2008 年 5 月 29 日 星期四 【暴雨】

日頭既野唔多講啦~~因為冇咩精彩特別野呀
反之收工後......

今夜......同事幫我舉行了個飯局
為左歡送我WOR
哈哈哈~~
佢地都好好人好好心地呀!!!
出席如下 : 鵬 / 文 / 雄 / DAVE + 女友 / LING / ANGELA / 傻 / CAROL + 菠蘿 / HELEN / 鋼 / 我
地點 : 德興火鍋
都好耐冇去吃LOR
今晚......大家都算OK開心盡興啦
等左好耐WOR~~一有野食就推晒落去啦
哈哈哈~~大家都餓親啦!!!
最後更叫埋啤酒呢??
本來都唔想飲嫁啦~~俾DAVE迫害呢??
最後連飲三大杯~~辛苦的

同樣是趕快回家!!!
休息休息一下吧~~
白白完個人精神左~~
上多陣網就訓啦~~
真係多謝各同事!!!

可惜可惜.......

>>May 31, 2008 at 6:38:10 PM GMT+8

2008 年 5 月 28 日 星期三 【陰】

又遲到LOR~~哈哈哈哈
呢個星期加加埋埋都有好多天呢??
見自己都遲到LOR~~咁就睇一睇個跌打根治一番右腳問題啦
順便睇埋NBA先啦~~綠軍(三巨頭)有料到呀!!!
返到去都差不多一點啦~~!!!!
坐左冇耐又去左午餐啦!!!
今天上班真係清閒而且又冇咩心機呢??
等收工LOR~~

今晚收工後同了菠蘿同CAROL吃飯WOR
我請客~~報答知遇之恩吧!!!
趕快回家了~~因為太眼訓啦
沖埋涼就訓啦~~今晚有荷蘭睇WOR
最後睇左一陣子~~唔錯呀
班波D一兩腳波快傳好有默契呀
反擊快呀~~但其防守力令人擔憂呢??
相信都係踢完三場波就提早回國LOR

>>May 31, 2008 at 6:32:48 PM GMT+8

2008 年 5 月 27 日 星期二 【綿綿細雨】

今早......6點起身
溫書~~為今早既旅遊業保險作最後準備啦
真係好辛苦的~~一時之間塞咁多野落個腦度~~
合格定肥佬~~天知啦!!!
期望不大~~自己都知道的
入到試場做左15分鐘即SLEEP啦~~最後5分鐘起身做埋佢~~合共80條選擇題

考完趕回公司了
今天都係咁清閒著的~~
冇客仔又冇生意
冇計冇計啦~~好彩班同事早早就跑成功姐~~唔錯唔錯

收工澎澎聲鬆人先啦
因為今晚有波踢WOR
黃竹坑人造草場的~~
由於今晚著左BOOT所以個人發揮好平凡咋
沒有漂亮長傳更沒有正式有威脅埋門~~可惜可惜呀!!!
唯一亮點 : 臨完場 , 個人突然 ~ 一開波上腳連過五個對手 , 可惜過不了最後一名守衛 , 甩腳了 , 真係好好好可惜呀 ~ 若果過埋就單刀面對KEEPER啦 ~ 入埋就更成為了神話呢??
好熱WOR~~出左好多汗呀
走上走落~~好好既練氣之作呀~~

慢慢行返香港仔啦~~同埋肥威同肥鵬呀!!!
更住就洗白白~~
煮埋野食先啦~~
最打埋日記~~
訓定唔訓??
今晚有波睇呀~~但應該都撐不了啦

>>May 28, 2008 at 5:57:50 PM GMT+8

2008 年 5 月 26 日 星期一 【陰】

星期二.......又係返晏WOR
所以守尾門~~我每每守尾門又有幾可會遲收工呢??
澎澎聲走都走唔切呢??
哈哈哈~~

今夜收工後回家啦~~
早回點家休息一番啦~~因為明早要考旅遊業保險牌呢??
但都係忍唔住~~睇左一陣間NOW既電影台
今夜播出了 : 黑拳
一套~~都想睇好耐既電影
都冇太令我失望既~~其實都唔錯呀!!!
內容特別~~每人睇到打拳的另一面目同時更了解大陸人的感覺同待遇
睇完可能你會明白的......
但最值得一提既係 : 吳京
真係一名超級好好打既武打星WOR
有好多個SHORT都表現出其真正實力
不得不佩服呀~~

睇完都差不多12點啦
夜啦夜啦~~要訓啦!!!!

係WRO~~忘記同大家講
今早我又遲大到啦~~足足遲左一個小時多呢??
本來只係15~20分鐘姐
但塞大車WOR~~真係激死了我啦!!!
哈哈哈~~點解遲
咪又係NBA作怪LOR

>>May 28, 2008 at 5:47:35 PM GMT+8

2008 年 5 月 25 日 星期日 【晴】

星期一........又係冇咩心機WOR
唉.......
所以今早起身~~都未返工住
睇埋NBA先啦~~最後馬刺WIN了

今天都冇太多野做WOR
同事話呢排都係咁WOR
都似似地WOR
直到收工先忙左一小段LOR
唉......等收皮中

野就冇乜野好打啦
近排個人都好頹
沒太多心機呢??
為何呢~~??
GOD......PLS PLS PLS PLS PLS HELP ME !!!
________________________________________________________________

女 朋 友 畀 我 話 事

相 信 男 士 最 有 感 受 。
男 ： 今 晚 你 想 食 乜 ？
女 ： 是 但 啦 ！ 你 話 事
男 ： 食 壽 司 好 唔 好 ？
女 ： 天 寒 地 凍 仲 食 凍 冰 冰 … …
男 ： 咁 去 打 邊 爐 啦 ， 天 氣 咁 凍 ， 打 邊 爐 就 最 正
女 ： 我 前 兩 日 先 打 過 ， 成 日 打 好 熱 氣 … …
男 ： 咁 去 食 泰 國 、 韓 國 燒 烤 或 台 灣 好 唔 好 ？
女 ： 都 話 熱 氣 啦 ， 又 多 油 ， 仲 要 我 食 呢 ， 有 冇 心 聽 我 講 … …
男 ： 去 cafe 好 唔 好 ？ SET DINNER 都 幾 好 食 （ 開 始 有 無 奈 ）
女 ： cafe 好 多 人 ， 唔 想 排 隊
男 ： 咁 去 「 鋸 扒 」 好 唔 好 ？ ？ （ 有 火 ）
女 ： 唔 想 食 咁 多 肉 ， 好 肥 … …
男 ： 冇 人 叫 你 食 晒 件 「 扒 」 ， 你 叫 碟 意 粉 或 者 其 他 都 得
女 ： 咁 咪 即 係 叫 我 睇 住 你 「 鋸 扒 」 ， 我 唔 食 你 都 唔 准 食 … …
男 ： 咁 去 食 粥 啦 （ 已 經 開 始 「 發 晦 氣 」 ）
女 ： 天 氣 咁 凍 ， 食 粥 唔 飽 肚 （ 撒 嬌 狀 ）
男 ： 咁 不 如 你 話 事 啦 ， 我 唔 想 諗 啦 … …
女 ： 我 就 係 諗 唔 到 食 乜 先 叫 你 話 事 ， 你 畀 主 見 得 唔 得 （ 發 脾 氣 ）
男 ： 唔 係 話 熱 氣 就 話 肥 ， 我 真 係 諗 唔 到 仲 有 乜 可 以 食 （ 爆 發 了 ）
女 ： 咁 係 熱 氣 、 係 肥 嘛 … … 我 有 講 錯 咩 ， 自 己 諗 唔 到 就 亂 發 人 脾 氣 （ 惡 人 先 告 狀 ） … …
看 到 這 ， 有 否 覺 得 似 曾 相 識 ？ ！

>>May 27, 2008 at 3:55:11 PM GMT+8

2008 年 5 月 24 日 星期六 【綿綿細雨】

今天找來他們 : 鵬鵬+婷婷+TOM.FAN+阿孔+懿懿
向南灣出發~~哈哈哈
TOM.FAN同阿孔都話自己未去過未聽過呢個沙灘WOR
真係冇佢地符呢??

其實今早有一小波折的
7~8點我見到有太陽嫁WOR~~但到出發的11點就落雨
當堂令大家到呆了一呆......
唯有等多個小時啦~~幸好上帝保佑,天公造美咋......
先買齊所有BBQ既野先啦~~更住就搭車入去LOR
今回$74每一個人~~抵抵抵抵抵呀!!!
(唔係打的既話真係一個人都唔需要$50呢??)

好餓呀~~先BBQ先啦
更住就同懿懿落一落水啦
嘩~~好叉凍WOR
哈哈~~我同懿懿都驚驚呀!!!
之後上水又BBQ先啦~~齊齊快手快腳燒埋D野就出去玩LOR
首先既係 : 捉蟹仔
哈哈哈~~大家不停推開D石 , 四個人圍住一隻蟹黎捉LOR (我仲俾佢鉗左一野呢??)
阿孔仲話 : TOM.FAN小心D呀~一陣你舊石隊到我呀
之後就去拾東風攞同埋珍珠殼啦~~嘩......收獲好豐富WOR
我同婷婷+懿懿不停掘呀掘呀掘.......
至於TOM.FAN+阿孔+鵬鵬就去左FISHING呀~~
最後一條死魚都冇~~反之就掘到大大大大大隻殼呢??
哈哈哈~~
真係估唔到南灣有咁多寶貴野呢??

好攰LOR~~
更住送懿懿回家啦
一齊吃埋DINNER
真係攰死人了~~回到家打日記上陣網早點SLEEP啦

>>May 25, 2008 at 3:15:08 PM GMT+8

2008 年 5 月 23 日 星期五 【微雨】

重新上班的一天~~
很不習慣WOR
其實想射波的~~但......
都放棄了!!!!

今天好清閒~~唔多野做
學阿孔講法 : 等收工 , 公司就快摺啦
唯一既忙碌係臨收工時~~忙左一小段仔啦
今日冇開單WOR~~
因為個人都冇太多心機了!!!

收工~~未回家
先過吉吉島JOIN懿懿一齊拎野先(牛仔褲)
更住就買野吃LOR~~我的DINNER
隨您鍾意 --- 外賣日本壽司回家
快靚正好好味呀......
更住就白白LOR~~

突如其來的~~想法
南灣SWIM+BBQ+釣魚+掘野星期天
結果......找來......他們......
多謝支持!!!!

早點SLEEP~~但都要成3點先SLEEP到呢??
近排~~
好想食好多野~~好口痕
唔太知點解WOR!!!

>>May 25, 2008 at 3:04:56 PM GMT+8

2008 年 5 月 22 日 星期四 【微雨】

13場27球 = 2.06792球每場

今日去了觀塘APM上堂
旅遊保險牌
訓左一陣
上堂真的辛苦了??
下星期三要考試~~
頭都大呢??

























>>May 25, 2008 at 1:58:31 AM GMT+8

2008 年 5 月 21 日 星期三 【微雨】

勁勁勁勁勁勁......攰呀!!!
因為回到家~~就馬不停蹄換衫去踢波啦!!!
由於追星咁耐所以今晚既狀態都好普通呢??
沒有太多突破~~多時後防及揸流灘呢??
是夜 : 1GOAL 3ASSIANT
今晚著左車仔踢波WOR~~俾佢地話我係杜奧巴呀!!!

更住今晚又係歐聯既決賽WOR~~
真係激戰呀!!
追星--->踢波--->睇波
想死人咩??
哈哈哈......
最終曼聯羸了冠軍~~車仔真係可惜可惜!!!
出乜鬼野安歷卡呢??出舒夫真高咪算LOR~~
唉.....
但泰利真係好可惜WOR~~時也命也
杜奧巴又係衰既~~打人塊面做咩呢??
見到泰利喊我又好想喊埋一份呢??
(俾同事笑我,著邊隊既波衫果隊就輸啦~~)

本來一早諗住去HOTEL追星的
但.....勁勁勁勁勁攰+眼訓呢??
放棄了......
真係好辛苦的!!!

訓到咁上下就起身食福面LOR~~
醫好個肚又出發啦!!!!

>>May 23, 2008 at 3:34:20 PM GMT+8

2008 年 5 月 20 日 星期二 【微雨】

六點已經搭車去香港站啦~~趕過去接機
目標 : 祖雲達斯
(開始我今天的追星之旅啦)
先講交著先啦~~一個鈄揹袋+手揪袋+A100+祖記泰基拿迪20號波衫
好興奮呀~~心情難以形容呀(至愛既球隊來港!!!)
先到機場大約有20名小斑馬球迷啦(估唔到咁早都有人接機呀!!!)
我仲俾記者訪問添~~HEHEHEEHEH
當佢地出來的時候......雲尼亞里先行出黎既
更住陸陸續就出來啦~~呢班大斑馬
好緊張呀~~我把握每一個球員既機會埋去簽名呀!!!
(簽了七名 : 查仔,薜比,馬基安,比索,泰亞高,沙歷咸,歷高達,雲尼帥)
好好好好好緊張但又好開心呀~~係超近接觸呢班球星呢??

發生左一小插曲WOR~~就係薜比拿+查仔+比索圖行錯路WOR
哈哈哈~~最後係旅遊巴再珍惜機會同佢地影多幾張相先啦
佢地都好NICE呀~~都好開心咁既(但唔知佢地笑咩WOR)
接著......就同DISCUSS既網友一齊追星啦
下一站 : APM觀塘
途中仲識多左個斑馬女球迷WOR~~估唔到佢都好喜歡祖記呀
都係同我一樣請假來接機追星呢??
另一男仔就叫阿雞~~佢學都唔番黎追星呢??
哈哈哈~~
更住係APM食早餐之制~~又識多個小斑馬女球迷WOR
又係估佢唔到呢~~??(請假追星.....)
途中大家傾左好多祖記既野WOR~~好好好好開心同滿足WOR
又傾下經典賽事啦,又傾下買咩人好,又傾下幾時喜歡祖記......

之後就係APM等祖記出現啦~~等等下......
又識左一名斑馬仔WOR~~(呢個係韓國人,佢突登由韓國飛來HK追祖記呢??)
更住見到艾歷臣WOR~~梗係把握機會簽個名先啦!!!
又搵埋李海強同路爾斯(南華教頭)同小舒米高簽名呢??
曼城波衫~~好開心呀.......

最後就過埋大球場追多HIT祖記操練啦~~
雖然係閉門~~但我們呢班小斑馬好好好開心呀!!!
不停傾波經又談天說地呢??
一個人追就唔好玩嫁啦~~要追就要搵埋臭味相投的一齊追才叫快樂呢??
由朝六到晚六.......好攰呀!!!

但第一次追星~~
我好開心快樂呀!!!
哈哈哈.......

>>May 23, 2008 at 3:26:54 PM GMT+8