2008 年 7 月 5 日 星期六 【雨】

今日好早起左身~十點幾就出門去街街呢~
又係出香港區丫...呢排去街街都出到更遠..he

去左筲箕灣的海防博物館..天氣都不太好架喇..
去到仲說有雷暴警告..所以室外不可參觀..
唯有睇展覽館呢..都幾多野睇a..仲有遊戲玩添..
不過冇得睇室外真係差d..

睇完就搭叮叮車去西灣河食壽司..有間日本店d壽司好大件好抵食架..
仲記得上次黎果時..有對情侶係度吵架..哈哈
由於午市呢..所以冇得叫三文魚卷..果個真係好大件架..
冇得叫添..就叫左三文魚軟蓋蟹卷..4件 $ 55蚊..最貴也
仲有叫了個咖哩牛腩飯..好大碗好好味..正正

又係食得好飽飽...哈哈
之後就行去太古到...減下肚腩..不過再食更多野..
肚腩似有左添喇...被邦仔笑我..hee

太古城勁多人..星期日真係唔同d..人流多幾倍..
去左「葛量洪號滅火輪展覽館」
好大架消防滅火輪..可以參觀船入面..
不過好快就看完呢..hee
見到好多消防既野...好想買d紀念品添..hee

成日都落雨..把短傘都唔係好掂..搞到大家都濕了半身
行左陣就走走嚕...因好大雨a..
去鑽記百佳...勁多人..好似處身於街市咁...真誇張呀..
shopping..買了好多野...呵呵呵

六點幾買完回家..打機...打機..
因太飽...九點幾先食飯..
晚上就陪邦仔睇網球賽..
世界第一 對 世界第二..勁呀..
不過我睇到十一點就睡著了...hee

>>July 7, 2008 at 2:14:24 PM GMT+8

2008 年 7 月 4 日 星期五 【晴】

尋晚兩點鐘先訓丫...今日感到好累累a..
下午要番工..因有電腦講座..
十一點幾被邦仔不停叫起床...但係好累...唔多想起身..
如果唔係番工...我諗訓到一點幾都得...哈哈

邦仔好耐都冇整野食喇...
因宜家佢都早過我番工..
今天就不同喇...一齊出門口..hee

我就去番工..佢就約左朋友仔打卓球..goood
其實電腦講座我只幫手set少少野...但係就要5點先走得..= =
不過都好...四點幾早左少少放工..
之後就回大埔家..明天才去玩玩呢..

報旅行團要遲下先報得a..
都係等邦仔正式上班之後先報呢

>>July 5, 2008 at 11:54:01 AM GMT+8

2008 年 7 月 3 日 星期四 【晴】

今日係天神畢業禮丫..九點幾去到紅磡食早餐...
十點幾Ling佢地出去先~而我就十一點幾同au搭taxi出~

我負責拍Cam...擺左四張枱疊高個腳架..有點危險..
企足兩個鐘..勁辛苦~~腳仔累也

四點幾就完左畢業典禮
今年冇咩特別表演...所以一切都好順利..
好既表演節目全部留晒係50週年既晚宴..到時仲忙呀..哈哈

之後執野回天神...五點幾就走呢..

因六點幾要去理工到同同事吃飯..
未夠鐘..所以去左科學館行行..原來要比錢的..
以為奧運免貴添..= =之後就去左對面既歷史博物館..
因差唔多關門..所以沒點參觀..只是睇左一陣..



以往幾年都係去食自助餐,今年就不同呢
食中式..仲有抽獎添..人人有獎..永不落空..哈哈
大家齊開心呢~


我抽到一本靚靚記事簿..jenny就抽到安美露..
她跟我交換了呢..hee


仲有遊戲時間呀..大家都玩得好投入
真係勁搞笑.仲拍左片添..哇哈哈

玩完食飽飽就影相時間~~

影了好多相相..同好多同事都有影..
不便post上網..哈哈哈

今天玩得好開心a

晚上就回富山家家~
邦仔今日實習...放十點幾呢..夜夜呀..係家執下野...打機等佢回來..
發覺一個人玩wii有點悶的..同佢一齊玩就不同呢..
會開心好多架..因一齊玩好搞笑的..哈哈
睇住佢玩埋d傻瓜遊戲..真好笑..

>>July 5, 2008 at 12:27:49 PM GMT+8

2008 年 7 月 2 日 星期三 【晴】

今日都係忙忙忙忙..
早上執定器材..因明天出st mary畢業禮..

而下午呢...就要要set專題研習既攤檔..
因星期一開始專題週呢~
仲諗住唔會ot...點知..都係7點幾先收工...

又係討論星期六番工既問題...突然出左好多問題..
真麻煩...仲話係iT既負責人...
工作上...真難溝通....救命丫..

本來晚上要出mk交渡假屋既錢錢..
但係因太夜..又要番家吃飯..個個都唔多想出..
au幫我地交錢呢...好在佢順路...感激感激..hee

ot了兩天...補番一天假...星期四不用番工..
真係正正丫...可以係家家慢慢打機喇..哈哈哈
仲有丫..下星期五玩roller的進階班..又來也..正

+++++++++++++++

今天係邦仔第一天實習...室內工作..都幾好..
不過明天就要出外喇...要努力a...
過多兩個星期就正式番工...到時就會辛苦好多...

>>July 3, 2008 at 2:52:59 PM GMT+8

2008 年 7 月 1 日 星期二 【晴】

放了一天...又是番工的日子...忙極的一天...
要印獎狀...好多的呢..記得上年都有好多時間預備..
今年就沒有呢..仲忙左好多添..

講左更耐...今天終於有點時間拍專題示範片...
我地幾個著住PE衫...拍了好耐a..有好多ng片段..哈哈..
好多都係我講錯野...不過大家成日講講下都會笑..因都幾搞笑..Heee

大家都辛苦了...
晚上八點幾終於搞掂...好夜呢..
之後au..溫溫..徐老師&我地IT部就去黃埔食晚餐~
吃pizza呢...叫了兩個四人餐...真豐富丫..

回到家家都十一點嚕..夜呢

>>July 3, 2008 at 2:47:37 PM GMT+8

2008 年 6 月 30 日 星期一 【晴】

今日係公眾假期丫,真太好的呢
去左銅鑼灣的俱樂部~
本來係游水的..點知話假期我唔玩得架播..
真失望丫...仲預備好晒行裝架嘛~

咁唯有就玩保齡呢~
玩2 round~第一次50幾分..第二次80幾分..
叻叻左...雖然都唔係好高分~但都掌握了呢~
邦仔都幾勁a..有全中...仲係百幾分添..hee

玩完就沖涼...因出晒汗...
係俱樂部book到打波都幾好架..
玩完沖涼焗油..真係一流a..哈哈

之後就落灣仔188...問wii的價格..
行了好幾間...幾經辛苦考慮後..
終於都以二千幾蚊買了..真happy
仲買了兩隻Game丫~可以同邦仔的朋友交換game呢..

之後就緊係急急回家試家呢~
找巴士站途中...遇見遊行..真係好長人龍丫..
不過比起前幾年..真係少人行呢..
今年主要都係反通脹同埋普選..
咩都加價...極貴...買野前真係要價格丫..

回到家就即玩新機...真係幾正丫...
係部電視差了少少..間唔中就轉色..hee
不過都冇咩問題既..照樣玩得..
玩兩隻game都幾剌激.幾好笑...哈哈..仲好好玩添..
好遠距離都玩到a..真正...玩到十一點幾先捨得收機..hee

邦仔都係因遲下番工沒時間陪我..所以買wii呢..
對我真好...謝謝丫...

>>July 5, 2008 at 12:29:04 PM GMT+8

2008 年 6 月 28 日 星期六 【雨】

星期天 在家中
天氣不太好呢 下了成日雨

暑假都唔知仲玩唔玩到roller添丫
宜家都未定星期幾學 一切未定
哎也也也~好耐都冇練習喇 只怪天氣不好呢

煲劇...今次睇「惡作劇之吻」都真係幾好睇架播
至於日劇果套「花樣少年少女」已經冇咩心機睇喇..
由於講日文既關係喇...hee都係留番出左粵語先睇番~

明天就係六月三十日喇...
好耐也都沒有去拜家駒呢...
真想去一趟丫~

>>June 29, 2008 at 11:48:57 AM GMT+8

2008 年 6 月 27 日 星期五 【雨】

放假天 又係訓到晏一晏 哈哈
邦仔九點幾就醒左
而我當然就繼續訓喇..訓到十二點幾先醒a
訓得飽飽呢~

今天去銅鑼灣行街街
尋日係謝師宴抽獎有ROYAL SPORTING既100現金卷
所以用黎買野 買左件衫衫 真抵抵a~

之後又去左維園 有馬術奧運既野睇
仲有好多馬仔添呀~有得喂馬吃羅百添~
冇帶相機沒可影相相 真可惜
唔知到時馬術奧運有冇得去睇呢

行左陣就去食下午茶
香港區真唔同同 到到都更貴
間間下午茶餐都40up..
最後揀左m記吃呢 唔知點解我地去果一間
特別多員工 但係間m記好細的
計起上黎..員工仲多過客人 哈哈

食飽飽就睇roller鞋..找了一陣
原來間鋪頭執左喎..
係呢個時候...突然有怪風..勁勁勁大雨...勁勁勁大風
唯有企係d鋪頭前避避雨 但係太大喇 條褲都濕晒呢
之後等左十分鐘到細雨少少就行呢

搭巴士回家家
今日都早走左呢
因邦仔約左朋友到家家玩wii
唔知幾時買wii玩玩呢 哈哈哈

今天真是開心a~
下次邦仔教游水 我要學識先得 he

>>June 28, 2008 at 2:46:39 PM GMT+8

2008 年 6 月 26 日 星期四 【晴】

今日係天神謝師宴丫~前兩年都係中午搞的..
今次就晚上舉行..吾..都係差唔多喇
但係吃既就不同喇

Marco哥哥成為目標人物...有幾個同學仔都找佢拍照
其實佢地都幾大膽架...吾..仲有d得人驚添..
不過愛情既魔力就係咁呢..
會不惜一切都去試一試...有勇氣a..哈哈
連司儀都點名叫左幾次添..
今日都算開心a..哈哈

晚上番邦仔家家..佢被我嚇倒..唔知我回來..不乖乖a...hee
今晚佢竟然唔看球賽播..真出奇...哈哈
又安排了明天的節目a..期待也

>>June 29, 2008 at 11:55:57 AM GMT+8

2008 年 6 月 25 日 星期三 【暴雨】

今日出門口果時都冇咩雨..
點知過到紅磡...哇哇哇...暴雨..
條褲勁濕..回到學校用風筒吹干去呢..

成日都冇乜點坐定定做文書工作..
因要錄影課堂...好多錄影丫...

聽日仲多a...快d完過埋暑假就好喇...hee
拍得多都有點悶架...特別係英文堂..
不過低年班會好點...活動性多..冇更悶..哈

>>June 26, 2008 at 1:32:03 PM GMT+8