| 日記 | 日記主簡介 |
||||||||
2005 年 2 月 9 日 星期三 【晴】 咁耐都未拆夥既~~!!! 
琴日都唔記得同大家講聲.....恭喜發財tim 希望來年個個都身體健康,橫財就手,生活愉快,快高長大,學業進步......(開始亂講野啦!!) 琴晚夜訓呀~~所以今日訓到好晏呢?? 但晏得幾多呢?? 兩點就俾江少大雄嘈醒去打雀wor.....吹脹呀!!! 兩條友仔都上晒癮呢?? 冇計啦~~澎澎聲起身啦,換衫衫過東村啦!!! 今日主場係大雄呀~~條友仔冇咩主場之利,輸叉左三十幾呀!!! 哈哈哈哈...... 仍舊記得呢個片段 
夠鍾各自各回家吃飯~~接著...... 到華仔主場啦......連小wingwing都有過黎打雀呀!!! heeeheeehee......我好黑仔呀~~輸叉左廿幾三廿蚊啦.....但雄仔仲甘呀!!! 成五十幾呢?? 我個小wingwing就醒呢.....羸左成$50呀~~好野萬歲萬歲萬萬歲..... 我地打到差不多兩點就鬆人回家啦..... 我返到屋企成三點啦~~收拾下呢樣果樣..... 呼.....四點先訓覺咋!!! 聽日一早仲要....... 好味唔好味?? 
今年有一個小小既特色..... 就係我+華仔+大雄我地三個都係互相上對方屋企拜年既?? 哈哈哈..... 大個仔lor.....比起以前.....跟屋企人拜年逗利是都冇晒lor!!! 卡陣.....heeeeheeee要買埋賀禮上人屋企呢?? 真係.....唔同左呢?? 唔知道下年又會如何呢?? >>February 11, 2005 at 4:09:03 AM GMT+8 2005 年 2 月 8 日 星期二 【晴】 慢慢地起飛啦!!! 
新年..... 大象也投票 
又如何呢?? 慶祝新花式 
對不起....令妳唔太開心的一個年初一...... 我明白應該點做嫁啦..... 妳講得岩.....但都有d唔太岩(我覺得) 希望未來日子會慢慢解決一切一切既問題吧!!! 來年既年初一會否是夜一樣呢?? 食飯.....我希望會可以但都需要留待明年才知道...... 加油吧Alan.....妳會支持自己嗎?? 相信總有一天的..... 笑番啦!!! 唔好咁惡啦~~怕怕呀!!! 今日場波.....巴西大炒香港,真係唔俾面呀!!! 但香港人永遠都鍾意睇香港隊俾人炒既.....哈哈哈!!! 幸好最後都入番粒姐!!! 大年初一賭聖睇怕今年真係發揮唔到功力bor..... 出於何解呢?? 或多或少都因為自己心情唔太好太差呢?? 不過....... 琴晚一事我已經當作一次既教訓啦!!! 我會明白知道的.....妳說得對既!! 冇下次嫁啦....唔扭計啦!!! >>February 11, 2005 at 3:59:07 AM GMT+8 2005 年 2 月 7 日 星期一 【晴】 條友快到無倫 
年三十啦~~聽日就係大年初一啦!!唔知道今晚各併會去邊樹呢?? 本人既節目.....如下!! 日頭都係返工啦,今日康山個CAROL都過埋黎呀!!! 五條友仔呢??今日我差不多成朝都係訓呀~~因為太眼訓啦!!! 更住起身就去飲茶茶啦~~今日四人行呢??銅鑼灣平時既腳呀~~!!! 去到即叫多多野食啦,真係好多又好貴呢?? 不過D野就真係好好味呢?? 接住就返番上去撐多半DAY啦~~等.....等.....等..... 終於等到收工啦!!! 收左工就過去TIME'S陪小朋友同阿媽買數碼相機啦~~!!! 都唔平既呢??順便買埋衫褲呀~~好貴呀!!! 接著......就過去皇室JOIN埋江少+君君+WINGWING啦...... 漸入佳境 
今晚我地四個去睇戲呀~~''蟲蟲特工隊'' SAMSON勁力推薦~~真係好好睇呀!!! 我地都睇得好開心~~估佢唔到,不錯不錯呀!!! 接著就去左食意大利野啦~~蛋糕+意粉..... 我地食左勁多呢??勁飽呀~~D意粉.....蛋糕又好好味呢?? 下次要再努力呀~~!!!! 更住本來係去行花市年宵既但都取消左...... 取而代之既係上我屋企打雀...... 係因為我想打同埋唔知去邊度好呢?? 結果...... 有龍過雞年睇呀同埋台灣玩藝人既片段....好好笑呀!!! 龍過雞年我真係記得好多劇情呢?? 更住打打GOLF.......打打日記吧!!! 靚靚呀~~!!! 
大年初一........我會帶小WINGWING過東村食飯拜年!!! 我知道妳驚驚地既...... 呼......放心啦!!! 有我係樹!!! >>February 8, 2005 at 11:02:15 PM GMT+8 2005 年 2 月 6 日 星期日 【晴】 隊有一老如有一寶 
今日簡直係放假既心情啦~~唔想做野啦!!! 但又冇野好做wor.....好矛盾呢?? 上網吹水打機乜都做過晒啦...... 今日好好彩呀,因為做左單booking呀!!!兩條友仔去日本~~都好過冇啦!!! 今日成日都唔知返工做乜?? lunch去左<南記>呀!!!平平呀~~$12一碗 更住返上去公司靜坐得收工呀!!!! 今日成日都掛住玩部新電話啊.....幾爽呀!!! 收左工澎澎聲過去東村食團年飯啦!!! 今晚好齊人呀~~我都好耐冇過去食啦!!! 幾熱鬧呀~~heeeeheeeheee...... 食左唔係好多咋~~更住就打機啦,吹吹水玩玩電話咁啦!!! 返到屋企澎澎聲收拾房間一切既野啦~~因為呢幾日都冇時間小掃除呢?? 麻煩晒你呀SAMSON,幫我買左個盒仔~~好爽呀!!! 更住白白上網打日記眼仔訓..... 同wingwing嗲左陣就訓啦!!! 視像真係好爽呀~~正呀!!! 松鼠仔好型啊!!! 
Monica 古巨基 沒有獻出一切 沒試過贈我光輝 無奈你也叫 Monica 誰能代替這個地位 從來未覺迷戀的珍貴 直到一日再一日流逝 難道看我你會覺得心有愧 柔情蜜語都收於心底 就算初生之虎怎麼失禮也不能自毀 迎面哪裡有天梯 有幾多氣力也是注定枉費 Thank you my dear Monica 傷口即將免疫再不怕 或者知道你在內疚吧 因此我會聽話 今天過後會說再見 謝謝你好 日後會這樣嗎 鳴謝你一手一腳令我牽掛 Goodbye 來日做了你的好友 亦靠演技太好造就 名字碰上了你這首輓歌 情形就似天國敘舊 從前沒有發覺星星也會走 沒有準備過怎善後 誰若怪責我 怪我哭得不夠 回頭就靠笑聲來自救 Thank you Monica, My Dear Monica 或者知你會 眼淚亂爬 因此我會聽話 今天過後要說再見 現在也可 練習說告別嗎 臨別能否親親我 好嗎 Thank you my dear Monica 傷口即將免疫再不怕 或者知道你 也珍惜我 改天你說給她 今天過後會說再見 現在也可 練習說告別嗎 臨別能否親親我 令你牽掛 臨別能否擁緊我 令我可牽掛 95~96.....意甲球壇經典 
>>February 7, 2005 at 5:36:32 PM GMT+8 2005 年 2 月 5 日 星期六 【晴】 條友仔瘦到死!!!! 
星期日開乜鬼野工呀~~激叉死呀!!! 返到公司又冇野好做~~上網吹水除左呢d都唔知可以做咩啦...... 今日得我同SAMSON兩個返咋~~ 唔知點解近排條街少左d賓賓呢??去晒邊呢??唔通係錯覺...... 今日我返工搭巴士呀!!!平時返工不嬲都係搭巴士既~~ 但前排就轉左搭小巴......方便呀,樓下幾步又快呢?? 但近排又坐返巴士呢??話時話小巴都真係幾貴嫁!!!! 另外我近排又成日唔帶飯wor~~唔岩食掛d送?? 唉..... 今日lunch同左班同事飯飯呀!!!一個lunch都咪話唔平呀!!! 食完就去左世貿打機啦~~我都係唔識得打街機既人,成日輸..... 等等等......等到收工啦!!! 都幾有興趣嫁!!! 
收左工.....就見到小wingwing啦!!! 齊齊去睇睇電話啊~~起初只係我換既姐,卡陣佢都陪我換埋呢?? 真係幾開心呀~~因為今次換既係LG8183,有得視像啊~~heeeheeeheee 咁家陣一掛住小wingwing只係打開電話都可以見到面呢?? ''起身睇日出啦'' 哈哈哈哈哈...... 係wor~~我轉左新既電話號碼呀!!! 請你地記抵啦~~tel : 63400393 舊果個61322923會用到今個月14號咋...... 買完電話就去time買鞋仔啦,今次係小wingwing買既...... 靚靚嫁~~我都睇中左一兩對呀!!! 但......又買咩??唔買啦~~忍忍手先..... 更住就去食雞雞啦~~heeeeheeeheee..... 因為我眼仔訓呀~~所以我都食得唔多..... 打包返屋企慢慢食~~返到屋企一陣咋,就已經訓著左啦!!! 但過多陣陣起身睇波~~國米又一次符碌呢?? 更住同wingwing傾埋電話叉叉電就早早訓啦!!! 最後結果...... 
>>February 7, 2005 at 5:29:41 PM GMT+8 2005 年 2 月 4 日 星期五 【微雨】 2005 年 2 月 3 日 星期四 【微冷】 廿分期待..... 
<喜馬拉阿星>套野唔係太得bor~~點攪嫁?? 雖然睇落去卡士有番咁上下~~陣容唔太弱,但都唔肉賀歲片咁既?? 比起好耐以前真係差天共地呢?? 家有喜士 ~ 花田喜事 ......都好有線有陣時都有得播下回味下...... 呢套阿星只係得少少好好笑咋,其中一part我真係笑到喊呀!!!! 係wor都未講今日日頭既樹就講左夜晚既樹啦!!!! 日頭都係咁啦,唔太多野做咁啦,Alex先生都唔知發咩神經..... 今日燥燥地呢??M到咩??由叉佢啦~~唔叉理佢啦...... lunch時間俊少過左黎搵我飯飯,都係吹吹水咁啦,初一佢又走啦...... 要七月先返番黎啦~~順順利利吧......今日有位同事已經派利是啦..... 真係開心呀!!!希望今年可以搵多d搵多d啦..... 收左工同小wingwing去<易牙妙手>dinner先啦,好少份量呀,食左等於冇食既!!! 更住就去睇戲啦~~阿星阿星.....阿鄭中基又進步左啦!!! 但套野真係冇乜劇情呢?? 睇完之後就行一行花市年宵啦!!! 又一年啦~~回想起上年.....希望今年可以開當玩下結果又冇左件事呢?? 今年係雞年所以好多鋪都以雞雞為主~~只可惜我同wingwing都覺得今年又冇咩特別呢?? 唯一特別既係俾我地見到<阮兆祥>+<鄧兆尊>.......佢家姐阿哥!!! 一肥一瘦啊~~heeeeheeeheee..... 希望下年我可以開得成啦......但願好此呢?? 更住送wingwing返屋企啦,接著自己都澎澎聲返屋企啦!!! 好累好眼仔訓啊~~返到去..... 沖個熱水涼打打日記~~同小wingwing嗲一嗲就訓啦,聽日又要開工啦!!! 你地睇左未?? 
>>February 5, 2005 at 4:36:44 AM GMT+8 2005 年 2 月 2 日 星期三 【乍雨乍晴】 已代替巴治奧既漂亮足球 
由起身到返工到食午飯到收工...... 終於都等到啦..... 今晚節目係---<小肥羊> 等左好耐呢??因為我好想食呢個呀~~睇下佢有幾咁巴閉至得!!!! 今晚簡單d黎講係星晨同事既團年飯呢?? 人腳方面好簡單---Alan仔+衰神+Ivy姐+Samson哥 只係四個人仔咋~~另一個講法係<數衰Alex言討大會> 哈哈哈哈...... 呢間小肥野都咪話唔巴閉,我地預早左成兩日book位嫁!!! 真係吹脹呀~~heeeheeeheee...... 一開波我地已經起勢咁點乜都食唔貴唔叫呢???? 哈哈哈哈~~!!! 呀,呢間野好奇怪~~冇鼓油冇辣油嫁wor,條友仔話要原沖原味先正斗wor...... 食落又岩岩地bor,但最後都真係濃左點點呢個湯...... 佢d魚蛋好彈牙 ~ 墨丸蝦丸都好正呀 ~ 帶子好得呀 ~ 肥牛真係好肥 ~羊肉真係特級呢?? 途中大家乜都傾一餐啦~~笑下既喊下既乜都有呀!!! 由其係衰神+Samson呢??兩個一齊真係唔笑唔得呢?? 哈哈哈哈.....今晚飲左三支巨廉+兩杯盧薈+好多杯茶 鬆人埋單啦~~小肥羊多謝我地$850......真係幾甘下呀!!! 我地個個都真係睇少左呢間小肥羊呢?? 唔知下次又會係幾時食呢?? 之後各自各搭車車返去啦,我搭VAN仔呀!!! 結果......又焗又飽wor,幾咁想嘔呢?? 怪都怪自己頭先係咁不停食啦...... 返到屋企同小wingwing傾傾電話更住就早早訓啦...... 聽日仲要開工呢?? 今晚餐飯真係飽到上心口呢?? 訓果陣都仲係好辛苦,加上件褸d衫上面勁大陣邊爐味呢?? 哈哈哈哈~~ 不過點都好啦......今晚真係開心快樂輕鬆的一晚呢?? 你地話岩唔岩啦???? 唔太順利咁bor...... 
>>February 5, 2005 at 4:37:55 AM GMT+8 2005 年 2 月 1 日 星期二 【乍雨乍晴】 終於如願啦!!!! 
嘩~~黎料啦黎料啦!!!! 寒冷既天氣又黎啦~~今日一早起身已經覺得凍凍地呢?? 又唔太想起身wor..... 加上琴晚又夜訓呢?? 如果心水清既人仔應該知道我何解唔訓住既~~ 因為琴晚小wingwing街街呀,夜返屋企!!!! 所以我唔訓住~~直到佢返到屋企我先去覺覺豬咋...... 當佢返到屋企時....... 我就訓啦,但都只係訓左一陣間呢?? 老鼠仔活事!!! 
起身睇大戰呀~~仙佬主場覆卓曼聯呀!!! 一開開波相方已節奏已經好快啦,你一拳時我又一腳直到仙佬隊長一下頂波先開紀錄 接住老曼大舉反撲~~成功左呀,肥仔二傳set後俾傑斯仔一射入網!!!! 更住仙佬既金仔笮角度勁射得手呀~~又再領先,但下半場無耐....... 新一代既扭扭樂連入兩球反先主隊既仙佬呢?? 咁大獲~~但客隊既法國佬頭撞龍怪堡見紅出場呀!!! 諗住仙佬人多蝦人少有計啦~~誰不知阿夏少一入黎第一野就整傷左寶寶啦!!! 唔單止呀~~仲俾沙仔一下妙射又要艾蒙先生係龍門拾多次個波出黎啦!!! 結果客隊4-2完場攪掂兵工廠啦!!! 澎澎聲去訓啦~~ 搖搖頭!!! 
>>February 4, 2005 at 5:22:12 AM GMT+8 2005 年 1 月 31 日 星期一 【乍雨乍晴】 退休~~有點兒可惜呢? 
新一個月你會想起甚麼呢?? 新開始?又要重新上跑數既路? 其實係我心入面每一天都係新既開始.....都係果句啦!!! <希望在明天呀> 查實如果一個人可以時常有咁既諗法都幾好,或者你唔太認同呀,但...... 正所謂<今天的事今天做,明天的事明天做> 如果你今日唔開心倒不如盡快忘記佢,到左聽日重新黎過,或者會有新既希望呢?? 你可以會話我諗法太不設實際,自己有陣時呃緊自己......岩既岩既!!! 之但係.....點解今日既唔開心要帶到去聽日呢?如果係開心我冇所謂呀,每日都帶住仲好呢?? 點都好啦,日出代表咩呀?新既一天出來啦,日落代表既係今日又完結啦...... 如果你有機會的話真係要睇睇日出同日落啦......會令自己開心d時又得到些少啟發呢?? 好有興趣呀!!! 
講左一大輪費話啦~~講返今日先...... 今日返到公司.....岩岩好冇遲到呀!!!! 都係冇野好做,上網睇龍珠+老夫子+掛住妳呀!!! 都係同同事吹吹水啦~~今日又完啦.....真係好浪費呢?? 收左工澎澎聲join埋肥杰+腳子+發仔+肥文齊齊去報<普通話>啦!!! 又要學多樣野啦~~有益既有益既.....突然好想學呢樣果樣呀!!!! $324.....12堂每堂1hour30min's......香港仔上堂呀,逢星期五呀!!! 更住澎澎聲買老麥外賣食啦~~因為今晚有波踢呀,比賽呀!!! 結果......0-6又一次敗陣呢?? 其實今日場波上半場0-2啦,都算守得唔差既,有幾下反擊做到,但...... 我仲領左面黃牌輸球12碼但好彩人地中眉姐..... 下半場初頭都守得好好嫁,直到金仔own goal就失守啦..... 老實講呀,今日整體都發揮得唔好,比起上場真係...... 或者今場波大家既心情比上場更為緊張同埋打定左輸數呢?? 人地強,未打先輸,今場我地冇上場波既鬥志......踢場黎都散慢d呢?? 點都好啦~~下場波努力過吧..... <忘記背後努力面前向著標竿直跑>!!! 多多少少都有幫助既!!!! 
>>February 2, 2005 at 5:27:42 AM GMT+8
|
|
恭喜你把過去拋開了人氣: 78526
Design & Scripting by ShowHappy.Net