|
2002 年 6 月 15 日 星期六 【雨】
正所謂「日行一善」、「路見不平」，今日一定要罵ｄ賤人！！
Amily妳地班人好麻煩呀，妳地累死全世界人呀！！
果陣雪梅叫妳地見工，一早話左妳地可能會捱唔到，妳又話妳會捱到，又話唔用雪梅個阿姨個名，妳地玩還玩，而家係見工，妳地用左雪梅個阿姨個名，跟住人地請左妳，妳就要做喇，做一日就唔做，累到雪梅個阿姨俾人罵，害死雪梅，仲要累到全世界做唔到呢份工，仲要俾人black list埋，永世都做唔到呢份工......妳地自己過慣殿堂級既生活就算喇，妳地自己任性就妳地自己既事，以為全個世界圍住妳地黎轉，好心為下人著想，咪係度害人，妳地係第一次我想爆住粗既打妳地既人......賤人！！賤到無人有！！
今日煩到爆......一陣又雷暴，一陣又鬼咁好天，一陣又開池，開一陣又要閂池......煩死！！個身仲濕晒添呀......凍死呀......但係又好焗呀！！
我要減肥！！
Target：減５公斤
Time：十日內
返工之後去左幫人補習，嘩~~~~~~
>>June 16, 2002 at 4:42:05 PM GMT+8
2002 年 6 月 14 日 星期五 【晴】
嘩！！今日好多人游水呀！！成六百人呀！！
今日端午節，我lunch都有應下節，游左一陣龍舟水，正！！
放工之後就同婆婆公公，舅父舅母食飯做節，好飽呀~~~
今日有一種心情，唔識點講，總之好似等緊ｄ野咁喇~~
好想睇戲呀！！
>>June 15, 2002 at 2:12:45 PM GMT+8
2002 年 6 月 13 日 星期四 【晴】
嘩......今日勁曬呀！！我lunch游左一陣水！！又黑左ｄ喇！！
原來我身邊好多人都有女朋友，知道我點解唔拍拖果ｄ人仲成日潤我低Ｂ......我夠想拍拖喇，但係有無人可以話俾我知我可以點做呢？我就連自己都唔知可以點做......
>>June 14, 2002 at 2:31:27 PM GMT+8
2002 年 6 月 12 日 星期三 【陰】
Yeah~~
無風無浪又一日喇~~正呀~~~~
我會所有一個女仔叫阿Ken，佢返埋聽日就唔返lu，係因為佢要結婚喇~~~佢雖然唔係鬼火咁靚，但係佢好有內在美，係一個好好既女仔~~
中國雖然又輸波，但我支持妳！！下屆一定會入到十六強！！睇住黎！！
>>June 13, 2002 at 12:54:41 PM GMT+8
2002 年 6 月 11 日 星期二 【雨】
世界波好波！！英格蘭好波！！入到十六強，好波！！
今日又勁爽，成朝都唔駛Do，下晝先要開池！！
我今日終於買左mp3 player喇~~好好玩呀~~~~
我今日去拎驗血報告呀，勁！！血裡面ｄ成份連普通正常人唔應該有既野我都有！！凡事睇開ｄ會開心ｄ！！
仲有，我每分鐘有52下心跳，好氣ｄ人先咁低架咋~~好野~~~
>>June 12, 2002 at 3:16:01 PM GMT+8
2002 年 6 月 10 日 星期一 【晴】
返左工咁多日今日最爽呀！！成日都有雷暴，成日都唔駛開池！！我係男更衣室渡過左成日，朝早不停咁訓，點知居然訓到再訓唔著......跟著唯有聽收音機渡日~~~
嘩！！收音機果然係救生員既恩物！！機在人在！！機亡人亡！！
下晝就慘喇，慘遭白眼......我係會所到見到林詠欣，我仲諗住咁難得見到識既人，同佢傾兩句o者，點知被佢叫：「返上去做你既野喇！！」
唉......raymand果然好有吸引力，得raymand先可以同人傾咁耐......睇怕我係呢個池既日子都會......唉唉......為免再遭白眼，以後有雷暴都唔會咁輕易落會所......
都係收音機對我最好！！
>>June 11, 2002 at 2:09:53 PM GMT+8
2002 年 6 月 9 日 星期日 【雨】
今朝吸池......嘩！！我吸池吸得超朝淨！！
今日又超爽呀~~開池開左兩粒鐘咋！！好soft呀！！
我越黎越覺得我partner厲害，以二十六、七歲之齡吸引好多少女，我同阿峰都叫佢做「溝女王」，今日又有兩個女仔專登黎望佢兩眼......好勁呀~~~
>>June 10, 2002 at 12:29:00 PM GMT+8
2002 年 6 月 8 日 星期六 【雨】
今日......爽呀！！
今朝一開池就見到林詠欣同林厚成兩姊弟黎游水，不過林詠欣淨係同raymand傾，唔理我同阿峰，仲同阿峰講"我唔想識你喎"。估唔到原來......唉......我同阿峰睇黎仲有排要做單身人士喇~~
今朝天氣勁好，仲諗住今日會好多人黎游水，會做死我地~~~
點知到十一點到，勁多黑雲，十二點到仲掛埋個雷暴，一路掛到收工！！成個下晝唔駛做！！好爽呀！！
>>June 9, 2002 at 1:40:35 PM GMT+8
2002 年 6 月 7 日 星期五 【晴】
今日lunch係自己個池到游水~~
正呀，ｄ池水超乾淨！！
果然係我個池！！！
我游左好多呀，條腰即刻瘦左一吋，得番29吋咋~~~
今日ｄ清潔嬸嬸話我地知，
有ｄ泳客同佢地講，話見到我初時黎到返工果陣白雪雪，變到而家咁黑，令佢地好心痛......仲叫我唔好再晒，唔係佢地會好心痛o架喎~~~~呵呵~~~~~~
我平時係break time同埋lunch time都會係個池側邊個地下上面訓覺......ｄ清潔嬸嬸話我知佢地成日聽到ｄ人講我ｄ野......結論係原來係ｄ樓到會有好多人，好準時咁睇住我訓覺......嘩！！
今日當更果陣坐係度訓著左......無錯，係當更果陣訓著左覺。係我訓緊果陣，我會所個經理上黎個池到巡下，仲係我後面經過......突然佢大叫一聲「阿鏗」，我即刻醒左彈起身，諗住會俾佢鬧既時候，佢居然叫我「喂，記住個新更台要放係池邊喎......」原來佢都唔知我訓著左~~~~
呵呵，睇黎我苦練既「當更訓覺唔俾人知之術」己經練成左！！
>>June 8, 2002 at 2:07:29 PM GMT+8
2002 年 6 月 6 日 星期四 【晴】
今日我返工個partner遲到，仲要遲左成粒鐘......
我老闆最唔鐘意人地遲到......呢次大件事喇！！
>>June 7, 2002 at 1:23:54 PM GMT+8
|
![]()
|
人氣: 27469
Design & Scripting by ShowHappy.Net
|
正所謂「日行一善」、「路見不平」，今日一定要罵ｄ賤人！！
嘩！！今日好多人游水呀！！成六百人呀！！
嘩......今日勁曬呀！！我lunch游左一陣水！！又黑左ｄ喇！！
Yeah~~
今日我返工個partner遲到，仲要遲左成粒鐘......