2004 年 7 月 25 日 星期日 【清涼】

今日同細佬妹一齊去細妹同學屋企玩,
仲帶左部 PS 去 tim,
點知我地唔記得帶駁線, 最後要去問人借......
借線途中還順便玩 "猜樓梯" ~~
令人懷念的童年玩意啊 ~ ^_^ ~
我大敗 !!!!!!!!!!!!!!!
輸得很慘 ar ~~
之後終於玩到 la,
原來奧運 game 都好好玩 ga ~ haha ~~~
仲有太鼓 game 有 mini game 玩 ~~
我地留到 7 點幾, 就黎餓死先走 ......

>>July 27, 2004 at 3:55:03 PM GMT+8

2004 年 7 月 23 日 星期五 【清涼】

終於有時間帶到 Ben 返教會 la ~
崇拜果時都仲照顧周到 ga,
不過......
一到團契, 玩服裝設計,
唉 ~ 我就掛住玩遺忘左佢啦 ~~~
好彩仲有廖姑同佢傾計, 探討下信仰 ge 問題 ~
個服裝設計真係笑死人, 個個都癲哂......
笑到個咀好累 ~~ haha ~~
阿國被迫做 jor model ! 件衫真係 fit 哂佢 ~
而且我地全女班, 咁梗係犧牲佢啦 ~
(本來仲有 Ben &團長 , but 一個同廖姑傾計, 一個要做 MC)
er ...... 其實佢最好彩 ga la ~
隔離組又肚兜 , 又青蛙裝 , 佢只係型仔裝 jei ~
仲有我地服侍 , 我地組員係靚女黎 ga ma ~~~
唔知幾好呀 ! 仲嫌件衫暴露 !!!
我地 design 得真係唔錯 ga ~~原來我地係咁有天份 ga !
最後 catwalk 真係笑到我條腰都伸唔直 ar ~~~haha ~~~

小 Car 仲整左 Tiramisu 畀我地食呀 ~
雖然個底溶左少少, 不過依然好好食 ~~
我仲畀 d 可可粉 "濁"親......
可憐 Ichiban 畀 d 變態吹到成面都係可可粉 ~
雖然我都有畀人襲擊, 不過我手上有一大舊, 可以反擊 !

玩到 6 點幾, 我地就散啦 ......
我要去同 mandy 食飯、行街 ~
同佢買左好多耳環, 我幾鍾意呢 d 精細 ge 野 ga ~
見佢買得咁開心, 不過我又唔戴 ge ......
跟住食飯仲搞笑, 去美食廣場食野,
隔離撘檯 ge 2個嬸嬸成日聊我地講野,
我地一路食, 佢一路同我講話我地食緊 ge 野好多味精,
食得多會甩頭髮, 又話 d 菜冇用蒜頭炒過, 食左會唔知點 ,
不過我地照食 ~
之後發現原來佢地係另一間食店 ge 老闆娘同伙計 ...... -_-lll......

本身諗住買褲, 可惜搵極都唔到 , 之後買鞋 , 又冇我 size !
難得我肯買野 ~ 最後竟然乜都買唔到 ......
我仲同 Mandy 講, 話 "梗係神唔希望我亂咁買野 la ...... "
佢就買到好興奮啦 , 一袋二袋咁 ,
聽日可以靚靚咁去接佢 "牛哥" 機 ~ haha ~~~
之後返到屋企發現 , 原來楊太送 jor 幾條褲畀我,
exactly 係我想買又 ge 款 & size !
幾奇妙ar ~~~ 好似一早安排好咁 ~~~~
完全明白 "踏破鐵鞋冇覓處, 得來全不費功夫" ar ~
(隻鞋真係爛爛地 ......)

P.S. 原來今日都有功輔班, 不過我唔知道......所以冇黎到 ~
連細路個姐姐都黎 jor, 家姐乖好多 ga ~

P.S. 今日見到好耐冇見 ge 卡兒、枝 & Jeoy ar ~
之後又撞到瘦身後 ge Super , 我都唔知邊個嗌緊我個名 ......
嚇得我 ar, 真係瘦左一個圈 ~~ 厲害 !

§ § § § § § § § § § § § § §

正樹 ......
原來真係靈鷲宮, 咁領隊咪係天山童姥 ...... um ......
係呢, 你地冇事吖嘛 ? 見你地個個都就黎唔得咁 wor ......

>>July 24, 2004 at 5:18:08 PM GMT+8

2004 年 7 月 22 日 星期四 【清涼】

今日個日頭好毒呀,
我不停在長沙灣行來行去......
又熱又累 !

先行去女青 , 搵唔到阿 Bo,
(忘記了世上有電話呢回事)
跟住返教會幫手, 原來我應承左幫兩面(功課輔導班和服裝設計班),
d 時間完全重疊, 我好想去服裝果面幫手,
因為阿姨畀我學埋一份,可惜功輔班又有人黎(一個咁多),
咁就要兩邊走......
個細路......教佢幾堂都知道佢成日"扭"唔做功課,
唔睇緊 d 唔得, 好彩中途有敬華黎幫手,
我先可以抖一陣......
最後淨係上到服裝設計班十幾、二十分鐘咋! >_<
要快 d 搵人替我啦 ~~~~~~~
然後上 3 福, 上左兩個鐘 ......
挺累的 ~ 講得太快, 我吸收唔切 ar ......
不過, 談被電視洗腦, 倒是很有趣的 ~~~

匆匆回家吃飯, 接著再去女青,
今次終於找到阿 Bo 了 ~ 對了, 還順道去影印 ~
然後去看靈鷲足球隊踢波,
是否天龍八部裡天山童姥住的靈鷲宮?
下次要問問領隊呀 ~~
雖然我不太熟足球, 不過還滿好看的 ~

我計過,
今日來回多處的路程都有差不多 2 hrs,
果 d 地方雖然話近唔近, 話遠又唔遠,
但係原來加埋都好累 ga ......

>>July 23, 2004 at 5:31:44 PM GMT+8

2004 年 7 月 20 日 星期二 【酷熱】

今日節目豐富 ~

先去唱 K, 很久沒去玩了 ......
自閉了好幾天, 日子過得很清閒,
開始有點無聊了~
唱完就去逛歷史博物館和科學館,
由於今日免費入場, 迫人到爆 !!! (尤其科學館)
不過同人迫都值得,
"錢幣展"同"香港故事" 都好精彩 ~~~
希臘錢幣好精緻, 有大如, 小如豆都有 !
好似在錢幣(er...... 好像叫標幣才對)畫畫呀 ~~
香港故事仲厲害, 同行朋友已經行過 3 次了 !
我今天才第一次去, 實在太迫真啦 ~
由地殼變動, 香港形成開始講到近代,
那些場境很有趣呀~~~~
我非常喜歡呢 , 不過逛到腳 "bike"...... 很累 !
我們還在歷史博物館內的茶座吃芝士腸、唱兒歌 ~
唱到連對面賓賓都歧視我們呀 ......

之後食晚飯, 由於唔熟尖咀,
所以就在漫遊了好一會, 然後突然下起大雨來......
我們便找地方避雨, 因此看見"噹噹燒" ~
食燒餅作晚飯...... 味道還好吧 ~
不過, 有一些很有趣的相呀 ~
像洪金寶啊 ......呵呵 ~
又有搞笑的紙巾箱, 老闆說是在大阪買的 !!
心齋橋 ...... 我會記住的 ~
他原來以前是導遊呀, 還建議我去環球片場玩那個什麼...... 忘了 ~
本來還想再問問有什麼好玩的,
不過要趕回美居麥記......

懇求 Jones 幫我那親愛的妹妹補 econ,
他真是大善人呀 (笑) ~
econ 都唔難明呀, 我也有很努力的回答問題~
真是勤奮好學的好青年 !
Candy 也跟某某人一起來了, 很像以前我們一起溫書的日子呀~
如是這般, 我們溫到 11 pm 才走......
真是挺累的,
為什麼我覺得我溫 econ溫得比細妹更認真的 ?
唉 ......
沉重的無力感 ......

P.S. 我見到一個有點像"醬爆"的人 , 不過我不確定是不是他,
他在麥記還戴墨鏡 ...... -_-lll ......

>>July 21, 2004 at 6:30:21 PM GMT+8

2004 年 7 月 18 日 星期日 【清涼】

19
今日好好笑~~ haha ~~
同細佬妹玩到傻,
玩名叫 "卷蟲仔"(個名我地自己改 ga ~)的遊戲,
玩此遊戲需要一張被和一個細佬,
如果有幫兇就更好(細妹一個),
haha ~ 真的好好玩呀 ~ 信我 !
卷好就可以等 "小蟲" "破繭而出" 啦 !!!!

偶然跟他們玩玩, 實在不錯呢 ~

>>July 21, 2004 at 6:28:25 PM GMT+8

2004 年 7 月 16 日 星期五 【清涼】

好感動呀今日......
同譚 kair & 賴美有成兩年冇見啦 !
竟然還可以像以前一樣談天說地 ~
我和譚 kair 先去了石硤尾球場邊坐邊等賴美,
那個球場好像荒廢了似的,
除了間中有一、兩個阿伯行過,
就沒有其他人了 ~~~
連電子鐘也是爛得很 ......
不過, 我們幾鍾意這地方,
在看台大叫賴美"全朵"也沒人理,
十分搞笑 !
之後又去了石硤尾室內運動場,(唔知有冇打錯個名, 上次千人砌機果度!)
在 canteen 坐(有冷氣呀~~~~), 傾下近況,
之後又搬去門口的 sofa 坐,
又傾過 ...... 都傾左兩, 三個鐘 ~
大家性格其實都冇乜點變......
可以見返舊朋友真係好 ~
haha ~ 譚 kair 還是那麼喜歡郭晉安 ~ ^_^ ~

之後返教會,
只趕到返查經班......
今次談基督徒是否可以上香 or 食拜過的食物 ~
真是鬥得難分難解啊 ~

P.S. 親戚那面還是一團糟呀 !
還我自由啦 ~

>>July 17, 2004 at 5:07:22 PM GMT+8

2004 年 7 月 15 日 星期四 【清涼】

昨天還是超級開心的,
怎料今天竟然掛 8 號颱風 !
"圓規" 還真利害 ~
之前 "蒲公英" 同"婷婷" 黎, 都係熱左 d jei ......
另外, 有人說不做了 ! (親戚那面)
令我擔心了好一陣子呀......
還好只是走一個, 應該可以的......
千萬不可再走啦 ! 我會死的 !

今日我本來是挺忙的,
不過打風, 所有事都取消了 ~
希望明天沒有事啦......
整天躲在家看書, "動物公司" ar ~
快看完了 ~
還有在牆上畫畫, 非常 relax !
(加上親戚沒有來找我嘛......)

雖然出面橫風橫雨,
但在我來說, 今天真是寧靜的一天呀 ~

P.S. 呢幾日都放唔到日記上網呀, 唉 ~
連睇下都唔得 ge......

>>July 17, 2004 at 5:05:34 PM GMT+8

2004 年 7 月 10 日 星期六 【清涼】


因為昨天崇拜變了講座, 今早有青少年崇拜,
熱鬧到唔夠位 ~
跟住有愛筵,
以比賽形式食 lunch ,
我們製作 "蛋包", 非常有趣呢 ~~
個個都食得飽飽呀 ~~
生意過不錯呢 ...... haha ~
另外,
去大阪短宣之旅原來要注重好多細節 ......
例如唔準著背心短褲(三角骨都唔得 !),
唔可以嘈, 入屋一定要除鞋,
著裙一定要過膝頭 ,
食飯要大叫大家食飯, 食完又要叫大家慢慢食 etc.
我一定做漏幾樣 ,
救命 ~
咁多規矩, cultural difference ar ......

▇ ▇ ▇ ▇ ▇ ▇ ▇ ▇ ▇ ▇ ▇ ▇

從神而來的平安 !
多謝你們的鼓勵 ~~~~

>>July 12, 2004 at 6:36:03 AM GMT+8