2004 年 1 月 3 日 星期六 【晴】

最後一日返維園, 返到去成日都係冇野好做... 由10:00 一直坐到18:00 收工, 中途不斷聽歌 & 打機... 同Show Period 果時完全係兩個世界!!

放工由Ingrid 請食飯... 當一到6 點, 我, Andy, Lok, Simon, Fai & Ingrid 一行六人就前往Causeway Bay 食晚... 就係咁, 守左一個月零三日o既Victoria Park 要同佢講再見啦, 希望下年都有機會再做工展會啦!! 不過到時唔止帶十幾人咁少, 而係帶晒三十幾四十人一齊做~~~

去到CB, 一先話去食日本野, 點知去到拎位時勁多人要等成粒鐘先有位, 結果就再選第二度食, 最後就去左JP-CB 果面間Outback 食Dinner, 六條友點左幾多野食, 再加埋幾個甜品之後勁飽... 基本上咁大個仔都冇乜邊幾次食過咁正既野~ 爽!!

結果埋單Total $1500, 全部由周小姐請晒... 估唔到平時(手查) 得咁正黎做既Ingrid 到完左工展會會請我地班Security 食餐咁豪既飯~~ 摶左廿日都係值得既!!

餐飯由6 點一直食到8 點半, 走果時o岩o岩撞到Elaine 同佢個friend 上左商場電梯~ 估唔到真係撞到你呀!!

食完呢餐之後仲有山SIR 果餐, 正~~

最後10 點左右返到Home 聽日又放假... 夜晚要去飲侄仔阿B 滿月果餐~ 後日就可能會返Office 上Course... 總算可以抖抖啦~~~

(等人的滋味並不好受... 等一個想見的人出現的滋味更加難受, 最終想見的人沒有出現的滋味更難以承受...)

>>January 4, 2004 at 6:02:57 PM GMT+8

2004 年 1 月 2 日 星期五 【晴】

今日放假!! 得兩樣野做過 -- 打機 & 訓覺!! 時間表如下:
0300 -- 1200 Sleeping
1200 -- 1330 Lunch & WE7
1330 -- 1600 Sleeping
1600 -- 1800 WP6
1800 -- 2100 Sleeping
2100 -- 0230 Dinner & PS2 + ICQ

訓足大半日!! 搞到而家超級精神哩!!
原來Plan 好想做既野統統都冇做過... 連今日出糧都冇去Check 過!! 但據聞Andy 話上個月(December) 有9 字頭.... 正如Fong Fong 所講: "唔辛苦邊得世間財".... 諗返起都幾累架~~

聽日返埋Victoria Park 最後一日~ 朝十晚六, 放工之後Ingrid (周小姐) 請晒我地D "幫辦"去食日本野喎, 同佢撐左廿日有餐飯食都應該啦掛~~

(I'll never give up!!)

>>January 3, 2004 at 6:15:03 PM GMT+8

2004 年 1 月 1 日 星期四 【晴】

2004 年 1 月 2 日: 大戰過後... 一切回復平靜!! 經過二十日既抗戰之後.... 好悶呀今日!!

自從開幕之後都未試過咁"他條"啦... 返到去淨係睇PICO 同時代班人拆野... 全場有12 條"o靚"幫我手做晒所有野, 基本上o係Control 坐到累就落去踩下單車... 踩到累又吹下水... 超好做呀今日!! 同前排Show Period 時企足十幾粒鐘截然不同!!

人去留空... 睇見D 攤檔一個一個被卸下真係有D 不捨... 當經過Sugar Street 望返D Pool 時個心情更加低落... 畢竟都合作過二十日!!

夜晚玩ICQ, 好耐都未試過玩咁耐lu...

明天又放假... 但係冇街去... 本身話返去Victoria Park 拎返D 野比"死仔", 但又唔係咁想專程返去拎比佢... 不過佢又返埋聽日到時又各散東西喎... 點呢? 睇心情啦!!

阿南今日飛啦... 希望佢過到澳洲果面都開開心心啦~~

( I will wait u until u promise me!!)

>>January 2, 2004 at 6:28:03 PM GMT+8

2003 年 12 月 31 日 星期三 【晴】

踏入2004 年既第一Day, 雖然訓得四粒幾鐘... 但係都唔太眼訓滯... 可能知道今日係Last Day 啦...

工展會的最後一日開放... 人流不算多... 由於阿南冇做既關係搞到要我頂左佢個Patrol 個位, 但係我成日都冇乜理過呢個叫"Patrol" 既位囉... 因為有D 好重要既野o係糖街嘛!!!

今日Last 一日收檔收早左再加上元旦大遊行, 所以覺得D 時間都幾快過下... 但係越快過... 即係代表閉幕既時間越來越近... 個心真係唔係好想囉... 最後到1700 停止賣飛... 代表著第三十八屆工展會正式閉幕.... 要同一班同事講Bye Bye ...

雖然整個工展會得廿日... 不過對一班同事既離開真係好唔捨得... 特別係阿忠& 志遠... 你兩個無論o係工, 私事上面都幫左我好多... 否則都唔會做得咁開心... 希望第時有機會可以再合作過!! 仲有Ticking 班女仔... Wah Mei, 肥妹仔同高妹... 但係... 我最唔捨得既係"你"呀...

諗返呢廿日真係好快過... 真係好好玩... 累得黎真係好開心... 好唔捨得你地呀!!!

>>January 1, 2004 at 5:33:18 PM GMT+8

2003 年 12 月 30 日 星期二 【晴】

Happy New Year~~~

話咁快就一年啦!! 今年係第一年o係工作中渡過新年既, 今日又過D 15 hrs 既非人生活~~ 朝十晚一!! 本身尋日放左假以為夠撐啦... 點知去到4, 5 點時隻眼超痛!! 一直痛到7 點頂唔順又食Panadol, 又去St. John 度洗眼 & 問Ticketing 班女借眼藥水, 最後先至好返少少撐到去0100...

至於倒數方面, 雖然最後都係Stay o係Sugar Street 果面, 不過都見到個倒數牌放煙花~ 都幾靚....
其實今日真係幾辛苦架... 中午時成24 度兼且曬到PK... 對眼又痛到死死下, 再加上企到釘咁滯...又冇得倒數... 但係心情仍然勁靚~~ 點解?? 因為.... 進展良好!! 但得返聽日ja....

已經有好多"曲終人散"feel... 因為今日係大雄, 阿南既last day... 相信好難先見到佢地啦... 真係唔敢想像聽日其他兄弟同埋班Ticketing 女仔走果時會係點...

不過要解決一個好大既問題先... 就係要去訓啦... 明早又返1000, 要0815 起身... 屈指一算... 得返四粒幾鐘訓ja!! 早抖各位!! Happy New Year~~~

>>December 31, 2003 at 7:25:36 PM GMT+8

2003 年 12 月 29 日 星期一 【晴】

唔知係咪返左工既關係啦... 原來唔經唔覺仲差兩日就到2004 年啦...

2003 年12 月30 日日記: (<--唔知點解突然想咁寫...) 今日返到12 點先起身... 絕對係成個12 月訓得最晏既一日!!! 起左身之後打左陣機 (都唔係"陣"啦... 都幾耐下!!) 就出去搞D 瑣碎野... 首先去左恆生打簿 & (手禁)錢, Then 想去睇Game 但冇開... 之後就去左Cut Hair, Cut 左個都幾短既頭... 返到太和就去左百佳掃野食... 返到Home 都已經5 點幾... 不過仲有好多野未做~~

呢排都撞見幾多人, 除左今日出去大中時撞見志鑫, 尋日返工又撞見大光既康校長同埋太古文叔....


聽日返朝十晚一, 首次除夕要o係工作中渡過... 明天的日記恐怕要下年先寫到架啦...回顧整個2003, 當然悲喜交集啦!!

完成左中七之後好唔捨得大光班同學仔....
A-Level 考到一"Pat" 屎咁... 全炒的情況當然唔會開心
跟住就去左PCI "嘔"左幾個月, 雖然搵唔到錢不過學到唔少野
中間Rugby 打到全港冠軍當然開心, 自豪啦!!
冇做PCI 之後就當上一行被人睇低的行業 -- 食蕉, 但係唔知道既人以為著住老西做樓盤以為好高級
之後就去左Hong Kong Hotel 做German Bierfest, 見到咁大過仔以黎都未見過既明星們!! 絕對難忘!!
做完Bierfest 之後升職... 以一粒花黎講我肯定係最細既一個... 人工終於叫"接受得到(acceptable
)" 出黎做野冇耐有個8 字頭都算OK 啦...
侄仔出世, 做左阿叔!!
最後做維園工展會, 整個Period 要對四份一既香港人(180 萬人!!), Newspaper 上講25/12 有21 萬人黎, 呢廿一萬係我地Count 出黎... 覺得自己做既事原來影響到好多人從報紙上睇到既結果, 發覺自己真係做緊大事...


睇見呢排搞D 頒獎禮, 我又想搞先~~

專業推介, Low B 十大 2003:
(1) 容祖兒 我的驕傲
(2) 梁漢文 七友
(3) 方力申 Stephy 好心好報
(4) 容祖兒 我也不想這樣
(5) 古巨基 必殺技
(6) 李克勤 合久必婚
(7) 容祖兒 想得太遠
(8) 楊千嬅 小星星
(9) 楊千嬅 可惜我是水瓶座
(10) 李克勤／陳慧琳 愛一個人
年度至尊國語歌曲: 孫燕姿 遇見

>>December 30, 2003 at 2:21:22 PM GMT+8

2003 年 12 月 28 日 星期日 【晴】

抗戰22 日!! 終於完成啦!! 估都估唔到由7 號開始未放過假都今日都仲撐到!! 終於有假放啦聽日!!

經過24-28 號呢5 日一輪最瘋狂既日子之後, 今日顯得平靜得勁多, 人都只得4, 5 萬到, Easy Job 啦!! 淨係下晝三點左右阿財爺唐英年黎兜左個圈要保護佢緊張少少之外都冇乜野~

雖則挨左廿二日, 但唔知點解唔係咁想聽日放假... 點解? 因為.... 咩囉~~ 放埋聽日之後就只剩返除夕同元旦兩日見到佢ja.... 之後會係點都唔知... 又有些少唔捨得啦....

講講明天放假先, 應該會做返呢廿幾日想做好多既瑣碎事... 包括剪髮, 去Bank, Shoppiing, 改Info, 整Hand Free, 搞電話, 打打機咁啦... 最重要既係要訓覺!! 訓返夠本先得哩!!

>>December 29, 2003 at 4:26:25 PM GMT+8

2003 年 12 月 26 日 星期五 【晴】

今天其實都冇乜野想記下.. 只是想打打字算了~~

原來前兩日Christmas Eve 同Christmas 夾埋有37萬人入場...
單單25 號果日都已經有廿一萬... 唔怪得果日成6 點先食Lunch...

尋日搞D 乜鬼慈善拍賣會... 又話有英皇歌手黎喎... 點知得Maggie, Mandy 同埋果個Koei 黎... 比原先以為有Yumiko, Joey 大失所望...

今日返工都算幾開心... 比夠"o靚"我去做, 雖然都幾多人黎但比起早兩日真係好做好多, 不太累~~ 而最開心並唔係呢D 野.. 係乜? 唔講...

夜晚睇返十大中文金曲, 到而家都仲睇到一半, 睇見張敬軒唱Live 真係好勁!! 阿嬌真係超靚!!!

>>December 27, 2003 at 4:15:19 PM GMT+8

2003 年 12 月 24 日 星期三 【晴】

Merry Chrismas!! 聖誕節做死人!!!

訓左5 粒鐘都冇. 今早如常返1000...
一先都諗住冇乜野, 好似早排D Holiday 咁咁上下人數入場... 點知大出意料!!
一開波頭半粒鐘四千幾人... 之後人數如下: 2, 4, 5, 6, 7, 8, 10, 6, 6, 8, 6, 5, 6 (千)
條Queue 由一點開始起... 排到五點幾... 最勁果時排到包圍左半個維園...

就係咁... o係冇食Breakfast 之下一直撐到黃昏六時正先有時間食野 -- 我的 Lunch!! 冇錯!! 係1800!! 由11 點開始一直企到6 點先有機會坐低... 腳都跛!!

係呢幾粒鐘之內雖然淨係搞分流同Crowd Control, 但都發生左唔少野... 有因為Hold Queue 而鼓譟, 有因為插隊而打架, 亦有排隊排到中暑!! (<-- 暈倒)

今日總入場人數: 100,000 人以上!! So Crazy!! 而最Crazy 的是訓得咁少都仲頂到咁耐!! 都算係一個紀錄~~


放工同Vani 返, 先醒覺佢係Wet 妹一名!!

P.S. 唔知係咪要返工既關係, 即使尋晚食到火雞都冇乜聖誕Feel... 可能正如Sammi 話齋: 都冇朱古力!! 又係喎!!

>>December 25, 2003 at 4:07:25 PM GMT+8

2003 年 12 月 23 日 星期二 【晴】

Chrismax Eve: 熱到嘔泡咁滯... 差D 搞到聽日新聞頭條變成"香港開埠以來首次聖誕節中暑!!"

除左熱死之外, 今日亦喪企左13.5 hrs 以上!! 真係由朝企到晚!! 累爆!!

夜晚班大光仔黎左維園, 由於當時開始人多既關係搞到冇理過佢地, 連咩人黎左都唔知~ Sorry 先~

跟住大概8 點半左右就人超多, 搞分流不特止, 仲要去截人唔比入場, 搞到D 人又鼓譟!! 連埋日頭既打架, 跌親個頭流血等等, 今日真係發生左勁多事!!

最後放工搞佢地時佢地又冇野搞... 算lu... 找"她"... "她"又說去玩唔得閒... 果一種感覺又黎啦...

聽朝又返1000, 今日返完1000 - 0100 之後根本係想死咁滯... 而家都已經3 點啦... 訓得果5 hrs... 唉~ Sick Leave 算啦~~

我的平安夜就是這麼過.....

>>December 24, 2003 at 7:04:11 PM GMT+8