2004 年 5 月 1 日 星期六 【晴】

好辛苦呀….. 連踩廿四小時途中!!

要數應該由前晚數起… 話說前日返完夜放假, 放左工返到屋企就即刻訓到成夜晚十二點先醒… 之後o係屋企打機& 睇波睇到5點先訓… 點知到尋日朝早十點幾又起左身啦!! 訓得果五粒鐘之下又係打機 & 睇馬仔, 跟住訓左數十分鐘就返工…..

尋晚一返到去又勁多野做… 用超快速度都要搞到成四點先搞完… 有二粒鐘訓但係唔係訓得咁好…. 跟住就直踩多一更…. 即係由尋晚20:00 返到今晚20:00 共廿四粒鐘… 去到而家(14:30) 已經勁累… 諗住Sunday 冇阿Sir 返工但點知殺出一個PID Michael 出黎… 搞到想訓都冇得訓… 基本上由尋日10:00 開始到而家成三十粒鐘都未訓過… 好辛苦呀…….. >.< 幾時先捱到放工呀!!

經過呢個week 既教訓之後next week 都咪咁睇小啦… 返工前起碼訓返幾粒鐘先… 如果唔係真係會死人!!!

>>May 2, 2004 at 6:36:21 AM GMT+8

2004 年 4 月 28 日 星期三 【晴】

好幾天沒打日記了…
這幾天也沒什麼特別… 休假後回到辦公室都是這樣… 工作上多了些許, 但總括來說仍是很悠….
至於今晚就比較忙… 單是一宗Escalation 也用上了兩個半小時… 十分久哩!!

返埋今晚就上早啦, 但係要頂夜晚, 即係有幾日係要直踩廿四… 相信黎緊五月份我死得架啦!! 一week 踩一晚都咪話唔勁….
我5月既假: 05, 06, 12, 19, 25, 30 - May
話咁快又返左一個月夜更… 有D 唔捨得tim… 因為真係悠到爆!! "挨"一個月早6月又返夜架啦… 希望快D 過啦!! (都唔知自己做唔做到6月...)

GBA 隻育成足球個Save 又冇左啦…. 玩左十幾年岩岩先買到一班FP (e.g 中孝介, 海堂大, 水原優一...) 又冇左… 唉~~
我想問… GBA D Save 係點架? 跟機定跟帶架?? (因為我一換左去第二部GBA, 個save 就冇左啦….)


>>April 29, 2004 at 8:02:39 PM GMT+8

2004 年 4 月 25 日 星期日 【晴】

終於得閒啦!! 係呀… 家陣係清晨五點鐘… 放左兩日假今晚八點返工一返到去就不停咁做做到而家先得閒… 問你死未!!

講返呢兩日放假先啦!! 第一晚就冇乜特別野做過, 之後25號日就睇左兩場極之精彩既賽事, 首先係精英大師再一次締結紀錄, 成為香港賽馬史上第一匹十一戰全勝之馬, 而女皇盃則由本地馬駿河爆冷勝出…兩場都勁正!!

跟住今日就睇左場NBA, 由火箭對湖人, 打到加時搞到餅錄影帶唔夠錄.. 睇到加時頭兩分鐘就Cut 左!! 可惡!!

雖然叫做放假… 不過D 生理時鐘搞到亂鬼晒!! 勁辛苦!! >.<

至於今晚返到去, 唔知係咪今日由於要做"人大"關係成個Control 都空群而出搞到D 野完全冇人理… 結果咪又搞著我囉… 十幾廿樣野一返工就狂做… 做到人都癲咁滯!!

E 君: 生日快樂呀!! 今次係真啦掛!!!

>>April 26, 2004 at 9:21:38 PM GMT+8

2004 年 4 月 23 日 星期五 【晴】

又OT....... 又係金至尊!!

尋晚返到去都係冇乜野做... 打下機咁又過一晚!! 問左Mark Li 拎Locker & 佢話已經有返Allowence, 咁即係每個月多返10% 人工啦!! 希望佢講既野係真啦!!

返完12 hr Office 之後就出左土瓜灣做Event, 又係金至尊開幕, 成個Control 大部份人都出晒去, 連P.I.D 班四,五粒花都要出去當兵企!! 相信今次呢單生意都幾大吓, 否則佢地都唔會出埋黎!!

至於D 星方面, 今次就好少少, 無記果三位花旦都到場剪綵, 當中郭羨妮最靚& 著得最性感, 而楊思琦就幾"o靚妹"吓, 不過都好靚!! 反而最失望係佘詩曼, 原來真人同上鏡差咁遠.... 完全唔得!! 可能呢D 就係港姐冠軍同季軍o既差別啦!!

不過今次係做得最屎o既一次Event ! 成班人到左場乜野都唔知果三位花旦已經到場, 基本上全場都係靠自已執生, 有咁多位大佬o係度都咁亂相信都算幾失敗, 好彩冇事發生啫!

做完返到Office 都差不多成一點, 想等小巴點知等極都冇!! 激死!! 結果都係行返火車站!! 返到Home 之後又比 Eddy call 左出去傾左陣計, 最後成16:00 先訓到!! 累~~

>>April 25, 2004 at 2:11:02 AM GMT+8

2004 年 4 月 19 日 星期一 【晴】

OT!! 尋晚返到去Office 都頗多野做, 皆因成晚接左三單Case, 每單都搞成粒鐘咁滯... 再加上又有Escalation 做... 變相做到差不多凌晨兩點先做晒.... 之後就一直悠到早上九點... 跟手就出左去Causeway Bay 做金至尊開幕剪綵... 最後成一點半先收工... 累死~~~

今次只得任賢齊同埋CoCo (蔣怡) 做嘉賓... 都冇乜睇頭, 不過CoCo 真係好高!!! 入左Control 做咁耐兩個幾月以黎第一次出去做.... 感覺好唔同!!!

今晚放假(終於有假放啦...), 睇車路士場波, 暫時我諗會買佢1:0 波膽!!

>>April 20, 2004 at 7:21:14 AM GMT+8

2004 年 4 月 17 日 星期六 【晴】

4月18日: 今晚由於遠Sir o係度搞到冇咁大自由度, 不過好彩(?!)有野做先冇咁難過D 時間, P.I.D. 果面Micheal 又冇返本身可以勁Free, 但做晒D 野都差不多成五點, 到而家先有少少時間上下網…..

今晚D 波……….. 中左場波膽呀!! 中要唔少果隻 -- 西維爾 主其他 (71 倍)!!
結果成晚夾埋買左$30 收返七舊~ YEAH!!

M 君: 生日快樂!!

>>April 18, 2004 at 9:24:08 PM GMT+8

2004 年 4 月 16 日 星期五 【暴雨】

落雨… 年年飢饉三十都係咁架啦~~ 唔知點解既呢? 今年飢饉都係冇時間去參加… 真係好想去… 惟有望下年啦~~

天光啦!! 今晚出奇地PID 果邊個阿SIR 冇返, 邊相可以Free 啦~~
今晚返到去完全冇野做, 淨係幫左Control 果面pack 箱, 跟住都一切平常, 訓下覺打下機咁又一晚

錢銀果面單野仲未解決到, 淨係知道那位"朋友"唔肯退返D 錢, 同佢講左真係唔比的話會有咩後果…
我真係唔知到時會點做… 但最起碼會公開呢位朋友個名出黎囉!! 你同我鬥賤既話我可以賤過你!!

呢幾日都冇打日記啦… 皆因太過平淡啦… 日日返到去都唔知做乜.. 或者咁講, 跟本我個位都唔洗點做野!! 雖然係好不過真係幾悶…

o者o者: 生日快樂, 今晚出唔到黎食飯~ Sorry!!

>>April 17, 2004 at 10:06:13 PM GMT+8

2004 年 4 月 11 日 星期日 【晴】

今晚真係比個TP 玩死!! 事關00:30 開始左右有個Eastpoint staff 居然打去Guardforce Control (唔同部門架!!)果面話報唔到TP, 仲打完又打果隻, 一先以為佢係果D 死蠢阿伯啦.... 估不到這就是今晚惡耗既開始....

成個TP Down 左!! 打落個報更電話度完全唔通, 搞到個個打上黎報平安更, 但係又唔係個個Post 都識打上黎, 變左接電話黎mark staff no. 又打唔到出去追平安更... 開頭自已一個做都OK, 但係越做越多完全追唔切!! 結果要隔離Department Simon Lo 過黎幫手聽電話mark no., 我就不斷將佢D no. 輸入落電腦度... 最後由00:30 到05:30 5個鐘頭之內未停過把口!! 到放工都未停過隻手, 基本上今晚既工作量可以係上個week 既總和!!

統計數字: 550 個電話, 當中99% 都係TP 問題, 計返由00:30 到08:00 平均每粒鐘70 個電話... 你話死唔死!! 心諗如果晚晚都係咁既話一定即刻Buy out!!! 根本就唔係人做既!!!

又明白一樣野, 就係有"報應"既, 雖然唔可以作比較, 但係平時點閒點訓, 今晚又一次過還返晒~~ 哈!!

又因為分身不瑕, 搞到Patroller D 影返黎D 相冇人識搞, 最後又要OT 一粒鐘搞埋掂先走得(你睇我幾重要丫...你班友個個都唔識搞, 我睇我走左的話你班友點搞!!)... 累死!!

>>April 13, 2004 at 2:39:26 AM GMT+8

2004 年 4 月 10 日 星期六 【晴】

五點: 平時偷偷埋埋既"懶"今晚一次過"還"咁大半, 狂做做到三點半先叫做搞掂要做既野… 其餘都由得佢啦!!

同前兩晚比較真係忙得多, 因為前兩晚都係喪打育成足球GB 版打足六,七粒鐘咁滯… So Crazy!!!
今日就睇左一場好好睇既一千米賽事, "飛駿寶"鬥"世紀之駒", 結果前者未用盡全力之下跑出55秒2….!! 比當年大殺手差一線ja!!! 如果"精英大師"落場的話都未必夠跑!!
至於夜晚D 波就幾OK! 因為扑中左Arsenal 場波和左!! 羸返少少啦~~ 哈哈!!!

>>April 11, 2004 at 9:07:43 PM GMT+8

2004 年 4 月 8 日 星期四 【晴】

凌晨三點鐘: "�"�喺公司訓醒, 雖然尋日兩點幾起咗身出去CB搞果壇野但係唔知點解想訓都訓唔到, 可能始終都唔慣陌生地方掛!!

講返今日D嘢先, 今日四點鐘又上去果間神昆公司度搞退貨手續, 結果都係同前之預計一樣: 唔成功, 因為又係比D賤人帶住遊花園, 又浪費左我兩粒幾鐘,
不過今次冇咁傻比佢班PK 昆到啦!! 有晒準備之下完全任得佢地狗UP, 不過話時話佢班仆街做戲都做得幾真!!

經過今日之後已經決定咗一樣野: 唔會再見呢位"真心介紹份好工俾我"既朋友, 亦都唔會再上呢間陷家剷公司, D貨最後退唔退到我交晒俾佢搞, 最後我收唔收返到呢筆錢都視乎呢位朋友睇下仲有冇良心, 或者你可能會話我好傻唔加入做XX狗, 但無論呢間公司最後上市與否, 他朝你是否飛黃騰達, 都一切唔關我事, 因為我淨係知我用我MATHS 攞A 既頭腦薑尷R, 而家放棄呢個"黃金機會"絕對唔會後悔!! I Trust myself!!!

好多謝以下幾位朋友: 志鑫, 范肥 & Simon!!

致Nxxxxx: 信我!! 千祈唔好行差踏錯!! 我唔想再失去多一個朋友

或者再講多少少, 其實喺另一面邁貍O班xx狗都真係幾犀利, 我問親佢地D 問題都可以以遊花園方式答到我, 仲一講起碼講作半粒鐘以上好似背告咁, 呢樣野可能就係呃到人既本錢啦!! 但係我有兩個問題到而家都冇問, 因為我知到佢地班PK 一定唔識答… (1) 呢間公司點樣賺錢架? & (2) 點解來來去去都係得一班廿三四歲都唔夠既無良心可言既死靚仔靚妹, 或者四五六十歲D 無知師奶, 咁果班三十歲左右, 應該係事業黃金期果一班人咗邊呀?? 再講, 即使呢D 錢俾我賺到我都使唔落!!


唔講咁多啦!! 今晚喺公司冇野做之下把心一橫(?!)買左場波, 買熱刺下盤一舊水(因為同同事夾份買), 希望有返幾個早餐食下掛….


有時星座D 野都真係幾準!! 呢D 係今日既運情: 10/4 : 朋友交往，不要涉及錢財
昨天的還更準!! 9/4: 有朋友找你合作搞生意的話千萬要小心

P.S. 呢幾日個Dairy D 語氣可能係俗左D, 爆晒粗咁, 希望大家見諒!!

>>April 9, 2004 at 7:43:56 PM GMT+8