2006 年 3 月 20 日 星期一 【陰】

而家呢o的天氣.....真係好鬼易病....
我前排病o左..到而家都未好番~~
仲要成家人都病曬......
大家都係小心o的好......

唉.....前幾日先請o左一日假...
點知星期日o個日起身個背"隻"又好鬼痛喎....
直情係痛到呼吸都痛咖喎......
所以又請多日假啦~~~
(不過...唔多唔少都係因為兩程都full.....心理上唔想返o者.....)

咁尋日又係飛上海....
無得再請假啦~~
但係因為尋日o個班機係成日取消....
所以我都打醒十二分精神咖啦~~
點知又幾多客喎...
諗住無問題啦~~~
仲早o左一個鐘返去幫二家姐買o野.....
簽曬到.....
點知買完返去先話班機都係取消o左喎...
因為上海個機場問題.....

之後 又係轉我做上海機...
但係就要等多個零鐘囉!!!!!!!!!!!
唔知想點......
仲要你地知啦...取消o左一班機....
o的客會去邊呢？
咪就係分散曬o係o的機度囉....
所以兩程都應該係full到爆啦~~~~
o係傷心絕望之際......
都係要做咖啦~~~~

去o個程順利完成啦~
o的客落o既時候....個ground話我地ferry返呀!!!!!!(即係無客呀~)
勁開心囉~~
另一方面...我地有幾個人都係今日放假咖嘛.....
如果我地23:30之後先返到o黎....
咁就可以補番一日假俾我地啦~~
本來我都打定輸數咖啦~~~
因為無客...根本好快就走得.....
點知就o係呢個時候....
上海o個邊要hold我地喎.....(有人話係因為我地無俾錢佢地喎...哈哈..)
就係咁..遲o左二十分鐘起飛....
我地返到o黎就23:50~
ｙｅａｈｈｈｈｈ～

>>March 21, 2006 at 4:08:18 AM GMT+8

2006 年 3 月 15 日 星期三 【晴】

http://panga.matchren.com

大家可以上下呢個網址..
睇下我地有幾多緣份咖～～

>>March 16, 2006 at 6:49:50 AM GMT+8

2006 年 3 月 15 日 星期三 【晴】

又係寫日記o既時候啦．．．
前日．．亦即係３月１４號．．
就係我同衰仔拍拖一周年ｏ既日子啦～
唔經唔覺又一年．．
真係．．．唔覺過得咁快．．
可能做ｏ左ｏ野ｏ既關係啦．．．

ｏ個日ｏ既行程本來就係去番屯門．．
即係佢向我講出「心底話」ｏ既餐廳度食．．
但係由於太遠啦．．
所以我地決定都係改去沙田．．旺角．．同埋尖沙咀就算．．
唔知做咩．．我地晨咁早就出去．．
行到無ｏ野好行．．．
就走ｏ左去西九龍中心度逛啦～
入到去見到有一檔盲人按摩．．．
衰仔又真係人如其名．．衰ｏ既．．
又話試下囉．．．
我見ｏ的人好似都幾ｅｎｊｏｙ呀～
咁咪試下囉．．．
哇～～～～～完全係痛呀！！！！！
佢話我有好多筋"拿"埋曬......
所以會覺得好痛．．
雖然佢咁講我都知．．．
但係佢依然係咁起勢"卒"落o黎．．．
眼水都標埋．．．個衰仔仲ｏ係隔離勁笑．．
仲要拎部電話影相．．拍ｖｉｄｅｏ．．．
可惡呀!!!!!!!!!!!
所以當到佢做ｏ既時候．．我當然會以其人之道ｏ黎對付返佢啦～～～
哇哈哈哈～～

但係按完之後，，唔知係咪俾佢按曬我ｏ的病痛出ｏ黎．．．
無耐之後我就開始發冷啦．．．（雖然ｏ個日係好凍．．．但係我係比平常人凍咖～）
幾辛苦先捱到去尖沙咀食巴西燒烤．．．
食到周身骨痛．．．
８：００就走ｏ左啦．．．
返屋企途中．．完全係就快暈低咁呀．．．
好辛苦．．
好彩衰仔ｏ係度ｏ者～
一上床就訓．．．
但係明顯係發緊燒同打曬冷震咁囉．．．

好彩．．訓到第二朝就無咩事啦～～
本來諗住睇醫生．．點知又要趕住去迪士尼喎．．
所以無睇到～

講番尋日去迪士尼．．
其實係因為我大家姐個叔仔個朋友仔係ｏ係入面做．．
所以可以免費帶三個人入去．．
咁我同我大家姐．．佢個女．．老豆同埋阿媽一齊去玩啦～～
好彩我從來無期望．．所以今次去並無失望．．．
個公園細到人都癲．．．好似剩係大過沙田中央公園咁．．
唉．．
一眼就望曬囉．．．
不過尋日係平日．．所以人少ｏ的．．
玩ｏ的遊戲都唔使排隊．．．
我玩ｏ左巴斯光年．．ｓｐａｃｅ　ｍｏｕｎｔａｉｎ．．同埋旋轉木馬囉．．
哈哈．．仲坐ｏ左船仔．．
老豆阿媽ｏ黎就梗係叫悶啦～都唔ｏ岩佢地玩．．．
我老豆仲話海洋公園都好過佢喎．．．

不過阿姨甥女就慘ｏ的．．
朝早仲鬼咁開心同人講話去迪士尼．．
點知ｏ係我地等巡遊ｏ既時候．．
嘔喎．．．
好驚．．．
不過之後訓一覺又無事．．．
繼續食．．．
我地仲去ｏ左一間ｏ野度食．．
哇．．一碗魚旦粉都要５５蚊喎．．．
我揀ｏ左個寫明係"９歲以下兒童餐"....
因為有熱狗同薯條．．而且只係２５蚊．．
我以為好細碟啦．．
點知原來好大舊咖～～
最抵啦．．．
不過都幾好食．．．

夜晚就梗係等睇佢ｏ既重頭戲－－煙花啦～～
我大家姐就慘ｏ的．．
因為佢個女驚睇煙花．．．
到ｏ左７：４５就喊住走啦．．
無奈ｏ既佢只有拖慢ｏ黎行．．
ｏ係出面個噴水池度等到佢ｏ岩ｏ岩開始．．
就要走啦．．．．．

由於今日仲係有少少「唔舒服」．．
所以最後我都係請ｏ左日假咖～～
哈哈哈～～

>>March 16, 2006 at 6:46:11 AM GMT+8

2006 年 3 月 10 日 星期五 【晴】

相信大家一睇就知...
上一篇日記並唔係出自我手咖啦～
哈哈．．．

不過唔經唔覺原來成半個月無寫日記啦～
所以都係要寫番下啦！！！！
其實呢半個月都無咩特別．．．
飛得都算開心～
尋日ｏ係上海過夜．．．
仲要同同學仔ａｄａ一齊．．．
同佢去番外灘同豫園．．．
哈哈．．同中七ｏ個年去都無咩大分別咋喎．．．
我地仲食ｏ左南翔小籠包添～
８蚊有１６隻．．平過香港好多啦～～

夜晚同ａｄａ一齊訓添呀～
唉．．我又蝕底ｏ左啦．．．．

今朝十一點返ｏ黎．．．
好彩即刻走得ｏ者～
晏晝衰仔幫我按摩．．舒服曬～

>>March 11, 2006 at 3:47:16 PM GMT+8

2006 年 3 月 10 日 星期五 【晴】

哈哈哈....因為唔得閒.....都要寫d野啦~今次就咁先啦...唔係個a/c就會俾人delete架啦!!

>>March 11, 2006 at 7:44:00 AM GMT+8

2006 年 2 月 23 日 星期四 【晴】

闊別ｏ左大家十日．．．
係咪已經好掛住我呢？！
哈哈哈～～（妄想症又發作啦．．．）

上個禮拜六日一連續放ｏ左三日假．．
實在係太舒服啦～咁樣先似番個人咖嘛．．．
之後星期二本來係飛上海ｏｖｅｒｎｉｇｈｔ．．
但係我俾人改ｏ左去北京ｏｖｅｒｎｉｇｈｔ喎．．．
不過都好．．．因為我終於可以同ｍａｔｔｈｅｗ一齊飛啦～
自從１０月頭一齊ＳＮＹ之後．．．我就無同過佢飛啦～
加上今日個８仔好好．．
好攪笑．．．
真係好耐無試過做得咁輕鬆啦～
我第二朝仲同ｍａｔｔｈｅｗ一齊出ｏ左去故宮附近玩添～
可惜今次北京已經無雪落啦．．．
無咁靚．．得個凍字．．．．

不過好攪笑．．
呢程機後面ＥＹ得我地三個蛋散．．
原來我啦．．８仔．．同埋ｍａｔｔｈｅｗ個女朋友都係巨蟹座咖．．
更加攪笑ｏ既係．．
ｍａｔｔｈｅｗ啦．．８仔個男朋友．．同埋衰仔．．．．
都係天蠍座咖!!!!!!!!!!!!!!!!!
實在係太巧合啦～
但係阿８仔話．．呢兩個星座係最夾咖～
跟住大家仲講起大家ｏ既星座特點添．．．
哈哈．．都幾似咖喎．．．

尋日就飛一轉上海．．
見番本來前兩日一齊飛去上海ｏ既同學仔ｅｕｎｉｃｅ喎．．．
原來佢ｏ個日都無飛．．
我地估班機俾人ｃａｎｃｅｌ　ｏ左啦～
不過架機都唔算ｆｕｌｌ．．所以做得都輕鬆．．
唉．．．不過之後幾日．．就辛苦啦～

ｐ．ｓ．終於有得拎假啦～
各位朋友仔．．如果想約我去旅行．．．隨時話我知．．
哈哈哈～～

>>February 24, 2006 at 3:02:51 AM GMT+8

2006 年 2 月 14 日 星期二 【晴】

唉......
前兩日放曬假咁....以為好開心啦....
點知星期一o個程旭川（即係北海道啦．．．）就慘啦～
原本呢．．．我地就剩係做去ｏ個程然後坐返ｏ黎香港．．
有另一ｓｅｔ　ｃｒｅｗ就做返ｏ黎ｏ個程ｏ既．．
但係ｏ個邊落大雪喎．．．
我地ｏ係上面ｏ係咁轉．．．
ｏ的客食完ｏ野又開始肚餓．．．又係咁叮．．．
最後我地轉到個機場都閂埋啦．．．
先話轉飛東京喎．．．．
加加埋埋飛ｏ左８個鐘．．．
個個都話悉尼都飛得到啦．．．
最慘ｏ既係我地無得休息ｏ既呢！！
八個鐘無休止咁做呀～
不過好彩班客都算好咖啦！！！

到ｏ左尋日．．．
我地班人就做ｏ左一轉內陸機呀．．．
因為我地飛完去旭川放低一班客．．．．
再接番另一班客返去東京．．．（其實我地唔知點解要咁麻煩．．．）
可能要返去加油掛？！
不過北海道ｏ個邊真係好大雪囉．．．
最衰無得出去影相呀．．．
因為我地用曬ｏ的時間ｏ黎買"白痴戀人"呀嘛.......

到ｏ左東京之後就到我地休息．．．由第二班ｃｒｅｗ做返ｏ黎香港啦．．．
但係好明顥我地係ｏ個ｏ的"屋漏兼逢連夜雨"ｏ既人啦．．
去到東京又話發現有ｏ的漏油喎．．．
好彩整ｏ左一陣就整好．．．
夜晚十點終於返得屋企啦～
返到ｏ黎香港國際機場．．．．
成２：３０ａ．ｍ．囉．．．
好彩機上面有得訓下咋．．．．．．
令我最唔開心ｏ既係．．．．
今日呢個大日子．．．就咁無ｏ左啦．．．．
衰仔仲要請ｏ左日假．．．
浪費曬啦．．．．

不過公司最變態ｏ既就係有得用就用到盡．．．
我地咁辛苦返到ｏ黎．．．．
今日仲要我返工喎．．．
我知．．．夠十二個鐘法定休息時間嘛．．．
但係由於我真係太支力啦．．．
所以我今日係請ｏ左半年以ｏ黎第一日病假．．．
或者請ｏ黎慶祝我今日過ｐｒｏｂａｔ啦～～
哈哈．．．．

恭喜曬～～～

>>February 15, 2006 at 4:12:41 AM GMT+8

2006 年 2 月 10 日 星期五 【晴】

哈哈.....大家梗係以為我今日放假呢？～
其實唔係咖．．．
我本來今日要飛．．點知近排ｏ的客又鬼咁少喎．．
所以就改ｏ左我做ｓｔａｎｄｂｙ啦～
仲好．．．聽日放假．．
唔使飛咁多添～

前兩日第一次正式ｏ係北京過夜～
本來以為有雪落．．點知原來前一日已經落完啦～
但係都仲有ｏ的積雪．．．（因為仲係超凍咖～零下幾度咖咋．．．）
所以我就同ｏ左兩條友仔出去睇雪啦～
俾酒店條友老點ｏ左去景山公園．．．又話行到最高會影到故宮全景．．
全部係雪．．．好靚喎．．．
入去公園已經要俾入場費．．（雖然只係兩蚊．．．）
上到去仲要度度都整緊．．
無ｏ野睇ｏ既．．．
係得ｏ的雪睇下．．．
最慘係我地個個凍到僵曬～～
不過都好開心ｏ既～～
仲食ｏ左好好食ｏ既粥添～～

大家有興趣．．．可以睇下呢個網址呀～
http://spaces.msn.com/pangaga/

我遲兩日又要去北京啦～
唔知仲睇唔睇到雪呢？！

>>February 11, 2006 at 4:37:45 AM GMT+8

2006 年 2 月 1 日 星期三 【晴】

各位朋友....
新年快樂呀～
雖然已經到ｏ左年初五．．．
但係無計啦．．．
年初一至四都要返工．．．今日仲有ｏ的時間寫日記已經好好咖啦～～

本來仲擔心新年要飛．．．慘啦．．．
點知遇到ｏ的人又幾好喎．．．
年初一ｏ係上海我地一次食飯．．．
都幾好食呀～食得好飽都係五十幾蚊！正～
之後到杭州．．．本來諗住去西湖玩．．
點知大霧到暈．．．所以無去．．．
不過夜晚去ｏ左間黑店食飯．．．
上ｏ個ｏ的菜同我地點ｏ個ｏ的唔同ｏ既．．．
但係又照收我地錢喎．．．可惡呀～～
最激ｏ既就係我地之後成班友仔去ｏ左錢櫃唱ｋ～
唱到成十二點添呀～（但係第二朝我地係５：ｘｘ要ｒｅｐｏｒｔ囉．．）
哈哈～～
我諗之後ｏｖｅｒｎｉｇｈｔ都幾難可以過得咁充實啦～

年初三返ｏ黎香港．．
好支力．．．加上心情麻麻．．．
"赤口"果然名不虛傳呀～～
都係要同人嗌下咬先應景ｏ既．．．

初四仲要飛東京．．．
係最辛苦ｏ既機之一．．．
不過今次都ｏｋ～
係支力ｏ的ｏ者～～
本來兩程都幾好ｏ既．．可惜第二程遇到個麻煩家庭．．．
好彩唔係我直接攪ｏ者～
但係個阿媽ｏ既樣衰法．．．實在令我而家都仲記得呀～～

今日先得一日假．．
同阿媽去ｏ左車公廟度求簽．．
我地都唔錯．．我仲求ｏ左兩支上簽添呀～～
哈哈～～
可惜聽日又要去上海過夜啦．．．．

>>February 2, 2006 at 12:55:25 PM GMT+8

2006 年 1 月 27 日 星期五 【暴雨】

咁快又到o左年廿九啦～～
但係更快到ｏ既就係我返工ｏ既日子啦．．．
放ｏ左兩日假．．．聽日又要ｏｖｅｒｎｉｇｈｔ啦～～
呢兩日真係過得好快．．．
唔想呀～～～～～～＞．＜

無論如何．．．．
都ｏ係度祝各位新年快樂．．．開開心心呀～～

>>January 28, 2006 at 2:40:37 PM GMT+8