2004 年 2 月 18 日 星期三 【晴】

繼續地Non-Stop 地做野... 開始轉返朝八晚八既第一日都係咁忙... 真係由朝做到晚未停過手咁做, 做, 做.... 下晝East Point D 人又黎左Set New Programme, 又有新System 要學... 日日都新日日都甘.... 淨係學野都好死累.....

不過好在o係Office 入面都幾開心 (除左D 上上司!!), 否則我諗都未必頂得順咁多野做而要求調返出去出面D Site 度, 同埋時間比較上好似易過D 啦... 因為忙到連睇鐘既時間都冇丫嘛!!

新Game: Gallop Racer Lucky 7 買左啦!! 總共三百五十元正!! 玩過兩野真係幾正!! 相信會煲一大段時間!!

Re 游: 咪以為我人工好高先得架... 係時間長先顯得好似好多... 除返開都係同McDonald's 差唔多架ja.... ~~~~

>>February 19, 2004 at 2:48:53 PM GMT+8

2004 年 2 月 17 日 星期二 【晴】

電話費單截數日: 終於又挨過啦... 呢幾日"就住就住"咁用都真係幾唔方便... 聽日又可以重見天日啦~~ 哈哈!!

今朝返到去首先同East Point Team D 人開會... 開完會之後就比Mark 叫做野... 邊做邊比佢小... 極之冇癮.... 之後成日又係Non- Stop 咁狂做Paper Work, 一方面要搞部新機D 電線同埋其他野, 另一方面又要落OB 簿 Send D 野出去... 淨係落OB 由三點落到六點幾先落完... 一次過清左枱頭勁多野!!! 真正叫抖抖既係去到成八點先有... 又係辛勞的一天.....

食晏時行開馬會... 順便買左廿蚊馬仔... 個感覺好似好陌生咁... 原來幾個月未去過馬會啦!!! 而買左果廿蚊最後雖然輸左, 不過見住買果兩隻馬跑第三第四差D 有錢嬴果種感覺真係幾刺激!!

>>February 18, 2004 at 3:23:02 PM GMT+8

2004 年 2 月 16 日 星期一 【晴】

好忙好忙好忙!! 今早返去都係勁多野做.. 除左搞返尋日淨返未做D Data 外, 又有Eastpoint 既野要學去Handle.... 搞左成朝食完晏之後又要上Training... 又係講EastPoint D 野... 又悶左成三粒幾四粒鐘..... 唉~~

返左Office 半個月都仲有好多野未識... 連最Basic 個MMS 都未摸熟又不斷要我去學勁多新野... 都幾辛苦下... 慢少少啦唔該........ >.<

Office 擺多左兩張枱, 個空間又細左... 不過愈來愈似班房!! 再加上今日上Training 時派左一大疊Notes, 重拾不少校園feel~~~

>>February 17, 2004 at 3:18:10 PM GMT+8

2004 年 2 月 15 日 星期日 【晴】

失蹤三日後再次在辦公室內出現, 工作量多得做不完似的... 今早回到桌面首先把這三天以來所有巡邏督察所作的記錄輸入電腦內, 想不到單單十張紙已用了我一整朝早的時間哩!!

吃過午飯後便和坐巡邏車往鰂魚涌去上課, 學習置邦的系統運作, 一行五人呆坐在手提電腦前三個多小時... 十分悶哩!! 下課後便用晚膳, 晚膳過後亦坐巡邏車回到辦工室再次工作... 但已經七時多!! 只完成少許工作便下班... 明天還有很多事情等著我哩...


哈哈... 用返D 咁文雅既文筆去打Diary 真係好唔慣... 寫到既係得咁多, 希望表達到啦... (難以想像叫我好似以前中學咁作返篇文時會作成點...) 一句講晒啦... 今日D 野多到完全做唔黎... 忙到九彩不特止仲好似比人話做唔到野... 都有少少唔開心!!! 因為你話我唔係問題, 但係唔好唔知頭唔知路就話我囉... 問我呢幾日做過D 乜, 我邊有做過野呀? 呢三日之中我放左兩日假, 仲有日就去左Sai Kung 做PCCW, 根本未返過Office... 咁Office 唔係得我一個返工架嘛... 乜都好似關我事咁... 唉唔講啦!! 愈講愈離譜!!!

始終都未能買到隻FIFA2004 N-Gage 版, 先幾日打黎話有返貨, 而家又冇,唔係咁好賣呀嘛....

(唔知點解呢... 每次都有好多野想同你講... 但次次都講唔出咁... 比少少時間我好冇?)

>>February 16, 2004 at 2:55:49 PM GMT+8

2004 年 2 月 14 日 星期六 【晴】

訓左半日, 打左機半日就成為今日Day Off 既活動!! (唉... 又係咁...都幾很悶!!)

今日特登放假睇好耐未睇過既跑馬 -- Hong Kong Macau Cup & Hong Kong Classic Mile 兩場賽事... 可惜一場跑時訓緊午睡, 另一場咁啱有電話傾緊... 未能即時睇住佢地跑... 可惜!!

D 波都冇買到... 如果唔係又係輸錢居多, 估唔到自己今日放假居然一蚊都冇賭過喎~~ 勁!!

夜晚有時間睇左套無間道3, Class 雖然好勁但係套戲入面D 時間轉得太亂... 冇想像中咁好睇... 亦都冇第一集咁正!!

聽日又要返工啦... 冇返Office 幾日, 再加上East Point Team 果度正式開始Run... 唔知會唔會多好多野做呢??

(點呀妳?? 打黎又唔講做咩... 搵你又唔聽...)

>>February 15, 2004 at 4:43:15 PM GMT+8

2004 年 2 月 13 日 星期五 【晴】

情人節: 同前幾年唔同... 今年2月14日個節日都有少少難忘...

今朝晨早未夠七點比Control 阿Joe 打黎話Ricky Urgent 搵我, 原來叫我去Sai Kung 頂Promoter 個位... 問佢點解個Promoter 會Absent, "腰骨痛"係佢既答案.. 真係吹佢唔涱!!! 就係咁... 原本今日Plan 好返Office 進行P4 大革新... 結果就去左西貢享受呢個陽光與海灘....

九點返到Office 打左咭之後就由簡叔叔用Patrol 車車我去西貢, 去到工作地點 -- 萬年街PCCW 機樓... 由於呢個Site 冇Supervisor 既關係, 得我同埋一個 Issuer & 一個PCCW 既Staff 做... 呢個Site 都冇乜人黎拎黃頁... 淨係一到十點開檔勁多阿婆黎拎之外, 到左二點開始就拍晒烏蠅... 我呢個Promoter 都冇乜點Sell 過張YP Card... 淨係叫人"填完張Form 返黎就有Coupon 架啦"... 又霸住左張凳坐足成日... 咁樣做法都幾正!!!

不過就好鬼熱... 再加上著住件YP 風褸超級焗搞到出少少汗都出到成身濕晒, 可能係咁就奶左野... 18:00收工後就勁唔舒服, 上巴士前打完過電話之後就唔記得夜晚做過D 咩啦... 情人節夜晚失左憶!!

依稀記得上左巴士後比架車"凳"到想嘔.. 好似次次搭親巴士都係咁... 以後冇乜必要都唔再搭佢啦!!!


大光Rugby Team 今日又有比賽... 但係聽講話Bowie 比賽中受傷, 情況不輕... 希望佢冇事啦!!

To My Friends: 唔好次次都係咁!! 有D 野係互相尊重... 你地次次都係咁做既話無論我情況OK 與否都唔會應承!!


D 波居然死火喎!! 發覺用 "olive" 呢隻color post 出黎先會中... 下次用返呢隻色先~~

>>February 15, 2004 at 9:04:17 AM GMT+8

2004 年 2 月 12 日 星期四 【晴】

Day Off: 又連續撐左廿二日之後先有"正式"(因為之前果日假係夜轉日所放, 實質得半日假)既假期, 本身話想去唱K 但係又搵唔到人去喎...(都唔知幾時先有機會再同佢地唱過...) 搞到冇節目之下訓左足足十二粒鐘先起身, 起左身之後都係打下好耐未"暢快" 咁玩過既PS2, 之後就睇左套 "鬼馬狂想曲", 頭半Part 勁好笑, 特別係Twins 兩個既演出, 雖然後半Part 不過不失, 總括黎講都係一套"值得一睇"既戲黎既...

情人節前夕... Nothing Special

右邊條Link Bar (連結選項) 壞左好Q 耐都未有時間整... 好煩~ ----------------------->

入左好多野落我部N-Gage 張MMC 咭度, 聽日返工Office 部P4 就進行大革新!!

聽晚的波: 即將會買

讓球主客和: 4X1 $100
格拉斯哥流浪 W (1.3) X 拜仁慕尼黑 W (1.95) X 華素爾 W (3.1) X 些路迪 W (1.08)
(Total 8.5 倍)

(How are you E?)

>>February 13, 2004 at 2:27:57 PM GMT+8

2004 年 2 月 9 日 星期一 【晴】

呢幾晚都打唔到日記... 全因為佢又set 鬼左D 乜野"VIP 登入政策"!!

呢兩日轉返日頭之後真係同佢做足十二粒鐘咁滯... 淨係入一份Routing Update Version 都入左2日... 除左食飯之外真係對住晒部電腦.... 就盲!!!

做返D 文職野... 雖然唔洗企得咁辛苦... 但係成日坐係office 都真係幾悶... 好彩Control 果面D 同事都幾好人啫... 如果唔係都幾難做下... 仲要返日頭要對住班老細... 冇壓力就真係假既!!

尋晚有幸睇到100% Feel, 今晚冇得再睇lu... 原來一個星期先得一晚有得播... Next week 再追!!

今日Fat Fall 同 Tarzan 黎左Office 見Sammi, 見YP Supervisor 個位... 唔知佢地見唔見得成呢? 不過都應該得既... (<-- 咁樣講得出可想而知我今日幾忙丫... 連打個電話都冇時間...!!)

(雙失情人節 -- Twins D 歌詞真係好Touch....)

>>February 10, 2004 at 2:47:05 PM GMT+8

2004 年 2 月 6 日 星期五 【乍雨乍晴】

今天的工作... 都係咁啦... 由於冇出去食飯, So 做完大概一粒鐘多D 既Data Entry 之後到22:30 已經開始Free 啦... 成晚流流長又係打機打天光... 又冇人陪我傾電話喎... 雖然同Iris, Joe & Kin 三個Control 果面D 同事多左少少傾計... 但係都幾悶下....

終於放假啦... 連續十七日既Working Day 終於又有得抖抖啦... 糧又出左... 但係好似計少左幾百蚊喎...

放工後第一時間就"奶"左野... 可能會好大鑊... 放完假返黎先算啦...

至於條4X1, 過左三關... 希望拉科都過埋啦~~

(終於明白咩叫"又愛又恨"..............)

>>February 8, 2004 at 3:07:45 AM GMT+8

2004 年 2 月 5 日 星期四 【晴】

Guard Force Ltd 春茗2004: 今晚返工時阿基叫我打完咭去食飯, 一先諗住都係同Patrol Team D 人食啦... 點知去到幸福樓時見到Book 晒房咁... 完來今晚食春茗呀!! 唔記得左tim!! 搞到食埋飯先去..

去到... 真係全部都係大老細... 渣華士, 山SIR 等等全部都o係晒度... 食飯時同埋其他Group 例如Marketing, PID & Control 既人一齊食, 而我只係返左Office 幾日唔係太識佢地.. 搞到成晚都冇乜同其他人傾計... 好彩坐o係隔離Control 果個Apple 同埋Eric 不斷撩我講野... 都冇咁悶...

食完返又係正式返工啦... 今晚Patrol Team 果面得返我一個返夜... 成晚又係入左粒幾粒Data 之後又開始睇Newspaper & 打機... 今晚主打踩地雷同埋彈珠台... 不過都好悶....

今日係PCCW 黃頁果度第一日開始, 收工前o係Control Room 入面都幾緊張下... 有D 又搵唔到地方, 有D 又唔識報更... 本身都唔關我事... 有D 玩失蹤就關我事啦!! 有個Supervisor 一先話Absent 搞到要我直踩頂佢個位去做... 不過好彩最後佢都返返工... 唔洗我返完十二再返十....

又買波~ Hope Win Again ~~

主客和過關 4x1
愛華頓 (主) 對 曼聯 (客)
曼聯 贏 @ 1.55
馬賽 (主) 對 阿些斯奧 (客)
馬賽 贏 @ 1.53
皇家馬德里 (主) 對 馬拉加 (客)
皇家馬德里 贏 @ 1.15
阿爾巴塞特 (主) 對 拉科魯尼亞 (客)
拉科魯尼亞 贏 @ 1.90 $100

波膽 羅馬 (主) 對 祖雲達斯 (客)
2:2 @ 17.00 $20

波膽 拜仁慕尼黑 (主) 對 漢諾威 (客)
2:2 @ 24.00
3:3 @ 76.00 $10

主客和過關
3x4 狼隊 (主) 對 阿仙奴 (客)
和 @ 4.00
AC米蘭 (主) 對 佩魯賈 (客)
和 @ 6.00
車路士 (主) 對 查爾頓 (客)
和 @ 4.00 $10

首名入球 愛華頓 (主) 對 曼聯 (客)
傑斯 @ 8.50 $10

波膽過關
2x3 愛華頓 (主) 對 曼聯 (客)
0:2 @ 7.00
阿爾巴塞特 (主) 對 拉科魯尼亞 (客)
0:2 @ 8.00 $10


(原來成個Control D 男同事都好留意你架....)

>>February 7, 2004 at 3:18:18 AM GMT+8