2004 年 4 月 23 日 星期五 【暴雨】

因為尋晚太夜訓
今朝一起身就勁頭痛
好似之前o個晚飲大左，第二日頭痛咁
痛足成日！

晏晝補完習就去左食飯
再去買禮物同修眉~~

返到屋企好乖咁做教案
做定下個星期的教案
不過都未做晒
本來想做paper
但真係唔識做，唔知可以點做！
有人知的話請教下我~~thz~

晏晝同個同事傾左半個鐘電話
仍然火火地
不過又真係好無辜o既！
仲要又俾人插多一下~~
我都唔覺得佢有唔岩~~
堅持呀！有格嘛~~撐你架！

因為尋日太精彩
有d野唔記得記！
本來每朝早我都要6點45分至50分出門口
點知尋日一起身就6點50分................
即刻用9秒9的速度彈起身
10分鐘就出門口....
冇食早餐.......
因為太趕，人都未醒，所以成朝個人都係「嘔嘔地」
簽到又簽左簽退
影印又入錯code
想影一份又影左36份....好彩及時制止左
人地同我野又唔識應...
好彩食完早餐之後，同d同事傾下計
個人先精神返咋.....唔係尋日o個兩堂真係唔知會點！

>>April 24, 2004 at 3:04:45 PM GMT+8

2004 年 4 月 22 日 星期四 【清涼】

今日簡真可以「精彩」唻形容！
雖然件事唔係太關我事，不過真係睇唔過眼！

實習有個同事又發作！
一方唻就黑口黑面，
大家已經知道今日佢的情緒指數又「爆燈」
大家都戰戰兢兢，冇人敢惹佢！
點知人地唔惹佢，佢就反而周圍點火頭
無端端一句「得」埋人度，鬼敢同佢咩？
勁討厭！
駛人又駛本咁，成日命令人做野，好似老馮咁
仲要唔該都冇聲~~
叫完人做野，仲要「得」人，極冇品！
俾佢話o個d人為左唔想攪到咁僵，唯有硬食！好慘.....
成日貪埋d小便宜，食、用佢就有份
又唔見佢有貢獻，著數就有佢份，做野就冇佢份！cheap到爆！
可能佢以為自己好索啦.....
可能太多學生話佢「索」啦...........

最慘係另一個同事，
明明冇惹佢，但佢又話個同事唔理佢，唔同佢講野喎
大佬呀，你會無端端爆發架，邊個敢惹你呀？
陣間串親你你又喊，
知你唔玩得，咪少同你玩囉，咁都好正常姐
同你講野又話人串你，又要「呢埋」喊
唔同你講野又話人地唔同你講野
想點先得架？

唉....最憎人搵眼淚撻人，我夠識喊咯！
喊丫，喊飽佢丫，我一定唔會理佢！
其實佢咁樣，只會令其他人更驚佢，
對佢更加避忌........有咩謂呢？
都唔知應該點同佢相處先岩！

夜晚同個無辜同事傾偈
佢真係慘，硬食！
冇出過聲都俾人話.......hahah~~

>>April 24, 2004 at 10:59:56 AM GMT+8

2004 年 4 月 15 日 星期四 【晴】

今日許老師唻睇堂
勁驚........
因為我破天荒咁俾佢地做討論
真係好驚佢地會失控......
好彩，佢地都算乖！
今次冇i喇，好開心！

>>April 25, 2004 at 2:04:40 AM GMT+8

2004 年 4 月 8 日 星期四 【陰】

灰爆！
無啦啦唔見左成舊水............
好無辜！

>>April 9, 2004 at 3:18:52 AM GMT+8

2004 年 4 月 7 日 星期三 【陰】

今朝一早起身食完早餐
就去睇醫生
醫生話只係神經痛，唔駛照腦喎～～～～～
食左葯，好左少少啦～～～
訓左成日！
----------------------------------------------------------------
一拍兩散 容祖兒

作曲:方樹良
填詞:林夕
監製:舒文

專一至今　竟會敢　避過你的吻
伏在你身　說找到　更喜愛的人
我也居然變心　不禁要承認我
像往日我恨透的罪人

當初的我　為了你　為瞞著好友
日夜怪你　愛不夠　還驚你風流
然後到我內疚　任旁人來認購
恨你沒有問情由便放我走

誰都會散　怎知一拍便會散
怪我自己作反　明明我不應再揀
忠貞怎可以貪　給拋棄亦已很慣
不慣去承認自私　移情別愛太奸

遲早要(都)散　散得清脆未算慘
我卻要忠變奸　斗膽一腳踏兩船　想上岸時又晏
無面目再解釋　自廢了承諾是否太搗蛋

當初枉我未拍拖　曾這樣講過
外遇那些女主角　遲早惹出禍
誰料那個是我　又能如何恨我
沒法面對自我其實最痛楚

何苦再自命悽慘　你當我搗蛋
誓要去與他邂逅仍然從不怕被人話濫
從未做過玩家　但我卻誠實認真去玩

真心相愛　未見得為了他英俊
換掉角色　也許你　你都會包容
我到今天至懂　為情而淪落了
在背後確實有些苦衷　不可不信

>>April 8, 2004 at 1:10:10 PM GMT+8

2004 年 4 月 6 日 星期二 【陰】

今日唔知做咩
一起身就偏頭痛
痛左成日，又好似唔係偏頭痛喎
都唔知咩痛！聽日睇醫生！>_<

今日去左睇Big Fish，其實都係太知佢講咩
可能因為唔舒服，冇咩心機睇啦！

lunch去左一間叫「歐陸燒烤餐廳」既Cafe食 (旺角凱旋門隔離)
其實之前都去過一次，覺得幾好食先再去
點知...........今次d野勁難食！
杯水落左d lemon juice，原本應該幾好味
可惜加埋佢隻杯d漂白劑味，飲左即刻反胃！
阿歡叫左個蜆肉意粉，正常應該係白汁
點知唻到見到係黃色，以為係葡汁啦
一食落去，咩味都冇，連鹹味都冇！好似搵滾水淥完就算咁！
我叫左個西冷薄牛排意粉，六成孰！
點知唻到，塊「薄牛排」竟然成吋厚，
仲要只得三、四成孰，d意粉一掂到d汁
係鮮紅色的！好得人驚！
三、四成得唻，仲要係咬唔入，切唔入的！
我食左一啖，最終都頂唔順，吐返出唻，反晒胃！
d牛排味道怪怪的，唔係牛味，又唔係騷味喎
唔識形容，總之就好難食！
.......下次請我都唔會再去！！！仲要唔平tim~~~~~~~~~
T_T

>>April 7, 2004 at 3:33:02 PM GMT+8

2004 年 4 月 1 日 星期四 【陰】

另一個奇蹟又發生在我身上

今日o個位女同學
竟然主動話放學留o係度做功課，仲話要坐上去第一個位聽書！
而且今日真係冇訓過覺！
太好了！
一個連班主任都攪唔掂的女仔
竟然會聽一個實習老師講
見到佢開始俾心機上堂、做功課，
有進步，真係好開心！
希望佢真係開始識諗啦！

今日同佢地玩遊戲，反應好好！^_^

不過，教員室的氣氛就唔係好好喇
有人今日睇堂，已經好緊張
仲要俾人無理取鬧，好慘！
有人又無端端發脾四，勁講粗口，好煩！
有人又玩uno玩到喊，救命呀！玩之嘛，唔駛呀？
最終，6個人入面，得3個人可以平安渡過今日
不過其實都俾另外3人影響左.....
算啦，佢地心情唔好，希望佢地快d冇事啦！

放左學去睇《受難曲》
好正！睇到我喊晒！
好耐都未試過睇戲睇到喊........
睇完之後真係要好好反省下！

小Jonh子，
我只係同楊SIR講過咋
我都唔識Miss Cheung既
可能係楊 SIR話俾Miss Cheung知掛！^_^

>>April 3, 2004 at 2:20:09 AM GMT+8

2004 年 3 月 31 日 星期三 【雨】

從來都冇諗過
奇蹟竟然會發生o係我身上！

一個從來都唔聽老師講，
成日發脾氣，永遠唔交功課，上堂只會訓覺
的女同學
竟然俾我成功罰留堂冇偷走，做晒所有功課俾我！
我開頭以為佢會發晒脾氣，但竟然冇！

原本呢班同學有成20個人冇交功課
今日竟然得4個仲未完成，俾我罰留堂！
相信聽日就會收得晒！

好開心！

收到怪電話，打唻叫我飲水，hahah~~~~~

>>April 3, 2004 at 2:21:29 AM GMT+8

2004 年 3 月 30 日 星期二 【暴雨】

今日玩uno輸左
勁俾人做！
罰飲水，12杯呀，大佬！
今日飲左4杯，聽日先還埋俾佢地！^_^

好累！想死！

>>March 31, 2004 at 11:12:27 AM GMT+8

2004 年 3 月 27 日 星期六 【颳風】

今朝一早就要起身
首先去左鑽石山拜阿爺
再去慈雲山拜阿公......
之後就返多彩飲茶

4點度就自己一個返大埔
因為要返唻備課同熨衫
原本好想同阿婆佢地食飯架，掙扎左好耐
但因為太多野做了
最後都係死死地氣自己一個返唻
在小巴上累到訓著左
竟然訓過左籠，好在都只係過左廣福
唯有在大埔墟落車~~~


看到一張名信片上寫著：
「不可能」從來是弱者甘於平凡的一大藉口。
不做、不試、不轉變世界，不管一切依舊。
「不可能」絕非事實，純屬意見。
「不可能」亦非宣言，而是挑戰。
「不可能」是發揮極限。
「不可能」將成過去。

>>March 28, 2004 at 11:01:34 AM GMT+8