2004 年 2 月 4 日 星期三 【晴】

今晚又要上PCCW 個Training... 本身18:45 去到Hung Hom 再搭小巴去都仲OK 既... 點知勁多人排隊搞到等左三班車先上到車... 19:10 到Guard Force Centre 啦... 個Training o係1/F 度上, 但點知去極都去唔到喎... 街樓梯又開唔到對防火門... 搭Lift 又唔停1/F... 一先以為自己撞鬼... 最後成19:20 先入到Training Room... 原來要從1號梯過去既!!

到去個Course 仲未開始... 原來個個等緊我... 唔洗咁誇張呀化... 結果個for Issuer & Supervisor 既Training o係"隻眼開隻眼閉" (<-- 即係釣魚!!)之下完成... 21:30 上返3/F Control Room 返工!!

返到去又係做緊要事先啦!! 食完個Dinner 之後就開始做Clerk 既工作: 入Data... 今晚多少少野做... 差唔多做到兩點先做得完... 做完之後又係打機打到天光... 又係玩"接龍", "彈珠台", "踩地雷" & "新式接龍" 呢四大天王... 悶死~~

話時話... 玩得多真係勁左... 好似玩踩地雷咁, 玩中級90 秒唔洗就Finish, 速度快到唔洗諗咁滯架... 而玩彈珠台就玩到五百幾萬分... 超勁~~

最新消息, 返多兩日夜晚, 到SUNDAY 就放假, Next Monday & Tuesday 就返日頭又上Training... 再之後返日返夜就等Office 班五, 六粒花既大佬去決定...

招聘廣告: Guard Force 請派PCCW黃頁o既Supervisor, 返7,8,14,15,25-28 Feb, $30/hrs, F.5 Level, 18 yrs or above, 各位想做的話今晚(6/2) 23:00 之前Contact Me, 97793381, lauliu


(遲來的電話.. 總好過冇到!!)

>>February 6, 2004 at 3:14:17 AM GMT+8

2004 年 2 月 3 日 星期二 【晴】

今晚要提早19:00 去到灣仔上Training... 搞到訓得果五粒鐘兼且冒住雨趕去聽PCCW D 員工講野... 結果聽左都好似冇乜用咁... 都唔知咁緊張做乜....

唯獨是可以見返到一班工展會Tricketing o既女仔包括高妹, 肥妹仔等等啦, 仲有你啦~ 我諗之後又可能要改口啦... "黃頁班Promoter" 都啱黎形容你地喎~~

上完個唔多關事既Training (真係唔太關事... 因為都未必會去做派黃頁呢個Job)之後就要返工啦... 搭完船再搭的士返到Office 之後第一件做既事就係... 食飯!! 同成個Patrol Team D 人出左去食晚飯, 雖然同佢地冇乜野講... 不過都Feel 到自己融入緊呢個家庭度~~

食完飯返到去又係入Data... 由於冇之前幾日積落D Data 既關係, So 做左一粒鐘已經搞掂晒D 野... 十一點左右已經開始Free... 不過East Point Team D Information 聽日開始要, 結果成晚同Simon 輪流將佢地要Patrol 既Check Ppoint 逐一翻譯做中文... 一整就整足一晚... 收工前仲有Kowloon D Check point 未譯晒... 留返聽日再做啦~~

夜晚食飯時同阿基傾開, 話做埋聽晚夜更會放返日假之後轉返做日頭, 到時對住班大老細相信會幾驚... 相比之下返夜晚就得返三幾個Officer o既Office 自由度大好多... 不過都Try 下先啦~~

(^.^)

>>February 5, 2004 at 3:02:26 AM GMT+8

2004 年 2 月 2 日 星期一 【晴】

繼續返夜... 我諗之後半個月都係咁架啦...

由於今晚阿基都出左去Patrol, So o係Office 做完手頭上D Data 之後大概十二點左右已經開始百無聊賴... 成晚玩電腦玩到收工... 至衰又冇Password 上網... 部機入面又冇Game 喎... 搞到齋玩"踩地雷"同"接龍"玩足9 粒鐘到09:00 收工...

睇落去返左Office 做Clerk 之後真係冇乜野好做... 不過真係幾無聊下... 點算呢??

聽日(即係今晚) 七點要去上Training For 之後派黃頁果度... 搞到又要訓少兩粒鐘... 就死~~

>>February 4, 2004 at 2:39:10 AM GMT+8

2004 年 2 月 1 日 星期日 【晴】

返Control 做既第一晚... 亦都係返左咁耐工以黎第一晚既通霄...

21:00 返到去主要都係跟住阿KI 學野... 成晚幫佢打晒D Data 入電腦度到3,4 點開始冇野做啦... 周圍Click 下公司D File, 狂睇D 同事既Personal Information (雖然有D Cheap... 濫用私權咁...), 知道左好多公司既運作等等... 跟住到5 點幾就出左去飲早茶... 飲完之後返返Office 都係冇乜野做就放工!!

返到去Office o既感覺同之前工展& Fun Fairs 完全唔同, 之前就做大佬, 而家返到去無論以Title 同埋年齡最細都係我... 完全變返一個乜都唔識o既o靚仔, 不過要做既野都係負責Patrol Team & East Point Team D 資料入晒落電腦度... 嚴格上變左個Clerk... 不過好彩o既係佢要求去做既野相信都Handle 得到... 希望o係未來既日子上面日日對住班大老細會令我升職升得更快啦~~

o係Check 公司人事Data 之中, 証實左成間公司廿歲以下既得廿幾人... 而以Security Officer 黎講我真係最Young o既一個, 咁即係19 歲做SO 都係一個異數...

>>February 3, 2004 at 2:02:15 AM GMT+8

2004 年 1 月 31 日 星期六 【晴】

二月份既第一日, 亦都係Fun Fairs 既最後一日....

今日返到去... 本身都冇乜野... 把聲都仲係沙沙地... 到食完Lunch 之後情況就急轉直下... 首先勁咳... 到把聲開始冇啦... 講親野都要大大聲講& 走晒音... 再跟住到隻眼痛... 條脷又比隻牙"界"損左... 食唔到野滯... 呢頭未痛完果頭又到個頭又痛埋... 痛到直頭趴左o係Control 張枱度訓, 中途仲比Simon 叫我Call 白車送去醫院睇睇... 到九點鐘食飯前個胃唔知點解又痛起上黎... 可能係太餓既關係啦... 直至食完個Dinner 之後開始舒服返少少...

總括黎講今日真係超辛苦... 眼, 頭, 喉嚨, 脷 & 胃都痛過..... 死!!

至於工作方面... o係病到九彩之下完全冇理過出面發生過咩事... 淨係到23:00 佢地D Counter Ass. 收檔要出去睇睇佢地收工提防佢地偷公仔走... 結果今晚係第一次"準時"收工, 班兄弟23:30 先走得!! 差D 連火車都冇得搭返屋企!!!

再一次曲終人散... 睇見佢地班後生仔女工作人員o係World Carnival 之中識到好多同自己啱傾朋友真係幾羨慕下... o係兩類工作(保安 & 攤位助理)相比之中, 我o係呢個Job 之中淨係識到一班令我嘔血既阿叔都真係幾悲哀...

不過回顧返落左黎Fun Fairs 既事先啦... 講真其實真係令我又見識到更多野同埋自己都覺得自己成長左, 仲有一切事情都發展得好順利~
首先開頭落到黎個目標係要搞返好自已工展會果班兄弟咪同地莊班友打架... 結果事情好快咁分左三個Zone 你還你我還我, 之後又同佢地爭取到一日食兩餐& Fair Position, 再跟住大部份權力去返我果邊去個Commander, 到最後呢幾日我病左都可以Run 得咁順利, 自己唔洗做都搞得掂~ 諗返起都真係幾勁, 仲因為呢個Job 而傳聞我會升做SSO, 所以都真係幾開心架!!

聽日又有新開始 -- 返Office Control 學o野... 開始踏上做高級督察(SSO)之路!!


同阿游講聲Sorry 先... 比唔到Token 你!!

前兩晚D 波... 唉.... 全中喎.... 過下一關過下又一關.... 無啦啦過晒關喎... 收返D 錢總算減輕我不才唔見左個銀包既負擔!! 哈哈~

(嘻~ 十三分鐘!!)

>>February 1, 2004 at 7:08:26 PM GMT+8

2004 年 1 月 30 日 星期五 【晴】

死啦~~ 失聲啦~~~~

今日越咳越勁... 本應都冇咩野... 點知去到下晝就有少少喉嚨痛... 再跟住到夜晚就聲沙... 收工時已經變晒巴聲... 講親野都走晒音咁... 好驚聽朝一起身講唔到野呀...!! 聽日點都再去睇睇醫生先!!

至於工作方面... 咳足成日都冇乜出過去巡過, 淨係食完Lunch 周圍派咭片, 搵 Token 妹同埋D 攤位助理去做遲下黃頁個Job (其實係受Sammi 所托幫手招兵買馬, 變相做左Promoter!!), 之後四點幾睇住Shine 同埋其他演員拍百事可樂廣告, 之後大部份時間都坐左o係Control 貨櫃入面休息...

聽日係Tamar Site 呢個World Carnival 既最後一日, 相信最後收工時場面都幾感人, So 雖然病緊, 同埋聽日有"精英大師" 跑G1都決定返工!!

尋晚買D 波過左兩關~~ 希望過得晒啦~ 哈哈

(好難捉摸到你....)

>>January 31, 2004 at 5:19:58 PM GMT+8

2004 年 1 月 29 日 星期四 【晴】

Staff Party: 今早特登早左出門口為左早D 返去玩機動遊戲, 但係搭KCR 時訓著左到紅磡終點站先醒... 搞到要搭返去Kln Tong 再轉MTR... 最終成十一點四先返到去... 同平時冇分別!!

返到去就即刻唔換衫就玩啦, 首先玩左個過山車... 雖然得落果兩野係刺激少少, 不過都好正!! 玩完本身想玩跳樓機, 但係佢話唔夠人玩唔開... 跟手就去左G-Force 度玩呢個要成$50 先玩到既Game 度, 可能係For Staff 玩既關係啦, 玩左陣就玩完 & 得個轉字... 冇乜離心力可言... 如果作為個客個角度去玩的話$50 玩就唔抵啦~~ 最後就玩埋踫踫車... 好鬼耐未玩過啦... 雖然低B 不過成廿人一齊玩都幾正~~

就係咁... 玩到12:15 先正式開工, 成日都幾忙下... 開左檔搞晒D Walkie 之後就出左去禁錢& 食Lunch, 食完返去睇左陣Newspaper & 玩左幾耐"踩地雷"之後就出左去Patrol, 出到去又行左陣居然撞到工展Ticketing 個肥妹喎, 傾左兩句之後又返返Control 玩ICQ, 玩下Patrol 下之下就去到夜晚食飯, 食完飯再出去行下睇下"今日之星" -- Yumiko, 佢同佢D Friend 黎左玩, 咁啱果時又1撞到條傻仔游帶埋條女黎到玩, 之後睇完Yumiko 玩完Game 又收工!! 咁又一Day~~

估唔到Last 幾日都仲見到明星~~仲要係我恨見果個tim!! Yumiko 真係都幾高下, 靚更加唔在講啦~ 真係幾得下~~~

基本上大部分既"星"都見得七七八八, 仲有Joey 未見啫!! 實有機會既!!

雖然今日咳得比前兩日犀利, 但都係好開心咁打咁多野落黎... 點解呢?

("黃頁"見!!)

好耐冇買過波啦, 今晚終於刨到買左少少...

主客和過關
6x1 些路迪 (主) 對 基爾馬諾克 (客)
些路迪 贏 @ 1.08
燕豪芬 (主) 對 維迪斯 (客)
燕豪芬 贏 @ 1.12
阿積士 (主) 對 海牙 (客)
阿積士 贏 @ 1.10
巴特里 (主) 對 格拉斯哥流浪 (客)
格拉斯哥流浪 贏 @ 1.17
皇家蘇斯達 (主) 對 桑坦德 (客)
皇家蘇斯達 贏 @ 1.80
華拉度列 (主) 對 皇家馬德里 (客)
皇家馬德里 贏 @ 1.70 $100

主客和過關
3x1 祖雲達斯 (主) 對 基爾禾 (客)
祖雲達斯 贏 @ 1.27
皇家蘇斯達 (主) 對 桑坦德 (客)
皇家蘇斯達 贏 @ 1.80
華拉度列 (主) 對 皇家馬德里 (客)
皇家馬德里 贏 @ 1.70 $100

>>January 30, 2004 at 5:54:00 PM GMT+8

2004 年 1 月 28 日 星期三 【晴】

仲係唔舒服緊... 今日返到去都冇乜做過野... 食左藥又訓左半日咁滯... 跟住睇人玩"推錢"又睇左成粒鐘, 出去買野& 食飯又食左兩粒鐘... 其餘時間又係Patrol 曝下光比其他人見到... 咁又一日啦~~

唔知堅定流啦...收到風, 話我因為落左黎Tamar 做得幾好, 會升我做兩粒花(高級督察), 不過我諗都係吹水居多啦... 唔會咁快下話?!!

而Tamar site 果度就好可能返多兩日就要走lu... 因為有其他Job 比我做(就係果個兩粒位?!), 連2月1號Last 果日都睇唔到佢地收檔就要走... 唉~

不過聽朝就有一粒鐘既時間比D Stuff 玩機動遊戲, 好~ 早少少返去玩下G-Force, 跳樓機 & 過山車先~~

(再咁等落去... 你究竟要我等到幾時啫?! Don't Let Me Alone....)

>>January 29, 2004 at 5:19:49 PM GMT+8

2004 年 1 月 27 日 星期二 【晴】

幾年以黎第一次睇醫生 -- 終於頂唔住啦...對住呢班野!!

今朝返到去Tamar 都冇乜心情搞佢地D 排位, 由得佢地自己自生自滅... 因為幫佢地搞真係幾嘔血~ 前排積埋積埋今日終住要去睇醫生, 下晝一點幾出左CB 睇...

出到去CB 果間公司專門醫生居然出晒去食飯休息喎, 所以就自己一條友行左陣Sogo & 三越, 兩間日本野真係幾大下喎... 行完返去睇下返左未啦, 點知得D 姑娘返左, 個Doctor 就未返, 結果又打陣機先睇到... 4點幾先返返Tamar 開工...

不過都唔算係開工既, 因為食左D 藥之後個人勁眼訓, 由4點到11 點呢段時間淨係有半粒鐘左右係o係個場入面Patrol 暴下光比班細睇下, 其餘都o係Control 入面休息 & 訓覺...

夜晚收到風話1/2 之後會去樓盤做... 又要做開荒牛啦... 一係就做Orchards, 否則最好就o係新界區做啦....

>>January 28, 2004 at 5:36:15 PM GMT+8

2004 年 1 月 26 日 星期一 【晴】

嘔血~~~ 尋日走左幾個最醒目既兄弟之後今日對住呢班"o靚"真係嘔血!!

經過尋日大換血之後今日基本上都冇乜新人落黎, 但係我果Group 最做得野果幾個都Resigned 晒, 變相得返兩種人-- (i) 勁麻煩 + 犯眾憎 & (ii) 真係蠢到冇人有果隻 o係度...

首先令我嘔血既係第一種人, 今朝返到去派晒D 機比全部同事之後就編我果Group D 人o既更表啦, 我已經盡量編到最公平, 個個都有得坐, Break 下咁, 點知(i) 呢D 人又話想調位做, 又話我偏幫另一個人因為之前做Orchards 時已經識落, 總之就乜都拎晒黎講... 煩死!!

跟手搞掂呢類人之後就派D Mini 更表比各個同事, 第二類人又出現... 點樣講, 解釋 , 指導 + 演講 & 訓話都睇唔識睇... 我真係頂佢個肺丫... 我編張紙出黎都唔係咁難先明丫... 其他人唔洗講都知到點排位... 呢D (ii) 真係可以死蠢成咁... 同佢解釋時真係講到火都起埋!!

總之就係嘔血啦... 再加上今日又咳仲咳得幾密下.... 就死!!

聽日睇下呢班人係咪仲係咁... 如果都係咁的話後日就編埋晒所有"黒五類"(老, 傷, 病, 弱, 殘) 入我果Group 度整治下佢!! Last 幾日都要咁做.... 唉~

>>January 27, 2004 at 7:16:45 PM GMT+8