2003 年 3 月 2 日 星期日 【晴】

唔知點解，
突然好想去學急救。

阿媽同阿妹都有聖約翰救傷隊o既急救證書，
搞到我心郁郁，
好想去考番個！

阿妹勁！
阿媽仲勁！！

我都要勁勁勁！

.........................................................................................
哈哈...

到o左o個陣，
全家四個人就有三個係勁人喇！

唔得，
叫埋老豆學急救先！

咁就全家都勁！

哈哈哈......

( 是日癲o左　不便之處　敬請原諒 )

>>March 2, 2003 at 7:24:45 PM GMT+8

2003 年 3 月 1 日 星期六 【晴】

今日係方向白痴日。

今日好熱呀！
訓到成點先起身，
同阿媽去樓下酒樓附屬o既茶餐廳，
叫o左個餐：香煎雞扒飯配燴汁 + 熱咖啡，
兩個人分 ：我食85%，阿媽食15%
(阿媽，我不孝，食晒你o既！)

食o左咁多，
冇理由要阿媽俾錢o架！
所以我爭住俾，
贏o左 ($23)！

約o左carol 3點半o係TST等去行街，
3點7 到o左地鐵站等，
衰婆唔記得飛線，
搞到成4點先打到俾佢，
叫我去科學館搵佢，
「科學館」呀 !!!!!!!!!!
我竟然... 我竟然...
去o左太空館！

去到我仲以為去o岩地方，
仲嗌晒話見佢唔到！
佢話自己o係3樓canteen，
叫我上去搵佢，
天呀！
「3樓o係邊呀﹖我見唔到有樓梯喎！」
「你宜家o係邊呀﹖」
「我咪o係賣飛o個度囉！」
「o個度係一樓o黎o架喎！你應該落番地下左邊度門入。」
「咩呀！賣飛o個度o係地下o黎至真喎~」... ...
佢唔知我去o左太空館，
我唔知自己去錯地方...
就係咁擾攘o左半個鐘，
突然，我好似如夢初醒咁，
諗：「死喇！唔通去錯地方！」
再問：「衰婆，你叫我去邊呀﹖」
「3樓呀！科學館呀！」
「得喇，我到o左再打俾你！」

「喂，:茪H太郎呀，你返梗工呀﹖」
「係呀，做咩呀﹖」
「我宜家o係太空館，咁科學館點去呀﹖」
「你去科學館做咩呀﹖o個度都冇o野行！」
「我都唔知呀！carol叫我去搵佢呀！」
「咁你做咩o係太空館呀﹖」
「我記錯o左地方呀！」
「你識唔識由太空館過番去彌敦道呀﹖」
「識！」
「你知唔知彌敦道o係邊o架﹖」
「都話知咯！」
「o拿~ 你去到彌敦道就一直行...」
「唔~」
「條彌敦道打直o架o麻﹖」
「係~」
「跟住直行去到你好鍾意睇衫o個條街，加連威老道呀，知唔知呀﹖」
「知~」
「唔~ 去到o個度就轉右直去到尾就係o架喇~」
「啊~ 」
「即係Poly o個邊喎！知唔知呀﹖」
「知喇~ 唔該晒！...... 你掛唔掛住我呀﹖...... 不如大大聲成句講丫...................(下刪n句)」

終於，我o係5點鐘去到科學館。
原來carol 去科學館幫佢阿媽手做o的documental o既o野，
我去到等佢執埋o的手尾就一齊走，
跟住去行街！

阿姐呀！
搞到我行o左咁多路，
咁辛苦去到科學館，
原來係等埋你做埋o的o野一齊走！
下次直接約我o係地鐵站等啦！
費事又行錯喇！

不過都好，
o係新港買o左兩粒水晶 ($18/ea)，
一粒俾自己 (增加財運o既)，
另一粒俾:茪H太郎 (消除焦慮o既)。

跟住去旺角su shi tei dinner，
食o左一碗中華冷麵、
一碟水魚生刺身 (9件)、
一碟帶子串燒 (2串)、
一碟炸蝦壽司 (6件)、
一碟炸蔬菜薯餅 (2件)，
碟刺身好唔掂，
好彩其他都ok~
埋單 $180 有找。

食完飯唔多夠喉，
走去食多件雪糕pancake (strawberry sauce + vanilla ice-cream $15)，
正！

搭小巴 ($10) 返屋企，
咁就一日lu~

...........................................................................................................................
計下先，
今日洗o左 $170 左右，
好彩自己忍到手唔買o野~
算係幾經濟咁啦！

>>March 2, 2003 at 5:47:21 PM GMT+8

2003 年 3 月 1 日 星期六 【晴】

:::ｒιｃε -- 點解談戀愛﹖:::


唔知點解我覺得自己o既戀愛經歷，
遠遠唔及其他人咁豐富、咁多姿多采~

例如

有人試過偷偷地咁去鍾意一個人，
我好似從來都未試過~
亦唔知呢種感覺係點。

有人試過好勇敢咁去同自己鍾意o既人表白，
我未試過~
亦唔知呢種感覺係點。

有人試過戀愛失敗，
我未試過失戀~
亦唔知呢種感覺係點。

不過，
我試過戀愛，
試過被人呵護，
試過去呵護人；
試過整到人好傷心，
試過被人整到好傷心...
我知道戀愛係點。
我唔使知道偷偷地去鍾意人o既感覺係點，
因為我知道有人曾經偷偷地鍾意過我；
我唔需要同自己鍾意o既人表白，
因為已經有人同我表白o左；
我唔想去試咩係戀愛失敗，
因為雖然未算成功，
但係我覺得宜家已經係最好，
我害怕失敗...

>>March 2, 2003 at 4:34:06 PM GMT+8

2003 年 2 月 28 日 星期五 【晴】

聽日約o左carol 去食飯，
等我著靚o的先！

幾時約felis好呢﹖


今晚:茪H太郎個家姐生日，
佢要出去食飯興祝喎！
我唔去都冇緊要啦！
多我一個唔多，少我一個唔少o既！
我又唔係 應酬型 / 社交活躍型 o既人~
又唔識講o野！
去到又唔知講乜！

............................................................................................
:茪H太郎最唔鍾意我咁樣~
佢話我唔錫佢屋企人喎！

乜咁就算係o架o拿﹖

>>March 1, 2003 at 7:22:59 AM GMT+8

2003 年 2 月 27 日 星期四 【晴】

嘩！
我超耐冇寫日記喇！

搞到唔知點寫好~

老友考mock 咯喎！
祝你好運啦！


前日去o左觀塘見工，
marketing assistant，
又要作文，
跟住就好浪費資源咁搵兩條友o黎in我一個，
又要答埋o的超難答o既問題！
又要講普通話介紹自己、
又要用英文講番之前份工做過o的乜同學到o的乜喎~
不如用埋泰文唱歌好唔好﹖

今日去2nd in，
如果請我做唔做好呢﹖
咁遠！
人工又唔係高！
做o既o野好似仲多過之前o個份！
點好呢﹖
有o的煩！


因為持續咁咳o左個幾月，
所以o尋日去o左健康院睇，
「醫生，我咳o左成個幾月喇！之前睇過幾次私家醫生都冇用！」
「唔...」個醫生問我：「有冇接觸禽鳥﹖」
我答：「屋企養雀算唔算﹖」
「咁...應該冇乜問題o既~ 你有冇咳到hehe聲﹖」
「我自己就唔多覺。」
「等我聽下你背脊...」醫生說：「就咁聽冇乜o野，不過你都係去照下肺好o的！」
就係咁我今日就去o左南葵涌胸肺科照肺...
要等三個禮拜先有result，
都咳o左個幾月啦，
咳多三個禮拜濕濕碎啦，
最辛苦就係冇得食薯片、冇得食糖！
大佬呀！
呢兩樣o野係我命根o黎o架！
唔俾我食咪即係等於攞我條命!!!!
天呀！

......................................................................................
食完藥wing下wing下...

>>March 1, 2003 at 7:31:03 AM GMT+8

2003 年 2 月 23 日 星期日 【雨】

今晚有o的毛毛雨~

成晚都吽下吽下，
咳到9彩！個頭又痛！
都唔知自己講o左o的乜~

9點去搭火車返歸，
個頭痛到爆！
去到新城市即刻買樽Qoo (lemon味)，
用o黎啪o左粒特效panadol~

返到屋企o既時候個頭唔痛 lu，
見到宵夜檔有開，
雖然已經食o左飯，
但係都忍唔住買o左件格仔餅過下口癮，
yummy~

.........................................................................................
呢排患o左日夜顛倒綜合症，
夜晚成4點幾先訓，
第日冇12點都起唔到身！
希望可以快o的搵到o野做，
咁就唔會再咁頹啦！
「咳咳.....咳......」持續o左差唔多兩個月~

>>February 24, 2003 at 3:14:00 PM GMT+8

2003 年 2 月 22 日 星期六 【晴】

好耐都冇寫過日記喇~

聽日就要presentation喇，
希望順順利利冇乜差錯啦！
因為原本之前要上4堂，
有一堂cancel，
另一堂阿sir玩失蹤，
加加埋埋上得o個兩堂，
上堂講o個o的一係就冇用，
一係就聽o左都唔明~
可以講係乜都唔識就要present喇！

玩咩?!

...................................................................................
最近好頹下喎！

>>February 23, 2003 at 7:39:24 PM GMT+8

2003 年 2 月 18 日 星期二 【晴】

今晚俾人屈，唔想講o野。

...............................................................................................
請睇下男人要女人知道o既o野：
Key：
* = 女人o既意見 (有咩新穎/個人o既意見記住話聲我聽等我update下都好)
...... = 同"你"講o既o野

>>「喊」= 威脅我! (*咁溫和o既方法你都唔受呀﹖咁發爛渣你o岩唔o岩﹖)

>> 我唔會每秒鐘都掛住你，你要接受呢個事實。 (*o岩丫，因為我都係！)

>> 我見到靚女一定會望，天生0既~ (*正常o既，冇問題丫！好多時都有其他男人望住我啦！)

>> 我係鐘意 SEX 同埋有性幻想0既~ (*冇o既就唔係男人啦！)

>> 不過個胸太大或者個胸圍太硬都幾得人驚! (*我都覺喎！)

>> 我唔講0野 ≠ 我唔愛你! (*係呀！唔講野唔緊要，最緊要係講o既就唔好講唔o岩聽o既o野！)

>> 你最好都有你自0己既目標同埋理想! (*關你X事呀﹖不如你有先再同我講啦！)

>> 你著咩都咁好睇! 真0架...(因為我未必有留意~) (*我唔理你有冇留意到，但係呢句讚美好重要！)

>> 唔好問我覺得你靚唔靚~ (*放心我唔會問，我驚你會埋沒良心話我係豬扒！)

>> 我對你用 D 咩化粧品同護膚品無興趣! (*但係用o左你就會感興趣 / 你唔想我化到咁靚，出街俾人望！)

>> 唔好迫我搽潤唇膏!!! (*咁你唔好迫我俾你kiss！)

>> 唔好 Expect 我會0係番工或者係上堂時間 Call 你或者 SMS 你。(*最驚你打o黎咋！我都有我要做o既o野o架！)

>> 好多時答 YES 或者 NO 就夠喇! (*好多時我係問你open question o架！)

>>「唔知呀，你話啦!」唔係答案! (*係呀！不過係講黎問你攞答案！)

>> 如果你日日都因為 M 而情緒波動0既話，唔該你去睇醫生。 (*如果你冇m都日日情緒波動既話，唔該你立即去睇醫生！)

>> 如果我講0既0野令到你覺得有兩個意思，而有一個係會令你好傷心，其實我係想表達另一個意思。 (*要估估下大家點一齊呀！)

>> 唔好無病呻吟，你最好相信《狼來了》0既故事。 (*大家咁話！)

>> 你一係就話比我知你想我幫你做咩，又或者點樣可以完成。唔好又叫我幫你做又要教我點做!

>> 十二歲以下0既女仔先至有權扮 Cutie~ (*十二歲以下唔洗扮都cutie ，係宜家先要扮之o麻)

>> 可以0既話，唔該你自己換番麥當勞送0既公仔。
......都好，你一邊係咁講一邊就換晒俾我

>> 手袋可唔可以唔掛「啷啷」同埋毛公仔??? (*宜家好阻你咩﹖)
......我都好怕呢o的

>> 可唔可以唔同我討論電視劇同埋 Hello Kitty??? (*咁你唔好同我講波經&打機)
......你會忍唔住同我傾添呀！

>> 唔好叫我幫你挽手袋!!!!!! (*咁你幫我拎shopping bags喇！)
......好開心我唔叫你都幫我拎

>> 唔好批評我 D 兄弟老友。

>> 大庭廣眾扮怕醜，唔出聲≠斯文。

>> 唔好成日話「我 D Friend 話咁咁咁...」，你 D Friend 點諗，關我咩事???

>> 盡量唔好將我地拍拖0既細節毫無保留咁同你 D Friend 講，我都想有私隱權。

>> 除0左我，你仲有冇其他興趣 / 雃n呢? (*你想我點答你呀﹖答冇你驚我日夜纏到你透唔到氣呀﹖答有你又驚你需要我o個陣~K低你呀﹖)

>> 有冇一樣運動你係識0既呢?

>> 你可以唔識打機，不過最好比我打! (*梗俾你打o架！不過唔好叫我去陪坐！)

>> 我唔駛減肥，所以唔好阻止我食 Junk Food!
......有你同我一齊食仲好！

>> 唔好要求我做 "道明寺" !~ (*放心啦！我會節省少少o架喇，因為你呢世都唔會似"道明寺")
......我只要求你做番一隻肥肥地o既啤啤熊

>> 溫柔 ≠ 依賴。

>> 爽朗 ≠ 無禮貌。

>> 腌尖聲悶 ≠ 高貴。

>> 無主見 ≠ 尊重我。

>> 遲到 ≠ 多人追。

>> 你打扮得太誇同我去街我會驚。

>> 唔好偷偷地0係我 D 文件或功課上貼貼紙。(*咁就光明正大咁貼啦！)
......我會問過你先o既

>> 最好唔好日日作 Oversize 0既 Hip Hop Look 打扮! (*可以遮住我個身材唔俾其他人睇到喎！你唔想咩﹖)

>> 無必要唔好著得太性感!

>> 係唔係任何時候任何場合都需要化粧???

>> 唔好三句唔埋又話要減肥!

>> 唔好0係公眾場合怪叫或大驚小怪!

>> 唔好 Check 我0既來電顯示!

>> 我都會有女性0既朋友。(*我都會有男性o既朋友)

>> 我唔想知你同你舊男友0既事。(*你想知我都唔會話你知)

>> 你最好都唔想知我同我舊女友0既事。(*仲好，費事煩！)

>> 我想講「我愛你」0既時候我自然會同你講! (*我都係)

>>February 19, 2003 at 6:03:29 PM GMT+8

2003 年 2 月 18 日 星期二 【晴】

今日熱番o的喇~

lunch 突然勁想食合味道！
連食三個~
yummy！
(救命!!!!!! 肥肥肥...)

下個星期一要presentation，
約左星期五搵阿sir傾，
我o個group淨係得我一個乜都未郁過，
大獲......
好煩......

................................................................................
如果聽日先睇 睇唔睇得晒呢﹖
我今晚唔得閒喎 (接人放工)！

>>February 19, 2003 at 7:13:23 AM GMT+8

2003 年 2 月 17 日 星期一 【晴】

去完黃大仙，
行o左陣又一城，
:茪H太郎買左盒法國chocolate俾我 ($22/30g)，

個盒非常之細，哈！

跟住就返學。

break o個陣打俾佢想問o個支係咩簽，
點知佢阿媽話佢去睇急症，
原來佢今晚斬雞o個陣唔小心連手指都切埋！
放o左學就即刻去睇佢，
見佢左手隻尾指包住o左，
不過好彩冇乜事，唔使縫針！(柯利吉弟)
佢仲好精神奕奕添，
等我擔心o左咁耐喎！

.........................................................................................
下次小心喇！

約o左carol 28號去食台灣o野！正！

>>February 18, 2003 at 7:26:14 PM GMT+8

::: 好凌亂の儲物室 ::: 我鍾意太郎、 亞的、 dilbert、 阿仔daewic、 濃茶、齋啡、 糖、番茄薯片、 星里望留、 吉原由起、 亂諗o野... *-*-*-*-*-*-*-*-*-*-*-*-*-* 就算知道這是癮 必須戒去　卻不可能 方知對你的依靠 愈來愈深... 2005年11月28日 開始養o既 fatfat 同埋 dogdog ^0^ 朱古力和你的出生日期 366種生日性格 我o個日係John Lennon， 你呢﹖ 如果可以o既話， 留個言話俾我知啦！ 首歌仔o岩唔o岩聽呀﹖ 廣告 讀者留言 |  路人留言   | 你好,我系在KNT一起做也的同事 >>February 25, 2008 at 2:47:22 PM GMT+8 呵呵呵... <br>好開心喔， >>November 8, 2006 at 5:47:13 PM GMT+8 hey, how are you >>October 28, 2006 at 7:36:10 AM GMT+8 To G-A-R-D-E-N-E >>September 4, 2005 at 5:37:00 PM GMT+8 &#22000;首咪係akon既 >>July 31, 2005 at 8:47:34 AM GMT+8 我想知首歌叫咩名 <br>可以話 >>July 27, 2005 at 3:55:21 AM GMT+8 哈...我放假你返工~ <br> >>May 30, 2003 at 7:53:37 PM GMT+8 十幾日冇寫日記喇！ <br> < >>May 17, 2003 at 1:04:02 PM GMT+8 其實果個係煙幕... <br>改 >>April 26, 2003 at 8:09:36 PM GMT+8 有冇買手信比我呢?? <br>嘿 >>March 26, 2003 at 8:58:49 PM GMT+8 To: Ah Pong..... >>December 23, 2002 at 8:41:56 PM GMT+8 想當年... <br>我睇臥虎藏 >>December 22, 2002 at 6:16:53 PM GMT+8 朋友...係響你唔開心既時候開解 >>December 7, 2002 at 4:16:49 PM GMT+8 喂喂...仲咩事呀? <br>有 >>December 7, 2002 at 9:41:00 AM GMT+8 終於睇到一篇咁長既日記啦~ <b >>December 1, 2002 at 5:58:42 AM GMT+8 係angelfire個logo~ >>November 26, 2002 at 1:08:13 PM GMT+8 係囉！冇左喎！..... >>November 25, 2002 at 8:14:12 AM GMT+8 你個背景無左喎!! >>November 24, 2002 at 4:00:27 PM GMT+8 加太賀............. >>November 17, 2002 at 6:29:10 AM GMT+8 送首歌比你贈慶下~~ <br> >>November 9, 2002 at 1:44:54 PM GMT+8 亞邦~ <br>我都係抄你隉I >>November 8, 2002 at 12:58:38 PM GMT+8 勁勁勁勁勁勁勁勁勁勁!!! <b >>November 7, 2002 at 11:48:48 AM GMT+8 大佬pong，話晒我都係o岩o岩 >>November 5, 2002 at 8:14:43 PM GMT+8 留言快過你寫日記~ <br>呵呵 >>November 5, 2002 at 8:03:47 PM GMT+8

人氣: 22469

Design & Scripting by ShowHappy.Net