2003 年 8 月 17 日 星期日 【雨】

今日返左BU交錢~~
同Eric、Ivy食lunch之後傾左好耐計
好開心
不外乎都係講下人是非啦
不過我地都係議事論事姐~~




>>August 20, 2003 at 5:18:24 PM GMT+8

2003 年 8 月 16 日 星期六 【晴】

去完camp返唻喇！
比我想像中好玩！

第一日四人行
去到搵屋時，好似交贖款咁：
行去個貨櫃度，見到樓梯就落兩級
行到見到間士多再打俾我啦！
........紅色屋隔離有d白色屋，到時你大叫阿蓮就會有人交鎖匙俾你！
唔駛拍門架，大叫阿蓮就得架喇！.................................
結果我地真係好傻瓜咁大叫 ！
仲見到ERIC好鍾意的牛牛！

第一日我地打左成日牌！
夜晚食左個好豐富o既晚餐！
但d蝗蟲就不停咁食，食左五百噸野！
再打牌，玩UNO，玩到成7 點先訓！
但我10就醒左！勁！！
自己一個睇人地玩遊戲，笑鬼死我！
晏晝租單車踩，不過我推多過踩！我識踩架！
跟住NICOLE同阿七 join埋我地
夜晚BBQ加睇大結局，同埋監視我o既敵人，好醜樣！
玩「量晶晶」，有人玩極都唔識..........
玩UNO，組織「反魔聯盟」！
又玩到天光，頂唔順喇！
訓著左，俾人整醒左，仲同我講：乜你未訓架？
吹脹！
第二朝一早10點又起身！死得！

不過，都好好玩o既，
原本無咩期望，可能咁樣仲好
仲覺得好玩呀！
下次再去玩過啦~~
但今次好貴呀，夠我去澳門玩兩日
下次唔好買咁多野呀！

>>August 17, 2003 at 4:17:06 PM GMT+8

2003 年 8 月 8 日 星期五 【晴】

去完旅行返唻喇！
去左五日，同埋表姐、表姐夫、阿歡一齊去
好好玩呀！
我第一次去旅行同搭飛機，好興奮
架飛機起飛時我好似細路咁拍晒手！哈哈
我地四個人輪個窗口位，好靚呀！
o係飛機上面，有一個好得意小朋友
我請糖佢食，佢好開心咁同我講多謝
冇幾耐佢拍一拍我，
問我：「姐姐，你係咪覺得我好得意，先請我食糖呀？」
呢個問題好深呀，冇諗個會係一個只有四歲o既小朋友問o既問題
佢真係好得意，好精靈
落左機先知佢係我地團友
呢次旅行因為呢個小朋友，令到成團人開心好多！
如果我第日個仔有佢一半就好喇！

去到泰國第一件難忘事係俾個泰妹凶
勁串！
晚飯o係東海食，都ok o既，
點知食完飯我就發現我o既敵人
仲要係好多好多呀！救命呀，去到泰國都唔放過我！
食完飯就去行街街，買左d手信！
第一晚o既曼谷住，間酒店個lobby好正架
諗住冇死啦
點知一上到去...........張床冇彈弓架........
又殘又舊！想死！
又驚喎，d人又唔理我，成晚都冇訓，驚左成晚！
第二朝一早係自助早餐................冇o野食o既
最好味係個牛油麵包！
第二日去左睇d咩燕窩、真皮食包
悶死人！d師奶就好開心！
跟住就搭車去芭提雅
去到間酒店個lobby好唔得，但一上到房又幾正喎
一張單人床好似隻人床咁大呀！
晏晝去左老虎仔樂園，同隻老虎仔影相，做左老虎「也母」
又剝鱷魚蛋，我幫隻鱷魚BB剪臍帶，好核突，血淋淋！但都幾得意！
阿歡最開心，好似細路仔咁！
夜晚我地同埋幾個後生仔去左睇SEXY SHOW
好好笑，一d都冇尷尬
d人好唔professional，尤其係個男人！！
睇完之後覺得都係不外如是姐，開頭都有d新鮮感o既
但睇睇下就有d悶！
之後我地又去行街，買左好多wacol~~~
又玩假紋身，型！！
再食魚翅做宵夜，ok好食啦！！
夜晚再落D玩，貴左d，不過當見識下都好o既！
同Kelly 熟左！

第二朝一早去珊瑚島游水，好正！
玩左降落傘、香蕉船同埋水上電單車！好好玩
笑爆咀！上唔返隻香蕉船，哈哈！
晏晝o個餐真係.......但有人話最正呢餐喎~~死未！
跟住唻個泰式按摩，正！
但有個女人一入唻就「bao bao」，「bao」左半粒鐘！
晚飯係「正宗泰國菜」--冬蔭公湯
真係得個冬蔭公湯係「正宗泰國菜」，其他都係中國菜
但個湯就鹹到飲唔到，仲鹹過d海水！
食完晚飯之後就去睇人妖SHOW，幾悶
可能因為我地之一晚睇左d仲激o既真人SHOW......
有人訓到差d扯鼻「鼻干」，遠睇d人妖真係好靚
但近睇就完全唔掂，見到都想嘔！
我仲見到佢個「格胳底」有疤痕呀！
之後行花街，精神返晒！
STARBUCKS好平呀，十五蚊港紙一杯
平香港一倍呀！

第四日去左睇蛇，同埋蜂蜜
悶！頹！
返到唻無聊睇返個行程，佢話：蛇園有過千種劇毒無心的毒蛇
唔係掛，去到我見到o既蛇唔夠10條喎~~~
晏晝搭車返曼谷，
撞車呀！驚險刺激！車頭玻璃爆晒！
果然係「慢慢唻谷」，大塞車！仲要係返到曼谷就去左夢幻樂園，都幾好玩呀！
玩激流啦、過山車啦、鬼屋啦、乾衣機啦
不過個過山車好頹，頹到可以拎埋個bag上去玩！
鬼屋就唔知喇，因為我全程合埋眼，咩都睇唔到
剩係聽到表姐大叫，同埋聽到表姐夫係咁叫佢行！
夜晚去左個好頹o既商場行，閂晒門o既！
返到酒店再走出唻最後刺，買左好多野，好平好抵！
阿瑜生日，同佢地玩左一舖UNO，玩左成半個鐘..........
阿歡唔舒服，就返房訓喇！

第二朝一早就要起身食早餐，之後要出機場
因為會塞車，所以要早d去！
六點半起身，五分鐘之後就聽到o彭一聲，好大聲
好似有人開槍咁，都唔知咩事，好驚！
原來係燒左fuse，但都唔知點解會咁大聲！
我地日日都係住二、四樓，好衰唔衰呢晚住頂樓
攪左成半個鐘先叫我地慢慢行落去，點知一到地下
就有返電，吹脹！
回程飛機，個個都訓晒！

今次去旅行好開心呀
玩左好多野！
唔知幾時再有得去呢？
都幾鍾意泰國，不過覺得o個度d女人好賤
成日俾人當係商品咁任人睇........
仲有對d動物好殘忍！

>>August 17, 2003 at 5:39:43 PM GMT+8

2003 年 7 月 26 日 星期六 【晴】

無理取鬧！

>>July 27, 2003 at 2:20:24 PM GMT+8

2003 年 7 月 22 日 星期二 【雨】

勁呀
頭先八號風球落街
好大的風~~~
我好似個細路仔咁係咁笑
d人以為我傻左係咁望住我！
但真係好好玩~~~~

>>July 23, 2003 at 3:14:50 PM GMT+8

2003 年 7 月 21 日 星期一 【晴】

今日又餵飽左個書櫃
好開心！

今日打風呀
所以聽日唔出街
因為一打風大埔實在太恐怖
SORRY~~

>>July 22, 2003 at 2:24:20 PM GMT+8

2003 年 7 月 18 日 星期五 【晴】

今日晏晝去左唱K
不過......好悶！
可能因為我累啦
又可能因為有人壟斷市場啦
所以好眼訓！

>>July 20, 2003 at 6:33:42 AM GMT+8

2003 年 7 月 17 日 星期四 【晴】

今早六點幾就起身
因為要過灣仔攪passport~~
終於都攪掂喇！

又返番去一年前咁喇
食唔到野呀！

哈哈
好鬼唔該你地o既意見呀
等我慢慢睇下先~~ ^.^

>>July 18, 2003 at 2:28:41 PM GMT+8

2003 年 7 月 16 日 星期三 【晴】

今日係執相日
買左本新相簿，又由頭執過由細到大o既相
細個時真係好愛，呵呵
不過，個個細個都得意架啦！

>>July 18, 2003 at 2:24:21 PM GMT+8

2003 年 7 月 15 日 星期二 【晴】

打牌日~~~
今日都算經典囉
四個位我都「鄧」過腳
因為大家o係度「輪」本壹本便利！

>>July 18, 2003 at 2:22:18 PM GMT+8