, Kelly, Yumiko 同劉德華都冇到, 聽講全部都唔o係HOngKOng...)

仲有呀~ 今晚班啤酒妹都仲有返工呀, 仲同"表姐"傾計哩!! 仲開心過同秦沛 & 黃敏德傾計呀!!

>>November 11, 2003 at 8:08:07 PM GMT+8