2003 年 1 月 23 日 星期四 【晴】

今日心情異常不穩定，喊左好多次．．．．

>>January 24, 2003 at 2:24:48 PM GMT+8

2003 年 1 月 21 日 星期二 【晴】

今日係尖咀度行左陣，買左【嵐】隻ＥＰ啦～
好好聽，好靚，好開心呀！！

>>January 22, 2003 at 4:50:53 PM GMT+8

2003 年 1 月 21 日 星期二 【晴】

╯憤怒╭呀！
好╡嬲╞呀！
今日放左學要去佐敦補習，之前去尖咀行街啦～
落車之後，過緊馬路既時候，迎面而來有個人要係我身邊經過，但我隔離冇位比佢行架喎，於是乎，佢就一個爭批埋黎，好大力咁批埋黎喎，跟著就走左喇。咁我理所當然就會拎轉頭望下個個係邊個啦，原來係一個著污糟姣婆粉紅色衫既矮史得得樣衰鄉下無業流氓。咁原來佢又望著我喎，我冇理佢繼續行啦，點知我聽到佢好大聲咁用粗口鬧我，鬧我娘親喎，我登時火起三丈，勁嬲law係，我無啦啦過過下馬路都會比ｄ咁既人撞，撞完一句對唔住都冇就咁走左，仲要係條街度大大聲咁用粗口鬧我，我有做錯咩？係佢唔岩喎依家，點解佢仲可以咁理直氣壯架，仲要鬧人添喎！我真係勁興ｌａｗ！不過，我係唔會同ｄ咁既人嘈既，咁盞拉低我自己既身份，話晒我都係一個ｂａｎｄ１學校既ｆｏｒｍ５學生，有學識有教養，懂得禮貌，點會好似個ｄ無學識冇知識冇常識冇腦既豬九咁一般見識丫～明明自己理虧在先，都竟然可以咁理直氣壯聲大夾惡咁鬧人，我覺得真係超過份ｌａｗ～！真係，同樣地，我補完習出黎，暈陀陀又有個外國人撞到我，但人地係第一時間ｓａｙ　ｓｏｒｒｙ，重要係，係我自己唔小心撞到人地先架喎，但人地都同我ｓａｙ　ｓｏｒｒｙ　ｌａｗ～兩個ｃａｓｅ，真係文化相差好遠！

>>January 22, 2003 at 4:46:41 PM GMT+8

2003 年 1 月 21 日 星期二 【晴】

我想講既係
我可能係好多野上面都可以好大方,冇乜所謂,
但並唔包括人事關係
我呢樣野係絕對地小器架
我最憎d人當我白痴,當我透明,當我死
唔好以為有d野可以厄得到我啦
自把自為,自作聰明,最憎呢d人!
簡直不知所謂!

>>January 21, 2003 at 4:51:42 PM GMT+8

2003 年 1 月 20 日 星期一 【晴】

今日係冇癮既一天,我全日都好冇癮law~
唉... icq死左..我已經失去人生既一大大大樂趣....唉.....
咁我生存黎仲有咩意思呢?....唉......
冇icq用..我真係好好好唔開心ga~
望住部電腦,load左一次又一次,都仲係load唔到,我真係好傷心,又勁無奈,我可以點....
我又唔可以懲罰佢既~眼白白睇住部電腦,又用唔到icq喎.....唉....好慘呀......
不過放學之後去左食麥記,食個個新ge魚柳飽,好好味呀!!又食左blueberry新地~食完好飽...
不過.........一諗起屋企個icq死左,就咩mood都冇晒啦..........唉.......

>>January 21, 2003 at 4:52:48 PM GMT+8

2003 年 1 月 19 日 星期日 【晴】

＠％＃＊＆．好．╬興╬．呀．！＄＃％＆＠＊．．．．
頭先開機上網，開唔到個ｉｃｑ喎～
咁我理所當然再開過啦，但又唔得喎，如是者試左五六次到，咁我冇癮啦，ｓｏ熄機再開過。
咁重新開過部機，上到網之後，ｉｃｑ依然開唔到喎，仲ｈａｎｇ機添，咁我冇理由放棄架！？ｓｏ～再開過部電腦．．之後，終於開到個ｉｃｑ啦，但，冇左其中一個ａｃ喎，嗰個ａｃ係我細妹既，咁我好奇怪啦，但冇點理到，反正我ｏｎ到就得啦。
點知ｏｎ唔到一陣，又ｈａｎｇ啦喎，咁我已經係好唔ｇｕｒ架啦，但都冇法架～又死死氣再開過部機啦，呢次又試左好多次先開到ｉｃｑ，不過．．．今次就真係~R家剷喇．．．連我個最常用既ａｃ都冇埋，唉．．．仆街ｌａｗ今次，我整左好耐，試左好多次，不停咁開呀刪呀，但都係唔得，ｓｏ．．最後我決定重新ｄｌ過個ｉｃｑ。
諗住呢個最後一步都行埋，實得啦～點知．．．．
都仲係唔得ｌａｗ！ｉｎｓｔａｌｌ左之後都仲係開唔到，都唔知發咩瘟，低Ｑ能架，都唔知食左咩屎個死人ｉｃｑ，平時都已經ｓｈｏｔｓｈｏｔ地架啦，我都忍你喇，今次仲整唔見我兩個ａｃ之餘仲要開都開唔到，唔興就假啦，真係佛都有火呀！豈有此理丫！
好嬲呀依家！

>>January 20, 2003 at 3:01:30 PM GMT+8

2003 年 1 月 18 日 星期六 【晴】

今日呢，其實我係諗住溫下書架，雖然岩岩ｅｘａｍ完，但好多野都唔識，又唔明喎，咁就諗住趁此機會將ｄ野睇番熟ｄ啦。但我又衰呢～開著電腦ｏｎｌｉｎｅ～咁又點會溫到書丫．．．．唉．．．．．．．真失敗，自己講過既野都做唔到，成日淨係得個講字，都唔做既～唉．．．．．
於是乎呢～我就玩足成日ｉｃｑ喇．．．．．

>>January 20, 2003 at 1:57:47 PM GMT+8

2003 年 1 月 18 日 星期六 【晴】

呢個日記簿真係好有問題，尋日黎寫日記既時候，冇晒ｄ留言，今朝黎既時候，又淨係得番ｄ留言冇晒ｄ日記喎，咁我唔理咁多照寫日記啦。到我夜晚黎啦，咁呢～日記同留言都有啦喎，但就冇左我今朝寫個篇日記，咁我再寫過啦，點知又ｌｏｇｉｎ唔到喎，我再去呢個網既時候已經找不到網頁喇．．．．
真係好無奈ｌａｗ～

>>January 20, 2003 at 1:49:43 PM GMT+8

2003 年 1 月 17 日 星期五 【晴】

唉．．．．
呢排真係頭頭碰著黑，頭痛完之後，今日就鼻敏感喇。
尋日打完頭痛個篇日記，諗起自己鼻敏感時一樣咁辛苦，咁就打左一篇關於鼻敏感既野啦，點個唔小心ｄｅｌ晒，又整唔番出黎喎，咁一怒之下就唔去寫番就訓覺喇，心諗我今日又冇鼻敏感，冇左都唔係太大件事姐～唉．．點知今日就即刻鼻敏感，搞到我唔打都唔得，好邪！！
鼻敏感，真係好辛苦架。
呢種辛苦，係唔會鼻敏感既人所無法明白架！鼻敏感個陣，起初會不停咁打哈嗤，流鼻水，打哈嗤既frequency直情可以高到每分鐘７／８下架！打到頭暈眼花，眼都擘唔開，又勁流鼻水喎，申鼻涕申到鼻都甩咁滯啦！經過幾個鐘頭咁既折磨，就會開始打唔到哈嗤，又冇乜鼻水咁，但唔好以為唔打哈嗤好好，因為依家先係最辛苦，打唔到哈嗤喎，唔係唔打，而係打唔到．．．．　呢個時間，除左去訓覺之外，就咩都做唔到架啦～
訓醒覺起身，個人係好似好番好多，但個頭就會勁痛，梗係啦，打做幾百個哈嗤，打到個頭都ｗｉｎｇｗｉｎｇ地～跟著個鼻又會好似唔屬於自己咁，甩下甩下，唉．．．．總之鼻敏感唔單止病發個陣辛苦，病完之後都好辛苦ｇａ～！

>>January 18, 2003 at 5:52:25 PM GMT+8

2003 年 1 月 16 日 星期四 【晴】

考試完結之日，不等於考試終結之日。
人生便是考試的開始，只要在世上尚存一天，便要面臨各式各樣，接踵而來的考驗，無休止的直至離開人世的那一刻才完結。
這個考試的網絡，早已將所有人網著，誰乜逃不了。逃不了…

>>January 20, 2003 at 3:04:23 PM GMT+8