2004 年 9 月 22 日 星期三 【晴】

今日去左梁文燕, 我地睇提多書第一章.
真的希望他們倆懂得默想吧.

之後番左屋企看看notes, 再去左金鐘飲茶, 再上堂.
今日報左個普通話基礎課程, 在尖沙咀上第一堂,
雖然像是辛苦, 但都ok吧, d課程都唔太難.

終於番屋企lu~~
盼望我明天的時間能夠好好利用吧~ ^^

>>September 22, 2004 at 10:55:21 PM GMT+8

2004 年 9 月 21 日 星期二 【晴】

尋晚發左個蜘蛛夢, 繼而又發左個惡夢, 真煩...訓得唔好..
今早去左沙崇的靈修team, 之後同maymay一齊搭車去kowloon tong,
我今日番學遲左少少...
番完學之後, 就去左幫人補習,
個妹妹因為做工課的問題, 問我 "你贊成結婚嗎?"
之後講講下, 就講左自己點樣信主了, 真感謝主.

一路上回家, 芝芝打畀我, 叫埋我去全輝小組.
我就同左佢地一齊小組lu~~
班同工都在相交特會和近況,
對佢地都了解深左d.
淑芬姐都交通到她在幼年時和初信時的事.
她也想到, 如果余弟兄當日在紅館睇番套片,
一定會有好多眼淚, 畢竟余弟兄都是由教會的開頭帶領到如今.
真的佩服他的為人!
因為他是個很絕對的人.
反觀我就有時對一些事情都冇咁絕對,
我都在此有些反省. 就算是吃虧, 也必要守住自己的心和行為
我盼望自己是在心裏, 因敬畏神而守住自己,
因為這樣, 我們才會有真自由, 而不是守住一些道理

>>September 22, 2004 at 12:00:51 AM GMT+8

2004 年 9 月 20 日 星期一 【晴】

開心! 有十萬個開心!
因為今早去左梁文燕, 之後就回家上網找資料,
再去左強記同鄭榮芝的姊妹食飯,
之後就同真右上左我屋企唱詩歌, 相交, 祈禱.
好耐冇祈禱祈得咁耐lu~~
讀pre AD真好, 可以有好多時間祈禱和讀經! 感謝主.

相交的時候, 都有講到大家在前面的想望,
真的寶貴有個同年紀又有時間, 唔駛讀f6的姊妹
娃哈哈!!!

昨晚有為今天的schedule祈禱, 一切時間的運用都不錯 ^^
又可以做到工課, 又可以有時間安靜自己, 祈禱親主.
都不錯!!! 哈哈. 真的蒙恩!

>>September 20, 2004 at 4:12:20 PM GMT+8

2004 年 9 月 19 日 星期日 【晴】

剛去完特會. 有些得著.
今次是我第一次去紅館, 心裡真的感謝神的帶領,
無論是在教會或是個人的反思上都有更新.

神是喜愛公義, 恨惡罪惡的神.
惟有清心的人, 必得見神.
誰能登耶和華的山, 就是手潔心清, 不向虛妄, 起誓不懷詭詐的人.
我們要聖潔, 因為我們的神是聖潔的.

這些聖經又再一次打開.
心裡有十萬個"好想"!
"好想" 聽神話!
"好想" 傳福音!
"好想" 讀主話!
"好想" 更愛主!
"好想" 更愛人!
"好想" 發揮我的才能!

去左hku space已經有一個星期了.
學習的環境遠遠有別於中學的生活.
一切的同學是新的, 一切的老師是新的.
同學有好有唔好,
老師有掂有唔掂, 不過會唔掂搞到掂, 好盡責.

自己心中, 有一個想望!!
想d時間好用d, 可以在家, 在教會, 在學業上有平衡.
想盡心,盡性, 盡意, 盡力愛主我的神!

>>September 19, 2004 at 10:59:02 PM GMT+8

2004 年 9 月 14 日 星期二 【晴】

好開心! 終於有得番學喇!!!!!
今日是第一日上堂, 感覺很好, 很好.

早上去左沙崇的靈修team之後, 就搭車去金鐘上堂lu~~
今日上maths, 發現原來佢教果d, 是f6的maths and statistics ar!
都唔錯鴉, 起碼好過那些黑板的學習生活,
佢50%計exam, 其餘便是功課and test, 好過那些學壞人的f6...辛苦至極...
還有上science, 兩個星期後就要present lu~~
希望一切順利!!!

感謝主, d同學都唔錯! ^^
感謝主, 畀我有段時間, 可以在搭車的時候睇聖經!!! ^^

>>September 14, 2004 at 9:57:18 PM GMT+8

2004 年 9 月 10 日 星期五 【晴】

久別了! 我的日記!!!
剛去完三日的o'camp,
有好多感動!

因為今次的camp是基督徒發起的.
日日都好似聚緊會咁, 狂唱詩歌!
好開心! 平時自己都唔會一日間唱咁多詩歌!
好寶貴可以認識到不同教會的b/s!!
更寶貴的是認識到一個住火炭的Natalie, 終於識到pre ad的人住沙田了
還有識左以前在香港仔區聚會的啊恆,
當然唔少得的, 仲有怪獸喇! 成日食飯都在狂笑! 顛嫁! ^^

我地 <男女十二六坊>, 有怪獸, Natalie, 啊恆, IVY, Karman, Rowena,
男仔有"Coming~~---> ar Ming", Dominic, ar傑
最後而最重要的, 是有組長Royce and 窩暈!!

感謝神! 今次去camp同一team的人都有他特別的心意和安排! ^^
有大部份的人都信左主! ^^

尋晚的音樂晚會好感動, 因為突然有一種感動使我好想好想努力事奉神.
好想好想在各方面, 無論是家庭, 學業與在神的事上能夠平衡, 做得更加好!

成日都聽到上左hku space之後會好忙, 好多功課, 希望我能夠努力做到最好!!
我要GPA過3.5!!!!!!!!! 我要發奮!!!!!!!!!!!!
星期二終於開學了. 時間表亦都出左, 真係唔係幾好law~~
如果星期四調唔到堂, 就成三,四個月都冇小組嫁喇~~
下星期是add/drop period, 求主保守la!!!
搶得快, 好世界! ^^

>>September 10, 2004 at 4:49:19 PM GMT+8

2004 年 9 月 5 日 星期日 【晴】

RE Jo Li:

其實你的留言對我而言, 也是一種的支持, 好heart feeling 的留言, 多謝你啊.
想不到已經是年幾了, 真的感謝神使我們能超越了區的限制, 認識到你.
盼望日後我們有更多相交的機會吧. ^^
努力為主活! ^^

>>September 5, 2004 at 10:25:17 PM GMT+8

2004 年 9 月 5 日 星期日 【晴】

昨日早上都在家, 然後去左灣仔報extra curricular act., 搞到冇得番聚會.
不過唔緊要, 因為之後我去左聚會地方, 睇完子成整餅之後, 同b/s一齊出沙田, 然後睇palm
話說昨日報左三個act.
一是基督徒團契
二是film society, 睇戲唔駛錢.
三是social service.
聽講佢地d gathering唔太多, 都幾好鴉, 應該唔會太忙.

下個星期一先開學, 還未有時間表, 豈有此理...
下星期三去o'camp

好! 講番今日.
一早就整雞翼, 然後好唔覺意咁包左d禮物, 再好唔覺意咁遲到聚會.......
第一日去到新家團就遲到, 真核突...
還要是今日d凳擺得唔同左... 一去到就成舊蕃薯咁...

都幾開心鴉. 之後就生日會,
慶祝麗霞, 佩麗, amy, 燕儀今個月生日.
今日還認識左個梁文燕的妹妹.
跟住就做話劇, 再去左源禾路跑左幾個圈, 倩怡同我去沙田買con水, 星期二拎con.

今日我的頭條係...
去左呢個 "Care金團"真係好開心, 因為相比以前黎講,
我會用得到好多我以前聽到的信息and 寫過的筆記.
還可以更新自己事奉的心態and焦點, 唔錯!

>>September 5, 2004 at 10:12:49 PM GMT+8

2004 年 9 月 3 日 星期五 【晴】

早上留在家中, 然後同啊媽去沙田飲茶, 之後去左眼鏡夢工場配con,
再去華貴村探我啊婆,再探Camus, 再去探我以前的補習miss,
夜晚就去左石排灣的中途宿舍做探訪.d時間用得唔錯. 十分充實.

原來精神分裂與人格分裂是不同,
而思覺失調是精神分裂之前的一個階段.

精神分裂分開兩種,
一是positive symtoms. 患者會多左一d幻覺和幻聽, 看到的是紅, 白臉, 聽到的是可能 "你去死喇"
一是negative symtoms. 患者會自動退縮. 有時可能會不想見人, 留在家中.

原來是這樣, 我在想, 做社工, 還要是在中途宿舍做社工, 唔知感覺如何呢?

>>September 4, 2004 at 1:29:21 PM GMT+8

2004 年 9 月 2 日 星期四 【晴】

早上留在家中, 然後同啊媽飲茶, 再去全輝溫包紮.
終於同嘉如, 同芝芝要考試la.

考果份mc都好易, 但係一考cpr就....
我同芝芝都是考成人, 但嘉如就考嬰兒CPR, 佢就好la~~
不過唔緊要, 都會一樣吧...
我啊...好慘ar.... check左呼吸, 但冇吹兩口氣ar...... 有冇人話畀我知我會不會fail嫁...???
之後, 就立即數埋脈搏, 死喇...
不過芝芝都唔弱, 佢冇按住傷者的鼻就吹左兩三口氣

之後考包紮, 我同嘉如拍.
我考果個勁易ar, 包頭同埋大手掛, 感謝主.
但係......監考果個............
好煩!!!!!!!!! 佢踩我副眼鏡........... 我已經好小心咁擺我副眼鏡!!!!!!!!!! 咁都可以踩到...........
請勿踐踏鴉唔該....... 而家d人點解會咁嫁.............
唔通佢知我副眼鏡要換????

>>September 4, 2004 at 1:12:10 PM GMT+8