2002 年 10 月 28 日 星期一 【雨】

今日，我起身之後，見個肚有ｄ唔舒服，痾左幾次，就唔返學啦～決定係屋企好好休息一下。
今日真係好悶，因為冇野好做，機又唔想打，ｉｃｑ又冇上，電話又冇得傾．．．．．．
到左夜晚，我就去左搵細蚊，跟住又出左去尖咀～冇錯～又係尖咀～！！！因為我想望下個海同吹下海風～同細蚊吹左好耐水下呀都，跟住佢要返屋企，我就送左佢返去，然後再一個人返屋企．．．點知．．．出事啦～！！！可能係太累又或者太悶啦．．．我．．．我訓著左．．．好彩細蚊打電話黎咋，如果唔係～嘿嘿～雖然．．．都已經出左事．．．因為我一張開眼．．．已經身在油塘．．．我即刻出車，想搭返對頭車返去啦，點知．．．聽到『地鐵廣播』，前往油麻地既最後班次，已經開出，依家開既，係入廠既列車．．．．．．．．．．．．．我即刻比佢吹到漲漲漲漲～～～晒＞＠＜|||我唯有搭的士返屋企．．．咁就用多３０幾蚊．．．好灰呀～ˍ～
返到屋企，見肚餓，就整左包叮叮野食，就係呢個既『白酒汁蜆肉意粉』，個名超ｈｉｇｈ，食落都ｏｋ啦，不過如果仲有下次，我會選擇食呢個肉醬意粉．．．跟住同細蚊玩下ｉｃｑ同傾下電話，佢訓，我就訓啦．．．
ｐ．ｓ　超勁咁好鬼極之憎舊金呀～～～口子乚～～～！！！唔鐘意比人分享呢ｄ野～～～吼～～～～～！！！呀．．．今日我．好．開．心～嘻

>>October 30, 2002 at 12:24:35 PM GMT+8

2002 年 10 月 27 日 星期日 【晴】

今日１１點起身，奇怪地，我一ｄ都唔覺得眼訓～好精神～！返到ｉｖｅ，今日跳跳虎帶左ｈｕｎｔｅｒ呀～ｙａ～ｈｏ～～～今日成日就係度睇ｈｕｎｔｅｒ～嘻！今日我地正常既去左搵ｍａｎ　ｓｉｒ，先發覺自己ｄ英文．．．真係唔係好掂．．．睇黎真係要攪一攪佢先得～＠＠今日～我終於～都～食左～蝦．米．腸～！！！同飲左～鴛．鴦～！！！好開心～終於都實現到我呢個小小既願望～ＡˍＡ
返到屋企，沖個涼，唔知點解今日冇乜胃口食飯，食左小小，就食唔落．．．今晚就如常咁玩ｉｃｑ，傾電話，點知，ｃｈｅｒｒｙ打電話黎喎，仲以為佢係問我數，點知原來係問我打ｄｉａｂｌｏ　ｄ野．．．真係比佢吹漲～ˍ～我見今晚又冇乜野做，就同佢連左一齊玩，玩左一陣就冇玩嚕～
今晚基本上都係冇乜野做，都係ｉｃｑ、傾電話．．．冇乜特別．．．
ｐ．ｓ　過去了～追悔莫及．．．倒不珍惜現今的一切～這還來得要好～！！！

>>October 28, 2002 at 5:00:40 PM GMT+8

2002 年 10 月 26 日 星期六 【晴】

今日９點幾起左身，然後換件衫就返左去堅樂，今日得我同肥仔２個，完左個團契，就去左打波，正當我打波既時候，肥仔話有事要走先，咁我就冇理佢繼續打，打呀打，打呀打，我越打就越辛苦，體力大不如前，可能係因為唔夠訓同冇食早餐呱．．．（希望係咁啦）我就開始擔心１１月３號個體能考試點算．．．一諗到呢度就有ｄ擔心．．．－．－|||打完波，成個人都好『飄』，個頭又見暈，又想嘔，休息左一陣都見仲係咁，我就一個人返屋企休息，沿途都好辛苦下，好驚自己會行下行下暈那左。不過好彩，最後我都安然無恙咁返到屋企．．．一返到屋企，換件衫，就即刻去整野食，因為實在太肚餓啦～食左呢個叮叮牛肉燒賣同呢個叮叮肉醬意粉～好好味～食完之後成個人都精神返晒，就玩ｉｃｑ啦，玩左一陣見無聊就訓覺啦，訓下訓下比個電話嘈醒左，原來係ｐｅｇｇｉｅ，咁就同佢傾左一陣，（其實都好耐下～＠ˍ＠），同一時間，係ｉｃｑ見到細蚊，我話見無聊冇野做，想出尖咀，佢又真係陪我癲，咁，我就收左線，換件衫，就出左去～
出到去，見到細蚊同小妹，就去左呢個海邊吹風同吹水，今日真係超勁咁大風～呼呼呼～～～吹左２粒鐘既水同風，見肚餓，就去左ｍ記食飯，冇錯，今日又係我請．．．食完ｍ記，就搭船過左灣仔，原來細蚊係第一次搭船～呵呵呵到左灣仔，就打算行去地鐵站啦，因為小妹趕住返屋企，點知，行下行下，唔知行左去邊，最後，係行左去上環既．．．跟住就係咁．．．係上環搭地鐵．．．沿途細蚊話見眼訓，我就借左個膊頭比佢訓，佢好鬼好訓，攪到我都唔好意思叫醒佢，我就唯有陪佢去到佢落車既地方先叫醒佢－葵興～！！！落左車之後，我就一個人踏上漫長既回家路程．．．返到屋企，玩下ｉｃｑ，傾下電話，咁．．．就５點幾啦．．．呵．．呵．．．．．．呵．．．．．．．ｚＺｚｚｚＺｚｚＺｚＺｚＺｚ
ｐ．ｓ　好多謝你地既關心，我真係冇事嚕～今日真係好開心，好耐都冇借過膊頭比人嚕，呢種『感覺』（普遍話版）真係好好～嘻～！！！

>>October 28, 2002 at 3:36:31 AM GMT+8

2002 年 10 月 25 日 星期五 【陰】

今日好正呀，因為我一起身就已經係呢個下午既２點正～＠＠今日約左ｃｈｅｒｒｙ要去『講數』，咁我就啦啦臨洗個頭，換件衫就出門口啦～ｌｕｎｃｈ都冇食呀陰公～ˍ～|||去到之後，終於都見到ｃｈｅｒｒｙ真人啦～嘿嘿嘿（奸笑中）今日話就話幫佢地溫ｍａｔｈ，但係唔知點解感覺上好似我溫多過佢地咁．．．ｄ數都係我計既多．．．佢地就係度玩電腦．．．我就係度默默咁計數計數同計數．．．跟住見時間都唔早，就返屋企．．．
本來今日都冇乜野架，成日都好開心架，但係今日一打電話比友人強，就即刻變得好ｄｏｗｎ．．．好ｄｏｗｎ．．．因為我將件心事講左比佢聽．．．而佢．．．係唯一一個我可以講比佢聽既人．．．我真係好無奈．．．好想同好多人講．．．不過都係冇辦法．．．其實我都想坦白架．．．好多野都好想同人講，但係係呢個世界有好多野都唔可以如願以償．．．真架．．．有好多野．．．『友人哦』，其實我都好想將我既心事講比你知架，我唔係因為唔當你係我既好朋友，唔係覺得你唔夠好，而唔同你講，我真係好想同你講架，仲係超勁咁想添，好想將件事一五一十咁講比你知，不過．．．我真係唔可以．．．攪到你咁唔開心．．．我都好過意唔去．．．不過我講左，你會仲唔開心．．．所以．．．係囉．．．希望你會明．．．
希望我可以慢慢習慣一個人承受一切既煩惱．．．希望我可以一個人故作堅強到最後．．．不過．．．最後即係幾時．．．
ｐ．ｓ　今日玩ａｏｃ，我１７：３９就升城啦～好開心～真係好開心～我會繼續努力架啦～！！！希望仲有機會同你見面啦～ｃｈｅｒｒｙ姐～！！！『友人哦』希望你會開心啦．．．我都唔想你唔開心．．．

>>October 26, 2002 at 6:13:20 PM GMT+8

2002 年 10 月 24 日 星期四 【陰】

今日同平時都係一樣，笑下笑下咁就過左返學既時間～
今日早放，１２點半就放，一放就去左拎掛號，開頭我仲係度諗係ｄ乜信，原來係會考張成績單，依家我先知道．．．原來．．．我．．．我．．．有５分唔係４分～！！！－ｖ－超勁咁開心～！！！開心完之後，就出門口，去旺角搵烈烈，跟住就同烈烈去左打機消磨時間．．．打呀打．．．打呀打．．．就咁打到４點幾就去左買漫畫，偵探學園ｑ終於都出啦～等到頸都長埋～ˍ～|||買完就去左搵亞冰，等左好耐下，亞冰終於黎到，見冇野做，就去ｐｉｚｚａ　ｈｕｔ開定位，點知，開左位我先記得問下有冇任食，原來冇呀～～～！！！我地就唯有好無奈咁走返出去．．．真係覺得有點兒那個．．．跟住去左搵埋亞車佢地，就去左大快活食呢個ｄｉｎｎｅｒ，今晚我食左呢個唔知乜鬼野芝士焗饅魚．．．真係好～好～～好～～～好～～～～難食呀～～～！！！不過最後我都食鬼晒，因為冇食ｌｕｎｃｈ既關係，真係好鬼死肚餓～食完就去左網吧打機，打到１１點幾就閃人，驚冇車搭嘛～＠ˍ＠
返到屋企１２點幾，就玩下ｉｃｑ，睇下網頁，咁，就一日～嘻～！！
ｐ．ｓ　今日玩得真係好開心，仲好癲下添～今日玩左呢個『凸凸』電話～嘻～好過癮～！！！個細路個比卡超書包好得意～不過好易抄車．．．小心小心．．．

>>October 25, 2002 at 7:24:48 PM GMT+8

2002 年 10 月 23 日 星期三 【陰】

今日成日都好ｄｏｗｎ，好冇心機．．．我都唔係好知點解．．．總之係ｄｏｗｎ到連人地都睇得出．．．今日成日都係ｄｏｗｎ下ｄｏｗｎ下咁就一日．．．
今日我好多多，比『大眼妹』怒啤～話說我等電梯既時候見到『大眼妹』同佢個ｆｄ講野喎，大眼妹拎住份筆記同個ｆｄ講，『我拎住份筆記入廁所，但係唔好以為我好勤力』跟住我就搭訕，『嘩你好勤力呀～屌』，點知比佢聽到，佢即刻停左係度，望轉頭，怒啤我～哈哈哈～亞ｈｉｍ仲以為『大眼妹』係因為佢細細聲同佢講８８而怒啤佢～呵呵呵～我諗今日最特別既都係呢件事．．．
今日真係好ｄｏｗｎ，所以就走左ｍａｔｈ果堂，打算早ｄ返屋企訓覺啦～點知返到屋企一上ｉｃｑ，亞烈就ｈｉ我，我當然唔會放過呢個機會，即刻叫佢同我玩ａｏｃ～跟住仲搵埋亞ｂｅｎ添～我地玩左３場，第３場我玩到一半斷左線～ˍ～|||
跟住就去左食飯．．．今晚係食飯盒．．．食完之後我本來諗住做功課，做完就打陣ａｏｃ．．．
點知．．．點知．．．可能呢幾晚都太夜訓．．．今日終於都頂唔住．．．我訓著左．．．ｚＺｚｚＺｚＺｚＺｚｚＺｚＺＺｚ．．．
ｐ．ｓ　今日我為我既心情、心意寫左一篇野．．．不過．．．唔知我呢份野幾時先可以比『當時人』睇．．．算啦．．．隨緣啦都係．．．

>>October 24, 2002 at 11:36:06 PM GMT+8

2002 年 10 月 22 日 星期二 【雨】

今日成日都好開心，有好多原因都令到我今日好開心～！！！
一起身，就ｆｅｅｌ到天氣涼左好多，加上微微細雨，呢種『感覺』（普遍話版）簡直就係正～！！！再加上今日係我期待已久既日子，可以同一位好耐冇見既『朋友』出街街，真係超開心，攪到我成日都係呢個亢奮狀態．．．
今日ｌｕｎｃｈ又去左食ｋｆｃ，食完返到屋企先得２點幾，就打算自己練下ａｏｃ咁啦，點知亞ｂｅｎ冇啦啦ｈｉ我，真係好呀～因為即係代表有人同我玩～ＡˍＡ實戰往往係成長既不二法門，所以就去左搵亞ｂｅｎ同我玩啦，首先２打２，好輕鬆咁就贏左，然後打最難，又係好輕鬆咁贏左．．．都唔知今日電腦個ａｉ攪乜．．．依家都好穩定，都係１８分左右升城．．．希望可以一路ｋｅｅｐ住之餘再繼續特破啦～！！！
玩完２場，見時間差唔多就沖個涼換件衫出門口，出到去，早到左１個字，等左一陣，『朋友』就黎左啦，冇見咁耐都仲係咁『正』～呵呵呵～＠＠然後就周圍行下，行下同行下，行到去海邊，『朋友』話見暈～ˍ～真係當場即刻超勁無奈同擔心，不過好彩，後尾都冇事，唔使我『做野』．．．後尾去左食野，吹水，然後就見時間都唔早，就返屋企．．．沿途車程都超勁咁眼訓．．．可能係因為得返一個人啦．．．不過一返到黎屋企開左部電腦唔知點解就變得好精神下～＠ˍ＠
就係咁，我同『朋友』過左一晚開心快樂既一晚．．．（你講呀～！？）
ｐ．ｓ　其實你都唔係好自閉姐，希望他日仲有機會同你出黎玩啦～．．．哦．．．喂喂喂～～～你呀妳呀～～～！！！記住注重自己健康，小心身體．．．天氣轉涼了～小心！小心！哦．．．


>>October 23, 2002 at 4:34:46 PM GMT+8

2002 年 10 月 21 日 星期一 【陰】

今日上電腦堂，成堂２粒鐘係度上網睇ａｏｃ　ｄ野，睇完２粒鐘之後，學左好多野，我諗應該可以實現我既目標～！！！今日上電學笑撚到爆咀～我地偉大既『班長勝』、『２０歲』同『亞ｓｉｒ』合力上演左一幕驚天地既表演～～～『屎眼狂插加３ｐｌａｙ』睇到我地班『正常人』笑撚到乜咁．．．就係咁．．．就一個上學天．．．
返到屋企，乜都唔使講，沖完個靚涼即刻開波，即刻試下今日學識既新玩法黎玩ａｏｃ，果然，效果唔錯，不過都仲係有ｄ美中不足，經過我既修改之後，我終於得左啦～！！！今次我最快１８：０４就『升』城，２分鐘多ｄ過後就『生』城，但係個玩法都仲係有ｄ問題，不過～我已經諗到解決辦法～ＡˍＡ務求１８分前『升』城，１９～２０分『生』城，２２～２５出一堆垃圾兵，呢個係我今次既新目標～！！！
今晚好鬼正，約左馬馬、烈烈佢地星期五出黎玩～約既時候就用電話約啦，一個３線一個，最後就係６個人齊傾電話～～～！！！第一次咋我都係～感覺好正～好熱鬧，不過最大問題就係一齊出聲既時候會乜都聽唔到，只係會聽到好多聲～ˍ～|||
ｐ．ｓ　好希望『目標』快ｄ出現～！！！

>>October 22, 2002 at 4:40:23 PM GMT+8

2002 年 10 月 20 日 星期日 【陰】

今日我好勁呀～因為我今日食左３個下午茶餐，分別係呢個西多士、五香肉丁麵同煙肉蛋漢堡。而每個餐都有一杯野飲，即係我有３杯野飲，但係我只係飲左一杯．．．因為．．．當我食完西多同麵既時候，發覺唔係好夠，就走出去買呢個漢堡（係呢個時候，我果２杯熱咖啡係未飲架），買果陣見又有野飲，就要呢個熱奶茶，打算咖啡溝奶茶，我懷住呢個滿心歡喜同期待既心情返到個位既時候．．．我見到既．．．竟然係．．．檯上面既一切．．．都比人收鬼晒．．．連我果２杯未飲過既咖啡都．．．冇埋．．．嗚呀呀～！！～～！！～！～晴天霹靂呀～仲諗住可以慢慢飲架嘛．．．不過算啦．．．好彩仲有杯熱奶茶～！－ｖ－|||我已經決定左下次要食呢個煎蝦米腸同回窩肉麵麵～因為好似好好食咁～～
今日涼左好多，唔知係唔係真係換季呢？係就好啦，唔好再熱下又涼下啦，好難頂，而且我都鐘意涼涼地既天氣，好舒服～比風吹既感覺真係好舒服，有一種忘我既感覺，而且都好寫意下，總之就係『正』～
今日返到屋企，６點幾啦都，個天已經黑鬼晒，真係有ｄ唔係咁慣．．．返到屋企，沖個涼，食飯前練左一場ａｏｃ，今次好好多，２１分鐘就升城，不過都係升，唔係生城，目標當然係１７～１８分鐘『生』城啦，都係要繼續落下苦功先得～！！！食完飯，就開始我呢個難捱既夜晚．．．誰不知今晚都唔係好悶咋喎～因為成晚我都係度同烈烈吹水，好耐都冇同佢吹咁耐水嚕～自從我離開左萬王次後．．．本來仲打算今晚練下ａｏｃ，不過最尾都係冇練到，因為拎晒ｄ時間同人吹水～不過仲好啦～冇咁悶～ＡˍＡ
ｐ．ｓ　越黎越有一種好孤獨既感覺．．．做乜都一個人．．．所以我先不甘寂寞，成日都要搵人『陪』，有時都幾驚人地覺得我煩架．．．不過．．．算啦．．．冇女，有女就唔使咁啦－ｖ－|||越黎就越想搵返個伴，究竟仲要等幾耐～！！！．ˍ．

>>October 22, 2002 at 2:11:15 PM GMT+8

2002 年 10 月 19 日 星期六 【晴】

今日我晨早就起左身，７點呀～真係好唔想起身，因為前一晚實在太夜先訓．．．不過點都係要起身．．．因為今日要返隊。返到隊，又係咁，冇乜特別事發生．．．去到呢個１１點鐘，我食完個早餐，就早走２粒鐘，一黎要返堅樂，二黎唔想出去操，個太陽勁曬＝ˍ＝攪好手續，就即刻飛的，２個鐘錢加上的士錢，即係今日冇左７６個幾～＄ˍ＄返到去，ｄ人見到我覺得好出奇（因為當時我係著緊制服），今日又好多人話我型呀～ＡˍＡ冇啦啦有條友同我講話：『我一直都以為你係一個頹廢青年，但係今日見到你著住套制服，先知你原來唔係！』我一聽完我就心諗，乜我平時比人既感覺真係咁似頹廢青年咩～？！但係我知道，今日有好多人都會對我改觀，原因係佢地見到我套制服，知道我係『醫療輔助隊』既成員～！！！不過都幾無奈架．．．ｄ人成日都用個樣黎睇人．．．不過都算啦，反正都比人睇慣晒－．－|||今日同左好多人傾計，有好多人係我諗都未諗過會傾到幾句，原因都係因為我著住套制服．．．究竟係因為我著左套制服先同我講野呀？定係對醫療輔助隊有興趣先同我講野？真係好唔明．．．
今日好累，因為今日做左好多運動，打籃球啦、打乒乓波同跳大繩。經過左今日，我發現自己真係好勁～！！！打波真係好鬼勁～！！！仲跳得好鬼高添～！！！ｙａ～ｈｏ～～～～～
今日打完波，跳完繩，就返屋企。返到屋企，就覺得好鬼累，沖完個涼，食左個飯，即刻好想訓好想訓好想訓．．．但係人係犯賤既動物，包括我．．．係度釣緊魚都要ｏｎｌｉｎｅ．．．為既就係唔想咁早訓～ˍ～|||不過．．．今晚真係好悶．．．真係好．．．好．．．好眼．．．．訓．．．．．．．．．．．．．．ｚＺｚＺｚＺＺｚＺｚＺｚＺＺｚＺｚＺＺｚ
ｐ．ｓ　近排真係好想好想電話響．．．好希望有人會搵我．．．會有個人主動咁冇任何利益上既動機咁搵我．．．不過，我發覺原來冇人會搵我－．－|||

>>October 20, 2002 at 5:02:16 PM GMT+8