2008 年 7 月 15 日 星期二 【晴】

今日的專題日多左要錄影..因快完結了
學生們要匯報呢~
但又出現唔係錄影帶問題..
但好好彩中大既Cam Man哥哥竟然說借給我們用播
真係多謝晒~~有借有還..上等人..實會還番比佢既..heee

中午同事們開行政會..
呢個時間我地就偷懶..玩了陣..
不停影相..影相..哇哈哈..好搞笑的..

六點幾Jada & Joli來天神也
因放工去Carman的九龍城家家睇兔仔
原來佢住翔龍灣的..感覺好似酒店a..靚靚



jada也玩得好開心a~

>>July 17, 2008 at 2:07:38 PM GMT+8

2008 年 7 月 14 日 星期一 【晴】

邦仔好耐都未試過在番工時間整早餐嚕~
真是開心也~今天係佢第一天正式番工
上左更耐堂..終於番工嚕,祝工作順順利利也

星期六就係去長洲Camp喇,唔知到時天氣又係點呢
呢排成日都不定..星期六都未去Camp..
就想定下一個活動..
就係去迪迪尼呢..又係同IT組同事也~
因Ling的朋友有平飛a..抵抵抵

仲有a..仲有a..Plan緊同Jada & Joli去HelloKetty城堡~
好在小童有平價..平好多呢~~
帶佢地去玩玩也

今個7月邦仔都要番工..好夜先放工
呢排又撞岩更耐活動..
可以同同事們&Jada去玩玩呢
真是開心也~~

>>July 15, 2008 at 1:25:28 PM GMT+8

2008 年 7 月 13 日 星期日 【雨】

今天身體都仲係有點痛...不過好左少少架喇
晚上同邦媽預早慶祝生日~
去九龍城打邊爐~有點熱熱地..hee
個湯底真係好好好味...飲左幾碗a..
其他食物亦都好好味..果然係正a

今晚個天不停不停地閃電..行雷就少少喇..雨都係微微
唔知一個鐘有冇閃萬幾次呢...閃到成個天都好光
晚上番到家家...仲同邦仔一齊睇閃電..heee
記得細細個睇個一次好勁既閃電...好勁架個次..唔知點講..= =哈哈

晚上收埋衫都訓訓嚕...因都好夜夜..
不過零晨時份..真係訓唔著..
原因係不停行雷...閃電...好驚呀...好嘈呀..
= =睡得不好..heee

>>July 15, 2008 at 1:36:30 PM GMT+8

2008 年 7 月 12 日 星期六 【雨】

星期日放假天 今天依然周身痛
手臂同條頸都係勁痛
哎也也 還是未好番呢...

睇左幾套戲 就看了一整天
學生番埋呢個星期就放大假嚕
有d學校已緊放緊 我地就要補祝一個星期
努力吧 期待放暑假

>>July 13, 2008 at 12:35:30 PM GMT+8

2008 年 7 月 11 日 星期五 【晴】

起身同邦仔玩左陣wii..
不過都冇乜力水..因尋日受重傷..哈哈
同埋條頸好痛..

今日的節目係去睇戲...食飽早餐就出門呢~
沒拿雨傘...好在今天都陰陰天..沒大雨..
又係去主場尖咀睇戲..裝飾了真是不同a
幕又近左...場館入面又靚左...真太好

睇左「街頭超人」..真好睇a..
好搞笑 + 感動..動作場面都幾勁..真係好勁a..
越來越愛看外語片...好在令邦仔也愛上睇呢..
佢以前說怕睇字幕..宜家不同了..被營幕吸引住..hee

睇完戲就去左佐敦拿相機..L100..
有得用新相機呢..真太好也
去旅行可以用呢..哇哈哈
要慢慢研究部機點玩先得~he

之後就落左九龍城...睇睇邊間打邊爐好食..
因邦媽就來生日...星期一預早慶祝..
所以特登落九龍城book位..好多正野食架..正的
仲買左禮物添..不過jada既禮物就未睇岩..要慢慢再揀..

今天真係不適...病病地..手軟軟軟腳軟軟軟..
周身痛...踩roller & 玩wii既後遺症..要休息休息先得..

我呢個病人仲同邦仔追左兩次巴士..
第二次追巴士真係有點危..下次不追了..= = 險險險險..

>>July 12, 2008 at 2:22:06 PM GMT+8

2008 年 7 月 10 日 星期四 【晴】

工作極忙忙
又要急忙地趕起工作..
經常也是這樣子....趕趕趕..

晚上去左彩虹學roller..進階班a..
係Tom Kictien食野..食飽飽就飛的士過去..
宜家多數都係飛的士過去..因價錢也差不多..又有位坐..hee

進階班..學生好多速度既野...真係快左好多...
仲因為咁..唔小心趺左一次...趺到個pat pat勁痛
仲扭到條頸添...真糟糕

之後呀sir帶我地去買野入...踩去好遠買..
好在冇趺...但係都幾驚驚

呀sir話其中一堂會出吐露港踩呀...
哇哇哇....到時就係真正既考驗喇

由於星期五既關係..今晚玩耐左少少..
d鞋暫時放左係呀sir到先..因下星期天氣都可能不好
沒時間練習的呢~

回到家家...驗傷..哇哇..真的很痛
周身痛...隻手仲瘀左...隻腳又對鞋界到...
救命呀...最傷的一次

>>July 12, 2008 at 3:02:13 PM GMT+8

2008 年 7 月 9 日 星期三 【晴】

放假一天 補假來的 真開心

今天it部同事們來富山家家玩wii
好多人來也..真開心

玩了幾隻Game..奧運會&wii Sport&Party..
最唔駛出最多力都係Party...等齊四個人來就玩呢隻game..好好玩呢
但奧運會就要出力...個個都好落力更玩..哈哈

晚上外賣了KFC來吃吃..
仲開枱打麻雀...我冇份玩a..因唔識玩...哈哈

邦仔十點幾回來..同事們都玩到十點幾就走走嚕
今天真係好開心...一班人玩真係開心好多的呢..
非常熱鬧..

雖然有好多意外...但都不緊要..最緊要開心嘛..

>>July 12, 2008 at 2:44:27 PM GMT+8

2008 年 7 月 7 日 星期一 【雨】

今日又係落大雨..不過好好彩..番工果時落車就停雨..
放工也沒有下雨...真太好的呢..hee

第二天的專題日..今日都要錄影..但係就冇尋日更多..
可以鬆鬆呢..不過之後就要電台錄音..
因歌唱比賽錄音...哇..係電台整埋錄埋都搞到兩點幾..
三點先吃飯呢...hee

吃飽飽就去左Reading Room幫手set場..
聽日有fall well Party呢...真開心呀..
set到個場好似有人結婚咁..哈哈
期待明天a~

晚上沒看電視..聽番尋日 的「嘩！嘩！嘩！打到o黎」
呀澤打電話上商台...勁好聽..
原來 嘩！嘩！嘩！做三個月架渣...
聽聽聽..日日都聽..heee

>>July 8, 2008 at 1:20:07 PM GMT+8

2008 年 7 月 6 日 星期日 【雨】

尋日玩完wii..隻手真係好累..有點酸軟呢.
不過好玩就真係唔捨得關機..哈哈

今天係專題研習週正式開始
要負責錄影&影相..四圍走
好在係半Day..唔係既話就仲累累..hee

星期四有得放假假..真是太好呢..
多一天假期..可以整天在家家打機呀..

嘩嘩嘩打到黎又做番喇....真係勁開心呀..
最期待就係呢個節目....真係好好聽好好笑架..
吳君如依然主持..有佢先好聽的..可惜沒有呀潭呀...
哈哈...另一個主持就係呀喱..深夜12點 - 2點...哎呀..好夜呀..

>>July 7, 2008 at 1:30:47 PM GMT+8

2008 年 7 月 5 日 星期六 【雨】

今日好早起左身~十點幾就出門去街街呢~
又係出香港區丫...呢排去街街都出到更遠..he

去左筲箕灣的海防博物館..天氣都不太好架喇..
去到仲說有雷暴警告..所以室外不可參觀..
唯有睇展覽館呢..都幾多野睇a..仲有遊戲玩添..
不過冇得睇室外真係差d..


睇完就搭叮叮車去西灣河食壽司..有間日本店d壽司好大件好抵食架..
仲記得上次黎果時..有對情侶係度吵架..哈哈
由於午市呢..所以冇得叫三文魚卷..果個真係好大件架..
冇得叫添..就叫左三文魚軟蓋蟹卷..4件 $ 55蚊..最貴也
仲有叫了個咖哩牛腩飯..好大碗好好味..正正

又係食得好飽飽...哈哈
之後就行去太古到...減下肚腩..不過再食更多野..
肚腩似有左添喇...被邦仔笑我..hee

太古城勁多人..星期日真係唔同d..人流多幾倍..
去左「葛量洪號滅火輪展覽館」
好大架消防滅火輪..可以參觀船入面..
不過好快就看完呢..hee
見到好多消防既野...好想買d紀念品添..hee






成日都落雨..把短傘都唔係好掂..搞到大家都濕了半身
行左陣就走走嚕...因好大雨a..
去鑽記百佳...勁多人..好似處身於街市咁...真誇張呀..
shopping..買了好多野...呵呵呵

六點幾買完回家..打機...打機..
因太飽...九點幾先食飯..
晚上就陪邦仔睇網球賽..
世界第一 對 世界第二..勁呀..
不過我睇到十一點就睡著了...hee

>>July 7, 2008 at 2:17:18 PM GMT+8