2004 年 12 月 21 日 星期二 【晴】

凌晨三點鐘: 今晚第一晚返夜, 家陣一路食宵夜一路睇華倫對愛斯賓奴場波, 十足十自已屋企咁.... 不過由於太耐冇返過夜的關係, 一出門口隻眼已經開始痛 (唔知點解, 以前o係Guardforce 早轉夜時又係咁!!), 可能唔太習慣啦, 但係平時o係Home 打機都打到三,四點先訓都唔會咁, 真係唔知點解!!!!

今晚返夜晚拍住葉仔, 基本上完全冇野做!! D 電話冇乜響過滯!! 工作量同日頭比真係差好遠!!! (日頭已經少架啦, 夜晚仲...)

前幾日有單失車案, 搞到公司個個都戒嚴, 機又冇得打, 淨係可以上網, 差D 悶死!!! 不過經過三日"打鑼"後, 相信又可以回復正常了!!

D 牙又開始痛.... 唉!!

>>December 22, 2004 at 7:28:02 PM GMT+8

2004 年 12 月 17 日 星期五 【晴】

呢兩日.... 不斷地做錯野!!! 搞到比人個感覺係 "唔認真, 淨係識玩, 輕佻", 唉~~

今日主要都係勁煲大閤V, 返左十日工之後漸漸發覺某一位同事有點黑人僧!!! 野又唔教人, 錯左既時候淨係識得話人!! 你好野!! 睇下幾時到你受!! 我是新人嘛, 忍!!!

o係打緊呢篇Diary 同時HYK 班友已經同CE 慶祝緊生日, 黎唔到唯有講句 "HB" 啦

>>December 18, 2004 at 12:31:02 PM GMT+8

2004 年 12 月 15 日 星期三 【晴】

大閣V 努力中.........

今日都算忙啦, 差不多是平時的工作量兩倍~~

有進展!!

>>December 16, 2004 at 12:43:37 PM GMT+8

2004 年 12 月 14 日 星期二 【晴】

開始聞到D 味了!!! 前幾日DL 完大閣立志伝後似乎IT 果邊詐型．．．背後講左D 乜就唔知啦，但個茅頭好似指向我咁，Tracking 阿偉同埋Chi Wai 都有少少暗示話唔好咁張揚．．．睇黎呢幾日都係警戒時期!!

Anyway, 今朝有酒今朝醉，今日都仲係狂煲隻大閣5，都無乜特別事發生，工作量同往時一樣.... 1hr 啦~~~

聽佢地所講, 莫非細公司就真係咁惡做?!

>>December 15, 2004 at 11:55:36 AM GMT+8

2004 年 12 月 13 日 星期一 【晴】

放左兩日假.... Sunday 就睇左四場極之精彩既國際賽, 當中包括精英大師輕鬆取得出道以來連續第十三場勝利, 奠定世界短途王地位!! 五匹日本代表全部空手而回, 其中三匹日本短途霸主 "陽光谷", "金鎮之光" & "多旺達" 都未能入圍, 日本賽馬事業殆已!! 且看女皇杯"多旺達" 及 "隨心起舞"能否一雪前恥!!

Sunday Night: 阿仙奴大戰車路士, 亨利真係好勁! 特別係球快開罰球!!! 車仔班球員真無奈!!

Monday: 無乜特別野做.... 出左大中搞部PS2, 買左隻馬Game 返Home 煲, 都幾正!!

Today: 訓到10:30 先起身, 差D 遲到!!! 返到去基本上成日都勁煲大閣立志伝5, 用木下虅吉郎玩左勁耐都仲未自立門戶.... 可惡!! Tmr 再黎!!!

>>December 14, 2004 at 12:30:20 PM GMT+8

2004 年 12 月 10 日 星期五 【晴】

今天..... 12:45 到達公司, 之後睇左套新警察故事, 基本上英皇所有明星都有出場咁滯!! 之後就開始玩大閣立志伝5, 呢隻Game 相比起三國志X 似乎複雜得多了.... 最起碼D 歷史人物大部分都唔識的 (淨係識得"明智光秀", "織田信長" 那幾個...), 搞到可玩性大減!! 不過相信呢隻Game 都係未來十幾日所煲的主要游戲!!

就係咁.... 差不多玩到放工咁滯, 不過岩岩就發生左一段小插曲, 就係坐o係對面那兩部電腦& 我身旁的那一部無啦啦熄鬼左, 得我用緊果兩部就冇事... 完來咁岩兩個拖頭都燒左.... 哈哈!!

唔知幾時有機會返夜呢? 肯定打PS2 玩死咁滯!!!!

明日國際賽, 且看精英大師能否完成十二連捷!! 而本人就覺得日本那幾隻代表極大機會再次在港揚威!

>>December 11, 2004 at 2:07:49 PM GMT+8

2004 年 12 月 9 日 星期四 【晴】

開始漸漸習慣呢度既生活!!
暫時黎講每日工作時間如下:

13:00 - 15:30 每日一戲 : 今日就"身嬌肉貴", 基本上會全程可以比你睇足, 因為間唔中都會有客打來 & 其他部門既同事失驚無神衝入黎.

15:30 - 17:00 做自已野, 包括上網, 睇書, 睇雜誌等等....

17:00 - 18:00 Dinner Time

18:00 - 20:00 打機..... Yahoo 篤波& PopCap 入面D Games, 但就是每天最悶的時間來了!!!

20:00 - 22:30 TV Time - 功夫足球, 皆大歡喜 & 天涯俠醫, 全部睇晒!!!

22:30 - 23:00 等收工.........

搞搞下返到Home 都唔係再想玩電腦...... 某程度上都幾認同一句說話: "切勿把自已的興趣作為職業, 這可會令自已失去興趣"

唉... 繼續地 Lost Direct...

>>December 10, 2004 at 1:37:29 PM GMT+8

2004 年 12 月 8 日 星期三 【晴】

唔得啦
實在太得閒啦!!
今日一返到去就即刻睇套"蜘蛛俠2" 其餘時間都係上網做自已野!! 完完全全冇王管程度!!!
發覺電腦入面仲有好多其他戲!! 相信o係未來日子入面都有排咁睇!!
簡直是混漲!!! 哈哈

D 同事睇落去一個二個都正廢物黎既!! 個個頹到死咁滯, 個個Dept. D 人都係咁~~ 都唔知呢間公司D 錢o係邊度黎~~~

"返工如渡假", 這句說話套落這裡的確沒錯~~

P.S. 請問有冇人仕識睇一個Account Balance Sheet?
我睇過公司果個好似一年賺好多錢, 想搵人再Confirm 一下!! (如果真係賺咁多錢的話, 唔怪得養得起咁多廢人啦!! 包括我!)

>>December 9, 2004 at 2:43:10 PM GMT+8

2004 年 12 月 7 日 星期二 【晴】

新工作第二日: 昨晚睇緊Arsenal 半場時頂唔順訓著左, 到今朝11:00 先起身都唔覺得好累, 返工時間超正!! 皆因今Week 都係返一放十一!! 之後就返十一放九..... 尚算可以啦!!

至於第二日的工作量.... 基本上仲少過尋日好多!! D 基本野大致識做!! 結果由今日一點返工到而家十點半 9粒半中裡面, 真正做野大概得..... 1hr!!! 其餘時間都係上網打機!! 哈哈!! 仲發現左其中一部電腦裝左隻三國志X, 不過係日文版, 但我諗都有排玩!! 哈哈!!!

就收工, 返到去睇埋波先訓!!

>>December 8, 2004 at 2:33:08 PM GMT+8

2004 年 12 月 6 日 星期一 【晴】

又開始返返工啦，而家o係公司入面打緊呢篇Diary，真係估唔到哩!!

話說呢份Operator 人工都叫做OK, 一Week 放兩Day & 10 hrs/Day, 其本條件都真係幾唔錯!! 再加上又係冇咩野好做 (都係打下電話，做下D 文件野), 今日第一日返工，到16:00 之後就冇咩野做!! 工作方面個Supervisor 話"搞掂就得"!! 佢地D 電腦全部都裝晒ICQ, 枱底連拖鞋& 被都有埋for 夜晚去訓, 雪櫃，電飯煲，多士爐乜都有，而成間公司入面個個都勁Friend，十足十自己居企咁!! 連而家更直頭打埋Diary 都可以!! 哈哈, 可想而知呢間公司幾Shit!! 簡直是頹廢中之天堂!!! 不過我相信呢份工一係俾我做到Supervisor 完全執正佢，否則融入佢地度做Family (似乎後者機會較大!!).... 但係所做o既日子未必會好長，因為我估可能學晒"車"呢方面之後又係因為太悶而辭工了!!

近日．．．又為一個朋友擔心!! 因為佢呢舖真係"賭"得太大了!! 羸左還好，輸左的話真係唔知點算!

>>December 7, 2004 at 11:37:39 AM GMT+8