2003 年 2 月 3 日 星期一 【晴】

尋日同kel + 熙睇完人體奧妙展...真係好奧妙...
條死仔包仲搣斷人地條腸....
唉~~~

尋晚同阿女睇完百年好合...好睇！

自從在峨嵋山上見到你
希望在飛鵝山上見返你
...太好聽！

Crazy taxi~~好好玩...
huma166 ... 都唔知講乜...
huma 071 ... 個 lecturer 真係過得去...

條死仔Gary...今日上 lang 玩互相介紹...
佢竟然話我有條女...仲話我畢o左業會同人地結婚...
不過我都唔弱...我話佢有幾條女...成日都唔得閒上堂！
算係打個和啦...不過...諗諗下..早知話佢有幾條仔好過..~~

>>February 4, 2003 at 5:56:15 PM GMT+8

2003 年 2 月 2 日 星期日 【晴】

今朝無無聊聊...
發覺真係要減下肥...
結果晨早就落o左去跑步...
但係跑唔夠十分鐘...就想返屋企訓覺..^o^
真係無乜恆心~~
...希望聽日會跑得耐o的...

>>February 4, 2003 at 5:56:27 PM GMT+8

2003 年 2 月 1 日 星期六 【晴】

年初二既生活...
都係食同訓....真係肥o左唔少...
不過...好鬼唔開心...
我又唔係食得多過人...
不過我老豆就成日話我食得多...叫我要運動...
成日向度話阿邊個減到肥...阿邊個減到肥...

>>February 2, 2003 at 3:28:24 PM GMT+8

2003 年 1 月 31 日 星期五 【晴】

現在時間 00:13 , 大年初一
踏入年初一...我第一樣做既野...唉~~~
竟然係...
算啦...
我真係要更多既時間去淡忘...

年初一...應該開開心心既！要努力呀...

卒之向 01:21 出o左門口
同熙去行維園年宵！
我突然諗起...我地就好似「兩條阿伯行公園」咁...
好明顯...我地係去晨運....

行行下...腰酸背痛...俾人打o左幾十下...我好想打返佢...不過...原來佢係女人...算！

行行下...
我問：「乜o的人坐向棚頂架？唔驚個棚散架？」
熙就答：「我見到小萊。」
我就諗...其實熙會唔會以為我有弦外之音呢？
熙又會唔會係想我 catch 到o的弦外之音呢？
夠竟...係真係咁o岩得咁橋...定係...
真係講佢會...
真係唔知...呢o的野...都係事後諗返發覺思想既...

行行下...大家見到...就...嘿...真係窮心未盡賭心又起...
結果...就買o左啦...一套大細 + 魚蝦蟹...

行行下...見到「四蛇」檔野...
阿「水」好落力咁叫賣...
不過我無行埋去...

行完之後...同熙落翠華食早餐....
講講下...講到邊個有女先喎...
突然...就諗起首 << 單身女人>>...
我地兩條<<單身男人>>「落翠華說天光」

返到屋企...打o左陣 simcity 4...
竟然一開始就賺...係一個好既開始！
跟住就訓o左....zzz

zzz...醒o左...好香....食午飯....zzz
zzz...醒o左...食晚飯...zzz
zzz...醒o左...食宵夜...做 fyp 呀！
無o左件事！ >__<

-----------------------------------------------
<<單身女人>> 梅艷芳 + 鄭秀文

曲:蔡一智
詞:周耀輝

S = 鄭秀文 A = 梅艷芳

A:單身的一個
S:如單身應該好好一起過
A:朋友一一出閣
S:情侶有哪對真正是快樂
A:如果今天拋不開的只得工作
S:便開開心心的工作
A:誰不識單身的感覺
S:如寂寞就是錯

A:就算當上天后但想得到一個
S:伴我走到天后食晚飯著新裝
A:就算可以不倦但得一雙肩膊
S:但我可以依旁 如若你這刻想跌倒
A:男友說走了 S:喊便喊出來
A:男友說謊了 S:你別太悲哀
A:自信喪失了 S:相信你可愛 然後該放開都放開
合:或者不需戀愛

A:單身的一個 S:如單身應該好好一起過
A:如一支花高貴 S:玫瑰要湊夠一札愈美麗
A:藍色生死戀戀得多麼的悲壯
S:談生生死死多麼錯
A:如單身應該相依相親一起過
S:無人陪便伴我
A:就算當上天后但想得到一個
S:伴我走過天后落翠華說天光
A:就算戀愛轟烈但交不出功課
S:沒有戀愛包袱 陪著你慶祝自由多
A:男友說走了 S:喊便喊出來
A:男友說謊了 S:你別太悲哀
A:自信喪失了 S:相信你可愛 然後該放開都放開
合:男友已走了似沒有將來 全世界都說欠伴侶悲哀
而我更相信單身也可愛 能換骨也識得脫胎 放下愛

>>February 1, 2003 at 4:02:41 PM GMT+8

2003 年 1 月 30 日 星期四 【晴】

尋日...本來約o左人去行...點知太多人....cancel o左
今日...本來約o左人去唱 k ... 點知...起唔到身.... cancel o左
今日...本來約o左人晏晝去行...點知...新聞話好多人...董伯伯又會去喎...結果...都 cancel 埋...
真係灰！

呢幾既洗費本來好大架...點知...乜鬼活動都 cancel 哂...結果無洗過錢..
太開心啦！

無論睇幾多次... HERO(律政英雄) 都仲係咁好睇！

夜晚無無聊...
一路 print fyp o的 program code 出黎睇
一路向度睇 vcd...
開頭以為 「9 個女仔 1 隻鬼」唔係o的乜好戲...
睇落...都 ok 喎...算有得笑下...
向套戲度我發現...
Stephy 好靚女...不過塊面有o的包包地...
Theresa 好型女 feel
Serena 好鬼妹
Elaine 真係唔係好高..不過就好靚女下...
Gloria 總括黎講...除o左對腳粗o左少少...都係一個靚女
Helena 好鬼旺角 look ... 塊面好彩色...
Kary 好平凡...真係好平凡...
Angela 同 Miki 都係o的好唔起眼既女仔...
而睇完成套戲...最得既造形係...杜文澤！！

精句：
我記得我黎呢個世界既時候
我向度喊...我周圍既人都向度笑
我希望我走既時候
我同我周圍既人都係開開心心既

>>April 5, 2003 at 8:22:59 AM GMT+8

2003 年 1 月 29 日 星期三 【晴】

呢幾日都唔知做乜...成日都好悶咁...
有 Program 又無 mood 寫...
個 presentation 又無 mood 去整...
再係咁落去...我諗...我遲早.... >o<

又諗返起妳...-.-...又諗返起...
...
..
.
獨站在夜深街角 慣性地感染冷漠
無人能明白我想帶著淚而狂歌
跌破的夢兒 仍殘留一堆一堆諷刺
唯願妳看見 請妳會意

>>January 30, 2003 at 5:37:04 AM GMT+8

2003 年 1 月 28 日 星期二 【晴】

好悶既一日...

不過今日約o左阿女
初三去睇百年好合...
希望佢靈靈性性... 佢屋企俾佢去啦...

>>January 29, 2003 at 3:18:51 PM GMT+8

2003 年 1 月 27 日 星期一 【晴】

阿狗仔真係好玩！
佢真係會驚我唔幫佢做功課架喎！
其實點會丫...

今日仲約o左阿 Ca 佢話幫我約埋隻狗仔出黎睇
Catch Me if you can..
希望約得成啦..

今晚向女人街一間好好食既日本舖食飯...好正！
下次一定要再去過...

跟住同賢，神去o左信和，
我地搵到啦！魁男！YEAH YEAH！
但係...我地就即時 Glycogen (肝糖)...

>>January 29, 2003 at 3:17:12 PM GMT+8

2003 年 1 月 26 日 星期日 【晴】

韓燒！？
乜唔係日本野咩？
不過算...
無所謂...都係咁食

今日體會到乜野叫做惹火女郎...
我地阿嫻姐今日...一路燒...就一路玩火...勁呀！
食完就同阿佢地去o左行海邊...

原來...向o個度o的人...唔可以俾人嚇架...
如果唔係呢...就會一手推o左自己條女落海架啦...

行完上o左熙屋企打牌...
我頂...
係咁放炮！
但係頭o個同尾o個舖都係...起手差兩三隻就食到十三么...都 OK 邪..

>>January 29, 2003 at 3:12:26 PM GMT+8

2003 年 1 月 22 日 星期三 【晴】

今日同電台班 friend 去o左唱 K，嚴格黎講... 唔算係唱 K...只可以算係傾計 ha...
唱 k o個陣 Irene 話學識o左個新既占卜想同大家玩，點知無啤牌...掃興 >O<
唱完k ，行過報紙檔，我就買o左副牌俾佢玩。

本來大家都想捉阿琪玩架...點知佢唔肯...點都話要阿安同 Irene 講佢知點呃 Grant Loan 先肯玩...
結果...全部都人都有玩到..係佢無玩...好唔合作呀！

我個占卜結果...嘿嘿嘿...
我都唔相信原來...

「
她竟然好好好好好好好好好好好好好鍾意我
她她她她她她她她她她她她她都鍾意我
她有咁多個他他他鍾意佢
我只係得咁咁咁咁咁咁咁鍾意佢....
」

真係估唔到~~

>>January 29, 2003 at 2:29:22 PM GMT+8