2006 年 2 月 12 日 星期日 【微冷】

今日係第一日考 mock
考中化文化問題同 listening ~

文化問題有一題好難，三選二 ge 情況底下即係唔洗選 ~ haha
寫左唔係好多，不過都多過平時 test ~
有條題目佢想講年紀老 ge 母親，打左老母出黎 ~ 忍唔住笑左出黎 ~
死啦 ~ 今日個半鐘已經覺得好累 ...
考 Geog 同 History 6 個鐘真係唔知點死 ~

listening 都好好笑，個錄音 D 人係咁攪 gag ~ haha
都 ok ge ~ 唔算好難 ~

唔知咩事今日講野係咁走音
lunch 果時我響餐廳好大聲將狗年個狗字變左粗口
嚇到大家定左格，然後爆笑 ~ haha

今晚家姐竟然同我講我 ge 感情問題
haha ... 比佢整喊左我
不過呢 D 係感動 ge 眼淚，好感謝佢
上左好寶貴 ge 一課 ~

今日精句 : 以最好的心情，擁抱最壞的事情。( 鳴謝《 天生一對 》提供 )

>>February 13, 2006 at 5:05:31 PM GMT+8

2006 年 2 月 9 日 星期四 【炎熱】

終於來到今天了
這是我最後一天的正式中學上課天

沒有特別厲害的離愁別緒
只是很高興，有大家陪我走過這八年的路
我覺得自己很幸運，總是遇到好人
感激你們在我開心時替我感到開心
失落時安慰我、支持我
還很感謝每一位說過不捨得我的低 Form 同學仔，真的很 warm 呢 ~
無論怎樣，我都已經賺了，而且賺了很多

今天大家都很開心地拍照拍照，扮 top model ~ haha
幾乎沒有上課，除了派了最後一份中化 test
雖然一次比一次進步，但還未夠好啊 !

不過今天真是很開心
離別，不一定是傷心的，對嗎 ?
你們都在我身邊，我也在你們身邊。

今日精句 : 沒法長流細水跟最愛廝守，仍懂得笑得走。( 鳴謝林若寧提供 )

>>February 13, 2006 at 5:06:47 PM GMT+8

2006 年 2 月 7 日 星期二 【炎熱】

做乜放完個新年假之後日日都咁眼訓 ...
仲要唔止我一個 ~ 全校 ge 人都好似好疲累咁 ~ haha

今朝早 D 返，因為惜別早會
唔知點解今次好驚，我諗係第一次上台講野之後最驚一次
可能成份稿自己作，又要代表自己班講野，有 D 壓力
掙扎左一日，終於都係講左比人刪減左 ge 內容 ~ 呵呵 ~ 言論自由萬歲 !
最開心就係好多人都話好鐘意果句野 ~ haha

收到 Miss Lee ge 朱古力
得到唔同 form ge 同學讚賞
仲有 Miss Yip 話我今日有F.7 ge 風範
haha ~ 真係開心死 ~ 突然間覺得學校好 sweet tim ~

最攪笑係今日有個我地互不相識 ge F .1 男仔突然同我講 : 「你今日講得幾好 wor ! 」
知道我返多幾日就走，佢仲露出一副略帶婉惜 ge 表情
最後自我介紹，握手道別
嘩 ... ! 點解依家 D F.1 咁老成 ge !? haha ~
不過今日大家真係令我受寵若驚 ~

真係多謝晒 ~ !! haha ~

今日精句 : 雖然7A唔係最叻最乖最勤力，但我地識得愛身邊 ge 一切，令我地更加愛惜學校。

>>February 8, 2006 at 4:35:09 PM GMT+8

2006 年 2 月 5 日 星期日 【微冷】

尋日又無啦啦出左去同阿姨食飯
呀 ... 連續兩個禮拜錯過了 ANTM ... 激死我了 ...

咁就放完假 ~ 完全唔知發生咩事 ~ haha
雖然只係訓左三個鐘，但係今日都奇蹟地唔係好眼訓 ~

今日我本來要唱校歌，好彩我之前千方百計咁推左 ~
亦慶幸今年我唔係班會主席唔洗代表升校旗
因為今日佢地升完之後之旗 " sir " 返落黎 ~ 忍笑忍得好痛苦 ~ haha

今日派返我之前寫果個惜別早會講稿
哎呀 ... 比佢刪左最後一段 ... 點解會咁 ?
人地果段明明寫得最感人肺腑
不過我都要考慮下理唔理佢 ... 可能到時會照講 ~ haha

呀 ... 派左上次 ge 文化問題 test
進步了，但仍是低分 ...
本來冇野，只不過見到其他人可以好高分又有 D 野姐 ...
沒辦法，唯有再接再厲 ~

今日精句 : 會限制自己，給自己生命無聊的框架的人原來就只是自己。( 鳴謝鄭華娟提供 )

>>February 6, 2006 at 4:38:56 PM GMT+8

2006 年 2 月 3 日 星期五 【微冷】

尋日被迫返了大陸同阿爺食飯
咁就冇左一日了 ~ 嗚 ...

今日與好友們晚飯，很開心 ~
好耐好耐未試咁幾個八婆咁嘻嘻哈哈啦 ~
我地去左旺角 cafe 食野，每人都嗌左個極級份量 ge 野飲
嘩 ~ 杯野真係大得嚇死人 ~ 根本就係用花樽黎裝 ... ~

講講下唔知痴左邊條根，興致勃勃咁去廟街占卜
個阿姐又好似幾準 bor ~
之後我地貪心叫佢贈兩句，佢話我個樣好正義 wor ... haha ~ 笑死我

今日真係好開心

今日精句 : 水太清則無魚，人太察則無朋。( 鳴謝阿爺副字畫提供 )

>>February 5, 2006 at 4:52:09 PM GMT+8

2006 年 2 月 1 日 星期三 【晴】

今日有幾樣野令我個心 "拿" 住 "拿" 住 ...

一起身睇到有線新聞台訪問緊埃及車禍受傷 ge 女仔
佢話搵唔返爸爸媽媽同細佬
佢未講完我已經轉左台
因為我 feel 到自己 D 眼淚已經標緊出黎 ...

早前知道 Eason 有首新歌叫《 最佳損友 》
今日真正咁聽佢 ge 歌詞 ，結果令我諗起一個好朋友
我地細個果時真係咩都講，互相扶植，共過患難
但世界變得好快，大家分開的日子久了，好似冇左件事了 ...
有時我會諗，如果我當初努力讀書，升得上果間中學，大家係咪仲係好好好好 ge 朋友呢
我知道你冇睇我日記， 我其實一直都視你為我好好好好 ge 朋友
唔想多講，Wyman 幫我講晒，請看《 最佳損友 》歌詞
聽左幾次呢隻歌 ... 都令我個心"拿" 住 "拿" 住 ...

最後，我想講 ge 係，我返黎香港補睇返大家 ge 日記
我發現好多人都鐘意倒數
但係我真係覺得好討厭
我唔明有咩意思，大家都知仲有幾多時間，唔洗下下提住晒，真係好掃興
我係一個反叛 ge 人，愈推我愈唔行
所以真係唔好再推我了 ! 尤其係我剛剛復元 ge 時候，唔該 !
---------------------------------------------------------------------------------------------------------------------------

* 附錄 :《 最佳損友 》歌詞 : 主唱:陳奕迅 作曲:Eric Kwok 填詞:黃偉文

朋友　我當你一秒朋友　朋友　我當你一世朋友
奇怪　過去再不堪回首　懷緬　時時其實還有
朋友　你試過將我營救　朋友　你試過把我批鬥
無法　再與你交心聯手　不竟難得有過最佳損友

從前共你　促膝把酒傾通宵都不夠　我有痛快過你有沒有
很多東西今生只可給你　保守至到永久　別人如何明白透
實實在在踏入過我宇宙　即使相處到　有個裂口
命運決定了　以後再沒法聚頭　但說過去　卻那樣厚

＊問我有沒有　確實也沒有　一直躲避的藉口　非甚麼大仇
　為何舊知己　在最後　變不到老友
　不知你是我敵友　已沒法望透　被推著走　跟著生活流
　來年陌生的　是昨日　最親的某某＊

生死之交當天不知罕有　到你變節了　至覺未夠
多想一天彼此都不追究　相邀再次喝酒　待葡萄成熟透
但是命運入面每個邂逅　一起走到了　某個路口
是敵與是友　各自也沒有自由　位置變了　各有隊友

早知解散後　各自有　際遇作導遊
奇就奇在接受了　各自有路走
卻沒人像你讓我　眼淚背著流
嚴重似情侶　講分手

有沒有　確實也沒有　一直躲避的藉口　非甚麼大仇
為何舊知己　在最後　變不到老友
不知你又有沒有　掛念這舊友　或者自己　早就想動頭
來年陌生的　是昨日　最親的某某
總好於那日我沒有　沒有　遇過某某
----------------------------------------------------------------------------------------------------------------------------

今日精句 : 不知你是我敵友已沒法望透，被推著走跟著生活流，來年陌生的是昨日最親的某某... ( 鳴謝黃偉文提供 )

>>February 2, 2006 at 6:50:08 PM GMT+8

2006 年 1 月 31 日 星期二 【炎熱】

我回來了 !!
返到黎先知，原來大家都以為我返左大陸 ... haha
其實我係去左台灣 ( 台灣算不算大陸 ? 我不知道 @@ )

本來係全家人一齊去的
但去到機場先知雙親個簽證有問題，去唔到 ...
無奈左幾個鐘，決定同家姐細妹去
好彩張機票係兩個月內都用到，所以遲 D 佢兩先再去

就係咁，我地 ge 行程就變晒年青人節目
離開去食同行街，文物果 D 就真係冇乜點去 ~ haha
呢幾日行盡西門町、士林夜市、淡水同市政府區
係咁食係咁食，冇辦法 ... 實在太多野食太吸引 ! 呵呵 ~
當我經過 D 好有趣 ge 地方都會諗起我 ge 好朋友
好想下次可以大家一齊去 ~

今次旅行好開心，我已經好返好多啦
我應該會響 xanga 邊將今次 ge 行程整返個完整少少 ge 札記
得閒可以留意下 ~

好老套，不過今次離開，的確是為了回來。

今日精句 : 旅行，不會白走；生命，不會白過。( 鳴謝林一峰提供 )

>>February 2, 2006 at 12:33:50 PM GMT+8

2006 年 1 月 28 日 星期六 【晴】

呢兩日都好開心 ~
同屋企人食團年飯，行花市
今日仲去左 shopping ! 買左好多平靚正 ge 野 ~ haha

早幾日響 xanga 寫左篇《 逃 》
其實係有 D 先斬後奏 ge 成份
因為我過多幾個鐘就上機，離開香港幾日
請各位關心我 ge 朋友唔好鬧我
老實講，呢排心情真係好差
我真係好希望我可以響我努力應付高考前出走一次
就比我任性多一次，好嗎 ?

多謝一直有睇我日記 ge 人
新一年，祝你地個個身體健康，心想事成
狗年，我諗左好耐都諗唔到有咩祝賀語同狗有關
最後只諗到祝大家「久」旱逢甘露 ! 哈哈哈 !

今日精句 : 有藥能自救，何必等它擴散 ? ( 鳴謝黃偉文提供 )

>>January 28, 2006 at 5:37:34 PM GMT+8

2006 年 1 月 25 日 星期三 【微冷】

一早返到學校就要中化 test，認真變態 ...
我發覺我患左 History test 焦慮症 ... 好似乜都唔識咁 ... 好驚

放學好友黎迎接我 ~
可惜我已經分唔清楚自己係疲累定唔開心
縱使唔係有咩大挫折，但突然覺得自己好無用
驚驚驚，乜都驚
驚成績唔好驚冇朋友驚冇婚結，真係白痴

情緒病發的一天 ...
倍感寂寞的一天 ...

+*+*+*+*+*+*+*+*+*+*+* Happy Birthday to Edfeel *+*+*+*+*+*+*+*+*+*+*+*+*+

今日精句 : 真的懂，你不是喜新厭舊，是我沒有陪著你身邊當你寂寞時候。( 鳴謝楊明學提供 )

>>January 28, 2006 at 9:03:08 AM GMT+8

2006 年 1 月 24 日 星期二 【乍雨乍晴】

尋日去左剪頭髮，第一次唔係想剪而剪
只係想新年前象徵式剪下 ~
不過唔貪心咁剪效果係好好 ge ~ haha

有同學話我知，原來果日潘 Sir 聽我短講果時聽到眼濕濕
果然係性情中人 ... 我都未喊佢就眼濕濕
繼兩年前交比蓮姐份 book reprt 之後，又一位老師被我感化了 ~ 呵呵 ~

今日唔洗 test Geog，好開心 ~
不過 lunch 用左黎教書，攪到好似好趕咁 ~
其實一定教得晒 ge ~ haha ~

家姐帶左個草蜢演唱會 DVD 返黎睇
幾好睇 ~ 雖然我唔係果個年代 ~ ( 其實 " lung " 到少少 90 年代 ~ haha ... )

今日發覺文化問題真係好不滯 ... 好擔心
明天 History test 同埋再次中化 test ... 更擔心 ...

今日精句 : 前面的世界誰人又知道，平坦的不一定是好。( 鳴謝向雪懷提供 )

>>January 25, 2006 at 5:49:38 PM GMT+8