2003 年 12 月 21 日 星期日 【晴】

幾日冇打到Diary 啦!! 講講前幾日D 野先

20/12: Cookies 黎左呀! 同埋戴夢夢下晝黎Stage 表演, 不過我當時過唔到去睇... 所以見唔到Stephy 啦... 架褓姆經過時淨係見到Kary 一個... >.<

21/12: 做死咁滯!! 今日最癲果時搞分流時條Queue 排到出去水池果面... 1400-1500 果個鐘淨係我果面破晒紀錄有10774 人入場!! 之後仲要Hold Queue 唔比買飛Tim!! So 整日Total 只得八萬人入場, 但比起上個Sunday 九萬人入場D 人真係勁好多!!

22/12: 今日已經係我7 號放完假以黎連續第15 日返工!! 累到死咁滯... 今日D 人就少左好多啦...大概三萬人左右, 都算做回氣既一日, 但係回埋聽日又要面對一連五日既超高峰期... 24 平安夜, 25,26 公眾假期, 27 Saturday, 28 Sunday... 都唔知自己可以撐到幾時... 真係就釘!!

>>December 22, 2003 at 4:25:23 PM GMT+8

2003 年 12 月 18 日 星期四 【晴】

Happy Friday~~ 阿芝講過呢句說話真係冇錯~~

今日入場人數都係三萬左右... 辛就唔係辛苦架啦~ 爽啦~

下晝傻仔文同傻仔貴跟一大班Ive 人黎左睇野... 傾左陣計~~ 雖然膞頭叫做有粒花... 不過著住制服都仍然係極之樣衰~~ 幾時有返老西著呀...

放工時同Vani 一齊走, 一齊搭巴士 & KCR, 雖然車費貴左少少(當然啦! 因為我搭MTR 用學生飛嘛!!)... 不過舒服好多~~ 都抵~

同佢傾落先知原來佢仲有返PCI 幫手... 間唔中放左工落PCI 做一, 兩粒鐘~~ 勁~!! (更正: 之前話佢做Cashier, 原來佢做Accounting Clerk 先啱 <---佢仲未睇到~~)

>>December 19, 2003 at 4:14:08 PM GMT+8

2003 年 12 月 16 日 星期二 【晴】

繼續地砌!! 今日總算又少D 人入場啦... Total 啱啱好三萬人... 不過都仲係好累...

Take Dinner Break 時o係Control 比個阿叔激死... 佢Only 負責坐o係出口Count 人數都叫辛苦... 咁我呢面班兄弟企十幾個鐘算是什麼??! 連咁小野, 咁簡單易做既野都叫救命的話咁真係可以唔洗做架啦... 跟住我同阿南就狂小佢... 唉... D 阿叔個個都唔掂... 唉唉!!

又有新發現!! 呢個並唔係什麼工展小姐, 而係GuardForce 既 Ticketing D 女仔!! 仲掂過好多工展小姐~~~

Ce 生日快樂~~

>>December 17, 2003 at 4:15:00 PM GMT+8

2003 年 12 月 15 日 星期一 【晴】

好累呀... 都唔知可以捱到幾時... 相信我o係30 號有假放之前一定會 Sick Leave!!

今日又有四萬人入場啦... 雖然係輕鬆左D, 但係都企足十粒鐘... 眼訓 + 累到極點!!

呢兩日都撞到幾多人下... 今日就見到彭健新 & 楊英偉, 而最特別係居然夜晚買野食時o係場入面見到Vani (以前PCI 同事) !! 原來佢而家做Cashier, 冇見幾個月瘦左D 又靚左D... 未來十幾日都有機會見到佢~~

買野食時"R" 到好多正野... 廿蚊買到4個蟹粉小籠包, 4條珍寶腸, 2塊牛肉 & 1兜魚旦... 勁抵~~ 食Q 大晒~~

>>December 16, 2003 at 4:20:14 PM GMT+8

2003 年 12 月 13 日 星期六 【晴】

Hong Kong International Race 2003: 由於要返工之關係, 所以無緣欣賞今日幾場大賽, 但回家收看錄影帶都覺得極之正!!

至於做野果度, 今朝一開波已經有七千幾人入場(11:00-- 12:00), 之後幾粒鐘都係咁上下人數... 最勁果個鐘有9426 人!! 禁錶都禁死!! Total 有八萬人入場...

過左條5X1 波... 雖然熱熱地... 不過都幾過瘾~

冇時間啦...唔打咁多. 返工!!

>>December 15, 2003 at 12:32:53 AM GMT+8

2003 年 12 月 12 日 星期五 【晴】

終於開幕啦~~ 今早8 點返到去做Ready, 之前話睇Zone C 場就改左睇Sugar Street 果面出口, 帶Q 住12 條o靚去做"Meet"飛, Queueing & Count 出入人數, 由朝真係做到晚, 14 hr 既工作時間中真係除左食飯之外都未停過... 起碼企左12 粒半鐘以上... 累爆!!

我除左帶住佢地之後都有做野, 就係Count 入口人數, 用個表狂禁... 最勁果野一個鐘頭有成5000 人入場, (除返開即係唔洗一秒禁一下!!), 而我做果面因為近Causeway Bay 之關係D 人流更多... 搞到全日差不多禁左二萬幾下表... Total 大概有三萬人入場啦!!

做足成日都未入過場睇過... 不過行過見到D 工展小姐都幾得下~~

2230 放工後o係Tai Wo 出火車前見到傻仔游同佢條女(?!)一齊, 之後出左火車搭電梯又撞到Kwan & 小強... 好橋!

>>December 14, 2003 at 12:25:28 AM GMT+8

2003 年 12 月 11 日 星期四 【晴】

第二次唔見Walkie Talkie... 唔信邪都唔得... 真係衰起上黎有條路!!

本應今早都係如常咁返工, 七點八出門口啦, 正常黎講一粒鐘就到維園, 點知搭搭下KCR 話Kowloon Tong Station 乜鬼鐵路故障, 搞到原本22 分鐘既車程要成粒鐘先得, 結果0910 先返到去...

遲到本身都冇乜問題既, 因為已經打左電話話會遲, ((到呢個時候都仲算正常...))
換完衫之後拎Walkie 啦, 點知用開果款Model 收埋左以為拎晒, 咁拎另一個Model 啦(今日先新到)! 又點知呢個Model 既機又仲未有Hand Free 喎, 咁咪用手拎囉... ((都算Okay 啦!))

咁搞掂晒啦, 咪踩下單車Patrol 囉, 見到出面D 欄鬆門開左咁好正常就綁返佢啦... 點知就出事啦!!
當我放低左部機之後去綁, 有兩個參展商問我o係邊度落貨, 咁我咪指比佢睇囉, 行開左幾步指完後就繼續綁欄啦... 點知綁完之後唔鬼記得拎返部機... 過左成十分鐘先知... 返轉頭已經搵唔到lu.... 唉~~~

如果o係場內唔見的話都有可能係D 工作人員執到啦... 但我放低個位係勁近街邊, 途人伸手都已經拎到... So 都唔知邊個執到... 煩!!

唔見左之後就話比Ricky 知啦.. 佢知道後又小啦... 又要落Statement 又打比山Sir 等等... 不過呢D 野都唔係太唔開心, 因為根據勞工法例最多都係賠$300... 而唔開心既發生o係黃昏既事...


夜晚Take Dinner 時我又係買野返Control Room 食啦... 我快快手食完就抖陣睇下馬經啦... 條死Ricky 無啦啦入黎踢場... 又話我呢樣果樣... 乜乜七七咁... 係又話唔係又話... 成個月前D 野都撩返出黎講... 搞到勁冇瘾... 經過今日之後完全對呢個人改觀!! 唔洗旨意我再同佢講野!! 反枱!!

P.S. 真係唔話黑都唔得啦... 基本上冇以上任何一件事發生的話都唔會唔見機...
如果唔係火車無啦啦故障的話... 就唔洗遲
唔洗遲的話就唔會冇機用, 要用另一款幾千銀既Model (雖然原本果款機都係幾千銀)
唔用果個Model 的話就唔會冇Hand Free
唔會冇Hand Free 的話就唔洗用手拎住...
用手拎住都冇咩問題, 但如果冇果兩個參展商問我野的話就唔會放低部機...
唔放低部機就唔會唔記得拎啦...

一切一切都是巧合... 簡直是"一條龍"服務... 唔認命都唔得!! 唉~~

P.S.2 o係佢話我個過程中... 發覺呢班所謂"阿頭"睇野真係好表面化... 好多野都睇唔到... 跟住D 咁既阿頭真係唔係咁想做... 希望快快手過完個Probation 佢拎正個Title 佢唔做啦...

>>December 12, 2003 at 3:47:43 PM GMT+8

2003 年 12 月 10 日 星期三 【晴】

今日基本上真係做足晒比佢咁滯... 朝早踩單車, Lunch 後就出左大閘打交通, 連Dinner 時買左野食返去都要幫手搬晒D 鐵欄先食... 累~~

至於D 工程方面, 大致上都七七八八啦~ 聽日o係最後一日Move In, 相信都係勁忙!!!

20:00 左右Fat Fall & Tarzan 打來話o係Causeway Bay 果頭, 結果過左黎睇我做野... 好樣衰~~
之後佢地等埋我收工, 昆左個傻仔貴o係Wan Chai 上Chuen Wan Line, 哈哈~~

>>December 11, 2003 at 3:19:36 PM GMT+8

2003 年 12 月 9 日 星期二 【晴】

"做 I/C (<--Inspector) 係最辛苦果個" 之前o係The Orchards 聽Ricky 講過呢句話今日應驗返啦!! 由於今日阿Lok 放假, 所以就由我做Control, 帶住17 個兄弟做野... 結果勁辛苦!!

行情:
0845--1330: Move In 第二日, 雖然冇尋日咁亂, 但係佢地"打交通"都打到踢晒腳, 我做Control 既都落手帶車入場& 協助車輛出入... 陽光極之普照!! 一直曬到食飯...
1430--1930: 又係做... 至慘既係去到三點左右有D 政府官員黎睇(乜鬼"特首副官", 見到未見過!! 仲要有隻鐵馬"傍"住...), 要o係佢駕車隔離Stand By 左成粒鐘... 個太陽又好似同我有仇咁... 曬鬼死我!!
2000--2115: 開頭都幾Free 既... 食完野抖左陣又玩下隻"Angi" (唐狗), 但係收工又要幫佢地搞埋D 手尾先走得... 本應8 點9 左右就閃得人... 結果搞到9 點3... 白蝕左1/2 hr 比佢...

所以話呢... 呢粒花真係唔好做... 話就話帶人做野.. 但係自己又唔係最大果個, 否則真係唔洗做... 最細果個又唔係... 一夠鐘就可以放低晒D 野收工... 家陣夾o係中間真係最尷尬 + 最辛苦既位... >.<

曬足一日... 搞到兩隻手臂都黑晒, 直頭拍得住以前打Rugby 果時!! 最慘既係曬到個鼻甩皮... >.<

>>December 10, 2003 at 3:45:25 PM GMT+8

2003 年 12 月 7 日 星期日 【晴】

放完假又再返工!! 精神仍然不夠 !!

基本上今日可以話係"踩單車日" !! 除左食飯之外大部份畤間都係坐左o係駕"戰車"度 Patrol, 都幾累下!!

新黎左既且事阿彬, 原來以前做生意架!! 睇佢個樣勁肥, 點知個老婆勁靚!! 仲話以前淨係交稅都交三十幾萬一年, 又同我睇過掌, 好鬼準哩!! 講左好多野!! o係佢身上學到好多野!!

聽日開始D 參展商Move In, 就開波啦!!

睇過佢張Poster, 都幾正, 話26/12 果日有EEG D 歌手黎做慈善拍賣, 到時話唔定見到Yumiko 同容祖兒!! 又有工展小姐選舉, 正!! 但可惜o既o係我帶隊果個Zone 除左得個Stage 之外全部都係Show D 葯品等等, 未必有D 後生o既工展小姐o係度!!


夜晚睇返呢幾年既國際賽, 片段真係瀝瀝在目, 猶如昨天發生一樣, 最經典既有數當年馬王"靚蝦王"力追馬后"日平線"僅敗, 日本代表"黃金旅程"最後二百狂追6, 7 個身位險勝"多博", "榮進寶蹄"末段比"電子麒麟"更強的後勁勇奪一哩錦標... 真係好Q 正!! 相信14 號會更好睇, 可惜果日要返工... 唉~~

今晚錄左"娛樂大飲茶", 佢都有講前晚劉青雲D 野, 不過可惜影唔到我, 而"東方"就有一段仔報導, 但係又係冇我相, 不過阿Lok 話佢尋晚睇有線娛樂新聞台見得好清楚... 唉~ 冇有線...冇得睇自己上鏡哩!!

呢排有好多歌都勁正!! 推介以下十首!!
1) 落地開花 Celtic X'mas Mix -- Candy Lo
2) 花瓶 -- Candy Lo
3) 他和她的事情 -- At 17
4) 小星星 -- Mirriam Yeung
5) 舊地 -- Mirriam Yeung
6) 心跳回億 -- Leo Ku
7) 一個鐘之後 -- Patrick Tang
8) 劍尖踫上我的心 -- Jade Kwan
9) 那天很愛笑 -- Twins
10) 十年約會 -- Cheers

>>December 8, 2003 at 5:16:44 PM GMT+8