2002 年 11 月 7 日 星期四 【晴】

今日７點起身，好鬼眼訓．．．成堂２焺鐘既ｅｎｇｇ就比我拎左去訓．．．本來以為ｅｎｇ都會訓，點知～今日既活動好鬼好玩～成堂都好精神～放學之後，就同ｄ　ｆｄ去左食呢個ｍ記，紅豆批幾好味咁喎～～～食完就返屋企，同亞ｂｅｎ打ａｏｃ啦～打左４鋪～之後見時間差唔多，就沖涼換衫出門口啦～
出到去～我又係最遲果個－．－首先～我地去左７仔買野飲，然後上天天，首先，玩呢個我既最愛～ａｏｃ！我同雄雄一ｔｅａｍ，肥仔同亞ｂｅｎ一ｔｅａｍ，打左好耐，先打得入去～不愧係亞ｂｅｎ～嘿嘿嘿～打完ａｏｃ就係度玩ｓｏｆ２同叛國者～玩到咁上下～就去食野啦～我地去左九龍灣食野～見時間尚早～未有宵野食，就去左機鋪打陣機先再去食野～食完野就去左買野飲，再搵地方坐低吹水～吹到咁上下，就各自回家，返到屋企，都係玩下ｉｃｑ傾下電話咁就訓啦．．．
ｐ．ｓ　諗下諗下，都好耐冇同佢地吹水啦～唔得閒既唔得閒～忙既忙～有機會大家聚埋一齊真係有ｄ難道．．．真係好希望可以好似以前咁～大家都拎個『心』出黎～吹水吹水同吹水～可惜既係．．．依家有ｄ人可能再變唔返以前咁．．．不過可能．．．自己都係咁．．．反正呢個世界每日都會變，冇一樣野係永久唔變，只好默默接受．．．不過．．．真係唔係好甘心．．．我寧願將時間停留係以前那一段快樂既時光之中．．．．．．

>>November 9, 2002 at 5:03:27 AM GMT+8

2002 年 11 月 6 日 星期三 【晴】

今日～我好犀利～因為我冇返學～我走晒今日ｄ堂～因為今日細蚊放假～未去陪佢囉～嘻－ｖ－
１０點幾度～我就　去左葵興，等左一陣，就見到細蚊～然後就搭地鐵啦，首先，我地係呢個太子站落左車，係地鐵站行左一陣，發現有ｄ唔妥，好似去錯站～咁就落返去搭地鐵～然後就去左佐敦，問下客務，條友話ｃ２出口出，咁就信佢啦，出左ｃ２行左一陣，發覺出左事呀～都唔知邊度黎既，就決定返落地鐵站睇地圖，一睇．．．先知唔係ｃ２出口出．．．真係冇野好講．．．＝ˍ＝|||然後就朝住呢個正確既方向進發～『女童軍總部』，事源呢～就係細蚊要去拎證書同埋去買章同帶～今日佢買左百幾銀呀～成袋章．．．有ｄ誇既感覺～＠ˍ＠買完，就返葵興，去佢屋企之前，就去左呢個孖剔買野食，一去度，發覺好多野都係＄＄＄１ｘ有２包喎～係咁未買囉～買下買下～最後就買左７０幾蚊野．．．而呢７０幾蚊換黎既．．．就係一大袋既薯片同零食．．．經過ｍ記，又買左呢個９件雞雞～上到去，就開餐啦～食到咁上下，又係度無聊一陣，細蚊就訓覺，我就係度睇書書～差唔多４點幾到，佢個ｆｄ上黎拎章，拎完，細蚊就去左沖涼，然後我就開始幫佢溫ｍａｔｈｓ啦～～～溫完之後，又無聊一下等開飯～～～今晚呢餐有好多菜菜食呀～～～～我食左好多好多呀～～～嘻。今晚．．．我食左魚魚．．．不過都冇所謂啦～反正都幾口味～食完飯，坐左一陣，見時間都唔早，就閃人～～～搭地鐵既時候，一睇個電話，竟然有１３個未接來電～哈～真係超勁咁勁～～！！！返到屋企，個人真係謝晒～冇晒ｅｎｅｒｇｙ～好累．．．．．．沖完涼，飲左湯，就玩下ｉｃｑ傾下電話咁．．．．．．啦．．．．．．．ｚＺｚＺｚＺｚＺｚｚＺｚＺｚＺｚ
ｐ．ｓ　今日好開心～好開心～ＡˍＡ因為我終於都有用啦～可以幫到細蚊啦～呵呵呵～～～而且今日仲．．．嗯．．．嘿嘿嘿．．．今日ｆｅｅｌ　ｓｏ　ｇｏｏｄ～『我地一齊返屋企嚕～』嘻～－ｖ－

>>November 7, 2002 at 5:42:32 PM GMT+8

2002 年 11 月 5 日 星期二 【晴】

今日～我又係玩下玩下、笑下笑下、訓下訓下咁又一個上學日～～～跟住一放學，就即刻返屋企，沖個靚涼，換件衫，就出門口，因為約左細蚊去睇戲。
去到葵芳，佢仲未走得，就去左佢學校等佢．．．佢ｄ　ｆｄ．．．個個都好似睇小丑咁睇我．．．真係有ｄ唔好意思．．．等呀等，等呀等，我又去左哈迪斯等佢．．．坐下坐下，覺得唔係咁好意思咁，齋坐唔食野，就決定去買杯咖啡同著圈食，落左ｏｒｄｅｒ之後，條友同我講，『先生，不如你叫個下午茶餐啦～有熱飲又有薯圈又多隻雞脾』我一睇，仲要平ｄ添～即刻唔使諗，就買左呢個ｔｅａ　ｓｅｔ啦～跟住我就諗返起有一次我同個ｆｄ去食ｍ記，我又唔係咁肚餓，我就想飲杯汽水同食個飽，我個ｆｄ就想食薯條，咁我就去買啦，又係分開買，條友又同我講『先生，點解你唔買餐呢？』我當時呆左望住佢．．．成個傻佬咁．．．食下食下，細蚊就黎左啦，係咁就上佢屋企等佢換衫沖涼洗白白，然後坐左一陣就出門口，點知細蚊搭錯車．．．攪到遲左．．．冇得睇戲．．．不過都算啦～然後就去左行呢個新都會同葵廣，周街買野食，食完就搵左個地方坐低飲野，果杯『夢幻雪香』既味同仙跡岩果ｄ有好大分別，酸勁那多～～～不過都冇乜所謂，因為飲落又別有一番風味～嘻－ｖ－飲完就周圍行周圍行，行下行下，又去左食呢個細蚊話好好味既魚皮餃～一坐落冇耐～比我見到有粉果喎～我當然唔會放過啦～即刻整返２舊黎食～食完覺得ｄ魚皮餃都唔係咁食．．．細蚊先同我講佢又記錯左．．．好食既唔係魚皮餃，係．．．生．菜．魚．肉～～～食完就去左呢個公園坐～坐到咁上下，我就閃嚕～～～
返到屋企，個人真係好累．．．好早就訓左．．．點幾咁啦．．．
ｐ．ｓ　粉果燒賣好好味呀～～～冷麵都好好味～～～好味～～～

>>November 7, 2002 at 5:19:48 PM GMT+8

2002 年 11 月 4 日 星期一 【晴】

今日～我又走堂～冇錯～我又走堂～我今日走左電腦堂，就係咁，我又可以訓多２粒鐘，然後我係屋企食埋ｌｕｎｃｈ先返學，攪到今日ｄ時間勁ｆｒｅｅ咁，返２點半，返到去先知原來跳跳虎都冇返電腦堂。成堂ｗｏｒｋｓｈｏｐ都好無聊，跟住就係度吹水講笑～放學之後，就即刻返屋企，因為今晚要返隊．．．
返到屋企，沖個涼，換件衫，就出門口，我一路同細蚊傾電話一路去，然後就上堂．．．小休既時候就落左去買ｍ記，食呢個９件雞雞～嘿嘿嘿～我有得食雞雞～嘿嘿嘿！
返到屋企，又係玩下ｉｃｑ傾下電話．．．咁就有一日，今日都冇乜特別事發生．．．．．．
ｐ．ｓ　今日諗左好多野～好多好多野．．．好想念妳呀．．．妳知唔知呀．．．真係好想念妳．．．

>>November 5, 2002 at 4:08:05 PM GMT+8

2002 年 11 月 3 日 星期日 【晴】

今日，我好早就起左身，大約７點半啦，之後，換件衫，就去拎身份證，我搵左一陣，就搵到，然後去辦手續．．．等呀，等呀等，越等就越眼訓．．．攪好晒之後，就拎住張『行街紙』走啦。見時間尚早，又唔係好想訓屋企，就一條友去左打機，首先黎左一鋪戰國傳承，２雞～玩到去第４關大佬死ｑ左．．．個劍制有問．．．有時按左會冇反應，攪到我成日都比人打，都唔知係部機既問題定係我按既手法有問題．．．如果唔係既話，我就唔使枉死一隻．．．＝ˍ＝|||之後就去左玩果部乜鬼野『天使擘擘』機，又２雞～玩到去條大龍度瓜左柴．．．最後就以呢個過百萬分既姿態入面．．．嗯．．．又係第一名．．．嘻～－ｖ－（４雞玩成粒鐘有多）之後見時間都差唔多，就走去食ｌｕｎｃｈ，今日食ｍ記，食９件雞，食飽飽．．．就仲想訓．．．沿途搭地鐵既時候．．．同行去ｉｖｅ既時候．．．都係瞌下瞌下咁．．．直頭係合埋隻眼黎行．．．我就決定今日走ｍａｔｈｓ，早ｄ返屋企訓覺覺～點知行到一半．．．電話響．．．係友人強．．．原來佢搵我陪佢行街街，咁我未即刻答應囉～反正冇野做，又咁耐冇見．．．然後就上堂，成堂都係度吹水講笑，咁就一堂。然後就走左堂，去搵友人強，搵到之後就一直不斷咁吹水，周圍行，雖則今日行左好多冤枉路，不過都好過癮，過左冇耐，雄雄都出埋黎，然後就陪雄雄去運動家買野，本來今日好想好想好想買衫同買鞋架～～～～～～～不過可惜．．．缺水．．．唉．．．真係好無奈．．．然後，雄雄就買左一對波鞋，就閃人返屋企，因為佢地見到我個樣勁殘．．．所以叫我返屋企抖下．．．行過ｕ２既時候，友人強話想見下『佢』，我就話冇可能會見到，咁就望左入ｕ２，望黎望去都見唔到『佢』，點知．．．忽然間～我比人推左一下～我成個人向後退左幾步，如果唔係雄雄係我後面，我諗我已經訓左係度．．．－ˍ－跟住我回頭一睇，如來係『佢』．．．然後就吹左幾句～原來今日係佢返ｕ２既最後一日～我諗，從此都冇乜幾可見到佢架啦．．．之後，就返屋企啦～返到屋企真係超勁咁肚餓～跟住一開飯就好開心咁去食～哈哈哈～食完飯．就係度玩下ｉｃｑ，傾下電話咁．．．咁就一晚嚕～
ｐ．ｓ　今日都好開心下，因為可以將ｄ心事講左出黎，之前冇對象比我講真係有點兒那個．．．＠＠雖然佢實際上幫唔到我ｄ乜，不過講左出黎真係舒服晒架成個人～而且佢ｄ意見都幾好用～～～

>>November 4, 2002 at 5:14:26 PM GMT+8

2002 年 11 月 2 日 星期六 【晴】

今日，我７點就起左身，咁早起身，為既就係因為今日要返隊考體能．．．換左套制服，食過早餐就出門口．．．沿途都好鬼眼訓．．．鬼咩～成個星期都冇乜點樣好好訓過．．．檢閱果時我企係度都打瞌睡呀．．．攪左一陣，就到左考體能既時間，我換過套運動衫，就開始跑啦．．．我跑呀跑～跑呀跑～我一路都係諗緊細蚊ｄ野，唔驚唔覺就跑左２０個圈，最後２個圈既時候，我就含住個牌牌～係咁加速～最後，２４００米既路距，係用左１１分鐘完成．．．退步左啦．．．不過唔緊要啦～成績都算唔錯架啦．．．
時間夠啦，就走啦，細蚊打電話黎喎，問我出唔出去（因為今日係阿怡生日）．．．講真果句．．．我真係唔係好想出．．．又累又眼訓．．．不過．．．唉．．．我最尾都係出左．．．費事細蚊唔開心啦．．．返到屋企，換過件衫，沖個靚涼，休息左一陣，就出門口，去葵興啦，去到之後，就係球場呆左一陣，就同細蚊阿怡ｄ　ｆｄ行左去唔知邊鬼度，然後．．．又坐下．．．～ˍ～|||坐完之後，就去左荃灣唱ｋ．．．唱ｋ呀．．．嗯．．．唉．．．今日唱ｋ令我特別多野諗．．．今日唱ｋ係玩得好開心呀，不過，開心既背後，只係一堆既擔憂．．．唱完ｋ，就送細蚊返屋企．．．然後，我就返屋企．．．
返到去，我好似平常咁上下網，開個ｉｃｑ咁。今日上ｇａｍｅｂａｓｅ既時候，睇到一篇超勁咁感人既文章，好ｔｏｕｃｈ，睇完之後我ｄ眼淚收唔到咁係咁流．．．其實我諗，呢一篇文章只係一條導火線罷了．．．．．．
ｐ．ｓ　都係果句，好擔心．．．今日見到你唱ｋ既時候做既野，真係．．．好擔心，可能你會覺得冇乜野，不過，我真係覺得唔知點咁．．．你就怪我思想古老吧．．．不過就係擔心．．．真係唔知點解．．．就係成日有呢個擔心既念頭，我都唔想咁，不過佢係都要咁，真係好希望係我既擔心未對你做成困擾時，能夠搵到辦法解決問題～！不過，我知道，呢件事，係冇乜可能．．．．．．只要你一日係我女朋友，我諗，我既擔心都唔會休止．．．超勁咁擔心呀．．．唉．．．擔心到有時都覺得自己好鬼煩．．．ｓｏｒｒｙ．．．我個腦只係諗到呢一句．．．希望妳唔好介意，我只係一個普通且醜陋既．．．凡人．．．

>>November 4, 2002 at 1:07:41 AM GMT+8

2002 年 11 月 1 日 星期五 【晴】

今日．．．原本諗住可以訓耐ｄ～休息返夠本．．．但係唔知點解，我一有咁既諗法既時候，都往往唔會實現．．．今日．．．９點幾亞馬打黎，嘈醒左我，問我去唔去唱ｋ，佢比我『小』左一輪之後就話唔去唱，然後轉行玩ａｏｃ，搵左亞烈同亞車玩，點知亞馬自己玩唔到～唉～都唔知佢部腦攪乜，換左部新既之後好似問題仲多過以前咁．．．玩完個ａｏｃ，就換件衫，食埋ｌｕｎｃｈ，出街街～今日約左細蚊出去，佢話想行街街喎～所以就出左去旺角啦。
今日都好開心呀～～！！！出到去，今日旺角真係很是多人～多人到爆呀～～～！！！行個旺角中心都行到乜咁，ｄ人多到．．．冇晒興趣行街，然後就去左葵芳，入到葵芳，細蚊就教我去佢學校，去完之後就行左陣葵涌廣場，行呀行，行呀行，就去左買牌牌～我一個，細蚊一個～一人一個～『情相連～心相印』呵呵～然後就去左中環，接細蚊個細佬～搵左一陣佢舅父果度，就搵到～上到去，細蚊就比佢舅父拉左入房照肺．．．我就好無奈咁係度睇細蚊個細佬做練習．．．佢比人訓左幾耐我就真係唔知啦，感覺上又好似好耐咁，訓完之後，佢舅母就出左黎同我講，叫我話督促下細蚊，睇緊ｄ佢既功課，又叫我同佢補下習咁．．．我當然係話．．．冇～問～題～～！！！我絕對樂意同佢補習，如果細蚊有呢個興趣比我同佢補既話．．．然後，細蚊從此每個星期六都要去搵佢舅母補英文．．．呵呵呵。攪掂晒之後，就帶埋佢細佬返去細蚊屋企。沿途都比佢個細佬．．．『虐待』．．．條靚仔都幾重嗄．．．揹左佢一陣，我都已經覺得好鬼累．．．本來諗住送佢地到葵興地鐵站就閃架啦，點知，細蚊叫我上佢屋企食埋飯．．．攪到我勁唔好意思．．．本來都唔想去架．．．不過．．．唉．．．最尾都去左．．．上到去．．．發覺一樣野．．．令我好震驚，就係．．．碗飯好細碗．．．食完碗飯再食埋ｄR，我都覺得唔係好夠飽咁．．．不過算啦，都係唔好咁高要求好ｄ．．．＝ˍ＝之後，就係細蚊度打發時間．．．到左１１點幾，佢亞媽就返左黎，我就閃嚕～細蚊就送我落去．．．之後，就帶住呢個沉重既步伐返屋企．．．好鬼眼訓．．．返到屋企，沖個涼，食ｄ野，就玩下ｉｃｑ同傾下電話咁．．．希望聽日有精神應付體能啦．．．一諗到聽日要跑２４００米．．．真係有ｄ吃不消．．．
ｐ．ｓ　真係好希望你唔好咁樣落去．．．希望我可以盡我既能力黎幫你啦．．．希望你唔會覺得我煩啦．．．嗯．．．希望啦．．．

>>November 2, 2002 at 6:10:31 PM GMT+8

2002 年 10 月 31 日 星期四 【晴】

今日我好眼訓～訓～訓訓訓～～～～～不過２堂我都冇訓過．．．
今日ｌｕｎｃｈ去左食呢個ｋｆｃ，原以為食完就可以返屋企好好咁訓個靚覺，好好咁休息一下，點知．．．點知我收到細蚊既電話，佢話佢胃痛．．．當時佢屋企又冇人，又唔可以早走，咁我就超勁咁擔心佢，就決定去接佢放學～！食完個ｋｆｃ，我就走左鬼左去搭地鐵，今日覺得自己好鬼勁，因為我係港島線既末端去左呢個荃灣線既末端～杏花邨＝＞葵芳。去到之後，就慢慢搵間學校出黎，搵呀搵，搵呀搵，行左小小冤枉路之後，終於比我搵到，見時間有多，就走左去買呢個擦膠同鉛鈊，然後就走鬼左去呢個哈迪斯邊坐邊等．．．等左陣，就見到細蚊同阿怡，跟住就搭小巴去細蚊屋企，去丁細蚊屋企，見佢個胃冇乜事，仲識笑，我先冇咁擔心咋～真係擔心死我＞＠＜係佢屋企玩左一陣，阿怡就上埋黎，我就繼續玩我既『公仔真實遊玩法』，佢地唔知點解成日係度笑，話我玩ｄ野變態．．．我都唔明，咁變態佢地又要睇，睇完又要笑，笑完又要話我．．．都唔知邊個變態ｄ．．．玩下玩下，電話響喎～原來係雄雄，佢話佢約左亞ｂｅｎ去網吧，問我去唔去．．．我梗係當場即刻應承話去啦～點知講下講下，話太小人唔鬼去，去機鋪打機算．．．我都係冇乜所謂咁應承左．．．跟住過左一陣，大約６點半啦．阿怡話走喎，咁我未又走囉，但係時間又未夠．．．約左佢地８點．．．太早出到去又冇野做．．．好彩細蚊就陪我落去行下～咁先冇咁慘咋～嘻！行到咁上下，我就去九龍灣啦～
去到九龍灣，就去ｄｉｎｎｅｒ，今晚食ｍ記，食呢個『新飯』，再加上呢個我自創既『奶奶溝可樂』～好味既『新飯』加上可口既『飲品』，簡直就係～『棒』呀～！！！我今晚將張相比左雄雄同亞ｂｅｎ睇，佢地睇完都只係話．．．『激』．．．～ˍ～|||之後就去左打機，我發覺，自己依家對打機真係冇乜興趣．．．２０蚊先玩得果７蚊．．．已經冇晒癮．．．跟住就返屋企，洗白白，然後玩ｉｃｑ．．．同．．．ｚＺｚＺｚＺｚＺｚｚＺｚ
ｐ．ｓ　好擔心～好擔心～真係超勁咁擔心～妳呀～妳要好好咁注重身體呀～！！！仲有既就係～希望我身邊既人～都～唔好再煲煙啦～對身體真係．好．冇．益．架～！！！今日都唔知應該開心定唔開心好．．．開心當然係可以見到細蚊，唔開心既當然係因為佢胃痛．．．唉．．．好矛盾～ˍ～

>>November 1, 2002 at 4:47:50 PM GMT+8

2002 年 10 月 30 日 星期三 【雨】

今日呀．．．好似冇上過堂咁．．．２粒鐘中文堂，拎晒去漫畫．．．３粒鐘英文堂，都係拎晒去睇漫畫．．．經過我既努力，１４本ｈｕｎｔｅｒ終於都睇晒～！！！呵哈～
放左學，就返屋企沖個涼換件衫，出街街～約左細蚊呀～嘻－ｖ－
出到去旺角，首先去左呢個信和睇漫畫，好開心呀～通靈王出左啦～又有得睇～買完之後去左潮流『凸』區買禮物比阿怡，件禮物好靚架，希望佢會鐘意啦～！咁買完，就見有ｄ肚餓，就打算去食野啦，諗住去ｐｉｚｚａ　ｈｕｔ食呢個任食啦，咁就走鬼左去新世紀啦，點知．．．一去到．．．見到既係．．．間ｐｉｚｚａ　ｈｕｔ出面有好多人係度等緊．．．即刻ｄｏｗｎ晒＝ˍ＝咁就唯有食其他野啦，跟住細蚊話想食麵麵，咁就去左食車仔麵啦，食呀食，食呀食，又幾好食咁喎～＠＠食完，之後就走左去影卡卡～超勁咁正呀影得～超勁咁鐘意～嘻～之後就周圍行下咁，行下行下，行到去銀城，有人係度派傳單，原來係鬼屋，咁未上左去玩囉，唔玩都唔覺架，我覺得自己真係唔適合玩呢個鬼屋．．．我完全投入唔到佢呢個恐怖既氣氛．．．都唔知係佢地失敗定係我失敗．．．可能係我過份冷靜啦，一係呢ｄ咁既環境我就會好自然咁處於呢個高度既警戒狀態中．．．唉～攪到細蚊好似唔係好盡興咁．．．真係有ｄ過意唔去＝ˍ＝玩完果間好似好恐怖其實又好鬼好笑既呃錢鬼屋之後，又周圍行，行行下，細蚊話有ｄ支力，就去鬼左公園坐，坐到咁上下，細蚊阿媽叫佢返屋企，咁我就送佢返去啦，今次我就攪攪新意思，去鬼左搭呢個機場『快』線～我快佢個頭，一ｄ都唔快／ˍ＼送完細蚊返去，我就再次踏上呢個孤獨而又漫長既回家路．．．（好誇呀～＠ˍ＠）返到屋企，食下野，做下功課，玩下ｉｃｑ咁啦～今日真係超勁咁開心～～～！！！ｙａ～ｈｏ～～～～～
冇啦～冇晒錢啦～ˍ～|||睇黎我要加入呢個１０蚊飯既行列啦．．．．．．．．．．．呢期窮到爆－．－真係要慳ｄ使先得啦．．．唔係真係乜都做唔到架啦．．．
ｐ．ｓ　今日，我將件事講左比友人強知．．．冇乜反效果．．．我都冇咁擔心，希望可以快ｄ同佢地４個講啦．．．希望啦．．．真係好希望佢地會明白我．．．嗯嗯．．．今日真係好開心，同細蚊一齊好開心，感覺覺得好輕鬆，真係有一種好正既感覺，我都唔知點講，只係知想ｋｅｅｐ住呢種ｆｅｅｌ．．．嗯．．．

>>October 31, 2002 at 6:45:48 PM GMT+8

2002 年 10 月 29 日 星期二 【晴】

今日成日都好眼訓呀．．．ｌｉｆｅ　ｓｋｉｌｌ我訓左２粒鐘．．．好好訓呀．．．今日本來諗住有ｈｕｎｔｅｒ睇架嘛，點知阿業又唔返，唉，真係擔心佢，佢一個月已經冇返４次學啦．．．唉～
今日成日都冇乜特別事發生．．．又係好似平時咁返學、放學，返到屋企玩ｉｃｑ同傾電話．．．差唔多１２點幾，見到亞ｂｅｎ，就叫左佢同我去玩ａｏｃ，玩左２場．．．發覺依家玩慣左哥德．．．唔係好識用其他種族咁～＠＠
ｐ．ｓ　凡事都不會盡如人意．．．呀．．．不過唔緊要啦，最重要都係唔好後悔既姐～嘻～希望你同妳，都會成日都咁開心，冇煩惱同憂愁啦～

>>October 31, 2002 at 8:17:40 AM GMT+8