2005 年 6 月 29 日 星期三 【晴】

今日真係慘慘慘慘慘呀.......
今朝起身.....發現自己出唔到聲喎...
真係想叫救命都無人知呀！！

起身....決定早o的去洗腳....順便排隊睇醫生.......
11:30去到....今日個姑娘雖然好攪笑...
但係佢係完全唔理會我o既感受咖......
我簡直覺得佢o係口罩後面係笑緊.....
好似講緊︰「抵你死啦！！」
唉.....可惜無聲...叫唔到.....
唯有係咁meet自己o既大脾啦.......

洗完腳都未夠12點...排隊拎籌呀！！～～
攪到我好似同ｏ的婆婆爭咁．．無計啦．．．之前睇私家醫生．．
越醫越衰．．．唯有轉一轉啦．．．同埋有時間嘛．．．
等ｏ左兩個鐘就得啦．．好快過啫．．．
原來係聲帶發炎．．．但係都勁辛苦囉．．．唉．．．
拎完藥就返屋企休息啦！！．．

>>June 30, 2005 at 11:03:42 AM GMT+8

2005 年 6 月 25 日 星期六 【晴】

今朝隻腳仲係超痛....咁我就梗係唔可以返工啦....
行都行唔到點跑呢？！
最唔開心係以為自己唔見o左張保單....仲要俾老豆話o左兩句....
所以心情十分差劣！！！

請假去威爾斯睇急症......好彩唔係好多人,,,,
估唔到衰仔真係特登請假陪我睇....算啦....都無咁嬲！！！
因為唔係好多人....所以等o左一陣就睇到醫生啦....
阿醫生睇到個傷口都皺一皺眉....好驚.....
跟住就洗傷口....如果痛o既程度，十分係滿分.....
我會俾..........二十分呀唔該.....
真係超痛....個傷口係血紅色咖........好恐怖....
我係咁咬住條毛巾.....完全想死呀！！

之後去拎藥...都唔明點解要行到咁遠去拎咖....
好似由沙田行到去羅湖咁ｏ既感覺呀！！

一點幾就走得．．．都係個幾鐘．．
之後日日都要去洗傷口呀．．好慘囉．．．．
衰仔陪我食ｏ左ｏ的ｏ野．．．
就送我返屋企，陪多我一陣就走啦～～

>>June 26, 2005 at 2:01:06 PM GMT+8

2005 年 6 月 23 日 星期四 【乍寒還暖】

等我講番我受傷o既經過啦...
其實都真係幾唔抵咖....
話說第二日行程都幾無聊.....
食完豆腐去浸溫泉啦！
同炭炭一間房....我地....就梗係唔著衫啦....
咩都睇曬咖！！哈哈～～

夜晚就去市林夜市行．．
本來好地地．．．有班人話要玩小型賽車喎．．．我就梗係唔玩啦．．
我咁斯文．．．
同炭炭行ｏ左一陣之後．．諗住返去ｊｏｉｎ佢地啦．．
原來佢地仲玩緊．．．．
都最後階段．．．
ｏ的職員就車ｏ的人兜圈啦．．（梗係開得極快ｏ個ｏ的啦．．）
我諗住玩下無妨啫．．又唔使自己ｏ黎．．．
點知就咁就ｌａｉ　ｏ野啦．．．
轉第一個彎都真係超快．．．
但係到第二個圈．．第一個彎就衰ｏ左啦．．．
自己扶唔實．．個人"西"o左一"西".....隻腳就掂到個軚......
就咁就傷o左一大撻...唉.....

惡夢就由此起啦．．．．．．

>>June 27, 2005 at 4:56:24 PM GMT+8

2005 年 6 月 15 日 星期三 【乍寒還暖】

今朝o既心情原本仲係好差....
但係因為俾個大粒佬嚇o左一o野...就無事啦！！～～

晏晝出ｏ左去金鐘．．．拎台證呀！！
原來好快咖咋．．上網填ｏ左少少ｏ野．．１分鐘左右．．
跟住ｏ係ｏ個度等ｏ左一陣．．．俾５５蚊就攪掂啦！！哈哈～～
跟住就無無聊聊咁行下金鐘同銅鑼灣．．．
因為要等ｒｉｔａ放工嘛．．．
好彩佢都好快到．．．
佢仲要俾ｏ左好多盒染髮劑我呀．．哈哈．．自己做ｌａｙｅｒ都得呀！
食ｏ左ｏ野之後就行ｏ左陣．．．．

臨走就諗住買ｏ的甜品俾衰仔食．．．點知原來銅鑼灣都幾難搵甜品店咖喎．．．
好彩有ｒｉｔａ陪我去搵ｏ者．．．最後買ｏ左個朱古力ｃａｋｅ．．
就坐地鐵去葵興．．
原來去ｏ左打機．．．
俾ｏ左個ｃａｋｅ佢．．傾ｏ左一陣就走啦．．

>>June 17, 2005 at 4:28:28 AM GMT+8

2005 年 6 月 14 日 星期二 【溫暖】

今日係咁落雨....
但係又講o左話去補習喎.....無奈地一出門口隻鞋已經濕曬囉.....
以為今日係最後一堂啦，
因為妹妹已經考曬試....
點知上到去先知道阿"媽媽"唔o係度....
咁咪無得出糧？！....
求其講o左一個鐘就走啦！！

跟住返工...好彩細雨o左....
但係隻鞋濕曬....攪到好up住up住呀....
返五點.....本來以為企1E好好啦....
點知最後都係要俾人"外判"
最攪笑係落雨落得太勁.....取消曬o的賽事......
一場都未跑過......安排曬o的人走..我地都走得啦....
走o個時八點半.....
真係唔抵啦...因為係馬會要求人地走....
所以未做夠四個鐘都有四個鐘錢....即係七點返都計四個鐘...
我剩係賺o左佢半個鐘咋...唉....

放工....
好唔開心......
夜晚.....
更加唔開心........

>>June 16, 2005 at 4:33:55 AM GMT+8

2005 年 6 月 9 日 星期四 【晴】

今日訓醒.....個人好番好多啦！！～～
精神ｏ左少少．．．
本來諗住返ｈａｌｌ之前去行下．．但係今日又勁熱喎．．．
無曬心機．．所以唔行啦．．．
阿玲又要去旺角．．．最終都係等埋衰仔放工先入去．．．

我地先去食ｏ野．．．哈哈．．又係華豐啦！
食得好飽．．
八點幾開始打啦．．．
好不幸．．．今日剩係食得一舖咋．．．
不過都玩得好開心．．
１１：ｘｘ先走！！～

>>June 10, 2005 at 5:47:58 PM GMT+8

2005 年 6 月 8 日 星期三 【暴雨】

今日一早起身.....
因為要出去沙田睇下有咩旅行團呀！！
最後我地決定o左跟新華o既一個１３９９旅行團．．．
加埋其他雜費．．．都要２３００左右．．
算啦．．玩埋就要的起心肝搵工啦！！！～～哈哈哈～～

之後去ｏ左補習．．．每次考試前都要補起碼三個鐘先夠．．唉．．
講到口水都乾．．次次俾份卷佢做．．都係緊緊合格ｏ既．．．唔知點解可以咁．．
不過算啦．．佢都搵到中學囉．．．輕鬆ｏ的囉．．

補完就出去旺角．．．本來炭炭話６：３０到咖嘛．．．點知仲有排．．．
唉．．．．出到ｏ黎都七點幾囉．．．
本來衰仔話早ｏ的出去尖咀拎考試證．．．以為可以玩番陣．．．
點知又話眼訓喎．．．算啦，．．訓囉．．．

一邊等炭炭．．一邊就行下朗豪坊．．．
好無聊．．．無咩特別．．．
行到個人無曬心機！！！！！
心情底落，，，，
唔知點解．．．直到而家都未好番．．．．唉．．

今晚同炭炭食ｏ個間新開ｏ既手打烏冬．．．都ｏｋ喎．．．
又唔算貴．．．好飽咖．．．

>>June 9, 2005 at 5:21:31 PM GMT+8

2005 年 6 月 5 日 星期日 【陰】

今日終於可以休息番下啦.....
但係人就係咁衰....有得休息又會覺得悶喎...唉....
就係咁打機囉!!!!!!

夜晚衰仔過o黎同我打波.....咁佢的確係勁勁地o既....
好彩我都唔差...入番幾球....唔係實俾佢笑呀！！～～
跟住就返屋企拎ｏ左幾隻糉俾佢帶番屋企食啦！！
．．．我都係太耐無做運動．．．有ｏ的支力呀．．哈哈～

>>June 7, 2005 at 3:32:49 AM GMT+8

2005 年 6 月 4 日 星期六 【綿綿細雨】

今日返工．．．
因為要ｃｏｎｔｒｏｌ．．所以編ｏ左我返１２００．．．
咁衰仔就實牙實齒咁話今朝一齊食ｏ左ｏ野先返．．
約１０３０ｏ係沙田．．．
仲話實起到身，無問題喎．．
所以我今朝起身都無特登打去叫醒佢．．
跟住我出門口．．．突然驚一驚．．．會唔會未起身呢？！
即刻ｓｅｎｄ個ｍｓｇ俾佢啦．．．
無人覆．．．心知不妙．．．打俾佢．．．
ｏｈ～ｓｈｉｔ！！未起身．．．算啦．．等佢．．．
好彩都係遲ｏ左２０分鐘o者．．．
竟然俾我咁早ｏ係沙田撞到彤彤喎．．．佢唔知有冇訓過咖呢？？哈哈～

食完ｏ野返去．．今日終於要企上面啦．．唉．．．４Ｂ．．好彩同ｖｉｖｉａｎ一齊企．．有得傾下偈．．．都好快過．．．
話咁快放工啦．．．就同衰仔一齊去沙田改番ｏ的ｏ野啦．．．
攪掂就打算去飲杯ｏ野o者．．．
千揀萬揀去ｏ左ＫＦＣ．．仲要一入去就有位．．諗住ｏ岩ｏ岩好．．．
點知我一睇．．．見到三個馬會ｍｏｎｉｔｏｒｓ坐ｏ左ｏ係後面．．
唉．．．好樣衰呀．．．
最後我地都係走ｏ左．．．哈哈．．．唔可以俾佢地笑咖！！

>>June 7, 2005 at 3:27:58 AM GMT+8

2005 年 6 月 3 日 星期五 【綿綿細雨】

今朝好早就醒ｏ左．．
但係迫自己訓多陣．．．８：ｘｘ先起身．．
跟住就一齊食早餐啦！！～
然後順便退房走．．．本來仲諗緊搭咩車返去澳門．．
一問之下．．原來ｏ岩ｏ岩有酒店車．．．就搭順風車啦．．．
實在太好啦．．．可惜．．呢個時候就落起超大雨囉．．．．
去到碼頭就等ｏ左一陣．．諗住問下搭咩車去金沙啦．．
點知又好好彩．．原來又有專車咖．．．又慳番．．．哈哈～～

金沙真係比葡京靚好多．．大好多．．．
我地都ｏ係ｏ個度放低ｏ左少少．．
好彩走ｏ個時無乜雨．．．我地就去大三巴啦．．．
好多ｏ野行亦都好多ｏ野買．．．
我地買ｏ左好多手信呀！！！～～
又食ｏ左好多出名ｏ既食物．．好似三品老婆餅、黃枝記ｏ既麵．．不過呢兩樣就麻麻地咋．．名過於實．．．
但係瑪嘉烈葡撻就真係超好食囉．．．仲有一間百福麵家ｏ既豬扒包．．都唔錯呀！
因為我地等唔到三點再去乙水仔買豬扒包．．見梁望峰話呢間都唔錯．．就去試啦．．
點知入到去見唔到餐牌有寫豬扒包喎．．仲以為無．．點知原來要問先有咖．．
十五蚊一個．．．但係都真係幾好食．．．
最攪笑係我地食緊ｏ既時候．．有幾個太太想要豬扒包喎．．
個待應就話原來已經賣曬．．
我地見到佢地望住我地講︰哎呀．．遲ｏ黎一步無曬添．．
好無奈．．．哈哈～～

跟住我地就搭車走啦．．．
７點船．．返到香港８點幾．．
兩日開心愉快ｏ既假期就完啦！！～～

>>June 7, 2005 at 3:27:27 AM GMT+8