2004 年 4 月 7 日 星期三 【晴】

真係火都黎埋!! 放假之後呢兩日以黎見到好多以前見唔到既野… 亦都估唔到原來錢呢樣野可以令一個人變成咁… 簡直對某人絕對失望!!
話說尋日放假特登四點幾起身六點出去CB ”見工”，　呢個朋友由頭到尾都唔講呢份係咩工… 點知上到去就比佢同埋佢D 同事疲勞轟炸炸足五粒鐘…
係呢五粒鐘入面由頭到尾係佢班仆街誤導, 話點好點好, 原來係傳銷!! 到最後居然比左二千五百蚊去買佢D 所謂產品, 估都估唔到我咁傻仔!!
比錢果刻都仲覺得冇乜野既,但係搭MTR 返去既時候已經發覺呢門野冇得做… 即刻打返比呢位朋友既時候已經打唔通, 返到屋企再打又通返.
跟住佢講話Cut 左D 單先, 佢居然同我轉彎抹角又叫我聽日去佢公司度傾喎… 結果今日我去左呀, 不過去左KFC 冇上佢當, 最後傾好聽日搞手續退返D 錢, 不過睇黎都退唔到十足… 唉!

呢兩晚上網搵料, 原來果間公司已經臭名遠播… 亦都害死過好多人, 令到好多人爭落數以萬計既卡數, 好可惜我自己唔知冇防範, 即使最後冇晒果二千五百蚊都覺得好抵,
因為可以知道一個曾經每人都認為思想好單純既女仔, 變成一個充滿機心, 懂得編排, 識做戲, 附和, 講野轉彎抹角, 為左錢可以去害朋友既人!!
仲有見到一班被喻為"XX狗" (XX 係佢地間公司名, 所以唔講住) 既賤人, 西蟲, 除返開都係每人一舊水, 都抵啦!!

致那位朋友: 我唔做並非真係搵唔到錢,老實講我可以對得起自己良心的話我肯定做!! 但係我唔想害我D 朋友, 因為我知道如果我介紹我班朋友入黎做的話一定害左佢
係呀, 我做保安每個月搵得果八千幾蚊呀, 但係我覺得我賺返黎既錢點都比你果D 錢有意義, 最起碼我講得出我間公司係做乜!!! 即使唔係我, 而係企o係你間公司門口果位"冇柴冇花", 月薪得五六千既Security, 都值得尊重過你果班月入幾萬既Partner!! 呢句係作為朋友對你既最後一句忠告: 及早回頭是岸啦!!!

致見到呢塊Board 的HYK 朋友: 小心一D 好耐冇搵過你既舊同學, 包括我!!(睇住我約你地出黎BBQ 之後將你地綁架~~ haha)

呢兩日就係為呢件事去煩, 冇其他特別野啦!! 有既都唔記得啦!! 但係學識左幾樣野:
1) 朋友係好重要, 如果有份工人工好好但係要我出賣朋友的話我絕對唔會做!!
2) 唔做害人既野, 如果唔係會折福!!
3) 學識帶眼識人
4) 錢財真係身外物, 今次唔開心既除左唔見左D 錢之外, 但係更唔開心既就係見到一位朋友變成咁!!

希望各位都生生性性啦!!

>>April 8, 2004 at 7:41:27 PM GMT+8

2004 年 4 月 4 日 星期日 【晴】

今晚又做晒D 野啦!! １２點開始訓左陣又比條Hotline 吵醒左．．．　眼瞓!!

尋日朝早差不多打機打到成一點先訓．．．訓左幾粒鐘又返工．．．睇下呢個月餘下既子可唔可以將瞓覺既時間帶返公司先!!

聽晚踢阿仙奴&車仔．．不過冇假放，睇下有冇機會帶部電視機仔返Control 睇先!! So Crazy~~

請問大家有冇一D 正網可以介紹比我? 因為o係公司雖然有得上網不過都幾悶．．．

>>April 5, 2004 at 6:19:53 PM GMT+8

2004 年 4 月 2 日 星期五 【晴】

凌晨三點鐘: 當然又o係公司啦而家!! 今日真係冇覺好訓… 朝早十點開始訓到四點半訓醒差不多比成十個電話吵醒!! 他媽的!!

4點半起身睇馬仔, 睇完再打多陣機就返工, 今晚返到Office 比較多野做, 因為聽日開始行4月份既Route, So 要幫班Patroller 執Route 都幾忙下!! 再加上十一點半左右三個Case 一齊黎, 完全做都做唔切, 之後就一直忙到兩點先做晒…

再訓多陣又唔慣所以起左身打日記囉!! 相信一陣又上下網, 打下機 & 訓下覺咁又過一晚啦!!

買左條3串1, 過左卡迪夫城, 但係場朗斯就危危地, 因為家陣半場輸緊1:0, 希望過到關啦! 尾關波圖仲未踢~

>>April 3, 2004 at 7:04:37 PM GMT+8

2004 年 4 月 1 日 星期四 【晴】

哈! 第一次o係公司度打日記!! 冇錯呀!! 而家我o係公司返緊工呀!! 今晚返到去又係拿拿聲做晒D 野之後就上網睇波, 刨馬同埋打機!! 八點返工十一點左右已經Free 啦!! 上到而家都開始有少少眼訓, 打完我就訓架啦!! 超正!!

>>April 2, 2004 at 5:44:59 PM GMT+8

2004 年 3 月 31 日 星期三 【晴】

愚人節: o岩o岩轉返夜冇耐... 當然唔慣啦!! 今晚都算好OK 既一晚, 因為冇晒D 閒雜人等(即係D 阿頭) o係度阻住晒, 做自已鐘意做既野... 又訓左差左多成三粒鐘...又有得上網,不過冇得篤波& 玩ICQ, 淨係埋尾時係忙少少... 如果晚晚都係咁就正lu!!

不過工作方面又奶左野... 但係影響不大!!

>>April 2, 2004 at 2:02:37 AM GMT+8

2004 年 3 月 29 日 星期一 【晴】

Day Off: 訓到十二點起身, 將前幾日積落D "睡眠不足時間" 一次過 "還"晒!! 今日除左訓覺同打機之外基本上就乜都冇做過... 聽日仲有半日假可以使!! 睇戲, WWE, 去買張新既MMC, 去百佳勁掃零食聽晚返夜食, 仲有跑步做運動... 唔知做得幾多樣呢??

自從上個月中買左隻GR7 之後就煲足成個月, 今日玩玩下時忽然想玩返育成足球3, 不過冇時間!! 可惜..... 天呀... 快D 比我搵到一份返九粒鐘既工比我啦!!!

發覺自己真係愈來愈肥... 再咁落去真係唔掂... 點算?? 莫非要去唐安麒度做纖體?!

聽晚開始連續返一個月夜晚... 各位有咩事唔好日頭搵我!! 否則相信返到IOffice 訓死都似!!

>>March 30, 2004 at 5:52:04 PM GMT+8

2004 年 3 月 28 日 星期日 【晴】

呢幾日好忙!!!

27/3 星期六: 記憶上返工都冇乜野... 淨係收左工之就就同Elaine 去左大中食飯... 好耐都冇搵過HYK 班朋友仔啦!! 返到屋企就睇Dubai World Cup, 好開心睇到四場精采既賽事!! 最後兩點幾先訓!!

28/3 星期日: 完全係Free 的!! 訓到八點先起身, 那當然Late Come 啦!! 遲左粒半鐘基本上返到去係Hea 既... 食飯食兩個鐘 (居然幾個走左去飲下午茶!!!) 其餘時間就打機... 爽到痺!! 跟住夜晚七點半成班Control 去左Jordan 飲阿邱個女餐滿月酒, 飲到十二點先返屋企!! 又係勁累!!

29/3 今天: 呢期最後一日返早, 今日返到去就真係奶野啦.... 訓左六粒鐘之下就死死氣咁返工... 返到去今日比較多野做... 所以都冇咁悶... 收工後又同Kin, Eric & Apple 食埋飯先返... 咁又一日啦!! 聽日放假之後就要開始返夜... 連續一個月哩!!

>>March 29, 2004 at 4:46:56 PM GMT+8

2004 年 3 月 24 日 星期三 【晴】

Interview, 今日食完Lunch "鼠"左出去灣仔見工, 條件雖好但唔太想做... 留返下week second In 時再決定!!

今天的工作量: 80% 見完工返黎就一直做到收工!!

收工後OT 左半粒鐘, 之後再同班同事食埋飯先返... 十一點先返到家下已經十二點幾... 要訓啦!!

近排都幾多舊同學搵我... HYK 又有, 大光又有, PCI 又有, 加上果時上Security Training 時既同學仔又有... 因乜解究??!

>>March 25, 2004 at 4:25:09 PM GMT+8

2004 年 3 月 24 日 星期三 【晴】

Interview, 今日食完Lunch "鼠"左出去灣仔見工, 條件雖好但唔太想做... 留返下week second In 時再決定!!

今天的工作量: 80% 見完工返黎就一直做到收工!!

近排都幾多舊同學搵我... HYK 又有, 大光又有, PCI 又有, 加上果時上Security Training 時既同學仔又有... 因乜解究??!

>>March 25, 2004 at 4:23:58 PM GMT+8

2004 年 3 月 22 日 星期一 【晴】

充完電又返返Office, 冇返兩日個變動都幾大, 首先下個月要成個月都落夜, 唔係話唔好但係長夜都唔係辦法, 跟住就係每逢長假期之後就唔比放假... 搞到揀左幾日假都要改!!

至於今日既工作量都唔多, 磨下磨下又一日, 都幾悶下, 反而近黃昏時AXA 客戶服務主任份工打黎叫我Tmr 去Interview, 返五日半九粒鐘仲要有九千五, 咁睇黎幾so 下!! 希望到時去見唔係叫我做Agent 啦!!

今晚買D 波... 完全冇度過!!

首名入球 AC米蘭 (主) 對 拉科魯尼亞 (客)
舒夫真高 @ 4.50 $100

入球大細過關 4x1
星期二 1 AC米蘭 (主) 對 拉科魯尼亞 (客)
大 [2.5 球] @ 2.00
星期二 2 波圖 (主) 對 里昂 (客)
大 [2.5 球] @ 2.05
星期三 1 車路士 (主) 對 阿仙奴 (客)
大 [2.5 球] @ 1.96
星期三 2 皇家馬德里 (主) 對 摩納哥 (客)
細 [2.5 球] @ 1.96 $10

波膽過關 2x1
星期二 1 AC米蘭 (主) 對 拉科魯尼亞 (客)
3:0 @ 10.00
3:1 @ 10.00
3:2 @ 26.00
星期二 2 波圖 (主) 對 里昂 (客)
1:0 @ 6.00
2:0 @ 7.00
1:1 @ 6.00 $10

$90.00

>>March 23, 2004 at 2:39:53 PM GMT+8