|
2002 年 6 月 25 日 星期二 【晴】
今日返工熱死呀~~
今日放工之後，同郭霆出左去買衫，ｄ衫係用黎聽日堂大哥結婚果陣著o架。
跟住之後就同「特派行動組」ｄ成員去唱Ｋ。無唱Ｋ咁耐，一有得唱就好興奮呀~~
跟住又去左食宵夜，嘩，好好傾呀，可以暢所欲言，呢ｄ先係真正既知己！！
聽日堂大佬結婚，又有得食喇，就係青衣城咋~~~
>>June 26, 2002 at 9:07:39 PM GMT+8
2002 年 6 月 24 日 星期一 【晴】
德國好波！！根據而家國際足協統計，南韓係３２隊裡面至茅果隊！！仲有，我都唔太明南韓入到四強ｄ人做乜鬼咁開心，開心到失去理性，仲要拉到去中國隊果度.......南韓入到四強係人地國家既事，點解有ｄ人可以咁盲目支持南韓o既......雖然佢係亞洲球隊，但世界杯係以國與國o黎做單位，唔係七大洲咁地區性喎......沙地亞拉伯夠係亞洲球隊，有無人去支持佢呢？？若果你係球迷，有場好波睇咪算囉，呢ｄ先至係真係識睇波既球迷呀。不過，南韓真係進步左好多呀~~
今日超「支力」呀~~
今日lunch游左唔係好多，得七百米左右。但係有五百米就係用o黎練衝刺力，每一次衝五十米，大約衝左十次到......已經無晒力喇，跟住就游左二百米蝶式~~
仲有呀，果度ｄ清潔伯伯同嬸嬸話我精力過盛，日又游，夜又游，游極都無時停，又成塊朱古力咁~~
夜晚就同雪梅同阿金游水，我教雪梅踩水，可能我教得唔好，佢踩極都有ｄ問題咁......我要考教練章！！
今日好熱，好晒呀......
唔舒服就要睇醫生，唔好好似我咁要「au」到個病好嚴重就死先捨得睇醫生，咁樣唔好o架，病向淺中醫呀，知唔知呀？
>>June 25, 2002 at 4:08:58 PM GMT+8
2002 年 6 月 23 日 星期日 【晴】
今日係星期一，唔係星期六日，黎游水既多數都係熟客。熟客好相與好多，所以今日好happy呀~~
今日又要吸池，我「彭彭聲」咁做晒所有野，之後有三個鐘淨。頭一個鐘我就係按摩池到訓覺，之後兩個鐘就不停咁游自由式同不停咁練蝶式，我估我游左有二千米到掛~~
我發覺我瘦左ｄ，大隻左ｄ呀~~~
今日返工搭巴士返屋企，架巴士超多人，超迫。架巴士突然停車......我隔離個女仔失去平衡，佢居然......用佢兩隻手「禁」住我膊頭，成個撲左埋黎我懷抱到......嘩！！佢好大膽呀~~~
ｄ頭髮越黎越長，gel起又唔係，分界又唔係......唯有冬菇頭喇......好搞野呀~~~
>>June 24, 2002 at 2:09:15 PM GMT+8
2002 年 6 月 22 日 星期六 【雨】
今日......好慶呀！！
話說我地游池個泳客須知果度寫明「泳客不得穿著外衣下水」。今日下晝出現左一ｄ人著住衫落水，咁我當然走過去話佢地知唔可以著住外衣落水，佢居然罵我：「XX！點解唔X可以呀！你有乜X野權！！」我本來好嬲，但無耐人地係客人，於是我笑住咁解釋係因為衛生問題所以唔可以著住外衣落水，佢居然出言侮辱我......我依然都係笑......但好鬼嬲，想捉住佢黎打......自問做野都好盡責，從來無偷懶......ｄ人居然出言侮辱我......今日仲有好多人因為其他事出言侮辱我，我會好好咁記住！！
ｄ人又周圍拋棄垃圾，有麥當當，有荔枝，有龍眼，有飯盒......
又有ｄ人掟垃圾落泳池，有condom說明書，有鹹碟，有蕉皮，有紙巾......大把「六百蚊」喇......
仲有ｄ情侶會係個池到......嘩......雖然未到主菜，不過有前菜囉......自己估下我講咩喇，太嘔心，唔想講，簡直侮辱緊我對眼同我既思想......
原來我返工果私人屋苑好出名，我都係今日先知，叫做「高尚公屋」，除左有ｄ人會好好人之外，其地人都......我覺得公屋都唔錯，至少我同人講句早晨，ｄ人一定會同我講返句早晨......但係o係返工果屋苑，除左ｄ熟客外，我同其他ｄ泳客講句早晨，得一半人會應我囉......有錢住得高尚ｄ又點呀......有ｄ人自以為有錢住得高尚ｄ就高人一等，但係人格一ｄ都唔高尚......有時叫我做野都無問題，無乜所謂，但係有ｄ人係呼呼喝喝咁叫我開傘，唔該都無聲......好似交左七百幾蚊管理費就大晒咁......我公屋無游池無會所都四百幾喇，七百幾蚊管理費又點呀......唔係你出糧俾我o架，亞哥亞姐，唔該唔好再點我做野......「金玉其外，敗絮其中」就係呢ｄ人喇！！
仲有，天文台掛雷暴警告，我地照法例清池，有ｄ人又賴死唔走，又有ｄ人大罵我地：「X！！你地唔想做咋嘛！！」，又有ｄ人話我地欺騙佢地，欺騙消費者，全部收喇......你地有投訴就同天文台講，一係就同天講喇，見咁大雨仲落黎游水都預左會咁o架喇，係你地有問題，咪同我投訴，你地賴死唔走俾雷砍死我無所謂，唔該唔好連累我......
果度花園有個蜜蜂巢，會所就call左防蟲組ｄ人黎殺晒ｄ蜜蜂......好殘忍......又話蜜蜂係益蟲？？又叫ｄ人要學蜜蜂咁勤力，但係另一邊廂又殺晒ｄ蜜蜂......如果蜜蜂會針人就可怕的話，我覺得「人食人」仲可怕......咁點解要殺晒ｄ蜜蜂？？我覺得好殘忍......
我好唔鐘意住私人樓......我鐘意村屋多ｄ......
>>June 23, 2002 at 2:12:36 PM GMT+8
2002 年 6 月 21 日 星期五 【晴】
尋晚同婷婷傾電話，發覺自己完全唔掂呀......簡直係隻「香港之蛙」......嘩！！無論我今年考成點，以後一定要發奮......唔可以再浪費自己ｄ時間，仲有要周圍去睇多ｄ野！！呢次係繼我婆婆之後，係第二個人令我咁想去讀書！！
有無搞錯呀......咁叫世界杯呀......咁做馬o既......有乜奶由南韓鋪鋪都咁好彩呀......主辦國又點呀，大晒呀，球證就可以偏幫呀......你係亞洲球隊又點呀，一ｄ都唔好波！！
今日lunch我又搏晒老命游左一千米到，嘩！！「支力」死呀。原來我踢水密過其他人好多，仲快過好多人添呀，叫呢招做「猛踢腳」!!ｄ人又叫我做「猛踢腳」!!~~
我返工個partner Raymand一有時間就打電話俾女朋友，我就成日傻下傻下咁唔知做乜好......
做乜成日問我有無女朋友，
唔好成日問我有無女朋友，
三日唔埋兩日問一次，
我都話無女朋友呀~~
有女朋友我一定會公告天下......得未呀？！
>>June 22, 2002 at 4:00:01 PM GMT+8
2002 年 6 月 20 日 星期四 【晴】
今日英格蘭輸左俾巴西，但兩隊都踢左場好波。英格蘭好波，巴西好波~~
我要向所有同我一樣要開工無得睇波既救生員致敬！！無得睇波真係好慘o架。我開工佢地就開波，有波入樓上ｄ人又大喊，我又唔知乜事......我淨係知道有三個入波，因為我聽到三下喊聲......我再次向所有同我一樣要開工無得睇波既救生員致敬！！
我plan緊去邊度旅行好呀，要好玩，要剌激，要多野睇！！有無人有興趣同我一齊去呀？
>>June 21, 2002 at 2:55:16 PM GMT+8
2002 年 6 月 19 日 星期三 【雨】
嘩~~
今朝有雷暴，成朝都唔駛開池，我就係男更衣室訓左成朝。爽呀！！
o拿，我就覺得肥肥地先至可愛，妳唔覺咩？！肥肥地有咩唔好先！！我自己就好鐘意人地肥肥地喇，可愛死呀~~
成日好近咁望住一棵樹，
就會覺得呢個森林呢棵樹最大棵係呢棵樹，
但我一退後兩步，
就會見到幾棵樹，
越退越後就會越睇越多，
其實原來森林有好多樹o架~~
今日聽到一個笑話：
話說，
公仔面同通心粉係世仇，
公仔面好憎見到通心粉，
通心粉又好憎見到公仔面。
通心粉更加揚言，
只要係條街度撞到公仔面，就「見一鑊打一鑊」。
有一日，通心粉同字母粉、螺絲粉去街，佢地係條街度撞
到意大利粉，就粒聲唔出衝左上去打意大利粉一身。
意大利粉都仲未知乜事就被打左一身，就問：「我係意大利粉，做乜打我......你憎公仔面o者，做乜打我！」
通心粉就話：「仲扮野！！咪以為做左負離子我就唔認得你呀！！公仔面！！」
哈哈~~
>>June 20, 2002 at 3:33:28 PM GMT+8
2002 年 6 月 18 日 星期二 【晴】
今日都唔知好嬲定好笑......好鬼應景~~~~
今朝有個泳客同我傾計......
泳客：師父，有ｄ野想請教你~~
我：哦，你問喇~~
泳客：你娶左老婆未？
我：下？！我連女朋友都未有一個喎......
泳客：哦，我個仔唔夠十八歲就結左婚喇，所以以為你都可能係。咁你有心上人未？
我：哈哈......有都無用喇......有鬼人鐘意我咩~~
哈哈......我夠想有個女朋友喇......有人照顧下自己不知幾好......唉~~~
於是lunch果陣，為左麻痺自己，不停咁撲蝶式，撲左大約七百米到......上水果陣無晒力，不知幾爽，但係點知過左一陣之後，條腰好痛......原來撲蝶式又觸傷舊患，又撲傷左條腰......唉~~
放工果陣有雷暴，所以早左放工，但又唔想好似之前咁一放工就返屋企。跟住一條友走左去睇「慳錢家族
」，但係......開左場唔夠十分鐘就訓著左......直至完場......唉~~
睇唔到戲都唔緊要，跟住去左Causeway Bay逛下，順便搵一個音樂盒，我送音樂盒有一個原則，我只會送俾一種人，呵呵......可惜我行到隻腳生左水泡，又想抽根都搵唔到個音樂盒......唉~~
當自己諗清楚之後，往往機會已經溜走左......呢次已經係第三次......唉~~
當聽到「芝see姑bi」果首「孤兒仔」o既時侯，首先係諗返起我細個o個陣，好似一個世界波咁......被人踢黎踢去，令自己o既個人保護意識好強......搞到ｄ機會又走左喇......唉~~
聽日更加要麻痺自己，要撲一千米！！
不過，至少今日lunch婷停打過黎關心下我......嘩！！開心死呀！！
>>June 19, 2002 at 3:45:32 PM GMT+8
2002 年 6 月 17 日 星期一 【晴】
今日好唔掂......lunch果陣係個泳池到暈低左......原來我真係好高燒......
我好煩呀！！
>>June 18, 2002 at 1:45:13 PM GMT+8
2002 年 6 月 16 日 星期日 【雨】
唔好意思，要更正~~
尋日太激，一時火遮眼，對唔住......唔係想話你地賤，只不過......唉......真係實在太過份......仲有，我罵既唔止係Amily，係你地有份返工果班人......
今日吸池，所以就算落雨都走唔到去避雨，但一時又好晒，不停咁淋濕，又晒乾，又淋濕，又晒乾，又淋濕，又晒乾，又淋濕，又晒乾，又淋濕，又晒乾，如事者十幾次之後就......發高燒......比之前更加唔舒服......更加辛苦......
個個人都話呢個池非常難做......有九個「難」呀......
今日返工之後又去左幫人補習......好眼訓呀......
>>June 17, 2002 at 4:46:46 PM GMT+8
|
![]()
|
人氣: 27464
Design & Scripting by ShowHappy.Net
|
今日返工熱死呀~~
德國好波！！根據而家國際足協統計，南韓係３２隊裡面至茅果隊！！仲有，我都唔太明南韓入到四強ｄ人做乜鬼咁開心，開心到失去理性，仲要拉到去中國隊果度.......南韓入到四強係人地國家既事，點解有ｄ人可以咁盲目支持南韓o既......雖然佢係亞洲球隊，但世界杯係以國與國o黎做單位，唔係七大洲咁地區性喎......沙地亞拉伯夠係亞洲球隊，有無人去支持佢呢？？若果你係球迷，有場好波睇咪算囉，呢ｄ先至係真係識睇波既球迷呀。不過，南韓真係進步左好多呀~~
今日......好慶呀！！
尋晚同婷婷傾電話，發覺自己完全唔掂呀......簡直係隻「香港之蛙」......嘩！！無論我今年考成點，以後一定要發奮......唔可以再浪費自己ｄ時間，仲有要周圍去睇多ｄ野！！呢次係繼我婆婆之後，係第二個人令我咁想去讀書！！
今日好唔掂......lunch果陣係個泳池到暈低左......原來我真係好高燒......