2002 年 10 月 18 日 星期五 【晴】

今日冇落雨～心情好好，今日１２點幾先起身，但係都係好似唔係咁夠訓咁．．．
今日好無聊，冇野好做，自己同自己打左場『ａｏｃ』，就已經悶到抽根，ｉｃｑ又冇乜人ｏｎｌｉｎｅ．．．真係悶到發臭．．．好彩，見到亞ｂｅｎ　ｏｎｌｉｎｅ，就即刻搵佢黎消磨時間，（如來佢都係搵我黎消磨時間＝ˍ＝|||）傾下傾下，發覺佢原來又想出旺角買野，又發覺佢原來又係想買袋～簡直就係～『掂』呀～！！！跟住沖個涼，就同佢出左去，同佢拎左隻ｗａｒｃａｆｔ３，去到旺角，即刻搵到鋪頭買袋，終於都買左袋啦～好開心～又唔係貴，１９９元，仲有一年保養，有『保養』呀～～～今次唔使驚條鏈爆啦，就算爆～今次都有保養～！！！ｙａ～好開心～ｙａ～ｈｏ～～～買完袋，就諗住去睇下ｄ老翻咁啦，點知乜都冇晒，４仔就大把．．．真係冇野好講．．．咁就就周圍行，行黎行去，呢度睇下果度睇下，最後就肚餓，就出返九龍灣食野，本來諗住又去食ｐｉｚｚａ，點知今日冇任食，當場ｄｏｗｎ晒．．．／ˍ＼最後就去左日本鋪食ｄｉｎｎｅｒ，食完就去左機鋪打機，打左幾鋪就返屋企．．．
返到屋企，就即刻拎隻ｗａｒｃａｆｔ３玩，ｉｎｓｔａｌｌ完，就上網ｄ／ｌ個中文化程式落黎，準備玩下呢個中文化ｗａｒｃａｆｔ３，點知．．．都係英文版．．．試左好多次．．．好多方法．．．最後攪到連隻ｇａｍｅ都入唔到．．．即刻成個人冇ｑ晒心情．．．＞＠＜|||我真係好想玩呀．．．唔通真係要等年底先玩到．．．最後．．．就同呀『朋友』傾電話．．．咁．．．就一晚．．．
ｐ．ｓ　希望身邊既朋友都可以開開心心，快快樂樂啦～亦都唔好玩自閉啦～！！！係呀係呀～講緊你同妳呀～～！！！

>>October 19, 2002 at 5:05:42 PM GMT+8

2002 年 10 月 17 日 星期四 【雨】

今日落雨呀～落雨呀～．．．今日返學同平時有ｄ唔同，因為今日係訓下訓下咁過左返學既時間．．．
放學返到屋企，玩左陣ｉｃｑ就上床訓覺，因為真係好眼訓，而且都想為晚上既活動而好好休息一下．．．２點幾訓到５點半，成個人都精神晒～跟住就走去沖個涼，都唔知發乜神經，沖沖下涼都會整親，今次係拉親條頸，條根勁鬼痛～＞＠＜之後換件衫就出門口，首先去左ｕ２買衫，識人真係好，買件衫都平好多～ＡˍＡ買完就去左觀地恆，等齊人之後就去食飯，今晚食大家樂，ｄ野都唔係咁好食．．．跟住就開始今晚既活動～『打機』我地幾條友又去左網吧，玩我地既最愛～『ａｏｃ』今次玩左好鬼耐呀，戰況激烈，死傷冇數，最後，我果ｔｅａｍ都贏左，贏得都好辛苦下．．．（大笨象萬歲～！！！）玩呀玩，玩呀玩，玩到１２點幾就返屋企，今日真係好過癮～不過我相信．．．成班一齊出黎玩既機會．．．會變得好少．．．好少．．．
我今日乜都冇同『佢』講呀，因為覺得冇呢個必要，反正，都冇乜心機講．．．忽然冇左呢個ｆｅｅｌ．．．我諗，唔講仲好過講，起碼第日見到面仲有幾句傾下．．．＝ˍ＝|||
ｐ．ｓ　真係好希望將來既日子，仲有我地『成班』歡聚既時光．．．

>>October 18, 2002 at 5:28:18 PM GMT+8

2002 年 10 月 16 日 星期三 【晴】

都係果句，今日都係笑下玩下又一日。
今日終於都拎返ｏ　ｃａｍｐ　ｄ錢，好開心，又多返３百幾蚊用，放左學，超勁咁肚餓，餓到爆燈果隻，咁我就約痴線佬同肥仔一齊去食個ｔｅａ。出到黎，見到面，佢地同我講話要返屋企，真係比佢地吹到漲晒，當場乜心情都冇晒，唯有一個人去食啦，但係一個人又唔想食喎．．．所以最後都係冇食ｔｅａ，餓住個肚返屋企．．．
今日撞到屎榮，同佢真係勁耐冇見，同佢傾左一陣，佢就要去同佢ｄ　ｆｄ去書局，臨走就話搵日得閒約時間出黎打波．．．嗯．．．電聯．．．呢幾說話我聽左好多次～＠＠講真呀．．．我真係好唔鐘意『電聯』呢２個字．．．好唔實在．．．不過無奈，好多人都好鐘意講呢２個字～ˍ～|||
返到屋企，又冇飯食，就食左呢個牛肚河同魚皮餃河，好飽飽～！！！跟住就開始左我無聊既一個夜晚．．．不過～好彩今晚有電話傾，同一個好熟又好耐冇傾電話既『朋友』傾電話，傾左都好耐下呀其實．．．我都有ｄ唔好意思，因為有ｄ阻住佢既感覺．．．－．－　ａｎｙｗａｙ，真係好開心可以同呢位『朋友』傾左咁耐電話同傾返電話．．．真係好．開．心ＡˍＡ
今日．．．我諗通左．．．有ｄ野，真係唔屬於自己，就算比我得到左，我都唔會覺得自己擁有．．．可能有ｄ人會話呢個係我既藉口，係我比自己一個『淆底』既藉口，係一個比自己唔肯嘗試既藉口．．．不過．．．我發覺．．．『佢』同我真係２個世界既人．．．
ｐ．ｓ　近排發覺自己『隨性』左好多，『喪』左好多～！！呀『朋友』同我講話，應該放開眼光，嘗試一下外界既一切，我大致上認同，不過，我會諗，自己熟悉既，豈不會更好嗎？！－ｖ－

>>October 17, 2002 at 5:07:03 PM GMT+8

2002 年 10 月 15 日 星期二 【晴】

今日同平時一樣，返學既情況都係笑下玩下咁又一日。
今日放左學，發覺自己銀包得返４０蚊，８達通又負鬼左，就係度諗點算好，最後就決定左去拎錢。去到德福，我首先去左淘大，睇我既漫畫，然後去左萬寧同屈臣史睇野，因為ｄ髮蠟用鬼晒，所以要入貨，最後就決定左試新野，買左呢個『水溶髮泥』，希望好用啦，唔係就死啦～ˍ～|||然後我就行德福睇下衫啦，點知經過ｕ２，我就諗起尋日同友人強既打賭，我心諗『冇咁邪既，點會見到先得架～』，我就抱住呢個諗法咁行啦，一望入去，真係『操你媽的』（普通話版）～～～佢係度呀～呀呀呀＞＠＜跟住我猶豫左一陣，就硬著頭皮咁入去啦，一開波我係扮見唔到佢咁走入去，佢同我ｈｉ左我先同佢ｈｉ，跟住就開始左我同佢既閒談．．．佢問我星期日做乜唔同佢ｓａｙ　ｈｉ，我就好直接咁話佢隔離有條仔，我超妒忌所以冇同佢ｓａｙ　ｈｉ，佢就係度笑，話佢隔離果個係女黎．．．我即刻呆左．．．原來係我自己擺左個『胡龍』，我即刻暗爽，如來果個唔係佢條仔～ＡˍＡ然後就係度傾，本來諗住約佢一齊食飯，點知佢話約左人，真係激氣～！！＞＠＜聽日我要打電話去比佢約星期五既時間嚕～約左佢星期五去ｕ２換衫，我就打算順手約佢食飯啦～ｃｃｃ順手講埋我要講既野．．．嗯．．．好緊張下呀我都．．．
依家我心情好忐忑不安，唔知講好定唔講好．．．唉．．．真係唔知點算好．．．最後我就打左比亞蓮同思強問下佢地意見，一個就話直接講，一個就話放長線釣大魚．．．我真係好迷茫．．．不過我係知道架．．．如果講，失敗既機會係高達９９．９％．．．如果唔講，用放長線既方法，我又冇信心可以ｋｅｅｐ住咁做朋友．．．我真係好ｄｏｗｎ．．．唔知點算好．．．好希望可以快ｄ搵出指引．．．依家個心好亂．．．－．－
ｐ．ｓ　本來努力唯忘的事，已經過去，可是，如今『它』卻再度纏繞著我的心靈．．．我可以怎樣～！！！『佢』真係好．．．．．．．．．．．．．．．．靚。

>>October 16, 2002 at 3:15:41 PM GMT+8

2002 年 10 月 14 日 星期一 【晴】

今日我終於走左我返ｉｖｅ咁耐既第一堂．．．就係為左早ｄ返屋企沖涼同食野．．．然後去考試。
今日係我醫療輔助隊既考試！我今日成日都係度溫書，冇計啦，睇都未睇過，唯有臨急抱佛腳啦～！！時間過得好快，話咁快又到左７點鐘，終於都開波，一開始考ｃｐｒ先，成個流程都好順，冇乜大問題，跟住到左我最緊張既時刻啦，就係要係６條試題中抽一條黎考．．．幸運地，我抽左一條『自以為』最有信心既試題黎考。考既時候都覺得自己唔多掂，不過都知道唔係大問題，原以為會順利過關，點鬼知．．．量血壓既時候．．．我泵極個血壓計都唔郁，係咁泵係咁泵，泵左勁ｑ耐都冇反應，我個心即刻涼左一半～ˍ～|||我原以為係個血壓計壞ｑ左，就問個考官啦，條友又話冇問題，岩岩先有人用完，我唯有繼續試啦，係咁泵就係咁試，最後都係冇反應．．．跟住，時間到，冇得再做，我只可以好無奈咁走返出去．．．（希望唔使補考啦）．ˍ．跟住考最尾一ｐａｒｔ筆試，真係易到乜咁，話咁快就做完等收工。收工時就同個ｆｄ去左食ｍ記，ｍ記果度果個女伙計，傻架．．．我同個ｆｄ一行埋去就成杯可樂倒瀉左，好彩我同我個ｆｄ反應夠快，唔係就成身濕晒嚕～之後個ｍ記又比我玩到反轉咁滯～ｃｃｃ　ｄ士多啤莉新地好酸呀～＞＠＜
返到屋企，見冇野好做就打左個電話去比友人強，睇下佢近況如何，傾左好耐下呀都，仲傾左好多野，不過好多都係廢話，出現得最多既字我諗係個『女』字．．．發覺自己真係有左呢個『嗜女候群症』，發晒癲咁勁想要個伴．．．唉．．．點解會咁霉，到依家都未有個伴．．．真係好灰～ˍ～|||
ｐ．ｓ　今日同友人強打睹，７日內唔會再見到『佢』，如果見到佢我即刻乜乜乜乜～！！！

>>October 15, 2002 at 5:03:20 PM GMT+8

2002 年 10 月 13 日 星期日 【晴】

今日．．．冇乜野好講．．．因為今日成日都係屋企發呆．．．今日真係悶到爆．．．
聽日係星期二．．．今次大獲啦，聽日ａ．ｍ．ｓ．要考試．．．溫都未溫過．．．肥硬都似＝ˍ＝希望可以順利過關啦～！
今日真係．．．．．．好．悶．呀．呀呀呀呀呀呀呀～～～～～

>>October 14, 2002 at 4:33:05 PM GMT+8

2002 年 10 月 12 日 星期六 【晴】

今日呀，同平時星期日都係一樣啦，陪肥仔返堅樂團契，之後留係堅樂打波，今日我地成隊人都仆晒街，一人一次永不落空－．－今日對於自己既表現好滿意，同以前都係一樣咁『勁』呀～ｙｏ～ｈｏ～～～～～～
打完波就去左食飯啦，今日食我好耐都冇食既ｍ記，今日就試左個１７蚊選３色果個，買完返黎之後覺得自己好鬼勁．．．點解呢？因為．．．我係選左雙層芝士孖堡同芝士漢堡．．．即係今日我食左『３層芝士漢堡再多２塊包皮』．．．真係覺得好鬼勁．．．食完之後我就去左攪上台ｄ野，因為我終於夠秤啦～ＡˍＡ我再忍受唔到儲值卡啦～太小分鐘啦～～！！！所以，我就決定去上台。今日就係度諗究竟上邊個台好，本來想上ｏｎｅ　ｔｗｏ　ｆｒｅｅ架，因為我ｄ　ｆｄ話接收得最好，不過價錢就．．．真係貴左小小～＠＠跟住諗下諗下，終於決定左上ｓｕｎｄａｙ，因為唔使轉號碼～嘻嘻。辦手續時，先發現自己帶去既信件上面既地址唔合乎規準，所以就唯有遲ｄ返屋企拎啦，空左個地址唔填住先。然後我就去左孖女屋企，拎埋ｄ拖左好鬼死耐既補習尾數，點知．．．途中．．．又比我見到『佢』．．．最慘既係．．．我又係果套衫．．．挑那星～點解成日見到佢架～嗄～！？我都懶得同佢打招呼，只係得我個ｆｄ同佢ｓａｙ　ｈｉ，真係好ｄｏｗｎ架．．．又見到佢．．．好灰．．．－ˍ－咁我拎完ｄ尾數就返屋企啦．我收到痴線佬個電話喎，佢約我出去打機喎，我就即場答應左佢啦，咁我返到屋企沖左個涼換過件衫，就打算搵銀行封信交返去ｓｕｎｄａｙ啦，點那知搵極都搵唔到．．．成間屋反轉．．．都搵唔到．．．最後先記得．．．自己好似扔ｑ左．．．咁我就即刻打去ｓｕｎｄａｙ問點算啦～佢話可以比５５０按金直至有地址證明為止，咁都好ｄ，有辦法解決，果然錢解決到既就唔係問題！！我真係覺得人黑仔係上黎乜都會發生架喎．．．邊個會諗到．．．係自己屋企個廁所都會仆街先得架．．．仲要仆到２個膝頭瘀鬼左．．．我即刻痛到狂笑～ＡˍＡ我阿爸仲以為我傻ｑ左．．．之後就出左去ｓｕｎｄａｙ交按金同打機，打完機之後就返屋企啦．．．呢度就精彩啦．．．我為左張８達通夠１０次．．．就特登搭左去彩虹（當時我身在九龍灣），再搭返去牛頭角，咁就夠１０次啦～跟住就好開心咁去左換車票～ＡˍＡ今日真係好充實呀～呵呵！
ｐ．ｓ　今日好開心，因為阿怡當我係知己，而且我個好兄弟『友人強』黎左留言～真係超勁開心～！



>>October 13, 2002 at 6:09:08 PM GMT+8

2002 年 10 月 11 日 星期五 【晴】

今日，我終於都見到阿怡嚕～佢真係．．．嘿嘿嘿（好正呀）。之後就去左彩雲當更，呢個甚麼彩牛區（咩黎架，聽都未聽過～？！＠＠）嘉年華。今日我好冇精神呀，可能係因為呢幾日玩得太多太癲太放又冇乜點休息啦．．．成個腦都好實好想訓．．．好彩今日當更既時候冇ｄ乜野大野做姐，唔係既話，實死－．－|||今日呀～我代表醫療輔助隊去拎錦旗呀～好威呀～真係好有一種『阿媽我得左既感覺』～！！！以為今日都係無風無浪咁過啦，點知有個叉仔扭親隻腳喎～我地諗住扶佢坐低幫佢包紮啦～點那知條友話要玩完遊戲換左獎品先．．．即刻比佢吹漲晒～－．－我同我個ｆｄ即刻夾佢過去坐，即刻除ｑ左佢對鞋幫佢包紮，條友仲勁多野講，有個師姐即刻凶ｑ條友，話要ｃａｌｌ車黎，條友先肯乖乖地唔出聲，包完之後叫佢快ｄ返屋企休息下，點ｑ知條粉蛋話仲要去玩，換禮物，真係比佢吹到漲晒，我地都冇晒辦法，唯有比佢去玩．．．以為之後會冇野做，坐下發下呆咁等收工啦，點ｑ知個叉仔又返黎．．．我就問佢有咩事啦，佢話今次隻手整親，我就問佢邊度啦，佢就比我睇．．．唔睇都冇事架，我一睇即刻扯晒火～！！！佢個傷口細到差ｄ睇唔到．．．仲要個傷口好似結晒焦咁，一睇就知唔係岩岩整親．．．真係想當場『鐘』爆佢～！！最後我個ｆｄ就幫佢貼左張膠布就打發左佢。佢走遲半步我真係驚自己爆粗鬧ｑ佢，我真係未見過ｄ咁煩既人．ˍ．只後，佢都冇再黎．．．跟住個嘉年華就黎完既時候，有一班姐姐係台上面跳舞呀～ＡˍＡ好正呀班姐姐～個個都有呢個高挑既身材、呢個小蠻腰～真係睇到我同個ｆｄ流晒口水～之後時間到就收工，返屋企．．．今晚真係好無聊，都冇乜野好做．．．真係好悶呀．．．
ｐ．ｓ　到左最後，我仲係諗唔明環保同廉處有乜關係？ˍ？真係諗到頭都大埋．．．

>>October 12, 2002 at 2:55:43 PM GMT+8

2002 年 10 月 10 日 星期四 【晴】

今日同平時一樣，都係笑下笑下咁過左返學既時間。
今日係好日子，因為班兄弟約左我出去玩～！！今日一開波同亞ｂｅｎ出左去打機先，點知唔係狀態，玩乜都早泄．．．真係．．．冇野好講。今日行過德福間ｕ２，頂～又見到佢～點解～～～點解見親佢我都係著同一套衫．．．好驚比佢以為我冇衫換＝ˍ＝跟住行下行下，見時間都差唔多到，就去觀地恆啦，一去到，同我地既諗法完全一樣，係一個人都未到．．．等等等．．．過左勁勁勁耐，終於都等齊人，跟住就去左食ｄｉｎｎｅｒ，ｏｈ～ｙａ～今晚食ｐｉｚｚａ呀～！開頭以為食ｐｉｚｚａ又要使好多錢啦，點知又唔係喎～好平咋喎～＠＠４９蚊任食ｐｉｚｚａ～有湯有野飲有意粉～簡直就係『讚』！食完之後，就決定去向啦，本來諗住唱ｋ既，不過因為有人唔想唱，又有人喉嚨痛，最後都係冇去唱ｋ，不過就去左網吧打機。好正呀，我地６個人，岩岩好一間房，自成一角，正到爆。我地玩左ａｏｃ，又玩左反攻諾曼第，好鬼正呀個ｆｅｅｌ，勁有一ｔｅａｍ人既ｆｅｅｌ，勁鐘意～！！今日玩得好盡興～今日唯一既缺憾就係ｓｔａｒｃｈａｎ唔得閒，雖然佢只係出現過一段好好好小既時間，不過我都好高興佢百忙之中抽空出黎見一見面～！真係好希望我地幾個第時都可以好似今日咁玩得咁開心．．．今日真係好開心心心心心心心～～～！！！
ｐ．ｓ　『佢』真係好靚靚靚靚靚靚靚靚靚靚靚靚呀～～～～～＞＠＜！！

>>October 11, 2002 at 5:31:39 PM GMT+8

2002 年 10 月 9 日 星期三 【晴】

今日呀，都係咁啦，同平時返學既日子都冇乜分別，玩下笑下，又一日。
今日返到屋企，發覺有一封比我既信，係一張生日卡，原來係啟純寄比我．．．我當時對自己笑左一笑，再慢慢打開黎睇，睇下寫左ｄ乜。睇完之後，我又對住自己笑左一笑，收返埋佢．．．當然我都好開心佢記得我生日，仲咁有心特登寄比我，我都好多謝佢！但係唔知點解，睇完之後我有一種怪怪地既感覺，我發覺，我希望佢唔記得我生日！好怪．．．我真係希望寧願佢唔記得有我呢個人既存在．．．我知道，自己已經心死，不再留戀。但係，就係唔想比佢記得有我呢個人既存在．．．嗯．．．我都唔知點講好．．．可能佢唔再記得我既時候，我地之間就唔會有咁多唔開心既回憶．．．
嗯．．．講返ｄ開心野先～
今日ｃｈｅｒｒｙ姐話同我補祝生日，雖然我同佢未見過面，只係ｉｃｑ成日吹水同傾過幾次電話，但係佢都咁有我心，我真係好感動，真係超勁咁開心～！！！
嗯．．．越來越發覺．．．自己有一種孤寂既感覺．．．就算一大班人係埋一齊笑哈哈既時候．．．都會有呢一種感覺．．．好怪．．．
得到了，再失去，失去了，再得到，可是，再失去．．．
反反覆覆咁．．．試過好多次．．．可能因為咁，我先會更加明白，有人關心自己同有人比我去關心既感覺，係一種好『正』既感覺．．．真係好『正』架～！（笑）真係好多謝果ｄ關心過我既人～係你啦係你啦～唔使諗啦～嘻－ｖ－

>>October 10, 2002 at 4:06:11 PM GMT+8