|
2005 年 10 月 11 日 星期二 【晴】
今日係四角賽水運會呢~~
我負責游200米蛙式！哈哈！隔離居然會有個ＢＵ人拍住游！
最尾十五米俾個ＢＵ人過左，可惜，我下次唔會再輸俾你！
決賽游第六，嘩卡卡！！
>>May 23, 2006 at 7:37:17 AM GMT+8
2005 年 10 月 10 日 星期一 【晴】
今日重陽登山拜公公呢~~
因為整個summer划艇，已經好耐無拜公公喇！上山果陣封曬路無車上，婆婆要行成半個鐘先上到去個墳場度。
拜完公公有燒肉食！YEAH！！
不過有乜理由封曬路巴士都唔俾上架，班差佬頭頭食屎架，明知公眾假期有人拜山，一定有老人家架喇，要班老人家熱辣辣行成半個鐘，食屎架！！你班差佬頭頭又會叫人咪係正日上山喇！你都白痴既，你叫你老婆年年生日遲三個禮拜慶祝呀笨！！
>>May 23, 2006 at 7:36:58 AM GMT+8
2005 年 10 月 9 日 星期日 【晴】
媽咪講左一件事我知......
--------------------------------------------------------------------------------
係媽咪廿一歲既時侯，帶住兩歲既我同一歲既細佬去咖啡灣游水 。佢淨係掛住照顧細佬，無點睇住我 ，尤我自己周圍走 。
佢話見到我好搞笑 ，一個人攬住個大水泡，走去個海度，走到好遠好遠，然後任由ｄ浪 沖返我上個沙灘，然後大笑一輪 ，再一個人攬住個大水泡，再走去個海度，再走到好遠好遠，然後再任由ｄ浪沖返我上個沙灘，然再大笑一輪，再一個人攬住個大水泡，再走去個海度，再走到好遠好遠，然後再任由ｄ浪沖返我上個沙灘，然再大笑一輪......
--------------------------------------------------------------------------------
媽咪話諗返起，果陣佢太細個，真係唔識死，無諗過我係會浸死 ......
媽咪仲話，我細個體弱多病，係醫院常客 ，但偏偏又好鬼活潑，一有得玩就唔記得自己有病，笑個不停 ！！
>>May 23, 2006 at 7:35:57 AM GMT+8
2005 年 10 月 8 日 星期六 【晴】
今日第二堂level one呢~~
今日要係隻virus艇度，企係身四秒。有３分加架！！
頭兩次企係身四秒，ｄ人話Alex睇唔到，結果足足我企左３次！！
water joker無定水板，真係好難balance呢！！
>>May 23, 2006 at 7:35:39 AM GMT+8
2005 年 10 月 7 日 星期五 【晴】
今日開始上level one呢~~
阿豪係我同學，哈！！
Repechage=敗者復活賽？！嘩卡卡！！
今日講double，越扒得耐越火滾，一個覺得down bow，另一個覺得down stroke，就會打交！哈哈！
我同彬彬都試過一個覺得down bow，另一個覺得down stroke。後尾彬彬話down bow，就算我覺得down stroke，我都會就返彬彬。一來彬彬扒雙槳比我多，sense多過我。二來，隻艇快就得喇，話之down bow定down stroke呀~~
我又唔似阿楠咁有potential，又無阿光阿琦咁好身型，其實阿豪俾我扒雙槳，同彬彬夾double係一場好大既賭博，令好多人擔心，唔敢對我有期望，連我自己都質疑自己，要直至最後一刻先知無揀錯。當初一隻超級蠻牛，竟然學會冷靜，如今一個老將。
>>May 23, 2006 at 7:34:17 AM GMT+8
2005 年 10 月 5 日 星期三 【晴】
滿腦子還是那一隻馬仔~~
係終點前等埋其他馬，仲好努力咁衝線！！梗係唔知到要連埋個騎師衝線先計喇！！
點解咁想嬴呢？？原來對上一次嬴已經係 21/04/04 既事喇！唔怪得佢咁想嬴喇！！
好想買一大袋探下佢呀，實在太可愛喇！！
雖然我唔識買馬，但以後賽馬日知你比賽，我一定買你廿蚊支持你！！我好明白點解你咁想跑第一，快ｄ跑頭馬喇！！
一隻六歲來自澳洲既四班八號馬仔——騰雲
>>May 23, 2006 at 7:33:34 AM GMT+8
2005 年 10 月 4 日 星期二 【晴】
賽馬日！
夜晚媽打無端端大叫「嘩！隻馬跑得好快呀......不過無騎師！」
我即刻睇電視，就黎到終點喇，八號馬仔突然殺出拎左個第二。嘩！真係無騎師架！睇返重播，騎師個pat俾度閘「卡」住左......嘩哈哈哈哈哈哈哈哈哈 ！！！！
隻馬好叻呀！！
笑死我喇！！
>>May 23, 2006 at 7:33:15 AM GMT+8
2005 年 10 月 3 日 星期一 【晴】
我係咁架咩？！
Ｂ～不知道煩惱為何物的樂天派
你是屬於自來熟那一型的人物，沒事也會找事做，沒話也會找話講，有你在的地方就有笑聲。你的人際關係不錯，大家都滿喜歡和你相處，而你也總是開朗大方，所以朋友很多，常常有參加不完的聚會，讓你疲於奔命。
>>May 23, 2006 at 7:32:37 AM GMT+8
2005 年 10 月 2 日 星期日 【晴】
今日係公公死忌呢......
我只是記起十月三號係一個特別日子，但真係記唔起乜野日子。直至到......
今日返學係MTR上面，見到一個好精靈既細路仔，佢爺爺坐係佢旁邊。佢爺爺拎住ｄ咭仔，教佢識字。"眼！耳！口！鼻！"，好精靈既一個細路仔呢！點解，呢個情景咁熟既？！！
啊！！小時侯，我也是這樣子的！！初出世時侯，由於自己早左成三個半月出世，係一個七星仔，唔死已經好好彩，身體弱小得可憐。父母又要返工，唯有將我交俾公公婆婆照顧。
小時侯，我係公公屋企既時侯，公公都會拎份報紙教我識字，教我寫字。如果我跌倒，公公會鼓勵我，叫我自己爬返起身。如果你覺得現在既阿Matt，做事很有鬥志，很有勇氣，從不認輸，這一切一切，都是公公教予我，賜予我的。
（正在寫日記的我居然流淚流個不停。）
我中七肯重讀，想入大學，是因為我想完成公公對我既期望。我入到科大，是我唯一可以帶俾臥病在床的公公最後既一份禮物。
現在每當我很痛苦，很辛苦，或者遇到挫折，想停下來，只要想起我的公公，就會再有勇氣再站起來再走下去。
"阿鏗！男仔點可以咁易喊，咁易認輸！快ｄ起返身！"
無論前面的路再怎麼辛苦，再怎麼難走，我也不會覺得孤獨。
>>May 23, 2006 at 7:32:57 AM GMT+8
2005 年 10 月 1 日 星期六 【晴】
今日Regatta 4呢~~
我地第一次夾既8+入到Final，已經叫我喜出望外。
入到Final，side住左cityu同bu。我好鐘意有艇side住既感覺。最後得第四呢~~
唔知係咪係swim team度做得多爆炸性既training，久違了兩三年的爆炸力好似又返黎喇！！
好想快ｄ有比賽呀！！
>>May 23, 2006 at 7:31:32 AM GMT+8
|
![]()
|
人氣: 27469
Design & Scripting by ShowHappy.Net
|
今日係四角賽水運會呢~~