2004 年 3 月 3 日 星期三 【晴】

出糧... 唔知點解呢次Check 提款咭時看見那五位數目字有一種難以形容的感覺... 同之前工展會, Orchards 果時o既感覺唔同... 真係難以形容...

諗起阿忠(工展時的舊同事) 的一句說話: "當你俾千五蚊買一樣野時唔覺得貴o既話, 就代表你返果份工好舒服", 之前我覺得冇野架, 但係唔知點解而家會覺得千五蚊買一樣野好貴....


呢兩晚D 工作都算OK, 阿Yuen 佢地見到我之前做到趴o係度之後呢兩日都幫返我手一齊做野, 咁先係Team Work 嘛!!

但係Roster 就似乎有少少問題, 因為Next Week 轉返返早都係得我一個睇住成條EP Hotline, 變相冇得出去食Lunch 超辛苦咁一直挨到放假, 再加上之前由22 號開始未放過假 + 踩左日廿四 + 踩左日十六, 所以o係21 號放"真正的假"之前如無意外都會做到隻積咁...


Bad News: 傳聞Guardforce 減人工, 有D Guard 已經減左... 唔排除全公司都減...!!

如果真係減的話就真係唔做lu... 返左Office 做左成個月都好似冇Allowence, 佢地Control or Patrol 果班人都有$2.6 一個鐘... 我冇已經係好蝕底... 再減仲得了o既??!!

成人比人問話點解唔轉工, 之前都唔係咁識點答佢地, 但係前兩晚聽Radio 個DJ 講果句說話原來就係真正o既答案: "其實啱啱出黎做野, 比你學野唔單止唔收你錢仲出糧比你, 咁仲去計咩野??" 當我覺得"學晒" 既時候就會轉工架啦!!

收工時體驗到一樣野: 原來著西裝襯波鞋係會比差佬"豆" 架!!

>>March 4, 2004 at 2:05:46 AM GMT+8

2004 年 3 月 1 日 星期一 【晴】

訓得果三粒幾鐘又再摶過... 今晚又係做到嘔血!! 個個都唔識點報更, 教極都唔明果隻... 煩死!! 再咁落去都唔係辦法架喎... 唉..........

不過中途都有D 時間恰陣 & 玩下隻FIFA 2004...

夜晚Controller 果面Raymond 同Iris 都遞左信... 做埋今個月就走... 換言之Control 又進行大換血...

今日終於可以準時收到工啦!! 終於可以再玩我隻GR7 啦!!!

距離3月8日．我的假期仲有6日.... 撐~~!!!

>>March 2, 2004 at 2:16:51 AM GMT+8

2004 年 2 月 29 日 星期日 【晴】

唉... 痴很線架又....... 又OT 啦!!!

本應成晚都冇乜野搞... 諗住聽下歌, 打下新買隻FIFA 2004 就咁過左... 點知一返到去Check 個E-mail 就展開呢個漫長的獵鷹十六小時........

Check 個E-mail Douglas sent 過黎話原來今日(1/3) 開始另外百一個盤既TelePotection 都飛埋過黎, 佢地正常黎講0900 先飛過黎, 但係佢地舊公司個TP 提供個Services 到八點, 搞到八至九呢粒鐘內有一個真空期, 咁梗係我地Guardforce 食晒啦!! 結果漏夜Design 份form 比黎等呢段時間用... 最後一De 就De 左幾粒鐘... 到四點先搞掂...

又本應諗住冇乜野啦掛... 一到六七點又出事... 佢地班Patroller 返黎又要搞佢地D 功課... 又要睇住個MMS TP, 做呀做做到差不多八時諗住收得工點知又比Mark 打黎話要"留多陣"... 誰不知"留多陣"既意思要留多四粒半鐘...!!

未夠八點已經勁多電話接入黎... 即使阿Kin 返左黎兩個人做都踢晒腳, 呢個時候又要入房開埋晒D 無X謂既會... 開完又要Fax 呢3日既PV record 去Eastpoint 個客度... 十幾廿樣野都關我事... 十幾廿樣野都可以由其他人做都得唔知點解指定要我做... Fax 完都已經十一點有多, 點知Eastpoint 果面打黎話有D 睇唔到再fax... 而份Routing 果度又話少左個要搵返出黎... 果頭條Hotline 又狂響, 接都接唔切之餘個TP 又勁多Miss 報更要追Call... 真係就癲!!! 最後要搞到十二點半先走到... 返工時間為晚八午十二...悲哀!! 就黎月入二萬tim 啦!! 但恐怕都無福消受...



經此一役之後又再對呢份工心淡... 咁大間公司, 千幾個員工內部居然可以亂成咁... 無論係Control, Patrol 或者係Eastpoint, 度度Department 都唔夠人用... 真係想做X死班伙記... 唉!! 我都唔知咁搏為乜!!!

真係成個Control Room D 人都不停咁怨公司... 咁做下去都唔係辦法... 如果我, Kin or Simon 是但一個Sick Leave 都足以令到成個Project 收皮... 咁唯有死撐啦... 不過真係好辛苦呀!!! 幾時先真正有假放呀....... >.<

放工返到Tai Wo 撞見阿呂, Ka Lok & Yan, 諗返起以前返學原來係咁正架!!!

唔掂啦!! 要爭取時間訓覺!! 如果唔係真係暈低都似!!

>>March 1, 2004 at 6:34:23 AM GMT+8

2004 年 2 月 27 日 星期五 【晴】

想死.... 自2月22日開始未放過假... 本應今日只不過返左六日工, 但一諗起到3月8日先再有假放就想死!!! 真的很累.....

所累的並不是身體上, 而是內心十分之疲累... 無論是工作的, 私人的都令我很燥.......呀~~~~ 好想大叫一輪呀!!!

今晚返到去唔算太多野做... 仲有唔少時間睇Newspaper & 雜誌... 再加上訓左粒幾鐘實質做左7,8 粒鐘左右... 但係都已經煩到趴街... 九萬幾樣野都關我事... 仲要叫我做野果時好似老奉咁... 山SIR Order 話我淨係搞TP & Hotline 既野ja!! 而家做你地D 野只不過係"幫"你地做, 係Extra 架!!! 痴很線!! 真係忟起上黎唔鬼撈tim ar!!

唔講工作啦... 費事愈講愈燥... 收工時去火車站入左兩蚊磅重, 哇.... 169 lbs 喎!! 唔係肥左咁多呀話... 果陣考Police 時百五磅都冇... 估唔到事隔五個月肥左廿磅喎!! 不過我諗最大原因都係工展困時開始晚晚食完野先訓 & 呢個月狂坐Office 先搞成咁!! 三月放完假之後轉返返日頭的話睇下放工後有冇時間跑下步先!!

>>February 29, 2004 at 2:14:36 AM GMT+8

2004 年 2 月 26 日 星期四 【晴】

今晚冇停過咁狂做Paper Work!! 唔講~ 好想快D 放假 & 轉返日頭!!


5串1
車路士 贏 @ 1.75
祖雲達斯 贏 @ 1.10
些路迪 贏 @ 1.10
格拉斯哥流浪 贏 @ 1.30
拉科魯尼亞 贏 @ 2.05 $100

>>February 28, 2004 at 1:45:59 AM GMT+8

2004 年 2 月 25 日 星期三 【晴】

打後都係返夜... 不過個生理時鐘都好似仲未較得掂咁... 訓左七粒幾鐘返到Office 食完個老麥之後就勁唔舒服... 眼 + 肚痛... 結果成晚冇乜野做之下扒左o係張抬度抖左4, 5 粒鐘...

返夜真係悠到痺! 但係得一個人for EastPoint 搞到想入房訓都唔得...

同埋都聽到幾多是非, 仲宥發覺出面個市道真係好左好多... 個個都想轉工!!

又可以報考Police 啦... 搵日過金鐘果面再報先!!

>>February 27, 2004 at 2:07:11 AM GMT+8

2004 年 2 月 24 日 星期二 【晴】

累......... 經過尋日直踩廿四之後今日開始返夜... 訓左八粒鐘之後又再撐十二碼... 一返到去就勁多電話打黎, 個個都唔識報平安更... 頭一粒鐘未停過咁解釋比佢地聽話轉左新System 係咁架啦... 如是者大半晚都狂聽電話... 死!!

發覺自己開始做唔掂... 有少少唔想撈...... 唉!!

仲有比我發現有人昆左我做某D 野跟住自己去Happy... Cheap 人黎架!!!

>>February 26, 2004 at 1:29:52 AM GMT+8

2004 年 2 月 23 日 星期一 【晴】

無啦啦今日直踩廿四... 踩完之後開始有少少神智不清...一陣下午又要返Office 上Training... 就死!! 都係訓醒先打!!

>>February 25, 2004 at 1:38:24 AM GMT+8

2004 年 2 月 22 日 星期日 【晴】

新Monday... 又一個禮拜既開始!! 今日返到去都係Non-Stop 咁狂做... 仲要下下都趕住Urgent 咁做... 度度都煩到PK!! 淨係Fax 疊Night Check Report 過East Point 果度由朝早十點Fat 到四點都未搞點... 超炆!! 第一次感到好大壓力!!!

今日去左好多次廁所, 因為飲左好多好多水, 飲得水多又因為個口勁乾, 個口勁乾原來又因為驚自己趕唔切做D 野.... 點解驚? 因為有壓力囉!! 原來有壓力個口就勁口渴架喎!!

返到Home 老媽子叫我去阿聰間公司做Clerk, 朝九晚五八千銀... 條件好似好好咁.... 不過即時否決左佢啦... 因為我o係Guard Force 入面雖然返十二碼勁辛苦, 但學到唔少野 & 同班同事都過得幾好丫... 再加上我而家呢份Job 真係對考Police 有幫助嘛.... 挨多排啦死o靚仔!!

尋晚D 波... Last 熱刺居然領先3:1 之下4:4 和波... 可惜!!!

>>February 23, 2004 at 2:20:29 PM GMT+8

2004 年 2 月 21 日 星期六 【晴】

尋晚返完夜, 今日放假聽日繼續返日頭, 但實質空餘時間不多, 拎咁部份時間去訓覺!!

今日做過咩?? 放左工之後返到Home 都成九點半, 之後搞到十點先訓, 訓到三點幾起身睇馬, 今日跑HK Gold Cup, 估唔到隻勝威旺始終都羸唔到... 今次又比牛精福星"喀"左!!

睇完馬仔就玩GR7, 玩到食晚飯咁滯... 飯後睇埋上次放假未睇晒既WWE, Last 1 Part Big Show 比五條友打都打唔死... 超好睇!! 結果最尾由Chris Benoit 由頭打到落尾既情況之下勝出Royal Romble!! 正!!!

波: 買左條4X1 $100
阿積士 X 烏甸尼斯 X 些路迪 & 熱刺

>>February 22, 2004 at 3:19:36 PM GMT+8