2005 年 2 月 2 日 星期三 【晴】

一如上次所料．．．那一晚回家後便十分辛苦．．．結果只能死撐了ManU 大戰Arsenal 場波的頭三十分鐘．．．結果當然看不到那場峰迴路轉的賽事吧！

昨天放假也只好留在家休息．．．睇完車仔場波成六點先訓

今日又返一點，工作量麻麻．．．可能不太夠睡的關係吧，不論打機或做事也沒精打彩的．．．始終感冒未痊癒個人也有點點辛苦吧～

近來又再想起一件事：我是否又在原地踏步呢？

2005 年 1 月 31 日 星期一 【晴】

人生的低潮中．．．這幾天做每樣事情都十分不如意．．．可以話說每一樣事情總有錯．．．那種感覺真的極不好受．．．

昨晚喉嚨已經開始痛了．．．今天起來痛．．．結果整天都帶著痛楚的感覺上班．．．最後証實己患上感冒．．．明日放假看來也要在家休息了．．．

急救Course 方面．．．不要說了．．．這也是時間上的問題導致原本想報讀的Course Full Booking 了．．．雖然不太重要，但腦裡又立即醒起"不把握時機便失去"這句話！

雖然今晚有ManU 大戰 Arsenal，但相信身體未必可以撐到那個時間．．．因為現在真的很辛苦．．．很累耶！

P.S. 利物浦場波首球 - Louis Garcia 15 倍非常好分，值得推介~~

2005 年 1 月 30 日 星期日 【晴】

好慶呀真係！ 今天經歷左一件非常仆街的事！果一種失落無助的感覺又一次出現！！

話說今日返一點鐘，返到去Hea 左陣之後就去左沙田商中果邊間中銀諗住開張本票for 報First Aid 個Course，第一件傻仔野就係好揀唔揀揀著今日31 號 + 星期一，條隊長過唔知乜咁，結果排左成粒鐘先排到．．．

跟住叫佢開張本票比我啦，點知佢話無Bank Book 就開唔到，我話Bank Book 九百幾年前申請提款咭時已經Cut 左，而提款咭o係上年唔見銀包時無左，班癈柴銀行職員淨係識講"無Bank Book 出唔到架喎"，之後話想開返個Acc 又話唔可以，連比埋身份証講明Cut 左叫佢搞都無用，好！以後唔洗旨意我用中銀！你班PK！

被Reject 後諗住有條好計，借排緊隊D 人既戶口幫一幫手，我入錢落佢戶口度叫佢出本票．．．結果首次感覺到香港人的人情冷暖．．．天啊！！他們的眼光猶如將我當成一個騙子般．．．真是人間的悲劇．．．原來香港人看見一些有需要的人是如斯冷淡啊！WTF！

最後帶著沮喪的心情返回公司．．．原來已經出去了接近1小時45 分鐘，不知又有否同事打小報告．．．

原本想再打其他野，不過無乜心情了．．．係咁多

2005 年 1 月 26 日 星期三 【晴】

上了兩天什麼職業訓練課程，結果十九小時的課程裡面起碼睡了十四小時，悶到嘔晒泡！

今天終於回到Office 了，整天的工作量都頗多，搞到都無乜時間打機．．．

二月份的Roster 出了，一如所料亂到七彩，又係睇見都眼火爆果一種，一時返工時間由09:00 到14:00 都有！你叫人點適應？！ Bull Shit！ "幸好"之前Book 定的五天假期都編好了，但現在似乎又好像用不著．．． Shit Again!!

明天原來就是廿八號了，有糧出之餘差點忘了約好Guardforce 的舊同事門出去唱K 哩．．．但明日放假搞到有點不想出去了．．．

昨晚車仔 VS ManU．．．無睇到 >.<

近期的偏財運．．．很低哩！！

2005 年 1 月 23 日 星期日 【晴】

哇...
整一整呢塊板又整左兩粒幾鐘，好彩係o係公司整o者！
仲要咁岩無咩電話，可以比我快手快腳搞掂左個雛型！

昨日在電視目睹"精英大師"輕取洋紫荊短途錦標完成出道以來十四連捷，感覺上一場比一場羸得辛苦．．．
但下一場跑直路相信都會羸的，不過去到尾關主席奬要轉彎的話恐怕有危機了．．．
且看呢匹短途王能否平世界紀錄！

今天由於夜晚唔多夠人，所以晏返13:00 放23:00，工作量都唔算多，
整日都是上網為主，而明後兩日就要去佐敦上堂．．．相信悶到嘔泡都似！

2005 年 1 月 18 日 星期二 【晴】

昨天實在太忙了，連打日記的時間也沒有！(真的！) 相信昨日是做這份工作以來最忙的一天！

今日比較下頗為空閒，上網的時間也多得很，所以把心一橫決意整靚我的Diary 及其他討論區的形象，上網找到不少靚相，基於搞討論區果度大費周章，到而家先開始整個Diary．．．暫時只係整返幅Background 落去．．．不過好似好鬼黑咁．．．頂住先啦．．．放完假得閒再搞！

我好像忘了怎樣Fix 個Background.．．．望智者能解之！

至於Game 方面．．．大富翁4 居然出唔到個爆機畫面．．．結果一怒之下成隻Game Delete 了．．．取而代之的是新DL 的大富翁6代．．．剛DL 完未試過，希望玩到啦～

昨夜利物浦場波．．．查奧爾使出施丹轉身．．．真係金球！

明後兩日放假，阿邊個，又話唱K 既．．．

>>January 19, 2005 at 12:07:26 PM GMT+8

2005 年 1 月 16 日 星期日 【晴】

昨晚放工後去了明星"名為肥Doy 慶祝，實為打邊爐是也" 的活動，由於日頭工作(? 定打機?) 得太累搞到隻眼又痛，再加上一打親邊爐都牙痛的關係，所以是晚並沒有食得太多．．．(蝕了!! 哈哈) 結果整晚笑的時間還比吃的時間多．．．(這是剛從明星出來時覺得其實並沒吃過什麼而"醒覺"的!)

打完邊爐十一點半左右走左，今次仲有雪糕食哩！ (天寒地凍吃雪糕，是不是瘋了呢?!) 結果返到Home 隻眼加劇痛楚．．．沖完涼睇睇下富咸場波便已頂不順睡著了．．．一睡就睡到今早十時起床，很久沒試過睡這麼久了!! (10 小時耶!! 很奢侈哩!) 結果眼痛全消，今天帶著一個有足夠睡眠的身軀上班～

今日由於有幾個鬼頭 (還不知是什麼人耶．．)過來公司參觀，搞到大半天也正正經經地作事，下午得閒些少就玩隻大富翁4．．．相信在未找到其他Game 之前，這Game 是我唯一的選擇了!!

差點忘了要說．．．今早未起床時比阿Ta (Guardforce 的舊同事) 來電吵醒．．．走來問我以前Guardforce 時當中一份Word Report 的Password 是什麼．．．天啊！第一，那個Report 的Password 不是我Set，我也不知道的。第二，以前Guardforce 的"行規"也有定的 -- 如非死人"Lam"樓絕不可打居企電話。而最可怕的是，我已經Resign 了Guardforce 四個月耶．．． (雖說可怕，但Resign 了這麼久還被人認為工作上有關係，總算安慰．．．)

>>January 17, 2005 at 12:34:10 PM GMT+8

2005 年 1 月 14 日 星期五 【晴】

好幾天沒打日記了．．． 也許因為天氣又轉冷的關係吧！自身也變懶不少！！

這幾天．．．"古惑天皇" 成為了各討論版的熱門話題

這幾天．．．不停反覆想著一個問題: "錢，真的這麼重要嗎？" 一個又一個都因為金錢這樣東西改變了．．．是否賺得多口氣就可以那麼大，那麼囂呢？ 請緊記，每做一樣事之前請三思往後回想時是否過到自己那一關。 不知從那裡得悉這金句：錢不夠多可以慢慢賺，但有些事情做了就是做了，無論過了多少年也不能改變的！ 朋友們，請自重！

這幾天．．．沒有再玩WE8 了．．．我也懷疑自己是否經歷那敗仗後害怕再上"戰場"．．．

這幾天．．．因為那個朋友，認真地問自己 "人生的意義" 是什麼．．．暫時來說還想不到什麼．．．而在比你搵到好多錢又如何！！ 看到的朋友們有否認真想過這問題？ (我不是想死耶．．哈哈)

這幾天．．．公司的電腦不知何解Yahoo 的E-Mail 不能Forward Mail 出去．．．朋友們請有心理準備你的 E貓 將被轟炸吧！

這幾天．．．夢裡經常出現預科時期的生活，現實中也經常回想．．．唉

這幾天．．．也就是這幾天．．．過去了就過去了．．．向前看啦！

>>January 15, 2005 at 9:52:54 AM GMT+8

2005 年 1 月 11 日 星期二 【晴】

好幾天沒打日記了!! 特別是經過9/1 那天比賽龍馬盃後, 發覺自己之前一直在閉門造車。 雖然在16 強出局, 但所得著的相信比勝出冠軍還要多!! 經此一役後終於知道自已的打法上既缺點!! 相信下一屆定可捲土重來!!

而這兩晚都是返夜頂Yip 仔放大假, 兩晚都係去到6 點幾7 點時就頂唔住訓著左! 不過今晚就好D, 節目多左少少都冇咁悶, 但唔知係咪睇ManU 場波0:0 太悶的關係, 搞到未完場已經訓著咁滯.... Too Bad!

睇左套"機場客運站", Ending 雖然麻麻但係都算幾好睇, 湯漢斯做戲果然得下!!

仲有一粒鐘就放工.... 跟住14 日又要返返早, D 假全部積晒o係月尾........ 快D 到20 號啦~~~

>>January 13, 2005 at 12:04:26 AM GMT+8

2005 年 1 月 7 日 星期五 【晴】

經過一晚的思想掙扎，結果．．．災民戰勝了貪官！

今早特地出去銀行做了一件很有意義的事，雖然個數目不多，但起碼也幫到災民們一點吧．．．果然．．”施比受更為有福”！　看見這篇的朋友們，你出了力沒有？

工作方面，今天都做錯唔少野．．．>.< 仍是沒Game 玩．．．整天都只在上各討論區吹吹水，同埋去Sina.com 玩大老二 & 捉棋。雖然今天是賽馬日，但返工開著部電腦黎睇馬始終都太過火了吧，所以連同今次在內，已經沒買馬一陣子了．．．

明日便是16 強戰了，相信最起碼可以入到8強，我覺得應該入到決賽掛，因為主客制有兩場打會有信心少少，只不過係驚冠軍戰一場過會比人突襲完死守會輸姐～～ 在此預祝成功取得冠軍！　哇哈哈哈哈 (妄想中．．．)

就快放工．．．返到去再操操先～　Master Legaue 仲有三週季後練習未練，今晚搞掂佢！

>>January 8, 2005 at 10:42:15 AM GMT+8