2004 年 1 月 25 日 星期日 【晴】

1月26日, 都算係Tamar一個中轉站, 因為唔少同事做埋今日就離開Guard Force...

今天11:30 返到去冇換到衫, 著住便服派晒D Walkie Talkie & 編好食飯時間之後13:30 就出左去搞我私人D 野...

首先過左金鐘廊行左陣屈臣, 買左D 野之後就去左Heng Sang Bank 禁錢 & 出本票For 補領張保安証用, 搞掂左之後就搭MTR 過左Causeway Bay 整Hand Free, 去到除左換左個新Hand Free 之後仲有意外收穫 -- 幫我部N-Gage 整到睇到中文, 原來入個九方輸入法個Progamme 就OK~~ 正!! 仲知道FIFA 2004 N-Gage 版已經出左, 但係當時冇貨, 否則實買黎玩!!

o係搞Hand Free 等拎中途食埋個Lunch, 搞完就過返Wan Chai 搞保安証啦... 又要上去繳費又要落返樓下7-11 影印之下都幾麻煩, 最終OK 晒行返Tamar 就16:00, 哈, 返1130 到1600 先正式開工,一次過可以做左大部份一定要做既野~ 爽!!

返到去咪咪又係咁, 冇乜明星到做Show, 反而就見到劉以達同佢D 屋企人黎玩, 佢真人都係傻下傻下啦... 行步路都搞笑過人... 哈哈

而七點幾時出左去個場兜圈時居然撞到Kwan 同小強喎!! 當時佢地玩左三百幾蚊都只係得隻細公仔, 仲以為佢地會"頭Dump Dump" 返屋企啦, 點知放工時同Kwan 傾開先知佢地Last 玩Game 時比個攤位Supervisor 賣大包送左隻特大公仔比佢地, 都算幾好彩(因為平時呢D Super 都"手查"得幾正黎做)~~

至於班同事方面... 繼尋日阿遠走左之後今日唔少人Contract End, 包括我果Group 既Ken, 忠, 茵等等由工展時一齊拍檔既好兄弟... 佢地走果時真係好少少唔捨得... 不過佢地揀唔做都啱既... 因為呢一行真係唔可以長做落去, 希望第時仲見得返佢地啦~~

聽日又唔少新人落黎做... 又要花心機去教佢地點夾... 唉~~

(渡假中呢...玩得開心D 啦)

>>January 26, 2004 at 5:50:30 PM GMT+8

2004 年 1 月 24 日 星期六 【乍雨乍晴】

今日睇見東方頭條"自遊行打尖 纜車站粵港大混戰" 呢件事因為"排隊文化" 而發生.... 想講既唔係呢單新閒, 而係近排所見到既一D 事情...

首先想講返前兩日搭MTR 啦, 因為新年勁多人迫MTR, 咁本應o係Kln Tong 上車去TST 迫一陣都該得OK 既... 點知去到中途(Around Mong Kok) 時比幾個菲律賓藉女仕(<-- 唔用"賓賓"黎形容佢地其實真係好尊重佢!!) 迫鬼埋一齊, 其中一個就迫得勁埋, 本來又係覺得冇乜野既, 但係就愈來愈過份個"後尾枕"挨鬼住我隻手度!! 我已經用手掙頂左佢幾野佢都照黐埋黎狂同佢班"賓friend" 吹水... 大佬呀... 我果時著住套黑色西裝要去返工架... 最PK 既係佢個頭都唔少頭皮... 頂佢個肺!! 佢明知我已經"怒Beer" 佢都照傾可也... 真的比佢吹涱!!

仲有就係o係KCR 上發生D 野(又係搭車...), 話說又係o係呢幾日新年時期勁多自由行既同胞們落黎玩... 咁搭火車都好自然丫... 但係果朝一開車門... 哇... 半個地下都係行李, 再加半個地下都係人, 一D大陸人坐鬼晒o係D 行李上面, 一D 就痞左o係地下... 其他就一個人攬晒成條柱... 而最恐怖既係: 原來一排坐位可以坐到6 個人架喎!! (注意: 正常係四個位), 眼見一對港人情侶可憐地被迫埋左一邊... 其餘就見到四個"自由人"夾硬迫住呢對港人坐... 睇見個HK Girl 勁無奈... 我睇到都係勁無奈... 更無奈既係由Tai Wo 去Kln Tong 呢廿幾分鐘車程之中我係完全聽唔到塞左o係耳仔既MP3, 事實係比呢班自由人所發出既嘈音完全遮蓋....!!

經過呢兩件事之後, 好憎兩類人: 自由行 & 賓賓!! 真係架!!


回說今日返工情況先啦, 今天的主角是Cookies, 佢地四個搞新碟簽名會... 佢D Fans 有D 尋晚四點幾已經排隊... 都幾Crazy... 而簽名時場內既"觀光"人數都幾多... 同之前Twins 比真係不相伯仲!!

除左果段時間真係要郁之外, 成日主要都係o係Control 度打Game Boy Advance SP 同埋編更, 都唔算幾累今日~~

但係又對呢份工有少少見解... 時間真係太長啦... 好似今日傻明& HYK 班Friend 搵我去玩都玩唔到... 點算呢...?

(一帆風順!! Wait You Back!!!)

>>January 25, 2004 at 6:16:46 PM GMT+8

2004 年 1 月 23 日 星期五 【晴】

初三赤口: 今日都講得幾多"死"呢個字... 哈哈

經過上年(羊年)年尾休假同埋前兩晚半放假狀態之後, 今日重返Tamar, 又返返朝晚十一點半既生涯啦.... 今日終於都齊返晒人... 帶返一個Zone 既人去做野.... 成日都要搞佢地食返 & 去Break D 野... 再加上今日入場人數都幾多(我諗有二, 三萬人啦), 又多事發生, So 都幾煩...!!

一到夜晚隻眼又開始痛啦... 雖然冇之前工展果日痛得咁犀利, 再加上一痛就o係Control 入面訓左陣... 不過都幾辛苦下... (都痛左好多日架啦... 搵日又要睇睇醫生先!!)

本身隻眼痛緊想早少少訓... 但係而家又有皇馬直播睇喎... 都係睇埋先訓... 死就死啦!!

>>January 24, 2004 at 7:02:06 PM GMT+8

2004 年 1 月 22 日 星期四 【晴】

Happy Lunar New Year~~ 踏入猴年, 在此恭祝大家賭錢長輸長賭(比我羸晒), 有女變冇女, 冇女既繼續冇女(比我媾晒), 哈哈~~

基本上呢兩日都可以叫做半放假狀態, 尋日(初一)訓到成二點先起身, 到六點就去Inter-Continental Hotel (香港洲際酒店)度做Event -- 花車巡遊, 呢晚其實都唔洗做滯... 淨係唔比D 街客上Walk Way 度睇花車, 七點On Post 十點走人, 爽!!

至於今晚, 都係Continental 度做, 今晚就睇煙花, 雖然去左佢Hotel 間Resturant (叫Steak House)入面"豆" D 街客, 淨係睇到90 度無敵大海景(因為有部份比條樓梯遮住左...), 不過都睇到維港D 煙花, 特別係最後三十秒, D 煙花多到成個See-View 都滿晒... 正到爆!!! 今晚就六點半開工九點半收工, 都係三粒鐘!! 但係就做得幾多野... o係呢段Working Hour 入面國, 粵, 英語都用過... 勁~~

今晚比兩個日本妹問過路, 發覺佢地講英文真係好得意~~ Kawaii 哩~


呢兩晚再同返Event Team 其中幾個同事一齊做, 同佢地傾返工展之後既事, 發覺佢地都真係幾正, Andy 返返The Orchards 之後真係唔洗做!! 日日o係Show Flat 入面D 床訓起碼5粒鐘, 仲要返朝十二晚六(本身係朝九晚八, 但係佢鐘意返幾點就幾點)冇王管果隻!!

志文就返夜更Fun Fairs, 原來佢地夜晚又可以有兩三粒鐘攞正牌訓覺, 仲任玩D 攤位遊戲, 之前工展果時就晚晚有勁多野食... 咁樣比較落去原來我坐Control 做Commander 都唔算舒服架喎!!

睇返呢兩晚真係筍到爆啦.... 返三粒鐘就計你返足一日工(一日工錢: ~ 三百幾啦), 再加上新年津貼$150 一日, 呢兩晚返三粒鐘就搵四百幾... 除返成百幾蚊一粒鐘.... 正~~

("人大了珍惜今次不可有下次 成熟了每天都要精彩過舊時" -- 歌詞From 飲歌)

>>January 23, 2004 at 4:54:12 PM GMT+8

2004 年 1 月 19 日 星期一 【乍雨乍晴】

手尾陸續有來... 死啦!! 原來今次唔見銀包都幾大鑊(指錢方面)!! 補領身分證要成$700, 因為要換智能果隻!! 跟住回鄉咭果度又要比個Double, 又係七舊水... 唔知整唔整好 ... 一係申請特區護照算啦... 不過都比想像中貴... 我諗前後要二千幾蚊啦!!

今天雖然很冷, 但我的心卻十分之暖哩!!

今早返左Office 搞報失D 野... 剩係搞到張Guard Force 職員証, 而張保安証就因為之前唔記得報失冇張報失紙搞唔到... 要我親自拎去灣仔搞... 淨係搞呢兩樣野都搞左成粒鐘...
之後十二點幾先返到Fun Fairs, 係呀!! 今日要返工呀... 佢話唔夠人丫嘛, 再加上尋日班細既"冇王管"話要我返去睇住佢地喎... 返到去既時間過得超快!! 一下子食完Lunch 以經三點幾, 之後Stay o係Control 又睇雜誌 & 吹水吹到五點幾... 再跟手出去會場度兜兩個圈, 傾傾電話(係呀! 同妳傾嘛!!)同埋Mark 低聽日加開既Token 之後又食Dinner 啦... 食完再搞埋聽日我放假D 手尾, 講低聽日D 人點擺 & 食飯安排又到收工時間~~ 認真爽!!

今日返到去見到一個以前The Orchards 既同事, 再加上又有個工展Ticketing 既黎埋做, 即刻諗返以前D 野... 發覺自己真係唔同左呀... 特別係夜晚"Breef"佢地果時真係覺得自己變左個真正既Commander, 我諗Ricky 叫我周圍走去學野都係想變成咁... 一個十九歲o既死o靚仔好認真地同廿幾個全部大過自己既長輩咁樣落Order 法而佢地又收到o既, 真係覺得自己幾勁.... 哈哈(又發傻中....)

聽日又放假... 不過仲要搞好多野.... 要去火炭拎住張Termpory ID Card 先, 跟住又要去Tai Po Police Station 拎張報失紙again, 之後再要走去大中拎証件相, 仲有去灣仔搞保安証... 年三十晚搞得幾多樣...? 我諗做到一半都已經好好架啦....

(至衰你又唔得閒啦... 又要返工又要團年....)

>>January 20, 2004 at 6:29:33 PM GMT+8

2004 年 1 月 18 日 星期日 【雷雨】

唉... 放假其中半日去搞尋晚D 手尾... 首先去返太和商場同埋百佳去問佢地有冇見到個銀包.. 冇之後就出左大中恆生Check Check 條數... 好彩冇事啫~~ 心情都好返少少...

跟住再走去大埔警署報失D 野... 咁大個仔第一次入警署!!!
報完之後再返去政府合署搞身分證, 返去之前行左陣Jusco 買左個銀包 & 一對Nike Dunk Low -- 為提款咭D 錢冇比人禁晒而慶祝!! Total 用左成七舊水!!!

行完之後就去留下個政府合署啦... 點知搬鬼左去火炭喎!! 你話黑唔黑丫... 十幾年冇變過既地址居然到而家先變.... 搞到要遲下先搞得返... 煩~~~


經過今次呢件事之後... 知道/明白左好多野!! 希望大家睇完都記一記低佢丫!! (真係架... 真心推薦!!)
(1) 袋銀包唔可以咁隨便!! 唔見左真係好大鑊!!
(2) Password: 真係唔好用出生日期 or 身分證號碼!! 尋晚成晚係驚張提款咭比人知左Password 禁左D 錢去!!(我之前係用出生日期做Password!!!) 自此之後一定唔會用呢D 咁易比人估到既數字!做密碼!!
(3) Relationship: 唔見左銀包之後我真係乜都冇晒... Eason 的<我什麼都沒有>歌詞即刻o係腦中出現..."我沒有我沒有沒有"... 今日出街前都係問屋企人拎住五草野出去ja!!!
(4) Keep 住以前D Cert./ 工作証: 基本上而家冇任何野証明到我係"Lau Kin Hung"呢個人, 完全缺乏安全感!!! 唯有靠以前張准考證同埋工展張工作証可以頂住先....
(5) 老土都要攝張紙仔落銀包度, 連同貼上郵票& 寄往警署的信封寫上"如有拾獲, 錢可以任拎, 拎完之後請張本人証件放上信封寄出, 十萬感激!!"... 真係要咁做... 起碼如果執到果條友好心少少的話可以幫到你唔少...
(6) 極之討厭扒手!! (因為我懷疑係比扒手扒左去!) 為果少少錢偷左人地個銀包... 搞到人家"呢咁Hea"... 以此為例, 佢偷到既只係五舊水左右... 但係我要搞返晒D 野連本身冇左D 錢Total 要成千五蚊以上.. 正仆街!!
(7) 原來好多野成日提住都唔知... 年近歲晚, 請小心保管自已財物, 呢句說話睇警訊都聽得多... 到而家至發覺:"真係架喎!!", 同埋明白每一樣野講得出既, 背後緊有佢自己既理由!!

不過最明白既係以下呢句: "所有用金錢解決到的問題就唔係問題" 除左尋晚驚提款咭D 錢比人拎晒之外, 今日煩既都係煩去搞返晒D 証件 同埋唔見左D 私人相... 果千幾蚊咪當輸左幾場馬囉... 之後要去補領身分證, 回鄉咭先係最煩!!

既然黑成咁... 今晚繼續買波, 想羸錢既唔好跟!!
首名入球: 101 舒利亞 (4.5) $70
105 羅拔 (9) $10

(差不多廿日啦... 幾時先可以再見到妳呀...?)

>>January 19, 2004 at 5:08:50 PM GMT+8

2004 年 1 月 17 日 星期六 【雷雨】

唔見左銀包呀..... 唉.....

內附:
現金四百二十元
中銀提款咭一張 (數百)
恆生提款咭一張 (數千)
身分證一張 ($390)
回鄉咭一張 ($330)
八逹通一張 ($50)
Guard Force 職員証一張 ($100)
保安証一張 ($160)
相及其他咭片証件大量...

補領晒以上既野已經夠煩... 希望提款咭入面D 錢冇比人(手禁)左去啦...

>>January 18, 2004 at 4:27:46 PM GMT+8

2004 年 1 月 16 日 星期五 【陰】

Last Day of Tamar Site: 返工前個心態都係咁諗, 但係點知去到三四點時Ricky 打來又話暫時Hold 住唔洗咁早去Discoveryway Bay 喎... 4 日假照放大年初一繼續返返Fun Fairs 呀...

不過都唔知堅定流架姐... 放工時都執晒D 野走先... o係變動咁大既情況之下呢4日都唔知會發生咩事, 話唔定後日就叫我取消休假即刻返DB 都有!! So 廢事到時拎黎拎去都係執左先算~~

暫時告別Tamar 先啦... 今日為我送行既Artice 有Kelly, 佢今日黎幫佢自己個兒童助學基金做慈善拍賣, 拍左粒幾鐘就走人... 都Keep 到"Tamar 日日有星到"呢個傳統啦~~

講返Kelly 真人先啦, 今次見佢真人冇上鏡咁靚同咁高... 都有少少失望.... 至於佢拍賣D 野都幾受歡迎, 其中一條底價$500 既頸鏈比人bit 到$6000 成交, 認真利害!!

今日成日除左睇Kelly 睇左兩粒鐘之外大部分時間都係做一D Hand Over 既野, 同班兄弟交低晒未來四日既安排同埋最終遺言... 希望仲可以返到去啦~~

夜晚同忠, 遠去分域碼頭食McDonald's... 食食下居然有煙花睇!! 無啦啦幾幢大野(解放軍, 會展, 中銀,etc)齊齊放煙花喎, 雖然唔係好大規模果隻, 不過都勁正!!

明天放第一日假, 不過留返黎跑馬... 真係好耐未睇過我D馬仔啦... 咁啱跑董事杯~ 正~ 夜晚就同家人團年~ 要度度睇下有冇時間去跑步先得... 盡快操Fit 返自己...(不過老實講... 如果聽日有時間跑400m, 跑到1:10s 都已經好好架啦...!! 畢竟成半年未做過運動!!)

(時間唔夾就真係唔夾....唉)

>>January 17, 2004 at 6:18:45 PM GMT+8

2004 年 1 月 15 日 星期四 【陰】

再一次見到Twins: 今日佢地又黎Tamar 啦~ 今次係搞佢地既新唱片-- Twins Magic 既發佈會, 又一次近距離見到佢啦~~ 今日黎講都係阿Gill 靚D~ 2比1 領先!! 佢地做完訪問之後就玩左Round 迴轉木馬就走lu... 返左呢度之後成日都見到佢地...再咁搞落去同佢地做埋Friend 都有可能!!!

不過都冇得再"搞" lu... 今日條Ricky 打黎話提早19 號去愉景灣呀... 即係返埋聽日Tamar Site 就要走啦... 亦都因為要過DB 搞到原本放假放18 至21號得返18 號果日可以放到... 又係咁樣... 返左咁耐工真係都冇試過放孖Day... 本以為年尾有啦... 點知而家又.....

好耐未唱過K(好多新歌想唱呀!!)... 好耐未跑過步(唔跑點考差佬呀)... 好耐未睇過戲(我講左好耐我想睇無間3)... 好耐未行過街(買波鞋!!)... 好耐未打過波(好肥啦我個身已經... 再唔郁變肥仔架啦!)... 仲有好耐未睇過馬(Live, 真係幾個月都未睇過)!! 呢D 原本Plan 好年尾果四日假一次過做晒佢既... 點知而家得返一日... 仲可以做得D 乜??! 唉~~~ 仲要年三十晚都要開工... 冇陰工囉~~~

補返尋日漏左既野先: Doy 生日快樂~~ 森 生日快樂~~~

(希望妳後日得閒啦... 否則直至Tamar 呢個Site 完左我都冇時間去到World Carnival 玩啦)

>>January 16, 2004 at 6:53:23 PM GMT+8

2004 年 1 月 14 日 星期三 【晴】

Day Off: "辛苦" (<--指既係坐得好辛苦...) 左九日, 又有假放啦!! 今日九點左右醒左醒, 打左電話返去同班兄弟講低晒今日要做D 野之後訓到成兩點先起身~ 訓醒後就玩機玩到六點幾, 之後就出左大中同Doy 慶祝生日...

去到元綠,同 Doy, Nickin, Choi, 鑫, Gap & His fd 七條友就狂叫野食(好似唔洗錢咁!!)... 食呀食食左粒幾兩粒鐘, 基本上成間舖頭好食少少既野都Order 晒... 結果最後埋單千二蚊~ 好在Doy 生日有半價, 否則六個夾每人成兩舊水都幾溶下...

食完之後本身想買對Nike Dunk Lo, 但係可能出左成兩個月行左幾間都冇貨... 遲下出Mong Kok 買或者叫Chi Man 幫我拎先~~~ 行完之後就去左Nickin's Home, 去到都冇乜野做... 佢地各有各打機, PS2 玩高達又唔啱我玩... 玩左兩舖之後就睇下Newspaper & Send 下SMS 就算, 最後差不多十二點返到Home

- 新DL o既ICQ 2003b 又係壞壞地... 睇唔到人地Info 之餘仲要次次開機都要Login... 超級唔好用!!

- 話時話... 如果今晚冇Discount 的話都幾唔抵, 千二銀都係食D "濕星"野... 下次要食的話走去CB 再食Outback 好過~ 上次千五蚊食到幾多好野!!

今晚買既波:(前排冇Post 出黎結果果段時期買親都全部輸鬼晒...)
祖雲達斯 W (1.75) X 拉科魯尼亞 W (1.7) 2X1 $100
拉科魯尼亞 主其他 (52) $10

(唔知點解... 一聽起"勉強幸福"就諗起妳!!)

>>January 15, 2004 at 5:12:18 PM GMT+8