2009 年 5 月 30 日 星期六 【晴】

之前一晚6點半起身，今日就安排大家訓晚一點，7點半先起床！ ^^

因為要執好行李準備離開海岸飯店，所以就一早起身執野，而執好的同伴就先出發買早點回來。

準時8點45分見到接我們的司機，先向他打個招呼後就check-out了！ 然後我們一行人就先到伯利恆地中海館check-in及寄存行李後就出發喔！

雖然今天的天色不夠晴，但是日行程非常豐富，絕不比昨日的差，一早司機simon車我們到九棚大沙漠飆沙。 我地預先已經book左最抵玩及初級者的「飆沙之旅」，但都好刺激哩！因為一上車唔等我地準備好就出發了！一來就好多急灣，緊接就是水潭，好多泥水濺了上來，避都避唔切，及後就是在整片海邊飛車及奔馳！爽呀！這個時間是我認為最安全的時間！可惜快樂的時光好快就沒了，司機一扭我們就要上到五層高的沙漠。

司機停下來讓我們休息了一下，我們當然先整理一下自己的面容後才入鏡哩！ 哈哈！

及後發現，身旁有一個45度大斜坡，司機說我們要衝了！還不來叫等一會，就連人帶車的衝了下去，及轉到叢林裡，水潭，還有一個近90度的小斜坡，嚇得我們大叫！

經過近40分鐘的旅程後，我們就完成了今次的「飆沙之旅」了！ 真係要俾«««««推介給大家！

醒目tips：此活動不適合身體不適的人。而且上車後請緊握扶手，切勿鬆手，以免發生危險。

完成此活動後都快11點了，是時候再出發到香蕉灣尋美人魚，美人魚是指浮潛中心，無意中在網路上看到他們的介紹，就訂了一次人生的第一次「體驗潛水」。司機simon先介紹我們一行人到龍船餐館食少少野後先出發潛水，這個餐館大概是近龍磐公園的關係而為名的，方園幾哩可能就只得他這一間餐店。令人意外的是此點的味道比我想像中好，因為我們一會要潛水，所以都不敢食太多，只是叫了一個蚧蛤湯，高麗菜，牛肉炒蛋，炒飯…… 輕食的份量就夠了！

司機Simon一直在外面等我們食完後就送我們到美人魚展開我們的潛水旅程！

下午一點多，四個同伴一去到就換潛水衣…… 著完有點似超人特工隊，令我想起「惡作劇之吻」裡那幅掛牆晝！

這裡就是美人魚潛水準備area

咪以為佢係教練，其實佢係我的同伴之一

站在海邊都尚大風，教練一開始先為我們綁上鉛塊加重我們的身體以便一會下沉，然後就教我們學帶吸氣嘴呼吸，原來有吸氧氣筒是這樣的…… 經過一輪練習後，大家都開始習慣在水中呼吸了。然後下一步就是去深一點的水中熟習一下，因為水深一點，就會開始有耳鳴，所以教練指示我們如何減輕耳鳴！

一行人再跟著去到遠一點的位置練習，我到水深不知多少後就開始產生耳鳴了！所以不能再潛更深了… 另一同伴都出現這個情況，但他似乎比我情況好一點！ 我連沉下去水底都有點困難哩 ^^

拍了幾張水底照片 (此項潛水費用已包)，我忘了做V字動作哩！

終於都完成了，前前後後都花了近2小時，時間永遠在歡樂中不知不覺得流逝著。

下午3時，司機Simon又一早的在等我們了，真是很好哩！我們為免弄濕他的車子，所以都特別曬乾一點身子才上車返民宿沖洗。

玩了大半天的刺激活動，我們就轉去觀光了，墾丁的天色真好，白天的時間總覺好長似的，讓我們可以拍到更多的美景。

4點後出發到鵝鑾鼻公園，原來要去鼻燈塔的正式入口，需要先到鵝鑾鼻買票才可以入內。 可惜，鼻燈塔原來只開放到每日下午4時，所以我們去到都不能入內參觀了。可惜！可惜！

不過我們就在鼻燈塔面前拍了很多相片，這個時間天色反而比剛才潛水好哩！

將近5點半的時份，我們沒有選擇到關山日落，也沒有到龍磐公園看海灣夕陽，我們選擇到整個台灣的最南點！進入後步行約十分鐘，穿過沿岸的茂密叢林，就可以看到一座木製眺望平台與其上的台灣最南點意象標誌。這裡其實好細，站在最南點，右手邊是台灣海陝，左手邊是太平洋海陝，這個最南點就是兩海陝的交匯處。

這裡日落時分非常正，構圖很美，相信絕不比關山、龍磐公園遜色！

這是我們在墾丁最後一個的黃昏哩！離開後，見離同陳經理晚飯的時間尚有後時間，我們就叫simon車我們到墾丁作最後購物！quin小姐就主力去紋身，炒蜆就主力買衫褲，我同darling就主力食串燒及逛 7-11。買了種籽給朋友作手信。

我的收獲 (貓貓、 墾丁風車記念品、種籽)

7點20分集合再出發到陳經過推介我們的「沙灘小酒館」！昨天來參觀過已經覺得唔錯的了，無想到今天感覺仍然。絕對是攝影友燒相的地方！ ^^ 人流都算多，只是我們坐得特別耐，等到走哂客的時候才拍照！小酒館設有一間vip民宿房，而且附設天台可供大家觀星哩！

一整天的旅程終於都告一段落！

明天：最後一天在墾丁的日子

>>June 5, 2009 at 12:48:08 PM GMT+8

2009 年 5 月 29 日 星期五 【晴】

昨晚一早約左陳經理 0730，佢言語上已經聽得出有難言似的，所以我們認定佢今日放我地飛機的了！

但我們還是0630就起床，到墾丁大街食個早點，原來早上無人是那麼清靜的！真係good good！而且今日天色比昨天好，正！

我的早餐 (麵線, 肉燥炒麵, 肉湯)

早上的墾丁大街

食飽飽後已經0730，找不到陳經理下，就向民宿詢搭公車到海生館的路線！民宿的當值哥哥看似魁梧，但回答我時還是非常有禮的。

準備出發前收到陳經理電話，他叫了其他司機接我，也好哩！ 我就是不想看到陳經理而已。
今次司機叫芋頭，他會說一點廣東話，因為他已經在墾丁12年了，所以他還是會說一點… 我覺得他比陳經理好！至少對客人有禮貌， 我們跟他說下午的時間會去帆船，芋頭還說我們有眼光哩！

利害！8點半出發，9點前準時到達海生館。芋頭布另外客人，所以先走了！我們就在入場前拍拍照。 ^^ 大鯨魚呀 (原來真係有得嬉水的)

完成幾個館後出就換上拖鞋嬉水了，超爽呀！拍了不少美人照！呵呵…

醒目tips：建意一早到海生館可以拍到更多更美的照片，因為下午一多人，就會被好多人遮檔你的了！

12點陳經理又派了芋頭來接我們，先介紹我們到了台灣牛肉麵午飯。我終於都食到台灣有名的萬巒豬腳！！ 雖然係凍食，但還是好食好食！當然若是熱的會更好。

台灣牛肉麵留倩影

1點 - 終於都見到了陳經理本尊了，他駛了一架貨van過來接我們，幾日來我坐過的，這可真算差的了！
帶我們到了恆春，恆春本名「瑯嶠」，一直到沈葆楨來了以後，因為看這地方四季如春，才改名「恆春」。恆春很難得的保留了很完整的四個城門，聽說是全台灣省保存最完整的，因為已經是清光緒年間建的，還被列為二級古蹟。本來想去東門的，因時間關係, 最後只到了西門 (因為西門都可以上去的) 就算了，路上還食了個恆春有名的 - 綠豆饌！ 賣相麻麻但食落非常清新哩 ^^

2點 - 陳經理又接返我們後直飛南灣，因為我已訂的老鄧打來希望我們可以早點來，所以還是要求陳經理早一點接我們。 一上車發現有其他人之前坐過的痕跡！唉… 有點失望。

3點前到達南灣後就換個褲子就出發搵老鄧！這個南灣是墾丁最寬闊的沙灘，幾乎所有的水上活動都可以在這裡看得到，游泳、划水、衝浪、駕帆船、沙灘排球、浮潛等，凡是墾丁有的水上活動，幾乎都從這裡開始，戲水人潮之多，遮陽傘幾乎覆蓋了整個沙灘。就我們所見，整個沙灘都是來暢泳的人, 全沙灘佈滿了沙灘傘！唯獨有一架帆船在沙灘上等我們，老鄧！！介紹左一下自己後就換上救生衣了！聽老鄧簡單講解一下，唔明就捉住問！聽老鄧的講解，我們一會需要一同推船出海，待老鄧會發號令，我們有機會在船上走動對以作平衡船身，而且推船後一感到浮起就要即時跳上船。
「揚帆出海」是我整個出走墾丁其中一個重頭節目 -

上船後真係爽爽爽！因為覺得自己好似富商似的，包艇出海喎！ 覺得自己幾架勢， 不禁在海中心大叫「人生有幾多個十年！！ 最緊要活得痛快！」

好開心我的同伴都好滿意這個節目，而且我們仲在船上為其中一男同伴唱生日歌，慶祝27歲生辰！
今日我們是很幸運的，因為風浪不大，有藍天，沿途還給我們遇上了飛魚哩……
「藍藍天空高掛我的夢……」好似完成了一個夢想似的！
多謝一班同伴的全程投入！

5點 陳經理接了我們後到貓鼻頭, 終於水上活動一日後靜靜的觀光一下！貓鼻頭主要看奇石，貓鼻頭位於台灣最南端二個岬角之一（另一個岬角是鵝鑾鼻），地形位置正臨台灣海峽與巴士海峽交會處。貓鼻頭公園以珊瑚礁地形景觀聞名，區內有各種奇岩怪石地形，其中最著名的貓形巨巖（外形狀若蹲仆之貓）。

6點 轉到後壁湖用晚饍！陳經理推介了數次後，終於都決定去輝哥生魚片食海鮮！看似識得東主得陳經理交帶後，我們都要等半小時的位。 是夜晚餐都相當豐富，有鮮魚湯, 雨來菇, 海蝦, 海螺, 特上魚生片, 炒麵…… 非常飽飽！雖然等左好耐，但總叫一試！

飯後已經7點, 出發到出火…… 無想到出火原來是這麼細的！但值得一睇，因為墾丁出火位於恆春鎮東門外是台灣一種特殊的泥火山景觀，此地緣出於鑿井時意外發現有天然氣自然冒出，如同地底不斷溢出的瓦斯氣，經點火後火焰綿綿不熄，堪稱奇觀，但當晚有好多香港人，台灣人就在利用出火的天然火力來bbq！ 不過，我們還是見識到人放 「天燈」, 我第一次見！好開心~~

陳經理為了彌補我們，出火後我們要求到鼻燈塔！夜晚的燈塔真是一絕，敞在長櫈一望便是滿天星斗，這是我身邊人播起國境之南這首歌，雖然無海角之南的境景，但對著漫天星星的我，配搭著這首歌，真令人陶醉！

相約陳經理明天安排車子給我們，因為我們明天有好多活動！

是夜一日旅程完結，回到民宿已經10點多了，相約同伴們作墾丁大街最後的掃手信。

>>June 5, 2009 at 12:40:14 PM GMT+8

2009 年 5 月 28 日 星期四 【晴】

起程啦！ 好期待一會的高雄

0900 準時起飛
KA 的早餐原來都不俗woo.. 比我想像好哩, 我以為只有麵包而已！原來仲有炒麵。

食完拎出我的旅行手記寫下感覺，在高空11277哩的高空中，望出去的雲真係好美…

帶著口罩的我們, Quin, 炒蜆, 威, 我.... 個半小時就落機了，時間過得真係快！到啦到啦！一拎完行李就影返張相… 這是我的第一次台灣之旅，這更是我第一次的自遊行 ^___^

一出閘就見到有人舉牌接應我們了，感覺好似豪客似的！呵呵~~

今日機場兌錢的匯率好低, 接近 HKD 1: NT 4.05 真係好唔抵哩！ 但都係兌左些錢就出發了…

兩個同件負責兌錢，兩個就去買電話卡！ 為左這個blog, 我特地影多一點相給大家作資料參考

這是中華電信, 要買電話卡並不易, 花左我大半小時先完成, 因為一個交易大約要15分鐘, 等等下就半小時了！

台幣300蚊一張電話卡, 內含300NT通話儲值。 買電話卡時記得帶PASSPORT哩, 因為一個PASSPORT只可以出一張電話卡而已。

完成後會合返我們的司機 - 高先生, 就出發直達高雄了！ 台灣的司機都頗熱情，不過我還未見到我的接洽人陳經理哩！

沿途幾個同伴一同傾下計, 談談笑笑的就這樣個半小時過去了.... 沿途一見到海都好開心, 司機高先生話今日天色不夠, 還未可以看到美景！聽說好天時, 海是淺藍色, 好分明的哩！

終於2小時的車程，到達了我們的第一間民宿：墾丁海岸飯店

一check-in 已經知道我是amy了，我覺得自己個名真係好勁, 好像只要一說是香港來的, 就有人知我是amy！

今日是台灣人一連四日的公眾假期，所以周街都好多台灣人，我以為會見到好多香港人哩 ^^

抖一抖就先食個午飯 (其實已經2點多)

行過墾丁大街好熱鬧, 食了一個花枝丸後, 就到了一間飯店食了個四人餐 (因為覺得唔太好食, 所以不推介給大家了)

4點食過午飯後，打俾陳經理安排出發到恆春，可惜他竟然說不能來，叫我們自己去搭公車，真係非常氣憤！我們堅持不懂，所以他說叫我們明天才去，晚一點叫司機接我們到出火。

心想可以去出火也不錯，但台灣的假期原來絕不比香港遜色，簡直有過之而無不及！ 塞車塞得好恐怖，人多車多，我們的司機根本完全無辦法入到墾丁！ 雖然內心明白，但今天的行程完全泡湯了…… 只好留在墾丁大街逛逛！

待了數小時的墾丁大街，決定回民宿休息一會，抖抖後再出動！此時為民宿拍了不少照…

晚上的墾丁大街非常熱鬧，而人流依然不絕！食物檔口都開了很多，成了一個夜市天堂！ 我們試過魷魚串，羊肉串等等小食.... 好食！

收到傳單附近有間華納小築，我們一行四人出發買了水上活動四合一, 飆沙, 及海生館門票。 真抵哩！比出發前在網上搜集的資料還要抵！

是夜細行每間店舖，物色一下手信給我的好友 ^^
回民宿休息，明天再會。

>>June 5, 2009 at 12:15:39 PM GMT+8

2009 年 5 月 27 日 星期三 【晴】

端午節快樂

是日同左威仔去on duty
以為威仔會係mtr接我
點知佢決定搭巴士
我想起：早排杏花村事件

今早打算先去交收的
點知就係一點都唔成功

食完野都已經快3點了
行左一陣鑽石山
點知就出血了
唉……買左炒蜆的生日禮物及買左泳鏡
都幾貴哩

去左威仔家
因為今日威仔下廚哩
然後我覺得有點氣喘
所以就休息左一陣
起身就有飯食了
但食完我就要趕回家沖涼, 作最後的檢查及休息

同威仔打左電話去俾台灣陳經理
言談間好似佢話會親自接我們哩
唔同會做我地的導遊
係既都真係唔錯哩

明天…… 待假的心情

>>May 28, 2009 at 3:11:06 PM GMT+8

2009 年 5 月 26 日 星期二 【晴】

幻想自己有機會加人工的日子
胡思亂想的天真想法
不過幻想的空間真令人向往哩

男仔昨晚嬲左我
因為聽到我話帶個唔好的袋去旅行
結果嬲左我一整晚
仲未消氣
事實我覺得個袋好岩去旅行用

今日有點頭赤赤

>>May 27, 2009 at 8:34:42 AM GMT+8

2009 年 5 月 25 日 星期一 【晴】

仲有二天就放假了
雖然唔係一放就出發
但係好開心！

今日突如其來的做節
令我好不滿
投訴！

是夜染左髮
隻色都唔錯

是夜開始執行李了
拎左好多野出來
但無點算過..只係一味拎拎拎

試左個防水相機袋
ok woo
但要用威仔相機先可以影得好一點

教左teresa點整個movie

個肚哩幾日都係脹脹的
著泳衣唔好睇lu

... 我唔記得放左個泳鏡係邊

>>May 27, 2009 at 1:56:36 AM GMT+8

2009 年 5 月 24 日 星期日 【晴】

出發前四天
返3日工可以飛啦
呵呵

今日penny叫左我入房
問我願唔願意接手一下hr的工作
最後我話都可以試下

離墾丁之旅仲有4天
有著待嫁的心情 ^^ 應該係待飛的心情…哈哈
由最初好忙
到今日反而無咩做打點
只係欠行李, 同埋要買的東西而已
其他文件上的東西都準備好了

lunch去左買本記事簿
被我名為「旅行手記」
因為去旅行記事好重要
最不然回到香港唔返d日記哩

本來今日打算買TORO SONY 貓的兔仔figure
比起之前平左一半呀, 阿剛話只需49大元
帶去旅行的話一定爽爆哩
但這個不需要刻意
如果遇到我就會買的了
忍手！

其實有book車, 而且又有大luggage
真係好想拎好多野過去
咪啦, figure啦, 記事本啦, 即影即有相檮, 手撥扇, 等等等等
幾多野！

是夜去左三記打冷
中途去左拎防水相機袋
學下點用先
是夜的food有二家姐的favourite
當然都有我的
但總覺得少左凍蟹有點失色失色

食完同威仔去買袋
但原來個袋真係好細的
所以又打消左念頭了
連我見到figure 55蚊都放棄埋
搭巴士返家
好累好累
但都不忘睇左一集「魔女由熙」先訓

>>May 26, 2009 at 4:31:33 AM GMT+8

2009 年 5 月 23 日 星期六 【晴】

今日係家中悶悶的
終於都等到2點幾出門
點知威仔都仲可以行得
有時都真係覺得好無耐
因為佢地食個lunch真係食好耐的

我就一邊行一邊等
等到4點威仔先出現哩
唉…… 去左睇鏡頭、防水相機袋
真係唔平哩
但係威仔就睇中左個geogry花袋仔
佢話好平哩… 但我無為意

之後出發去又一城買bobbi brown
終於都買左俾家姐
個枝筆真係好貴
不過值既, 貴野應該都好一點的

是夜同左舅母, 二家姐, 威仔四個人食板前sushi
好耐無食板前了
仲係要等好耐位哩
但都係一小時度啦, ok既, 等到訓著左
我地叫左好多三文魚, 仲有, 板前蝦, 當然唔少得係帶子sushi哩, yummy！

是夜又傾左好多野
仲安排左下次去二家姐家整cake哩
本來約左dabby的, 都要放飛機lu
派炒蜆出席吧！呵呵

>>May 25, 2009 at 3:43:39 AM GMT+8

2009 年 5 月 22 日 星期五 【晴】

昨天還晴今天陰
悲！

本著明明好心情
一下子都跌左落去
明天預料天色亦好壞
點影相哩？
結果在我猶豫不決的情況下
我打消左買相機的這個念頭
再見啦！sanyo hd2000

同左dabby, connie食野
因為connie原來未食野的
結果我地食個tea都好似係個dinner似的
好耐無咁3人行過了
更何況係係度lunch哩 ^^
食左california kitchen , 個生菜包真係好食woo
食到我同connie唔停得口
dabby因為一向都唔食得海鮮, 又唔食牛

行完就去左買水餃回家
以為自己買岩左
原來係買錯左哩
feel sad

明天坪洲之行已取消
但照出去食飯, yeah！

>>May 25, 2009 at 3:32:46 AM GMT+8

2009 年 5 月 21 日 星期四 【晴】

離出走墾丁尚有一星期
只係一星期
而工作的日子更加得返三天
我就可以放假了
呵呵

今日想搵舅母幫我換錢的
點知實在實在係太多人了
所以佢幫我唔到呀
只好再想辦法

將一系到的document準備好
明天就去買相機
未出發前我每天的行程都好緊密哩
後天去婆婆家
星期一同二家姐食飯

>>May 22, 2009 at 10:02:23 AM GMT+8