2013 年 1 月 19 日 星期六 【晴】

繼續春川市
昨日去完華川市
今日我地就搭火車去加平市
亦係我地要去本旅程其中一個主要景點 - 南怡島

南怡島 - 四季怡人
最出明就係紅葉同銀杏開滿時, 謀殺左唔少菲林
而且此地方好多情人, 一定大細作郊遊之處
所以無論係本土或外籍人士均一樣受歡迎

先係春川火車站食個熱狗先！
一個早餐, 要成百幾蚊港幣
這日又再一次試新的火車線, 同埋試坐船
今次旅行可以試哂海陸空的幾乎所有交通工具

10分鐘的船就到南怡島了
要搵好多blog友都影到既個張彬樹真唔容易
南怡島唔算大
但每處都好值得人去影相
所以要行完一圈實在唔易

威仔同我係度影左好多相
行到成5點幾先食我地既第二餐 - 烤腸仔, 等左成15分鐘先有得食既腸腸, 特別好食
仲有1000won既紅豆燒餅
勁多人排隊買哩

影左幾小時, 影埋個黃昏先捨得搭船走
返返春川, 上左韓國的blog友搵下春川有無五花腩食
搵到一間舖, 原來威仔之前見過哩
所以佢就帶我去啦 ^^

佢地好意外有外國客來
我地都唔太食咩好
見隔離食咩就話照一樣啦
再加左個蒸蛋 (其實我以為係海鮮薄餅架)
但又幾好味wooo

或者係太油膩的關係
回到酒店有點胃不舒服
訓到半夜起身屙嘔
第一次係威仔面前嘔
好彩有威仔旁住我

嘔完就返上床訓

>>January 30, 2013 at 4:43:06 PM GMT+8

2013 年 1 月 18 日 星期五 【晴】

18, 19日
因為無左郵輪酒店之旅這一環節
所以18, 19都會全力係春川市住

18日, 就趁星期五無咁多日
出發去華川市的冰釣鱒魚節
一年一度的華川冰魚節
只會係每年1月開放約3星期的一個冬日節目
好多韓國人就會來到這里
來到這個結了冰的河上-冰釣山鱒魚

由春川市去華川市需時1小時
到達後我地先行了一圈
但一圈實在比想像中大得多
無意中行到1點, 差不多時間可以觀賞徒手捉冰魚的比賽
之後見相已經覺得好得意
無想到, 係咁凍的情況下, 個個觀眾都好落力幫參加者打氣
因為佢地只可以著單薄的大會服飾 - 短衫, 短褲
捉到的魚要放入自己的衣物內以防佢地逃走
睇見d參賽者一企入水就凍到噴哂煙, 手震腳震
都忍唔住叫佢加油！頂住！

參賽係要俾錢的, 但係平過釣魚同快過釣魚, 所以你好快就可以帶魚魚去烤同食哩 ^^

睇完就到我地去試下釣魚啦
我地無用具
當然要先到外國人專區買飛先
哩個為吸引遊客, 外國人入場係平d的, 8000won一個人
仲有埋用品借俾你, 同埋有專人教你點玩哩
神奇哩... 早知就買返個, 留來係香港釣墨魚都唔錯哩 ^^哈哈

威仔先係外國人專區broad留言到此一遊後就由專人帶我地去玩
佢教我地, 就咁放線, 唔需魚餌, 就咁一收一放, 慢慢就會有魚上釣
我只好半信半疑的情況下跟佢做同樣的動作
真係唔駛5分鐘, 就有條魚上釣
太神奇了, 我咁大個人第一次釣到魚魚, 而仲係唔細條wooooo
威仔見咁神效, 就忍唔住要跟住學下點玩
佢都一樣, 唔夠5分鐘就釣到大大既山鱒魚了

好開心哩
我地一小時釣左近10條魚魚
但由於大會規定左一人最多只可以3條
所以我地盡量如果釣到係身體就會放佢走
最後一人一袋, 6條咁帶走, 太多我地又食唔哂, 所以送左一袋俾工作人員

得返3條點處理哩？
會場有為外國人服務的烤魚服務
但我當然要去韓國人專區啦, 因為平一半woooo
2000won烤一條魚
1000won - 直檔魚刺身
無想到即食山鱒魚刺身, 比想像中鮮味得多！好食wooo
威仔都同我一齊試, 兩個人爭食哩, 但始終怕肚仔唔舒服, 所以我地決定一條刺身就夠啦

食完, d烤魚時間都差不多哩
趕緊到拎返d魚魚來食先
哈哈. 又係另一口味, 熱食既野係冬天永遠唔會唔好食...哈哈

完左冰釣, 就行下冰魚節週邊的活動, 展覽
有冰雕, 玩冰上單車, 冰上雪橇, 冰上足球等等活動
雖然無參與, 但我地有睇住別人玩而開心

無意中威仔拾到一部手機
拎到大會處等人認領 ^^

我想去睇展覽, 所以就去左睇冰雕
原來冰雕只需6000won兩個人
大會又會送返6000won cash coupon俾你用
變相買野食睇冰雕.... 真係好happy!!!!

睇冰雕其實係其次
主要係我想等天黑, 等魚燈街亮燈後影相
皇天不負有心人
真係俾我等我哩 ^^ 6點幾就開左燈..... 真係好靚架
係鏡頭人望去, 非常美麗

影完就真係回程返春川了
是夜答應左威仔要試食春川辣雞的
所以我都特別選左春川辣雞一號總店食

威仔好得意, 當人一問two？佢就會答yes.
我就會同佢講, 你剛才已經點左2人份既雞
所以無幾耐就會有人俾兩份食物佢...哈哈.......

>>January 30, 2013 at 12:37:56 PM GMT+8

2013 年 1 月 17 日 星期四 【晴】

來到第三日的早上
最後一日的滑雪day
一早就起身準備check out
外面正下著雪著
大大既雪花將民宿的後院變成了白色
後院的車都已經一半埋係雪內
見到民宿叔叔正在剷雪

check-out, 就將行李放係民宿內
拎住d ski equipment就出發morning ski
原來morning ski 既感覺係好好的
昨晚下了雪, 今早的雪的軟綿綿
好似係度打綿花似的
因為我地既ski太重, 滑下來時, 腳面的可以深入到雪入滑
感覺好好哩
雪花紛飛的情況下
同威仔一齊真好

三次的ski感覺都好唔同
pm ski 係正常的
night ski 就可能因為清過場, 所以感覺滑好多
morning ski 就雪厚左同輕左, 玩起上來無咁快而且軟綿綿
所以三種都幾好
韓國的滑雪係分時段的
早, 午, 晚, midnight
逐節逐節同你計
所以花費好多哩
但勝在民宿幫我買飛就平好多
俾返佢賺, 又幫我慳左
互惠互利, 何樂而不為哩？

玩左半天, 上半山都上左7-8次, 玩哂幾條yellow, new yellow既beginner level slope
我地本來想試下green的
但都係穩陣起見, 決定將來再來玩green line ^^

這三日滑雪之旅, 最感謝就係威仔
佢真係好配合我哩
而且有問題佢又會同我有商有量
對我的韓文又幾有信心woo
令我都覺得學左兩年韓文都係有點用處的

愉快地離開龍平
就上free shuttle車搭上下一站幸福 - 江陵之路
==================================================

江陵, 一個神秘的角度
好多人來, 都會因為哩度有個正東津
因為正東津係全韓國第一個日出的地方
而且正東津有一個365日的漏斗月曆, 每年12月31日, 沙漏就會漏盡而當地會將它再倒過來
所以正東津吸引左好多人來的
今次我地要訪問既唔係正東津
係正東津旁的太陽郵輪酒店
特別在這叟船係位於山頂上的, 以郵輪設計的一間酒店
我特登上網book左哩間酒店, 係打算好好地慶祝我同威仔的6週年相識紀念

到左江陵巴士站
係旅行咨詢處問左搭的士去火車站要幾錢
韓國的大部分觀光社內的人員, 我認為他們的英語是全國最好的 ^^

係火車站買飛都唔係易事
因為太多人了 ^^
我第一次行去買火車飛
感情好新鮮
係買到個下, 覺得自己好叻

有點時間威仔又去影下相等火車
這個韓國之旅, 我地會試好多唔同的交通工具
所以這趟旅遊一定會好豐富

沿途的江陵風光真係不得了
白雪下, 火車駛向江陵海岸, 眼前一片大海
好開心哩, 因為又可以俾威仔睇到唔同一面的韓國

開心時刻真係好快過
因為我地遇到我地旅程第一個難關！大雪！
無想到, 正東津的情況係, 大雪到已經將主要的道路都堵塞左
我地落火車個刻都仲未知
仲興奮地影影影
決定離開火車站出發先知..... 原來, 我地根本無辦法上到山上去！
因為連taxi司機都話, 上唔到山
威仔試過探路行上去但都係無巧而回

經過個多小時的研究
為色天色再暗天難搵路
這一刻, 我地只好將郵輪酒店放棄
搭返火車返江陵, 希望可以搭到巴士去明天的目的地 - 春川市
睇過agoda話仲有房, 但決定到時walk in問價
如果價過agoda就會即時上網訂房

拖住兩個行李既威仔
再加上未知的行程
威仔就辛苦了

終於成功係6點半上係江陵上巴士出發往春川市
車程要2小時半
所以我地都睡得好甘香
全車人都好靜
因為個個都係訓緊覺的

到達春川市已經8點半 (路車時漏左隻手襪係架巴士 >_<)
要搵路去旅館
我地決定用gps定位行路去
無想到, 時間花費左咁多
近一小時先去到 (因為拖住兩個行李哩)
但幸運地, 我地搵到明天要下榻的春川觀光旅館
一入去就問有無房, 報俾我70000won一晚, 二話不說就ok！
同時有人入來問價, 可能係想1 night stand, 一聽到70000won就掉頭走人
70000won, 平過我係agoda睇既價哩！但始終walk in係危險的, 無房既就要再去搵了

check in後, 醫肚仔前威仔買左一對新手襪俾我, 1000won, 超平！
去左一間24小時開張的韓式餐廳
來左個排骨湯 及 石頭飯. yummy！

終於都把今天可以劃上句號了
既然多左一日的時間係春川
我地可以將春川行往調節一下
玩得再舒服一點 ^^

>>January 30, 2013 at 11:55:44 AM GMT+8

2013 年 1 月 16 日 星期三 【晴】

昨日玩左一整天
今日特別的俾自己瞓晏一點
所以取消今早的morning ski
之前聽blog友話個toilet係無暖氣的
但感覺都ok woo
昨晚的辛勞, 都係暖毯下舒服咁過
原來暖毯的感覺唔錯哩 ^^

出門後發現昨晚原來下了雪
地面薄薄一層雪好靚哩
威仔終於都等到有雪景了
是日行程為 - 上龍平山頂
特地都著多一兩件衫去抵寒

行出去motel外面
只睇到好微細的雪飛過
影相根本就影唔到的
所以期特上山既情況, 因為山上會更凍, 雪會更明顯
好希望威仔睇到哩

我地同民宿買左gondola pass上山
一張係12000won, 我地同民宿買只需7000won, 平！
就算唔住係佢度都可以同佢租野
真係唔錯哩

Gondola 其實係架cable覽車用來上雪山的
滑雪的人如果想玩rainbow slope既, 就一定要用gondola上去啦
ski用具係放係cable車外的
你上到山就會有工作人員幫你拎落來架啦
因為沿途的景色太靚
就算威有點畏高既人都唔怕哩
一邊上可以一邊飽覽大白山脈既景象

龍平的山頂其實唔算大
但下起雪的山頂就更細了
因為能見度唔好
要睇藍天白雲除非無雪哩
所以唔同氣象有唔同的感覺
我都係第一次見雪既, 始終都係覺得有雪好一點的

-8度的天氣真係令人唔係咁想郁
但唔郁就會更凍
所以keep住要行
花左2個多小時係度景相
終於都係3點決定下山了

龍平滑雪場其實好大
可以住既hotel都有幾間
如果有機會既話, 下次來住下都唔錯哩
有時間就周圍行下龍平的周邊環境
原來唔滑雪時, 又可以感受到另一種寧靜

是夜同威仔早開飯
今晚決定來到我地一直都想試既韓牛店
之前已經睇到有blog友介紹過哩間
又被我地無意中行到了就當然唔會錯過哩
2塊牛扒要成4萬幾won, 真係唔講得少
我地買左一塊A+, 同一塊A級韓牛
最頂級既當然係A++
但礙於價錢, 我地都係決定放棄A++

本身帶過來既1百萬won已經預算過緊緊夠返首爾的行程
所以我地都盡量唔好太大駛
特地都點左一個 米酒來飲
味道有點像啤酒
但係好飲過燒酒好多哩

回到民宿, 咁又一日哩 ^^

>>January 30, 2013 at 10:32:00 AM GMT+8

2013 年 1 月 15 日 星期二 【晴】

快到12點
我地已經入左離境閘內了
準備12點40分就登機
感覺真好

同威仔開始感到眼訓了
上機唔理三七廿一, 兩個人都訓左好一陣直到食野
食完再訓 ^^ 哈哈

幾個小時就落機了
韓國, 話哂都5年無來了
有點陌生, 又有點熟悉
威仔就永遠話哩個佢記得, 個個佢都記得 ^^

一拎左行李我地就先去感受韓國的氣溫！！
好凍哩.... 一試左一陣就返入機場加厚自己d衫
著好哂就去拎wifi egg
之前已經一早預約左, 所以好快就搞掂
本想先去首爾轉車的
威唔想拎來拎去
所以最後都係決定去買飛由機場出發去龍平
本來time table係寫9.30先有車的
勁好彩地原來加開左7點半！
得返10分鐘我地快步搵到巴士站就上車哩
好狼狽咁將行李放係車尾同我地一齊瞓
7點30分開車！真係一分鐘都唔會等哩 ^^

3小時半的車程....怒瞓！
訓下醒下
基本上成車人都係咁的...架車真係好靜靜
只係司機細細咁開住點收音機

2小時多, 我地先到左橫溪巴士站作10分鐘休息
唔識野既我地, 都只係敢係車旁影下相, 望兩野, 伸展一下腳骨就返上車了

再出發開車到平昌群龍平
點解係龍平滑雪場？
因為我研究過, 龍平雖然係韓國最舊既一個滑雪場
但佢就有最豐厚既天然雪
而且龍平被選為2018年的冬季奧運, 相信發展本身已經好好
為左2018年一定會更加進步
所以我選擇左龍平這個地方

因為2018, 暫時都只係得龍平滑雪場有車係直接去機場哩
亦因為咁即使依家有好多新起的滑雪場, 仍不減龍平的人氣

終於都12點到左龍平了
第一時間我地先去toilet!!! 哈哈
之後就望下龍平既環境同埋食個lunch

食完就試打去fila ski民宿叫人來接我地啦
fila ski motel - 係我係網上睇blog時見到的
blog友話住宿平, 租用佢既用具, 幫你代買lift ticket等都係平好多的
所以錢字行頭
我choose左住係民宿
之後一早問好哂民宿既價錢, 房錢, 收唔收card
預先都知道玩一玩就無幾千銀架啦
所以都兌定左5日係江原道的錢, 足足有1,000,000won (7500HKD)

其實一來到fila ski motel
俾我第一印象就係 (唔好)
好似根梯又暗, 而且當時一去到成村人已經係度租緊用品
我地都等左好大半小時先有得租野
房佢話未有, 要夜點先可以check in
無辦法下, 只好先換衫, 放luggage係motel
放點再來拎返同check-in
但我request, 一定要有床先得！

先介紹我同威仔的教練
係一身紫色的套裝害羞男
年紀25歲 (俾威仔估中左)
2小時的相處, 佢係個好好的老師哩
好多地方我地唔expect佢地教我地咁多既, 佢都盡量教我地
真係令我好窩心
佢係山腳教左我地45分鐘多, 已經覺得我地可以搭個lift pass上山試試滑下來
幸好慢慢, 逐個逐個咁滑少少, 所以我地好順利咁滑下來
當然佢要成日提住我地, big A！big A！big a！8！8！8！

要知道個8字係勁大先停到哩！！
終於2小時, 佢教好左我地基本野就落堂了
真係好多謝佢的教導
令我同威仔可以展開二人的真正滑雪之旅哩

玩過pm ski, 就玩埋night ski
雖然每個時段逐個計
但值得既

其實我已經好累
特別係隻手, 又凍又痛
所以night sking時, 玩左一陣已經好辛苦了
因為天氣愈來愈凍
所以威仔都提議先返去休息下次先再玩
但我都堅持同佢玩多一陣先走
因為唔想o徙左咁貴既pass嘛

兩個人拖住好累的身體
係-11的天氣下拎住2個ski離開
民宿又來接我地走
雖然等左好一陣先開車
但總好過係度凍哩

回家民宿
終於都可以check-in了
幸好哥哥幫我地拎上樓
一入房, 感覺反而唔錯哩
雖然好簡單, 但勝在夠企理
一眼望哂, 同埋好光猛

累累的一天
所以, 明天ski取消
今晚可以訓耐d休息下, 明天上出影相！

>>January 29, 2013 at 5:58:15 PM GMT+8

2013 年 1 月 14 日 星期一 【晴】

今日係我地出發去蜜月之旅既日子
返工都仲未覺得係去旅行既感覺
因為我既行程仲未finalised
要多番確認先可以make sure我行程上有無問題
因為太多韓文
太多資料
而江原道的資料方面又少得很
只好夠韓國人的blog, 同埋自己超初級的韓文去搵資料

決定早到1小時
臨收工前都交左份doc俾geoff睇
幸好佢改左飛返來的schedule
依家夜俾佢, 佢就可以慢慢睇, 唔怕捉住我來傾
見佢email返來的反應好似好鍾意張form哩, 真係好

準備都收工了！
一踏出公司門真係有放假既感覺
心情突然變好左哩 ^^
加油！

花左一小時先回到家
之後就開始沖涼 同 洗衫
9日唔係家, 梗係唔好浪費屋企啦. 無論如何我都洗左兩機衫

等埋威仔返來, 一齊整理下就準備出發
個luggage太重, 所以我地都花左點時間先拎到落樓
2個巨物就係街上遊走, 直到巴士站

威仔一開波就話想嘔
見到我就想嘔了,真係最痛心既蜜月之語 ^^
成個hour車程, 真係好驚佢會嘔哩

幸好最後都順利到左機場
仲食左個好美味的味千拉麵哩 ^^

>>January 29, 2013 at 4:40:35 PM GMT+8

2012 年 12 月 2 日 星期日 【晴】

依家少左接觸電腦
但多左接觸手機
不過唔多鍾意用手機寫日記, 甚至打文章
所以我一直都無去UPDATE我既日記

慢慢開始把這日記放低左

依家要打返, 就回起最近既生活哩
當然ARGUE就少不了哩

>>December 3, 2012 at 12:22:14 AM GMT+8

2012 年 11 月 15 日 星期四 【晴】

感到好抱歉
人生最重要的其中一件事 - 婚姻
本應好應該好好地係日記內紀錄

過去幾個月我的人生真係太過精彩了
高低起趺, 壓力接近爆燈程度

2012年11月4日
我同威仔手牽手踏上紅地毯
在各好友及親人的見證下結為夫妻
立下誓約, 終生不渝
正式步人生另一階段

婚後的第10日
大家都共同合作, 相處得好融洽
要多做家務, 先可以建立共同的關係
要多合作, 一定唔可以一開波太讓步而變成得佢做, 無我做的局面
所以我的結婚蜜月期, 一定唔會掉以輕心
要keep住大家互相愛護下去, 依靠下去

幸好過去威仔一個人住已經養成一點家務習慣
當然亦引發左唔少壞習慣
我入住後, 磨擦就難免
唯有慢慢再搵個中間點一齊共融

婚後生活真係開支大
雖然蜜月, 但仍要努力去節儉

最近幾日開始plan蜜月行程
因為有太多野要考慮
所以仲未決定應該點做

>>November 15, 2012 at 2:22:39 PM GMT+8

2012 年 10 月 23 日 星期二 【晴】

已經快一個月都無寫日記了
對上一次係7年前嗎？
哈哈

這一個月真係好忙
但都已經過左詔大禮等既事
每早都係對住RUNDOWN, TABLE, FLOOR PLAN等
睇少一日
真係感覺會有點內疚

之前又著手整WEDDING當日既GAME
真係愈整愈開心
真希望自己有得玩埋一份哩

今日一早就起身
同左威仔去左影畢業相
天公造美哩
影出來既相都好靚

唉……飲茶又無左一筆錢

回家執野！執定星期搬屋既野
執左近2小時終於都OK了

>>October 23, 2012 at 8:37:11 PM GMT+8

2012 年 10 月 1 日 星期一 【晴】

今日係我同威兩個人過的日子
因為一早傾好左
所以我唔希望有任何人打擾我們
哩個係承諾~~~

先同威仔去左深水步..... 探左表弟一陣哩
之後同左威仔去左葵芳行下
我知威仔係好樂意買野俾我的
不過我睇唔岩.... 其實都有睇岩不過又唔想買哩....唉....

之後同左威仔返沙田食野
本來打算係廣東人小菜的
點知原來係咁貴的.... 就卻步了
早知去重慶燒好過哩...... >__<

轉左去食泰國野
好飽飽哩...

>>October 11, 2012 at 11:39:36 PM GMT+8