|
2002 年 9 月 13 日 星期五 【雨】
尋日放學走左去打機......幾開心啦^^
今日係星期六....... 我訓到好晏先起身呀~
我都唔知點解~ 可能係因為開學多野做好巨卦~ 唔知呢~
跟住起身做左d功課......撘六點船出黎自己一個去烏溪沙喇~
點知一落船出面就好似落狗屎咁~......我又冇帶「傘」喎~
咁就唯有跑過去港澳碼頭啦~.... 點知跑到去都全身濕晒喇~....
等左好鬼死耐先等到架一上車就對住個冷氣位~
諗住吹返乾件杉啦~ 點知可能係凍得滯咁...
咁我就摟住個書包訓到總站先識落車喎~
落左車諗住反正都到馬鞍山囉~ 咁就行過去烏溪沙啦~
但係我行到烏溪沙村村口就己經全身濕到陷喇......
見到個嬸嬸想問佢邊條路最快去到campsite啦~
點知個嬸嬸話佢都就黎返到屋企~ 叫我去佢屋企樓下等佢俾把唔要ge傘我
又指左條捷徑我行..........真係多謝個嬸嬸喇 ^^
(不過俾唔俾傘我都冇分別啦~ 我成身都濕到滴晒水囉~ >_<"" )
咁我去到就打俾ava喇......之後響佳滿join返佢地食左野先入camp喇~
入到去緊係第一時間沖涼啦~
之後我就好乖咁拎d功課出黎做喇~
雖然我全程都係摟住個書包跑~ 驚整濕d功課~
但係始終都難逃呢一劫啦~ 真係慘 >_< ~
咁等功課乾時又同佢地係咁玩囉~ ^^
.........................玩完做左d功課....就訓左覺喇~
今日先知道阿歡要去日本讀博士呀~
諗返以前我剛剛入cub仔時佢都係剛剛考完會考冇耐........
由細響255道最照顧我ge就係歡歡sir...............(響旅道我黐歡歡大嫁)
佢咁快就讀完大學....讀完碩士下個月就話要飛去日本讀博士喇~(讀統計喎)
真係好唔捨得佢呀 >_< !!!!!!
嗯............ = >_< =
希望佢快讀完返黎啦~...........我諗到時我都考完 a-level 喇 >_<
>>September 15, 2002 at 5:16:53 PM GMT+8
2002 年 9 月 11 日 星期三 【陰】
尋日係九一一一週年..........
諗返起舊年..........唉!!
估唔到咁快又一年喇 !!
不過我都覺得尋日好難忘呀~
因為尋日我返學無啦啦俾中央廣播個咪嗌左去校務處~
搞到全世界都知我個名喇~ 好鬼核突啦 >_<""
八號風球都唔洗咁樣叫我走下話?? 悲!!
最最最慘係今日返學仲要俾miss chan同miss but 笑~
好好好好好慘呀 >_< !!!!
今日係jeff生日~ 響道祝佢生日快樂同會考成功啦 ^^
>>September 12, 2002 at 10:47:32 AM GMT+8
2002 年 9 月 7 日 星期六 【晴】
********************* NOTICE *********************
發覺我日記寫左太多野喇~
所以平時普通返學或者留響成日都屋企果d日子.......
我都唔會寫日記嫁喇!!
**************************************************
今日一早起身出左去同安姐佢地睇戲~
本來諗住睇賤精先生~ 點知去到安姐話想睇office有鬼~
初頭我都唔係咁想睇~ 不過都最後都係跟大隊~
不過套戲好多地方都好搞野~
我地一路睇~ 就一路係咁笑~
本來覺得驚地方都都笑都痴晒線~
(搞到全戲院最異相係我地 >_<""")
點知我地出左戲院都未癲完~
當街當巷係咁發癲扮套戲d鬼 (佢地死個樣好搞笑 ^^"")
d人唔知仲以我地成班都係傻~
跟住我地係咁行街行海旁行公園仔行商場~
我買左好多好靚GE文具~
今日都算幾開心啦~ 哇哈哈哈哈哈~^^
唔覺唔覺就開左學一個星期~ 聽日又要返學喇 ^^~
>>September 8, 2002 at 5:57:55 PM GMT+8
2002 年 9 月 4 日 星期三 【晴】
尋日放學又係好似以前咁返屋企~ 唔係好多野講咁~ 唔講喇~
唯一值得講ge就係終於有得調位~ 好鬼開心^^
今日返學都算好好玩~ 返學玩到放學~ ^^
lunch又有得拎返九十蚊~
(除左最後堂聖經要對住個仆街八婆之外)
跟住放學阿包話要同大勝去灣仔買pe褲上堂.......
咁我就同佢去有灣仔喇 ( 我都買左條^^" )~
買完之後我地就行左陣muji~
今次我諗到買乜野喇~ 就係一本notebook同兩枝highlighter~
臨走因為今日係大勝出糧所以我地就屈左佢請我地食雙皮奶~
真係好好食呀 yummyyummy ~ heeheeeee^^
唉!! 宜家升到中四真係慘呀~ 科科都要買參考書~ 貴到仆街呀 >_< ~
d書又厚又多野做喎~成個初中都冇認真讀過書~
(最正係中一呀~ 全年齋玩唔洗溫考試都得到爆~)
嗯~.................我諗我都要俾下心機先得喇~
好彩仲有班frd同我共同進退唧~ 哈哈^^
>>September 5, 2002 at 2:08:17 PM GMT+8
2002 年 9 月 2 日 星期一 【晴】
今日返去搞乜野班務......好鬼悶~
放學又係成班去左m記~
今次俾我發現左原來加三蚊就會有一大包威化餅~
初頭覺得幾抵未換左返黎囉~
點知食左兩塊先覺得唔係咁好食~
咁我地就勁低能咁將威化餅當層層疊咁玩~
真係堅抵死啦~ heeeeee~
最低能係我地疊起晒威化先走~ 嚇親拾野個嬸嬸喎 ^^
跟住我就去左銅鑼灣搵婉君佢地喇~
我地成班去左食野~ 之後去左行muji~
我本來想買野嫁~ 但係又諗唔到買乜野喎~
咁就唯有返屋企喇........今日都過得幾開心啦^^
>>September 5, 2002 at 1:21:33 PM GMT+8
2002 年 9 月 1 日 星期日 【晴】
今日終於都要開學喇~
今日真係梁龍做我地班主任喎~........okok啦~
放學我地成班去左m記搏殺~ 趕埋d暑期功課去~
我地一路做一路癲啦又.....又係咁講笑~
不過我差就整盲左kenji呀~ 真係差好少好少就出事喇~
下次真係要玩得小心d呀.....今次冇事真係好彩 ^^"""
唉~ 返屋企冇幾耐就訓左喇~....嗯~
>>September 5, 2002 at 12:59:02 PM GMT+8
2002 年 8 月 31 日 星期六 【晴】
響珊姐道訓醒就俾我地班注米大蟲食晒佢廚房野~
嗯......響道同佢講聲對唔住先^^ hee~
我地醒左就一路食姍姐食屋ge野~ 一路睇電影~
跟住睇到五點我地就落左去飲野喇~
(當係為這個暑假飲杯喎 heheee~)
之後我就返屋企喇~......
唉!!聽日要返學喇......d功課仲有好多未做~ 慘!!
>>September 5, 2002 at 12:38:52 PM GMT+8
2002 年 8 月 30 日 星期五 【晴】
嘩!!!!!!!
今日係我地ge大日子呀!! 堅堅堅堅開心呀 ~ yeah!!!!!
今日朝早都係要返那個什麼什麼中一新生訓練日~
同佢地玩樓層定向呀~.....幾好玩啦 ^^
響學校痴埋個餐就撘車返中心喇~
返到去無耐就同佢地去左太古買野~(我買左件杉響聚餐著唷^^)
咁就返中心點齊d野........成班人出發殺去酒樓喇~
去到酒樓我地兩組人都要rehearse我地個話劇presentation呀 ~
唉!!
見嘉俊果組rehearse咁得~ 我地果組又成日背錯對白~
都米話唔緊張呀~
好彩到最後perform俾D區議員睇時都冇點出愧啦 ^^""
(我地仲緊緊贏埋隔離組~ 真係好彩^^)
講返我地中心一年一度個義工聚餐先~
今日真係好好好開心呀~ 見返好多好耐冇見ge人.......
但係如果仲有多d人黎就好喇~
因為阿歡呀~ katie呀~ tracy呀等等都冇黎到..........
如果佢地都黎埋就好喇............不過算啦~ v_v""
臨走時我地勁影相呀~ 真係好開心啦!! \\ q^O^p//
唉~ 唔覺唔覺就到十一點幾喇~ 再唔捨得都要走啦~ >_<"
散左義工聚餐之後我同fion~ elaine~ 嘉俊同汶鍾去左許留山食糖水~
本想我想嗌個紫米撈嫁~ 但係嗌錯左芒果黑糯米~
嗯~~~ 下次我識嗌喇^^
之後我地成班去左珊姐道玩通宵....... 睇左套都幾恐怖電影~
跟住又睇五個撲水的少年喎~......
不過可能我睇過啦~ 我睇睇下就訓左覺喇~...zzzZZZZZ
>>September 3, 2002 at 3:58:49 PM GMT+8
2002 年 8 月 29 日 星期四 【晴】
今日第一那個什麼什麼中一新生訓練日~
要我地返去幫手喎~........
今日返到去就幫手點名~
陸陸續續見到我中一組員喇~
佢地都幾得同幾聽話啦~
同佢地玩都幾好玩ge~ heehee~
不過同佢地玩左成日~ 尋晚又訓得唔好~
搞到我放學己經勁眼訓喇...........
咁香港仔又冇船住喎......
我又帶左MD喎..........
咁就一路聽MD一路撘97去撘中環船.........
點知坐緊時無啦啦電話響........
原來係Elaine叫我返中心開會傾個presentation d野~(我巨到唔記得要返去開會~)
搞到我返到南丫島又要撘返屋出黎.......勁面懵 >_<""
返到中心又要認衰仔...........好彩佢地都冇點咋我形唧 :p
我地又傾又玩咁好開心啦~
係咁「 你有的是~ 你有的是~ 」^^ 好好笑 ^^"
玩到十點.............我地怕俾人浸死~
咁未走囉~ 返到企都訓喇~ 真係好巨呀~ zzzZZZZZZZZ
>>September 3, 2002 at 2:40:44 PM GMT+8
2002 年 8 月 27 日 星期二 【晴】
今日好好好好早就起左身~ 真係辛苦呀~
我地今日一早就出發去左飛場~
撘早機返番港~
我響飛機見到一舊舊雲~ 舊舊都好大舊嫁~
好似高樓大廈咁~......同平時睇好唔同啦~
返到黎我響中心於低行李~
就去左天悅買返個head-phone~ (終於都買到喇~)
同埋買左本漫畫~
之後就上中心等埋佢地......
我地成班就去左neway唱k喇~
唱完就仆返中心開會傾個presentation ge野~
傾完佢地四散啦~ 我就留響中心食埋野先蕃茄~
響車道無啦啦又.......唉~ 都唔知這排做乜~!!
跟住上到船~ 可能係隻眼好巨卦~
咁就訓左覺喇~ 但係都訓唔到一陣又要落船~
抽d行李返屋企~ 勁甘啦~ 堅辛苦呀!!
不過返到屋企見到阿寶就好開心啦~
好多日未見過佢喇~ 真係好卦住佢呀~
返到黎寫左兩篇日記就頂唔順訓左喇~ zzZZZZZZ
>>August 29, 2002 at 8:35:45 AM GMT+8
|
![]()
|
人氣: 107126
Design & Scripting by ShowHappy.Net
|
尋日放學走左去打機......幾開心啦^^
響珊姐道訓醒就俾我地班注米大蟲食晒佢廚房野~