2004 年 1 月 14 日 星期三 【晴】

悶死的一天... 返到Tamar Site 又係咁... 以"最大係我, 最細又係我"o既身份成日Stay o係Control 度冇野好做... 如果唔係買左份東方日報的話相信會悶到發荒~~~
今日罕見地冇"星"到, 坐完Control 出去行下又冇乜客黎... Only 吹水咁就一日!!

明天放假, 加上Doy 生日, 咁就出去大中添置新裝先~~

近日愈咳愈犀利... 睇怕遲下都要睇醫生架啦...

夜晚Check 返以前D E-mail... 再一次睇過一封信... 發覺好對唔住某人....

News of World Carnival -- Twins : http://appledaily.atnext.com/template/apple/art_main.cfm?sec_id=462&showdate=20040114&art_id=3791405#

(ILYE)

>>January 14, 2004 at 5:32:35 PM GMT+8

2004 年 1 月 12 日 星期一 【乍雨乍晴】

日日見住D 星真係有D 厭... 今日又見到啦!! (絕對不是在曬命中...)

今天主角: 2R & Cookies

兩對組合都係第二次見, 首先講講2R 先, 佢地下晝兩點幾黎到影左幾張相同埋玩左D 攤位遊戲, 今次超近距離睇又發覺家姐靚過細妹Race 喎~ 同埋聽到佢地用D 唔鹹唔淡既廣東話傾計都幾搞笑下...

至於Cookies, 呢度真係好似佢地屋企咁... 尋晚十點幾先拍完MV 今日又黎過, 不過今次係做電視訪問同埋玩攤位 + 機動遊戲, 再一次証實係得Stephy 係最正既, Miki 完全係果D "o係旺角都執到幾件o既細路女" o黎o既~~ 見到佢地玩機動遊戲玩到成個傻婆咁真係搞野!!

工作方面, 今日B SIR 冇返, 變相成個Fun Fairs 入面所有Guard Force 兄弟之中最大粒果個係我... 以年齡黎睇差不多最細果個又係我(仲有一個十八歲)... 最唔洗做果個都係我... 你都咪話唔威!! 結果整天大部分時間都在Control 中玩電話 & 發呆..... 聽日情況都係咁樣~~

(所以妳問我點解返緊工都Send 到Msg 比你, 咪因為咁囉!! 完全Free~~)

>>January 13, 2004 at 5:22:23 PM GMT+8

2004 年 1 月 11 日 星期日 【晴】

真係好多星呀呢度...

今日淨係返Centre Exchange Square 個畫展, 1700 - 2100, So 訓到成12 點先起身, 之後玩左陣機先出去, 三點鐘去到Mong Kok Nokia 專門店諗住換過個Hand Free 啦... 點知佢話冇貨喎... 搞到白走左一轉... 跟住返到Tamar 已經成三點半多D, 換埋衫就向目的地進發... 最後四點二到左... 但係個Show 1730 先開始喎!!!

講返個畫展先啦... 都算幾細規模下... 全部都係由一個西班牙人(叫Sofimark) 畫既... 夾夾埋埋得二, 三十幅左右... 佢地幾隻鬼都算幾Nice 下... 人事方面絕對冇問題, 但係就全程四粒鐘都企足晒... 都咪話唔累!!

聽日開始就得返Simon 一個企9 粒鐘... 都係返返Tamar Fun Fairs 好好多~ 起碼唔洗做!!

九點收左檔之後就返返Tamar, 臨走前行左一個圈見到Cookies 喎!! 佢地幾個拍緊MV, 終於都有機會見到Stephy 啦!! 真係好好靚!! 反而Miki 真人就冇Theresa 咁靚啦~ 至於剩下果一個成員... 唔講都知佢咩樣啦~~ 仲有原來Twins 下晝又黎左... 可惜果時我已經去左Centre 睇唔到~~~ Tamar 呢度真係好多星見!!!

又講左之後既去向啦... Tamar 呢度做到26 號就去愉景灣做夜更一 Week... 到時豈不是變成夜鬼...?! 連ICQ 都冇得玩架喎.. 山長水又遠... 車錢時間都徙... 真係與世隔絕咁喎... 真的有點不想去...

放假: 15, 18 至 21 號~~ 有街去搵我啦!!

(呢兩日過得點呀你...?)

>>January 12, 2004 at 4:16:02 PM GMT+8

2004 年 1 月 10 日 星期六 【晴】

星繼續見到~~ 今日輪到蕭正楠黎簽名義賣, Fans 都唔係咁多, 都算Ok 靚仔啦佢... 之後夜少少就有關伊彤(港姐)同埋Kawaii (DJ) 做節目 & 玩, 關伊彤真人原來都幾得架喎... Kawaii 又係Ok 靚女~ 正!!

至於今日返到去冇咁悶啦。。。　可能人多左同埋阿Ken 比個勁串既客投訴, 要幫佢拆 & 寫Report, 再加上睇埋D 星... 都算忙啦今日~~

聽日過去中環交易廣場做Job, 返五放九~ 勁正!! 變相可以放半日假~~

(Coz I Miss You Finally)

>>January 11, 2004 at 5:47:06 PM GMT+8

2004 年 1 月 9 日 星期五 【晴】

再一次見到Twins!!

今日返到去先收到消息話Twins 黎同班小朋友頒獎 & 玩, 由於Twins 佢地本身冇Body Guard 跟身, 搞到我地Guard Force 同大會班工作人員"義務" 保護埋佢地~ (其實大會都冇要求過我地幫手, 但係因為想睇明星之關係So "哄"埋去之嘛!!) 阿Sa, 阿嬌出入都由我傍住... 個距離比上次啤酒節時仲近~~ 正!!

不過今日嚇見阿Sa 靚左好多, 仲省鏡過阿嬌喎~!! 兩次工作中遇見Twins 暫時一比一打成平手!!

之後就到王喜黎幫明星足球隊做慈善售賣, 返左4 日有3 日撞到星!! 到幾勁喎!! 不過尋晚聽夜更D 同事話見到"有野"o係場入面開Party, 仲勁!!!

除左以上兩單野之後就冇野發生過... 成日就睇人玩Game, 安排佢地食飯 & Break, 再加上今日Simon 唔係度要睇埋佢個Zone D o靚... 煩都煩死~ So 今日坐Control 既時間都算少啦~~ Totally 都係好悶既一天!!

P.S. 估唔到原來你同阿Sa 係同學仔!!

>>January 10, 2004 at 7:16:39 PM GMT+8

2004 年 1 月 8 日 星期四 【晴】

尋晚隻眼又痛到死咁滯... So 返到Home 冇耐就訓lu...

今日返到Tamar 都冇乜野, 做又唔洗做淨係安排班細既食飯 & 去Break... 成日又係除左坐Control 之外就係睇人玩Game... 下晝Shine 黎簽名睇左一睇同埋夜晚Wah Mei 同佢條仔黎左玩, Total 黎講都幾悶下~~

拎左假啦, 15, 21 同25 號放假!!

(Sorry 呀... 我唔知原來你等我Online... 聽日再見過啦!!)

>>January 9, 2004 at 6:12:42 PM GMT+8

2004 年 1 月 7 日 星期三 【晴】

(身體不適 日記暫停一天)

>>January 9, 2004 at 1:27:08 AM GMT+8

2004 年 1 月 6 日 星期二 【晴】

Second Day Of Fun Fairs In Tamar: Simon 落埋黎幫手, 佢今日第一日報到既表現的確令我刮目相看!! 經過工展會既磨練之後硬淨左好多呀!!

今日B SIR 冇返, 得返我, Simon & "冇料的一粒花" 坐陣, Simon 一黎到就即刻勁執佢D 錯處, 搞到佢都慶慶地, 我見個勢咁好就梗係火上加油啦, 結果爭回不少主導權返黎... 最後到下晝佢Call 左Ricky 落黎四條友傾掂數... 一切正常丫~~

聽日就到個"冇料的一粒花"放假, 我同Simon 就一定o係B Sir 前搞風搞雨架啦... 希望用最快既時間去幫工展會班兄弟爭回最大的利益!!
(註: 點解要咁做呢? 係因為由工展會落去班兄弟同原本Fun Fairs 班地圧搞到打晒架... 咁我就梗係要執執呢班"未見過世面既廢人"啦!!)

不過又有一個Bad News 傳出, 就係Simon 都唔留得好耐, 遲下實走... 到時得我同埋"冇料的一粒" & B Sir 拍... So 呢幾日對未來個勢係極之重要!!!

講返其他野... 真係好多星黎喎呢度... 今朝又見到GiGi 同古天樂黎玩, GiGi 真人都算OK 靚女... 古仔真人又幾型... 成日黎講除左一兩單爭吵之後都冇乜特別野... Totally 又係算OK 開心的一天, 又因為佢囉~~

今日開始有少少咳啦...(其實都唔"少") 佢病我又病... 哈哈

(多D 休息啦~~ 如果唔係把聲唔會好返架~~)

>>January 7, 2004 at 6:04:23 PM GMT+8

2004 年 1 月 5 日 星期一 【晴】

新地方新挑戰: 今日正式落去添馬艦幫手, 去到果度....

首先係地點問題, 由金鐘MTR Station 行去都要成十分鐘...
跟住係食野, 基本上最近得一間大家樂, 仲係cheap 到爆果隻... 細到你唔信, 又冇野食... 如果想食其他野就要行得幾遠下... 一來一回半粒鐘囉!!
之後就係Toilet, 全部都係流動廁所... 周圍都冇建築物... 搵個靚少少o既"mou" 下都冇...

而最大鑊並唔係呢D 場地問題, 而係Guard Force 入面既問題:
Control Room... 同工展會比真係冇得揮... 冇冷氣冇抽氣扇冇衣架兼勁亂, D 野周圍放不特止... 仲要連埋隻Patrol Dog "Ken Gi" 都入埋黎訓... 廿九個兄弟姐妹再加一條狗用一個叫Control Room 既貨櫃入面... 恐怖程度可想而知...

至於D 人方面, 聽佢地講班"白板仔"見到我落左去經已冇咁串, 但係自己所見到都仲係攬晒D 野黎做... 又分返"地圧"同"工展"兩邊... 睇黎呢檔野真係唔好搞... 快快手去到2月 9號完左佢算啦!!

講返開心野先, 估唔到第一日去到Tamar 就見到幾多"星"下!! 朝早開波見到Edwin 黎玩, 到5 點就Neway 搞Function, 有方力申, 林嘉欣, Shine, Edmond 同Ronald 黎, 林嘉欣真係靚過上鏡超多!! 靚既程度拍得住阿Race!! 反而天佑, 又南同Ronald 就勁醜様... 哈哈

撞完D 星, 又比我撞到咸魚同捷捷喎!! 佢地兩公婆居然o係呢度比我撞到喎!!

不過今日相信都只得二, 三千人黎... 成日除左坐o係Control 玩電話之外就係睇明星 & 睇人玩Game... 同工展會比真係冇乜野好比... 冇野好做!! Actually 今日除左工作之外都算係開心既一日,
因為可以同佢Keep in touch 嘛!!

(小心身子呀!! 唔舒服就抖多D 啦!!)

>>January 6, 2004 at 5:47:40 PM GMT+8

2004 年 1 月 4 日 星期日 【晴】

個賤人Ricky 又一次出爾反爾!! 再一次証明呢條友信唔過!!!

今日佢打黎話聽日著老西返Office 做野, 問佢做乜又唔講, 心諗都由得佢啦~ 返咪返囉!! 但到左黃昏呢條友又打黎話叫我唔洗返Office 啦~ 聽日同志文兩個返Fun Fair.... 又要返十二粒鐘!! 當堂冇晒癮!!!

聽日去到添馬艦既首要任務係重整旗鼓, 聽阿忠佢地講話果面果班"白板仔"(冇花既普通Security) 勁串... 又話比人恰等等... 明日一戰似乎對日後發展極之重要!!!

至於今日放假... 大部份時間又係打機訓覺... 夜晚去左明星為阿B 滿月食飯, 兩枱人又食左四千幾銀~ 連續兩晚食埋D 正野... 爽!!

(Miss You So Much!!)

>>January 5, 2004 at 5:54:46 PM GMT+8