2005 年 1 月 6 日 星期四 【晴】

今早返九點．．．迫火車時又有點想死的感覺．．．

今天下午的主打是《愛心無國界演藝界大匯演》，四時開始便上RTHK度Online 睇，不經不覺Tsunami 已經發生了十天了．．．很老實說，自己最感觸的正是今天，首次看見災民們的苦況真的想哭起來．．．十分內疚自已過去數天以"觀賞"的心態去觀看這些Tsunami 片段．．．真的很對不起！

當下午看過災民片段後，腦中立即湧現捐款這個念頭，雖然原本打算捐款的數目不太多，但在踏出公司打算前往銀行的一刻，想起印尼暴民如何對待中國人，貪污情況極嚴重之下便停下了腳步．．．我並非不想捐款，但我真的不想自己真心待人的金錢流落在那些賤人手中！！ 我可以點做？

無辜的災民，對不起！ Anyway，今晚我會說服自己的！

愛心無國界演藝界大匯演主題曲 - 愛，請大家用心去感受！ 活在香港真的很幸福！ Thanks God．．．

>>January 7, 2005 at 10:49:47 AM GMT+8

2005 年 1 月 5 日 星期三 【晴】

放了一日半假．．．無咩特別丫

今日返返早，感覺上充實好多，雖然唔係太多野做，但都不致於返夜時咁癲，不過係悶D 就真，隔十零分鐘又一個電話，搞到想打機都唔得，另一個情況都係冇Game 玩，搞到整天都只在上網，悶死！！

好野，今晚終於有意甲睇，呢個聖誕睇英超都真係睇到有點悶~~~

1月9日踢決賽，到今日都仲未準備十足．．．睇下剩返三天谷唔谷到啦~~

>>January 6, 2005 at 11:23:49 AM GMT+8

2005 年 1 月 2 日 星期日 【晴】

今晚係呢排最後一晚返夜，唔知幾時會再返呢?

今晚返到去都係如常地看電視，仲有英超加料哩！！結果雙邊狂睇之下先睇利記以2:1 羸諾域治，跟住葉仔同埋阿偉就返黎，估唔到阿偉帶左隻GT4 回來，又咁岩葉仔部PS2 o係Locker 度，結果"雙料齊睇"變左"波機齊來"．．．首次玩GT4，畫面果然好鬼靚，經過試玩後感覺唔錯！！不過由於呢排太多Game 關係，都未必會買佢玩lu．．．

玩到2 點幾出左沙田食宵夜，3 點回去再玩．．．又有紐卡素VS 西布朗伴碟~~ 正！！

放兩日假，跟住就轉返早，冇PS 打冇波睇冇Game 玩．．．有排捱了！！急徵耐玩電腦Game 一隻!! 見字請留言！

個咀附近 "爆擦" 爆到九彩．．．一開口已經痛死！ 唯有o係度爆返句粗先！ 小那媽！

這幾天身體出現了問題．．．上網Serach 過相信好可能係好小事，但亦有可能好大鑊．．．睇定D 先．．．

>>January 3, 2005 at 9:58:35 PM GMT+8

2004 年 12 月 31 日 星期五 【晴】

步入2005 的第一天: 基本上都係訓覺為主!! 放工後吃完早餐諗住早D 訓早D 起身睇下馬仔，但由於天氣真係十分適合睡覺的關係，結果又是一睡不起!! 早上九點一直訓到19:30 先起身!! OMG! 起身後落左大家樂同屋企人& 表姐+Aunt食飯, 食完又要返工了．．．

今晚節目又係極之豐富，四葉草2大結局之後就一直睇叱吒頒獎禮，中途仲一直睇英超，睇左車仔對利物浦，Aresenal 同埋ManU 三場波，結果睇完已經成4 點．．．

不過四點後就冇咩好做，Game 只得一隻大閤5 但已打到爆機了，所以上上網便算．．．有點悶哩!!

對於今年叱吒結果．．．感覺上今年好像沒有那一首特別出色的．．．我最睇好的"愛與誠"居然十大不入，"美大不足"及"小城大事"則是由頭到尾都不太喜好，但相信這兩首歌仍會是剩餘兩個頒獎禮的熱門曲目。至於填詞人就由Wyman 首次奪得，壟斷多年的林夕終嘗敗仗，未嘗不是一件好事哩!!

夠鐘! 收工

>>January 1, 2005 at 10:58:17 PM GMT+8

2004 年 12 月 30 日 星期四 【晴】


專業推介, 2004 Low B 十大:
(1) 古巨基 愛與誠
(2) Ping Pung 愛是最大權利
(3) 劉浩龍 思覺失調
(4) 容祖兒 一拍兩散
(5) 楊千嬅 煉金術
(6) Twins 丟架
(7) 容祖兒 分身術
(8) 董敏莉 就你
(9) 梁漢文 找我
(10) 陳慧琳 嫁妝

年度國語歌曲:
孫燕姿 我的愛
F.I.R. Lydia
周杰倫 七里香

合唱歌
周國言 薛海琪 目黑
方力申 Stephy 好好戀愛

我最喜愛大碟
Nin9 2 5ive - 容祖兒

>>December 31, 2004 at 3:15:51 PM GMT+8

2004 年 12 月 30 日 星期四 【晴】

2004 最後一夜: 早兩日放假黎，不過都冇咩特別，因為太凍既關係，搞到呢兩日都猛咁訓訓訓．．．一日起碼訓左12 粒鐘咁滯，訓完仲覺得唔係幾夠哩！！終於明白D 動物點解可以冬眠訓咁耐！！

今日：表姐同埋Aunt 黎左呀！！冇見表姐咁耐又靚左喎！！不過整天掛住訓覺同打機都冇咩理過佢地滯．．．

除夕夜：唉．．．估唔到又要o係工作中渡過，上年CMA 工展會都話有D 意義姐．．．今年好可能得我一個人o係Office 中Count Down！！真係比夠十個慘自己！！因為另一個返夜的同事臨時被編左返00:00，估佢都Count Down 完先返工架啦．．．D 咁既公司D 更期搞到不知所謂，同佢地講話我9/1 要放假，講左無數咁多次都唔肯比我放，明明果日返四個點Short 都Short 到出黎，結果又係編左我要返工，睇見張Roster 真係慶過火屎！！既無奈又無癮！！

新一年的願望．．．．．．

>>December 31, 2004 at 2:19:59 PM GMT+8

2004 年 12 月 26 日 星期日 【晴】

今早六時放工，跟住夜晚返十一點，感覺上放左半日假!!
今晚無咩電腦節目好睇，返到Office上左陣網之後睇完晚間新聞後便開始無聊了，結果又開返隻太閤V 黎玩，一玩就玩到0800!!! 中間居然只係響過一個電話!! (仲要係Yip 仔接聽埋，即係我完全冇野做過)，咁又一晚!!! So Crazy~~

Bad News: 本身話除夕果日放假，點知比人編鬼左要返夜晚!! 搞到冇得倒數．．．．
>.<
明顯地係新人比人恰啦!! 幾狗!!!

近排PS2 買左幾多Game 下．．．有排玩!!

又一世界大災難．．．海嘯．．．好恐怖!! 望遇難者們早日安息．．．．．

>>December 28, 2004 at 12:28:03 AM GMT+8

2004 年 12 月 25 日 星期六 【晴】

昨天朝早10:00 訓，一訓就訓到成19:00 先起身，不知為何訓玩仲好似好累咁．．．夜晚去了Nickin Home 打邊爐，人就唔算齊架啦，一行五人由八點開始一路食，食到走果時三點都仲食緊!!! 當然中間有停過走左去打機啦，五個二十歲少年玩GameCube 隻 Mario Tennis 玩到笑爆肚!! 之後志鑫，CE，同Lai Man 分別Join 埋，但不知道是否志鑫 & Choi 得悉Lai Man 殺到，便於十二時多就走人了，最後同Doy, Gap 佢地玩到三點走人!!

Boxing Day: 今日主題 --- 並不是今天的賽馬或英超球賽，而是參加龍馬盃的情況!!
今早十二時多才起床，，惡補左冇玩半個月而復操一天的WE8, 踢左兩場ML 後同Lau Wa 再練多場，之後便出了葵芳踢龍馬盃了!!
先講個賽際先: 256 人參賽先以小組4 出1 形式，小組每人踢三場，最高分者出線。之後64 & 32 強就一場過淘汰賽，16 強到4 強都分主客際，決賽一場過咁樣!!

首先三場分組賽，第一場由於太緊張之關係，上半場0:0 摸和，到下半場就發力連入三球，輕鬆得勝!! 第二場開始時個勢超順，入下一粒入下又一粒，到上半場35 mins 左右已經領先緊4:0!! 最後半玩野情況之下輸返兩球，4:2 再勝一場!! 到最後一場小組賽啦，由於另外三位參賽者都冇人全勝，呢場我只要唔輸得超過兩球或以上就出到線，結果在經被迫和1:1 情況下以4:1 完成小組賽!! 3戰全勝當然出線啦!!

之後就到64 強啦，對手全部都係其他組既勝出者
呢場好似都係以4:1 勝出 (唔記得4:1 定4:2 定5:2...) 感覺上係難打左，再加上個球証無啦啦變到勁大，Bug 來的!! So 其實都幾緊張下!!

最後就踢32 強啦，對手當然更強啦!! 不過呢場相信係我玩WE 黎講暫時既代表作，一開波兩分鐘就先入一球，之後再入多球未球廿分鐘領先兩粒心諗都OK 啦，點知比人追下一球追下又一球，完半場2:2 打成平手，屋漏偏逢連夜雨．．下半場開波冇耐，一個兩黃一紅，一個即紅，即係九個打十一個，由4-3-3 變成4-3-1．．．在場眾觀戰者都話我輸梗．．．點知靠Kaabi 一個扭轉整個大局，連入三球 & 法比加斯的一個入球下居然以6:2 大勝完場，在場者個個哇然!!
就係咁，晉身1月9 號既16強賽事，希望到時能夠奪標而回啦!!

打完．．．六點半，結果今晚本身返20:00, 19:15 已經返到Office....
好在今晚D 節目都叫做豐富得很，基本上由八點開始睇四葉草2，之後就睇天涯俠醫，再之後一路睇廣東體育台直播既英超 & 無記的新城頒獎禮到而家都仲睇緊利物浦場波!!　雖然累但係都幾過得下!! 一陣六點收工．．返到去真係要抖抖．．．

>>December 26, 2004 at 6:39:03 PM GMT+8

2004 年 12 月 23 日 星期四 【晴】

平安夜: 如常地要返工, 今朝11:00 訓, 到左4 點幾比志鑫個電話吵醒後便冇再訓過啦, 所以到而家兩點幾就開始有少少眼訓......

今晚返到公司之後就勁上網上到而家, 基本上平時所去既Web Site 都去晒咁滯.... 亦睇左一個關於 "你有幾了解自已" 後自己又想玩下喎, 相信都會Keep 住日日Update 一陣子!!

就係因為呢個"有幾了解自已", 荒廢多時HTML 語法再被喚出來, 但可惜發覺已忘得一乾二淨了!

睏......... 明晚放假, 應該會去Nickin's Home BBQ, 放工後操下Winning 先 !

>>December 24, 2004 at 7:06:07 PM GMT+8

2004 年 12 月 22 日 星期三 【晴】

今早七時放工.... 感覺上都只係玩通頂 feel....

今晚冇左西甲睇, 整晚都頗為無聊, 不過都好既, 一次過清晒D E-mail (Check E-mail 啦!! 朋友), 而隻大閤立志伝5 o係玩左43 小時之下"終於"都爆機了, 不過比較驚奇的是用羽柴秀吉爆機並不是以"統一天下"為目標, 而居然係以 "登上一品官"為完結 (原來日本的歷史是這樣的!!)...........

對於呢隻Game 的評價: 其實都幾好玩架, 起碼可以令我自己由未玩之前對日本歷史"不太認識"到爆機後的"略有所聞" (起碼而家識既唔止得織田信長一個啦~~), 同埋更加挑起左我對日本歷史的少少興趣, 有機會去Library 搵下有冇類似"三國演義"既書先!!! (感覺上, 本能寺之變 = 赤壁之戰)


今晚聽Radio, 聽返莫文蔚的"忽然之間", 很有味道....... 記得當時Hit 呢首歌時大概F.5, F.6 左右...... 憶起很多很多... 沒有甚麼比讀書時代更開心!!!

參加了Game Station 龍馬搞那個龍馬盃, Boxing Day 比賽, 不過已經冇得玩WE8 接近一個月... 隨時去到比人大炒都似!!

CMA 39th Expo... 一年了.... 這一年來, 你過得如何? 明天便是平安夜了...............

>>December 23, 2004 at 9:06:47 PM GMT+8