2004 年 6 月 5 日 星期六 【晴】

安田紀念!! 不惶我特登起身睇呀!!

鶴丸小子爆冷成功!! 而第二就跑千里通!! 完全在掌握之中!! 就係咁, 買左1,5,7,14 $60 Q 收返$608.5!! 正!!

至於聽日D 波, 一於買巴西4:1 大勝, 雖然感覺上巴西會同智利打和2:2... 但係冇計啦!! 聽朝返到Home 睇Live 實支持巴西架~ 希望4:1 啦!!

做野方面, 今晚很忙哩!! 到成兩點幾先做得完D 野, 上網玩左陣DNA 之後又勁Free 啦!! 一個禮拜忙一晚都唔係好過份姐!!

>>June 6, 2004 at 7:39:27 PM GMT+8

2004 年 6 月 2 日 星期三 【晴】

繼續返夜… 呢幾晚都冇乜特別野… 返到去完全係磨時間, 以前返夜時玩開GBA 隻育成足球又冇左個save 唔想玩, 搞到成晚流流長都唔知做乜好…

今朝趕返屋企睇巴西VS 阿根廷場波, 買左$20 Ronald 首球 & $10 3:1 波膽中晒!! 眼見Ronald 最後一分鐘都博到個PK 而射成3:1!! 勁開心!

希望快D 出PSP 啦!! 一出左肯定即刻買呀!! 無論幾貴都好!! 到時返夜就等如打PS2 打通頂啦!! 哈哈!!


>>June 3, 2004 at 4:27:46 PM GMT+8

2004 年 5 月 30 日 星期日 【晴】

昨天朝早…睇完NBA 西岸Final T. Wolver VS Lakers! T. Wolver 追成2:3 好睇!!
昨天下午…睇完一級賽遮打盃! 風雲小子越程成功, 勝威旺始終都羸唔到!! 勁好睇!!
昨天晚上…睇完友誼賽AC Milan VS Kitchee, Kitchee 居然憑佩迪里連入兩球反勝客隊!! 超好睇!!

睇完波成十一點先返工… 結果今朝十一點先放工… 訓左幾粒鐘之下又返工…

今晚一返到去又傳來人事變動既消息, 連 Control Commander Simon Yu 都走!! 聽聞話今日通知叫佢聽日開始轉去Harbor, 變相成個Control Room 群龍無首!! 搞到負責EastPoint 呢邊既阿Kin 就要做埋佢果份… 而PID 果邊Li Wah 又Resign 埋… 由2 月頭入黎做到而家總共十幾個人走….

不過就Confirm 左Allowance 真係有, 但唔知幾時先Pay, 而新人果方面就會有兩個加入EastPoint Team, 希望到時呢Team 人愈做愈大 , 跟住到我又升職啦~~ 哈哈!!

>>May 31, 2004 at 2:33:17 PM GMT+8

2004 年 5 月 27 日 星期四 【乍寒還暖】

5．28... 今日又落雨... 落雨都知果日肯定有D 幾重要既事會發生...
正如以往咁, 每逢開學, Last Day, 離離合合D 日子都梗會落雨, 今日亦都唔例外...

一朝早返去o係7/F 更衣室換衫時CF 話Simon 唔做, 一先以為佢講笑點知原來係堅既... 佢遞左信Resign, 做埋下個月廿六號就走人... 首先冇左個Partner 梗係唔開心啦... 但最慘既係佢唔做就迫住我返長夜... 因為成個Customer Service Team 得三丁友... 佢走左個新黎既乜都唔識又一定要搵人教佢... 個In-Charge 又一定要返早... 唉!! 咁我點呀?! 咪迫住長返夜直到新黎果個可以獨立為止囉...

除左佢走左之後返早/夜問題之外, 放假又係一個勁大既問題!! 基本上而家得兩個人做到野, 是但一個放假的話就要另一個去踩, 一踩就要踩三十六... 咁點搞...?! 又係希望新黎果個可以獨立去頂假啦...

除左Simon Resign 之外, 今日亦係阿Pang 最後一日返工, 雖然同佢識左四個月左右, 但係都好唔捨得佢呀... 希望佢去到第二度前程錦繡啦!!

另外, 今日亦知道Patrol 果面阿政, DB 既Poon Sir 又話唔做... 短時間接二連三人人都走... 搞到我都想走埋一份.... 而CS Team 全部人(Coco, Kin, Simon & Me)都內鬨... 唉!

至於今個月KPI 果方面,(*KPI -- 計我地做野D 成績出黎, 即係好似以前學校扣分制咁)... 計到今日廿八號個分數已經唔合格, 個分數仲少個上個月!! 相信下個月月頭出份Report 出黎比人小死啦... 唉唉!! (上個月已經小得甘甘地... 今個月死硬都似!!)

咁多事一齊發生, 唯有見步行步啦... 人手又唔夠, 假又隨時冇得放... 但係相信呢個係除左岩岩開始以黎爭取Announance 既最好時機, 成數都幾大下, 希望爭取得到每個月多多一千銀啦!!

聽晚開始長返夜啦... 唉~~ 咁多位朋友仔! 相信我有排先可以返返早lu....

>>May 28, 2004 at 4:40:55 PM GMT+8

2004 年 5 月 25 日 星期二 【晴】

連場狂踩過後, 今日先較為有心情去打日記...

22/5 23/5 : 記憶上係直踩廿四, 第一次完成"真正的"廿四, 夜晚八點返工, 夜晚八點收工!!

24/5: 放假抖左日, 但係都唔記得做過D 乜啦.. 好似前一晚想訓一陣睇西甲煞科, 點知一訓就到第二朝!! 仲要D 鬧鐘響過完全冇反應喎!! 真的覺得自己當時是不是死了....

25/5: 成個Week 冇o係Office 蒲頭, 今日一見到晒D 阿頭就奶左野!! 話說Sammi 叫左我同Coco 出走廊做Model 影相, 要除晒掛o係牆邊所有既畫, 點知我唔少心將幅畫拍左落地... 成塊玻璃碎晒... 唉!! 結果山Sir 同Belina 都走黎睇發生咩事... 勁樣衰呀!!

26/5: 今日: 紅日喎!! 咁梗係正啦!! 基本上成日既心態都係o係度"Hea", 但係就接左5 單Case!! 都幾忙下今日!! 除此之後都冇乜特別野發生...

** 天煞地球反擊戰 -- 我最憎人昆我!! 我都話要玩野的話我可以好賤!! 聽日我放假!! 你睇住黎啦! **

Upload 左MJ D 相上我的相簿!!
http://photos.yahoo.com/lauliu_hk

一陣波圖Vs Monaco, 一於買摩記Win!!
首球: Moritas (5.5) $20
波膽: Monaco 3:1 (21), 3:0 (29), 4:2 (101) $10

>>May 26, 2004 at 4:49:58 PM GMT+8

2004 年 5 月 20 日 星期四 【晴】

星的見証 !! 昨天....
20:00 -- 佐生落機
21:00 -- Mr Jordan 到半島26/F 總統套房
22:30 -- 同埋佢班聯合國Friend 出左中環KEE Club 食晚飯
00:30 -- 落蘭桂坊"搵野食"
04:00 -- 一拖二之下返回酒店

今朝...

08:30 -- 起身, 食早餐
09:15 -- 訪問 (ESPN, 東方, Apple Daily, Milk)
10:30 -- 記招
11:30 -- 記招完, 樓下Shopping
13:30 -- Check Out From Hotel
14:30 -- Jordan Cup
16:00 -- 往機場
17:30 -- 上機往台北

呢個就係佢既行情, 呢次Event Body Guard 果Part 由山Sir 帶住Ricky, Chi Man, Fai, CF, Ki 等, 而我就跟John Sir 果Team 負責26/F 總統套房果Part, 唔知叫好彩定唔好彩啦, 唔洗由落機跟到佢上機去台北, 佢地由尋日兩點幾開始就做到今日六點成30 hrs 先走得, 但係就全程跟足Jordan.

而我only 睇佢上房果度, 雖然避左最辛苦果D 野, 只做20 hrs 同埋可以極近距離見到佢, 但係都幾悶下, 因為冇得跟佢出去蒲, 同埋冇得上鏡!!! 仲有Stand By 時都企得幾甘下... 成晚只係訓得一粒鐘... 呢D Job 一次就夠架啦~~ 但係如果有下次的話我都係揀返做Body Guard 果Part!!!

P.S.(1) : 一拖二事件: 話說呢位佐生帶左兩件有少少似Thai 既女仔上房, 唔知係咪佢一件, 佢私人保鑣一件啦, 但完事後聽聞俾左$50,000 佢.. 勁!!
P.S.(2): 雖然Take 唔到任何Photo with him, 但佢尋晚出去KEE Club 食飯之前望左我幾野... o係等出去果時佢擔住支雪茄"一下, 一下, 又一下" 咁望完我又望去第二度, 勁"鬼鼠"!! 哈哈
P.S.(3): 不過佢真人真係冇想像中咁高, 一先以為6 呎6 會好勁啦, 點知都唔會高我好多姐~~

>>May 21, 2004 at 4:43:45 PM GMT+8

2004 年 5 月 16 日 星期日 【晴】

“Brodie”!! 一個咁o既word 居然可以搞出好多野出黎!!

話說前晚有單跳樓Case 要做啦, o係個Subject 度打左呢個英文俚語, 原本應該都冇乜野啦, 點知今朝Send 完俾個客之後EastPoint 成間公司差不多最大果個彈返封Mail 黎問呢個字點解… 最慘係CC 埋比全部人, 搞到EastPoint 果邊又打黎問, 我公司SPD 最大果兩個—山Sir & Mark Li 又問點解用呢個字…

大佬呀.. 就算o係封Mail 度打錯一個字有幾大鑊呀… 況且而家我呢個字明明o係Yahoo search 返黎, 家陣對面個大佬居然走黎詐型… 洗唔洗呀!! 好彩有成大間Yahoo 既証據保得住我姐.. 否則死梗!!

經此一役後又心淡啦!! 兩間咁大既公司居然為一個英文名詞走黎玩野!! 真冇癮!!


講完做野… 就到人啦~~ 今日公司真係幾邪下!! Lunch 後 Shirley 唔知點解唔舒服送左去QE, 醫生居然話佢 “見到D 唔想見既野”先唔舒服!! 之後近黃昏時又到Coco 咬柴, 行都行唔到又送埋去QE!!! 今日QE 都真係幾好生意!! 哈!!


Confirm 左20 號做Jordan 單Job… 19:00 至 14:00 做足十九粒鐘貼身保鑣!! 雖然辛苦但係有得見到M.J. 都幾正~~~ 唔知到時會唔會好”墟磡”呢?

>>May 18, 2004 at 3:40:47 AM GMT+8

2004 年 5 月 14 日 星期五 【晴】

又成個禮拜冇打Diary 啦!! 呢week 都冇乜特別野發生, 日日返工食飯放工打機訓覺... 發覺自己愈來愈悶.. 唉~~ 日日十二個鐘困在Office 都唔知有乜好做... 要學既野已經學晒好耐... 都唔知仲留係度做乜!!!

今晚又頂夜返廿四, 岩岩早前十一點左右收到單Case 話Hing Tin Est 有個阿婆跳樓... 都算有D 野做啦~ 相信聽日報紙會有講呢單野啦~~

20 號Michael Jorden 黎香港, 咁岩又係我地公司做喎~ 到時可以跟足佢廿四小時啦~~ 好在有呢個Event 先冇咁悶~~

月尾AC Milan 黎踢波... 好想睇呀... 唔知有冇人買左飛呢?

仲有~ 各位呢排如果冇收到我炸你地D E-Mail, 又想一齊Share 下呢D mail 的話, 麻煩留低你的Mail Address 啦~~ 有Mail 就Forward 埋比你地啦~~

>>May 15, 2004 at 5:16:27 PM GMT+8

2004 年 5 月 7 日 星期五 【晴】

又幾日冇打日記啦!! 好簡單咁講講前幾日所發生既事先啦!!

6/5 : 放假第二日, 睇住車仔場波真係俾佢激死!! 領先兩粒有得出線之下比摩納哥迫和2:2 出局!! 買左佢2:0 & 3:1 全部輸鬼晒 (Total 雖然$50 咁大把, 但係見住有得收錢之下由有變冇, 真係~K心!!), 場波見住個古莊臣成個敗家仔咁將D 機會徙晒!! 唉~~~

之後夜晚就出左去Sha Tin 唱K, 好耐未唱過啦!!(我諗差不多有半年啦!!), 亦都好耐未見過HYK 班朋友仔啦~~ 去Green Box 唱黃金時段, 最尾平均每人百一蚊找數~ 個個都話我肥左好多哩!!"


7/5 : 放左兩日假返返工, 冇乜特別野發生丫, 比較上都算OK 多野做, 唔算好悶~~ 但係就好累下!! 返到屋企沖完涼"攤"左o係張床度睇睇下電視訓著左… 一訓又到第二朝啦!!


8/5 : 今晚返夜直踩廿四, 朝早十一點起左身, 打下機賭下馬就咁過左一個下午, D 馬仔開頭真係輸到趴街!! 比親D Tips o者o者全部輸晒, 到第八場輸左成四舊水有多, 簡直汗都標埋!! 死心前最後一撃買""百浚"", ""百勝駒"" & ""雄心寶馬"" 鐵角Q, 十分之好彩之下跑出後兩者!! 結果條Q 岩岩八舊水!! 反敗為勝!! 哈哈~~ (十分Sorry 冇將呢個最後Tips 冇講比o者o者知!!)

至於今晚返夜, 到暫時為止都冇乜特別事發生… 睇下波咁又到三點… 轉頭再訓多陣先得呀! 否則聽日又冇精神死死下咁!! 早抖~~~

>>May 8, 2004 at 7:14:28 PM GMT+8

2004 年 5 月 4 日 星期二 【晴】

好耐都未試過o係屋企打日記啦!!

呢兩日放假, 主要都係cover 夜晚睇波, 尋日4點幾就o係公司走左, 皆因又唔知咩事隻眼勁痛, 我諗又同唔夠訓有關係掛... 跟住諗住夜晚睇波圖場波, 但點知一點左右就訓左... 搞到白放左一日假....

至於今日, 都係o係屋企打下機, 訓下覺咁就一日, 夜晚食完飯訓著左搞到冇買到馬仔, 原本度好冇買到又中左搞到冇錢分... 可惜!!

一陣車仔場波... 買車仔反勝2粒 !! 2:0 & 3:1 !!

>>May 5, 2004 at 4:47:14 PM GMT+8