2006 年 9 月 8 日 星期五 【陰】

哈哈～～
話咁快６大日ｔｕｒｎ　ａｒｏｕｎｄ　ｏ既ｄｕｔｙ終於捱過去啦～
即係話我呢６日不停咁返工．．返屋企．．返工．．返屋企．．．
好彩．．都只係最後ｏ個兩日ｆｕｌｌｏ者．．
唔係就肯定支力到散曬啦！！！

暫時ｏ黎講．．
呢個九月都幾好彩．．．
可能對比起八月太慘烈啦．．
所以覺得今個月返工都幾開心～
最攪笑就係我尋日同前日都ｐａｒｔ著同一個ｃｒｅｗ喎．．．
點知我地兩日ｏ既機都因為ｃａｎｃｅｌ　ｏ左後面一班機而變ｆｕｌｌ　ｌｏａｄ囉．．
我地不禁都要認黑仔之最啦～

我地公司之前傳ｏ左好耐話會ｃｕｔ　ｂａｎｇｋｏｋ．．．
終於ｏ係ｃｘ接手ｏ左之後實現ｏ左啦．．．
雖然之前飛得好辛苦．
但係ｃｕｔ　ｏ左．．．總係有ｏ的唔捨得．．．
攪到我想今個ｌｅａｖｅ去一轉添～～
哈哈～～

>>September 9, 2006 at 12:03:25 AM GMT+8

2006 年 9 月 1 日 星期五 【晴】

成個八月．．．都好似發緊夢咁．．
好彩．．．
終於到九月啦～
雖然都唔知係咪一件好事．．
但係起碼個心好過ｏ的呀～～

放埋今日假．．我聽日開始就係六日ｄｕｔｙ啦～
唔知會唔會又係改到阿媽都唔認得呢？
不過都無所謂囉～
因為１６號我又開始放ｌｅａｖｅ啦！！！！
哈哈～～
又係同朋友仔見面ｏ既日子啦～

>>September 2, 2006 at 4:44:52 AM GMT+8

2006 年 8 月 23 日 星期三 【雨】

原來衰運.....
係會o係短暫o既好運之後不停咁跟住你咖....

只從上次俾佢改到阿媽都唔認得之後....
我又"ｌａｉ"o野啦～
話說前排我有個ｓｔａｎｄｂｙ（即係佢一ｃａｌｌ你就要返工ｏ個ｏ的呢～）
咁我好乖咁準備好．．．
因為我知實ｃａｌｌ　ｏ既．．．
點知等ｏ左成個鐘先有電話喎．．．
ｏｋ．．．
一打ｏ黎︰今日ｓｔａｎｄｂｙ．．想ｃａｌｌ你做一班ｍａｃａｕ返ｏ黎ｏ既機．．．
我第一個反應係︰咩ｃｏｗ呀？
完全唔知佢話邊度．．．
點知佢話係澳門喎？！．．．
咩事呀？
原來之前ｏ個晚１１：ｘｘ開始行雷．．．
天氣差到ｌａｎｄ唔到．．
就轉ｏ左去澳門．．．
所以就ｃａｌｌ我地去澳門做番班機返ｏ黎．．．
已經覺得無聊咖啦．．．
以為佢會有咩安排．．．其實都成日咁耐．．
都諗唔到解決方法．．．
等我地去到機場．．又話一齊搭的士出去．．
又話安排ｏ左部車俾我地出去上環搭船．．
點知最終個ｃａｐｔａｉｎ話唔制．．．要搭機鐵出去喎．．．
ｏｋ．．．
但係其實個副機師就係住中環咖囉．．．
佢就真係無鬼聊啦．．．．

著住空姐衫坐船去澳門都真係第一次．．．
攪ｏ左成朝．．．就係為ｏ左飛ｏ個半個鐘都無．．．
不過原來ｏ的客仲慘．．．
因為剩番ｏ係澳門係得八個大陸客左右．．
佢地因為個護照問題一定要飛番香港．．．
但係佢地係完全無人安排過住宿．．．
仲要ｏ係機場等ｏ左幾個鐘先有人理佢地囉．．．
我地初時聽到ｏ既資料就係話架機凌晨１：３０到澳門．．．
ｏ的ｃｒｅｗ就３：００ｒｅｌｅａｓｅ啦．．
點知我第二日聽番個ｃｒｅｗ話佢同學仔做呢班機．．．
係攪到５：００先走得囉．．．
我仲要第二日睇番報紙有一小段講呢單ｏ野ｏ既新聞．．．
話港龍安排ｏ左住宿俾ｏ的機員同乘客喎．．．
港龍食屎就叻．．．
扮曬ｏ野咁．．．
鬼唔望你快ｏ的執ｏ左佢．．．
賠番筆錢俾我好過呀～～
趁後生搵過份工！！！！！！！

不幸ｏ既事係接踵而來咖．．．
前幾日飛上海．．．
去程都無ｏ野．．．
返ｏ黎ｏ個程倒第一杯ｏ野飲就死啦．．．
成支雪碧倒ｏ左落個客度．．．
不幸中之大幸．．．ｏ個支係雪碧．．．
同埋個客唔係香港人．．．
佢完全無話我．．．
但係我因為咁整親隻手．．．
第二日請假．．．
睇完西醫（因為要佢張醫生紙）睇跌打．．
醫師話我扭親骨喎．．．
無陰公．．．．
禍不單行！！！！！！！

尋日返工．．．
ｂｒｉｅｆｉｎｇ之前無端端ｐｅｒｆｏｒｍａｎｃｅ　ｔｅａｍ話要見我．．
見親呢個ｔｅａｍｏ的人都只係得衰．．
唔會有好ｏ既．．．
佢竟然問番我５號班機喎？！
大嬸呀．．．大半個月前ｏ既ｏ野你叫我點記呀？
佢話．．．有個客ｓｅｎｄ　ｏ左ｅ－ｍａｉｌ　ｏ黎．．
佢係坐我ｏ個日負責個ｚｏｎｅ入面．．．
派餐ｏ個時佢前面有個日本客．．
個椅背向後ｏ左．．
咁佢就叫我叫個日本人拉番直個ｓｅａｔ啦．．
但係我就無理到．．走開ｏ左喎？！
我ｏ個時一頭霧水．．
個日我個ｚｏｎｅ邊有日本客呀？
同埋叫個客拉番直個ｓｅａｔ不嬲唔使客出聲我地都會做．．
佢出聲我地更加會做．．．
完全無呢隻事ｏ既印象囉．．．
不過我知無論我有冇印象．．．
都係我食咖啦！！（雖然個客無寫到名）
講真呀．．．ｏ個日公司亂到爆．．
我地幾個俾你地坤ｏ左去上海ｏｖｅｒｎｉｇｈｔ之後再去台北．．．
我地做到死死下．．．
都唔望你地會讚下．．慰勞下呀．．．
就係因為一個客ｏ既ｅ－ｍａｉｌ就攋係ｏ野咁．．．
你地過唔過意得去咖？
所以話．．ｏ係呢度真係做到死ｏ左．．．
都無人會可憐你咖．．．．

我以為我ｏ既黑仔已經到達ｏ左頂點．．．
原來未算．．．
我地呢行每年都要考番ｓａｆｅｔｙ．．．
拎番個證咖嘛．．
通常第一年考都會同埋ｏ的同學仔一齊．．
因為走ｏ既人少．．．
而且都係ｏ個個月入ｏ黎．．．
點知我尋日ｃｈｋ過．．．
原來我全班都係下個月考．．．唯獨係我一個下個月仲未考囉．．
即係到時得番我一個同埋ｏ的陌生人一齊囉．．．．
好嬲呀！！！！！！！！！！！！！＞．＜

>>August 24, 2006 at 2:47:26 AM GMT+8

2006 年 8 月 6 日 星期日 【晴】

原來好運．．．真係唔會成日跟住你咖．．．

我上次飛曼谷可以順利返到香港．．．
其實都唔知係好彩定係唔好彩．．
因為我第二日返工．．
諗住返晏晝．．應該無問題啦．．
ｏ的天氣都唔錯．．．
點知２：００返到去．．
先知道原來班機ｄｅｌａｙ．．
因為根本無曬機可以飛．．．
都算啦．．．
見到個ｆｄ．．一齊食下ｏ野．．
以為ｏｋ啦～
５：ｘｘ．．．個ｏｆｆｉｃｅ已經坐滿曬ｃｒｅｗ啦．．
好似個難民營一樣．．．
公司對我地「真係好好」．．
提供ｏ左杯面同餅乾俾我地做「救濟品」．．．
坐坐下．．．
我同另外幾條友就話要趕出去做一班機喎．．
我心諗．．．唉．．俾我返屋企好過啦～
不過都算啦．．諗住有得做．．
快ｏ的返屋企好過．．．
點知出到去機場．．．
原來都無ｏ個班機．．．
隔ｏ左一陣．．
公司打俾我．．
話我地班機ｃａｎｃｅｌ　ｏ左．．
叫我做班ｏｖｅｒｎｉｇｈｔ機．．．
我諗︰仲好．．．唔使咁煩．．
點知去到入口先話我做唔到呢班機喎．．．
算．．．繼續等．．
等到８：ｘｘ終於有飛機返到香港啦．．
我同另一個女仔上機啦．．
等ｏ左好耐都見唔到其他ｃｒｅｗ．．
其實有咁多ｃｒｅｗｏ係公司．．．要出ｏ黎應該好快呀．．
我地等ｏ左一個鐘先見到佢地．．．
ｏｋ～最後等到１１：３０終於飛得走啦．．．
等ｏ左九個鐘．．．
以為飛得走就可以快ｏ的返屋企啦～

我地２：００ａｍ去到上海．．．
一開門已經話有一ｓｅｔ　ｃｒｅｗｏ係度．．．
我地以為可以坐返去香港啦．．
原來唔係．．．原來公司一早呃ｏ左我地去上海．．
迫我地ｏｖｅｒｎｉｇｈｔ．．
話就話驚聽日無人做機返香港．．
其實係驚我地請曬假．．．
因為佢ｏ係晏晝ｏ個時已經叫上海班ｃｒｅｗ做呢班機．．．
但係又同我地講話我地係做一個ｔｕｒｎ　ｏ既．．
咁好明顯公司就係呃我地．．．
上海ｏ個間酒店要成個鐘車程先到．．．
去到攪得ｏ黎．．．
成５：００ａｍ先訓咋．．．
邊訓得著呀？！

算啦．．
第二日做返香港都算啦，．．，
點知原來佢地最後都係決定我地坐返去香港．．．
我覺得我地最慘ｏ既係．．．
我地去到「公司安排」ｏ既ｏ個班機．．
個地勤同我地講話無收過通知．．
呢班機已經ｆｕｌｌ曬．．
我地係無得坐呢班機返去咖．．．
真係唔爆粗鬧佢都唔係人啦！！！！！！！
好彩．．．隔離ｏ岩ｏ岩有班機有位．．．
我地就坐ｏ左呢班機返香港．．．
返到．．．通知我地要做多隻台北ｏｖｅｒｎｉｇｈｔ囉．．．
係最辛苦ｏ個隻機．．．
唉．．．變態咖．．．
返到酒店又係４：００ａｍ先訓得．．．

呢三日就係不停咁俾公司玩啦．．．
最後一日行到腳到爛咁滯．．．
皇天不負有心人．．．
我地最後「順利」咁ｏ係２３：３９到香港．．．
大部份人都有得放多日假．．．
不過．．我覺得就算俾我放５日假都補唔番呀．．．

今日ｏ係報紙又見到我地公司ｏ的新聞．．．
話一班機ｄｅｌａｙ　ｏ左兩個鐘．．
係由於航機同機組人員ｏ既調動做成ｏ既．．
其實咪又係公司ｏ的人亂到阿媽都唔認得攪出ｏ黎ｏ既．．．．
唉．．．
好想快ｏ的走呀．．．
前兩日撞到個公司ｏ既同學仔．．
佢話有個同學過ｏ左去ｏａｓｉｓ（甘泉航空）
仲話有成二萬蚊個月．．
希望佢真係有好ｏ既發展啦．．
我都希望有公司快ｏ的請我啦～～～～

>>August 7, 2006 at 7:47:35 AM GMT+8

2006 年 8 月 2 日 星期三 【寒冷】

今日返工．．
可以用好彩ｏ黎形容．．亦都可以用唔好彩ｏ黎形容．．
話說呢幾日都超大風咖嘛．．
其實我覺得比八號風球仲勁囉．．
都唔知點解天文台可以唔掛八號波咖．．．
我想講．．
呢兩年都好似未掛過囉．．．
但係當大家睇完我今日ｏ既經歷之後．．．
就會感受到我係幾慘．．
但係慘得ｏ黎又幾咁幸運．．．
（睇到呢個開頭．．．大家係咪好有興趣繼續睇落去呢？）
哈哈哈哈～～～

今朝早返工都好彩．．．
只係大風少少．．都無雨．．
架車又準時ｏ黎到喎～～
仲要係我第一次行青馬大橋ｏ既下層！！！！
不過都係上層好ｏ的～有風景睇！！！
一落車．．公司就打ｏ黎．．
慣性聽ｏ左．．．
改我．．由北京變ｏ左曼谷．．
因為曼谷有９９．９９％都係ｆｕｌｌ咖．．
我就安慰自己．．可以早ｏ的返屋企．．
係好事．．．
諗住過關啦．．點知原來未有ＧＤ（即係我地過關要用ｏ既紙．．）
ｏｋ．．等．．．
打返去．．．條友剩係話唔係佢地負責．．
激氣．．．
而家我自己寫一張呀笨？！
哼．．．
等ｏ左十幾分鐘．．
終於有啦～～
點知去到又未有ｇｒｏｕｎｄ開門．．
再等．．．
點知原來上到去都未有人．．
慢慢整．．
終於上曬客．．問番．．
先知原來一陣返ｏ黎ｏ個程係少客咖．．．
ｙｅａｈｈｈｈ～
開心曬！！！

第一程都無ｏ野．．
去到．．準備下一程ｏ既時候．．
先話原來香港天氣好差．．
我地要ｄｅｌａｙ．．．
起碼等兩個鐘．．
勁無聊．．
我地就出去行．．．
但係個機場又無ｏ野行．．
諗住返去等埋個ｃａｐｔａｉｎ一齊食飯．．
點知返到去就話可以走得．．
無啦～～
仲好．．快ｏ的走．．．

點知做完ｓｅｒｖｉｃｅ之後．．
先收到壞消息．．
原來公司呃人ｏ既．．
話飛得．．只係唔想我地留ｏ係ｂｋｋ．．
ｃａｐｔａｉｎ話香港ｏ既風速有成６０ｋ（個單位名唔記得．．用ｋ代住先．．）
但係我地架機只係受到３８ｋ．．
即係坤我地返ｏ黎．．
仲話如果落唔到就轉去福州．．．
賣豬仔．．．

ｏ係個天度轉ｏ左好耐．．．
ｃａｐｔａｉｎ話試落一次．．
唔得就去福州．．．
我地就梗係想得啦～
可以返屋企嘛．．．
開始一落．．就已經震到阿媽都唔認得．．
我係咁捉住張ｃｒｅｗ　ｓｅａｔ邊．．．
係咁拋．．好似坐過山車同海盜船咁．．
我地一路望住個窗．．．
我係覺得驚險ｏ既．．不過我又無驚過喎．．．
最後順利到地．．．
竟然有客人拍手喎～～
哈哈～～
雖然我地ｏ係後面都拍曬手．．
但係我地梗係ｏ係ｏ的客走曬先咁做啦～～
不過今日ｏ的客都真係好勁．．
無咩人嘔同叫．．

等ｏ的客走曬．．．
我地行去機頭不停歡呼～～

其實ｏ個一刻真係好興奮．．．
不過諗番轉頭．．
頭先都真係好危險．．．
就好似個ｓｐ講︰
ｌａｎｄ到就係ｈｅｒｏ．．
ｌａｎｄ唔到就係ｚｅｒｏ啦．．．

>>August 3, 2006 at 1:53:52 PM GMT+8

2006 年 7 月 23 日 星期日 【清涼】

噢～
呢個悠長ｏ既大假又就快放完啦～～
實在太唔捨得．．．唔想返工呀！！！！！！

不過呢個假期都真係放得好舒服．．好開心～～
由１２號一早返ｏ黎開始就有好多節目～
得閒又可以得閒去做下運動．．．游下水．．．
有時又可以約下ｏ的朋友仔見面～
實在係太寫意啦！！！！！

２１號ｏ個晚真係難忘．．．
本來諗住最得閒係ｏ個晚．．．
點解陰差陽錯之下．．．最後我ｏ個日出ｏ左去三次～
首先就係朝早陪阿媽出旺角飲茶．．．
因為有個親戚生ｏ左對孖仔～
做ｏ左陪坐小姐兩個鐘．．．
之後衰仔就ｏ黎ｏ左陪我一陣～
六點幾就出去沙田．．
終於拎ｏ左我新ｏ既智能身份證啦～～
好彩都影到唔差．．．．
見得下人啦～

跟住就去同羅ｂｂ．．關ｃｃ．．敏儀同彤彤食飯～～
間ｏ野唔錯呀．．ｏ的碟同叉都特別"乾淨"ｏ既～～
哈哈！！！！！！
可惜我仲有一場要走．．
雖有拎埋件蛋糕提早離場啦～
之後出到去旺角．．．
哈哈．．有爸爸．．阿ｒｉｃ．．阿ｊｅｆｆ同ｋｙｌｅ～
之前就四個女仔．．之後就四個男仔．．．
因為已經食飽飽ｏ既關係．．．
我無諗住食ｏ野咖～
點知原來佢地又買ｏ左個蛋糕喎．．
一晚之內食ｏ左兩個蛋糕～～勁呀！！！！！

食呢兩餐飯其實都好開心．．
不過聽完兩個"最新消息"之後就有ｏ的失落同埋自責感．．．
或者我可以做得更好ｏ既～～～

其實近排我都搵緊工．．
因為都係時候轉工啦～
呢份工真係唔係人做ｏ既．．
亦都無前景可言．．（自從國泰收購ｏ左之後．．就更加無啦～～）
所以星期六就去ｏ左考入境處個能力測試．．．
考得好唔好我唔知．．
剩係知我被ｏ的蚊咬到唔認得咋～
考完呢個試諗住試下ｏ的體能．．
點知．．．．
原來我立定跳遠係到唔到ｓｔａｎｄａｒｄ咖！！！！！！
呀～～～～～～～～
點算？！．．．

睇ｏ黎我都係要諗下第二樣出路先得啦～

>>July 24, 2006 at 4:05:00 AM GMT+8

2006 年 7 月 12 日 星期三 【清涼】

HaPpY bIrThDaY tO mE!!!!!!!!!
哇～～我又大一歲啦！！
女仔ｏ既年齡．．．我到而家都仲係覺得講俾人知都無咩所謂．．．
不過我諗過多兩三年．．．
我就可能點都唔講咖啦～～哈哈～～

尋日朝早返到香港．．．
竟然無事．．．可以即刻放工喎～
勁開心．．．不過仲要返公司度整埋ｏ的ｏ野．．
但係返到屋企都係一點左右．．．
實在太開心啦～～
沖個涼之後我就出去尖沙咀整指甲啦～
整ｏ左一個月．．．都剩係斷ｏ左隻手指尾．．
我覺得都算唔錯．．．
最開心係見番自己真ｏ既指甲生番出ｏ黎～～
今次整ｏ左隻粉紅色．．
我覺得好自然呀．．像真度好高呀～～

之後行ｏ左一陣就出去ｊｏｉｎ衰仔啦～
食飽飽之後我地就一齊返屋企！
原來衰仔一早買ｏ左蛋糕．．．哈～
以為呃到我喎～
不過都好開心．．．有咁大個蛋糕同我慶祝～～
哈哈．．最勁都係佢成家人ｏ既食量．．
如果俾我屋企．．咁大個蛋糕起碼要幾日先食得曬～

今朝早我地起身之後就去ｏ左唱ｋ～
而家ｏ的ｋ　ｌｕｎｃｈ真係貴ｏ左好多．．．
以前三十幾蚊都得啦～
而家要成五十蚊喎～
不過我覺得ｏ的ｏ野好食ｏ左咖！！！！
之後本來諗住睇戲．．
但係我覺得實在太貴太唔抵啦．．
所以最後都係行街街算啦～～
今年衰仔送俾我ｏ既生日禮物我實在太鐘意啦～
我諗連佢同佢細佬都好鐘意呀！！！！
哈哈～～

今個生日收到好多朋友仔ｏ既電話、ｓｍｓ、ｍｓｎ、ｉｃｑ　ｍｓｇ．．．
實在太開心啦～
多謝曬各位呀！！！！！！！！＞３＜

>>July 13, 2006 at 1:15:58 PM GMT+8

2006 年 7 月 8 日 星期六 【綿綿細雨】

對上一次寫日記o個時.....
其實都已經俾人改到七彩咖啦~
我想講.....我呢兩個幾禮拜都未飛過自己roster o既機.....
唉.....真係改到阿媽都唔認得....
我都唔知我地內部o個o的人做緊咩咖!!!!!!!!
成日自己攪亂自己....自己整到自己更加忙....
成日懶醒咁改人地....點知到頭o黎做死自己....
唉....我真係希望有朝一日國泰真係可以改變呢個局面......

前日南京返o黎再駁個廈門....
另外一個女仔就返到o黎俾人再改做多日杭州overnight.....
唉....成日都係咁咖啦~
跟住就咁o岩part番個同學仔....
呢兩日o黎都聽佢地講o個間新o既航空公司---oasis...
講到人工好....唔使點做service....
仲講差唔多港龍o既人過得去都請咁話....
我個同學仔問我...
如果係我我會唔會報...
我諗o左兩秒----唔會!!!!!
咁唔係因為我愛我間公司....
只係因為我唔想再用咁多時間再train過....
加上呢間公司o的前景都未清楚.....
最重要係....如果要轉公司..即係代表我會繼續o係呢行發展....
可惜我而家並唔係咁諗,,,,,,
唯一現階段可以肯定到o既係.....
遲下佢地正式開始收人o個時.....
肯定做得比而家更加辛苦十萬倍啦.......唉...................

不過呢o的o野我暫時唔諗住啦~
因為過多幾日我又放大假啦~~
今日仲去o左disneyland度玩添!!!!!!!!
本來之前去o左真係無興趣再去....
但係因為我地airline o既員工有免費飛....
衰仔又有一張免費飛喎~
所以就搵o左今日去啦~
我地都預o左食完晏先去,,,,,,
但係都仲係勁多人囉~~
好彩之前去o左一次.....
今次去我地都唔諗住玩咁多o野~
去到第一樣就睇o左3D影院,,,,
呢個係我上次無睇過咖~~
原來真係好好睇咖!!!!!!!!強力推介!!!!!!!!!!
可惜.....其他o既o野就真係麻麻地啦....
我地仲試玩o左佢遲兩日先開o既車仔game....
ok啦.....如果前面o個條友行得慢...
咁就實悶死啦~~~
同埋落雨又係唔玩得咖囉~~
玩到四點幾....
衰仔已經玩到支力啦喎.....
所以我地最後轉戰青衣城.....
仲食o左麥當當新出o既其中兩款夏日甜品添~
個朱古力芭菲好好食!!!!!!!!!(如果你食得甜o既話.........)
個荔枝飲品就好似雜果賓治咁囉....都ok~

最後....今日六點幾就返屋企啦~
聽日本來係三日兩夜o既上海.....唔知又會唔會俾人改呢？！

>>July 9, 2006 at 2:16:26 PM GMT+8

2006 年 6 月 28 日 星期三 【綿綿細雨】

尋日都算好做...
只係得三四十個客....
不過因為天氣差....
所以成日都有氣流....做得好似仲辛苦過平時客滿咁呀!!!!!!!!!

我地本來一點鐘就可以返到香港....
但係天氣差...o的機排曬長龍.....
攪到遲o左半個鐘....
最攪笑係原來我地幾個都急到爆囉.....
放工諗住等埋羅bb同關cc咖.....
(我真係咁諗咖......)
不過放工o既心情就梗係歸心似箭咖啦~
同埋我又驚佢地delay喎...
所以我就決定返屋企囉~

夜晚原本仲諗住去做gym.....
唉....點知個人勁唔舒服......
最後都係變o左o係屋企玩煮飯仔囉......

>>June 29, 2006 at 3:33:21 AM GMT+8

2006 年 6 月 26 日 星期一 【清涼】

哈哈.....今日屋企換o左電腦....
好多資料都未有....
諗住趁早放工....加入番o的"我的最愛"啦.....
先至發現我又已經有好多日未寫過日記啦~
不過佢今次又無send e-mail俾我喎？！

尋日真係好黑仔咖....
本來返上海一轉咖嘛....
點知briefing完先話要轉細機.....仲要cut o左我出o黎....
本來都好o既....不過佢竟然轉我做單北喎.....
大佬呀.....
無帶衫咖.....
好彩其他o野都有...底底都有先至神奇!!!!!!!!!!!
算啦...好彩唔係好長時間....
自己o係間房度著住o的底衫褲四圍走囉~~
哈哈~~
今朝先返到....聽日本來諗住叫佢改我做曼谷咖嘛...
睇下有冇機會見到羅詩詩同關詩詩.....
點知佢已經改o左我做武漢啦........
算啦~

>>June 27, 2006 at 7:16:36 AM GMT+8