2002 年 11 月 27 日 星期三 【晴】

今日星期四耶～上中文堂，成堂就係到睇便利，吹水，然後到左英文堂．．．今日要ｑｕｉｚ呀．．．我冇溫到書呀．．．咁我未問阿ｓｉｒ可唔可以出貓囉，點知阿ｓｉｒ話唔得喎．．．真係冇癮，阿ｓｉｒ比我問得多次，連我ｄ書同ｎｏｔｅｓ都收鬼左，話ｑｕｉｚ完先比返我～ˍ～即刻冇野好講．．．ｑｕｉｚ完．．．覺得ｏｋ啦，溫左就一定識．．．然後我就同阿ｓｉｒ講，唔合格都係阿ｓｉｒ累架，唔比我出貓－ｖ－ｑｕｉｚ完就繼續上堂啦，點知上到就黎落堂既時候．．．有２條友黎話係乜鬼野香港電腦學校之類既人黎講乜撚野講座．．．即刻比佢吹到漲晒．．．攪到遲左成半粒鐘先走得．．．返到屋企，就係咁玩ＢＧ２．．．玩下玩下，心血來潮就打左比肥仔，同佢傾都差唔多傾左成粒鐘．．．然後就繼續打ＢＧ２．．．打下打下．．．細蚊打電話黎．．．唔知點解．．．果個ｍｏｍｅｎｔ我好火．．．可能係因為咩咩咩啦．．．攪到細蚊都好唔開心．．．咁佢收左線我就繼續玩ＢＧ２．．．佢返到屋企就打返比我．．．然後就係度傾傾傾．．．傾傾下．．．唔知點解覺得好鬼辛苦．．．再摸下個頭．．．嘩～好熱～突然間，全身發冷，但係我個身係熱架喎～我即處知唔對路．．．一定係發燒啦．．．所以就提早收線休息．．．收左線之後，就去左食藥，然後比阿媽話左幾句我成日唔訓攪到病．．．我答左佢幾句就訓啦．．．
ｐ．ｓ　終於都爆左ＢＧ２啦～好感動呀～真係一隻經典好ｇａｍｅ呀～感動中～ＴˍＴ．．．不過咁就２７０啦．．．呢排唔知做乜鬼．．．個人好燥．．．好易發神經．．．可能係因為我唔夠訓啦～ˍ～|||

>>November 30, 2002 at 1:57:05 PM GMT+8

2002 年 11 月 26 日 星期二 【晴】

今日係星期三．．．唉．．．今日係痛苦既一日．．．因為要上通識又要上ｌｉｆｅ－ｓｋｉｌｌｓ．．．唉．．．幾經辛苦．．．終於都捱完呢２堂惡頂既堂．．．跟住放學－ｖ－
返到屋企無無聊聊咁又玩下ＢＧ２傾下電話咁就一日．．．
ｐ．ｓ　好枯燥乏味既一日．．．

>>November 30, 2002 at 1:56:31 PM GMT+8

2002 年 11 月 25 日 星期一 【晴】

今日，返學．．．本來以為會好無聊咁就上晒ｄ堂．．．點知上上下ｅｎｇｇ　ｗｏｒｋｓｈｏｐ時～雄雄打比我，問我去唔去買衫，我諗都冇諗就話去啦～然後就走左ｅ＆ｅ去左搵雄雄，５點鐘就去到九龍灣，然後就開始睇野啦，睇左好耐，睇到７點，食個ｄｉｎｎｅｒ，然後就再睇，睇到８點度，就決定買野啦，咁我就去馬拉從買鞋啦，點知佢話冇碼．．．即刻勁ｄｏｗｎ．．．然後就去運動家買啦～幾驚又冇碼呀～好彩～有碼姐～最後我就買左一對鞋，一件衫，一頂冷帽．．．咁就．．．９００幾蚊．．．然後就返屋企，打下機，做下功課．．．咁就一日．．．
ｐ．ｓ　唉．．．又走左堂啦今日．．．食ｂｉｇ　ｍａｃ始終都係要一次過食２次先過癮～狼死才是王道～！！！

>>November 26, 2002 at 3:39:58 PM GMT+8

2002 年 11 月 24 日 星期日 【晴】

今日１０點幾起左身．．．打開部電腦．．．諗下諗下．．．返唔返學好．．．最好就決定唔返學～係屋企專心煲ＢＧ２～就係咁，我成日都係戇居居咁留係屋企玩ＢＧ２．．．到左夜晚，老豆老母買飯盒返黎，咁，就一餐ｄｉｎｎｅｒ，食完耍開波～再玩ＢＧ２，傾下電話，玩下ＢＧ２，然後就訓啦．．．
ｐ．ｓ　我諗，我再係咁走堂唔返學．．．我好快唔使返學．．．唔．好．呀～～～～～～！！！！！！！！＞＠＜

>>November 26, 2002 at 3:18:37 PM GMT+8

2002 年 11 月 23 日 星期六 【晴】

今日本來要看屋，因為屋企又冇人，不過我曳曳．．．出左去～嘻！咁我見時間差唔多就出門口啦，本來諗住上細蚊屋企先再出旺角，點知中途細蚊打黎話佢同阿怡一齊出，叫我旺角等．．．咁我唯有等啦．．．等左成５０分鐘佢地先到．．．我真係火撚到爆．．．我真係勁想爆粗架果個ｍｏｍｅｎｔ．．．不過．．．我都忍左落黎．．．不過沿途我都冇出聲．．．因為要調整情緒．．．過左一陣，先冇事，回復到返黎，呢個時候我先知道原來阿怡已經同佢條仔行開左～－．－|||咁我同細蚊就去食野啦，首先係冷麵，然後係燒八爪魚丸，再黎係格仔餅同炸尤魚鬚等等既街邊小食．．．食飽飽啦～就周圍行下咁啦～然後就去左百老𣾀睇下７夜冤靈幾點有場，一睇，點知原來過左時間，要成６點幾先有第２場，咁未唯有睇第２套囉，本來想睇柏拉圖式的性愛架，點知冇喎～咁就睇下有乜好睇啦～比我叫到有武者回歸，當然，唔使諗，就係呢套啦～因為金城武勁撚型～勁想睇～嘻～－ｖ－然後見時間未到，又周圍行，行到咁上下，就等埋阿怡同佢條仔，就去買飛啦，之後就睇戲，一路睇，我就一路咁話～『好撚型呀～～～』睇完套戲，原來已經６點幾～＠＠套野做左成２粒鐘～自己都唔知～＞＠＜睇完之後，我只係不斷咁ｒｅｐｅａｔ一句：『好撚型呀～～～』之後～阿怡要返屋企，佢條仔就送佢返去，然後我就同細蚊夜遊旺角，行左一陣，真係行到冇乜野好行．．．咁佢就上我屋企啦，佢上到黎，玩下電腦，訓下覺咁，時間就好快咁過去．．．係呢個ｍｏｍｅｎｔ～我真係好唔捨得佢～好唔想佢走．．．不過．．．唉．．．最後都冇計．．．細蚊．．．就係咁～返屋企啦．．．然後我就一路玩ＢＧ２一路等細蚊電話，傾左一陣之後就訓覺覺豬啦～
ｐ．ｓ　金城武好型呀～～！！！．．．真係唔係好想係細蚊面前發火．．．唔想．．．真係唔想．．．今日真係好唔捨得你走～＞＠＜

>>November 26, 2002 at 3:13:51 PM GMT+8

2002 年 11 月 22 日 星期五 【晴】

今日比個鬧鐘嘈醒左，跟住就打比細蚊叫佢起身，然後換件衫食小小野就出門口，去葵興等佢，冇錯～同平時一樣．．．佢又遲到．．．唉～我都唔知講乜好～ˍ～|||然後就去佢舅母度．．．上到去，就幫佢溫下英文呀～計下數咁啦．．．到左２點幾．．．就去食所謂既『ｌｕｎｃｈ』，我地想去ｋｆｃ，點知佢細佬又話要一齊去食雞～但係佢舅母唔比佢食，佢就係度嘈～最後佢舅母就讓步比佢去『ｋｆｃ』，但係唔可以食『雞』，我心諗，唔可以食雞係咁去ｋｆｃ食乜～？唔通食屎～？＠＠跟住佢舅母就話只可以食薯容，我又心諗，同食屎都冇乜分別架啦．．．佢就跟住我地去ｋｆｃ啦．．．我已經有ｄ火架啦．．．冇計啦，前一晚唔夠訓．．．去到ｋｆｃ佢又嘈住要食雞．．．我真係火到想一手拎住佢勁鐘～～～不過當然冇咁做啦，我唯有係度忍．．．最尾我忍到冇出聲，就話唔食就走．．．返去既路途中，我一句野都冇講過．．．上到去佢舅母問乜事，我冇眼睇就走鬼左去廁所，去完返黎只係知道佢舅母叫我同細蚊去食野．．．佢細佬就喊晒口咁．．．我乜都唔知呀～就去ｋｆｃ食野啦，去到，就叫左個２人餐食啦～食完，見有ｄ唔夠，就買多個蘑菇飯食啦～食完就閃人啦．．．返到上去，只係見到佢細佬又好似平時咁係度發癲亂咁嘈．．．好似乜都冇事發生過咁，真係服左佢－．－|||到左６點幾，就閃人，送佢地返到屋企，我又『痴』埋餐，食完，就係細蚊屋企消磨下時間，咁上下，就返屋企嚕～返到去就玩ＢＧ２同傾電話～跟住就訓左啦～ＺｚＺｚＺｚＺｚＺｚｚ
ｐ．ｓ　我就黎頂佢細佬唔順架啦～ˍ～|||

>>November 26, 2002 at 2:47:22 PM GMT+8

2002 年 11 月 21 日 星期四 【晴】

今日係星期五．．．嗯．．．冇錯又係星期五．．．係開心既一日．．．因為今日唔使返學而且又係去網吧既日子～ＡˍＡ今日係ｉｖｅ既開放日，所以就唔使返學～－ｖ－今日上早起身，就開著部電腦煲ＢＧ２，煲到咁上下，友人強問我出唔出去先，我見打機都打到有ｄ悶，未答應就佢囉，就即沖涼，換衫出門口。我見過排咁窮困，未行去，慳返ｄ車錢咁囉．．．行下行下，見到友人玲，佢係度睇手提，我未去搭訕幾句咁囉，點知佢一開口就問我條女係邊～？＠ˍ＠講下講下先知原來佢知我好多野．．．友人淳．．．我會記得你架～＞＠＜行下行下，我．．．我．．．我見到．．．見到千嬅隻碟既宣傳海報．．．成個人即刻ｄｏｗｎ晒．．．許志安隻新碟已經冇錢買架啦．．．依家千嬅又出新碟．．．簡直就係一個極大既衝擊～呀呀呀～～～～即刻垂頭喪氣咁行．．．點知比友人強見到．．．即刻比佢半路攔截．．．問我做乜咁頹．．．我就講晒比佢知．．．然後就去左觀廣．．．好死唔死．．．又比我見到第２個衝擊．．．就係鬼眼狂刀出左啦．．．今次我真係忍唔到啦～即刻衝去買～買完就同友人強周圍行～一路行就一路吹水．．．見時間都差唔多，就去觀地恆等人，等齊就去食野．．．今晚去左食魚蛋河，平呀嘛～＄ˍ＄好耐冇食炸魚皮河嚕～＠＠久別既味道格外滋味～食完就去網吧打機啦～打ａｏｃ，本來６個人互打既我地，竟然變得矛頭一致一齊夾攻友人強同痴線佬．．．冇計啦，鬼叫佢地有同盟可以貿易拎金而且痴線佬態度又囂張．．．佢地既下場．．．唔使講．．．就係慘死．．．比人大屠殺．．．攪掂佢地之後就４人互打～最後既勝利者唔使講．．．當然係擁有３個遺跡既亞茲特克勇士～即係我～得到光榮既勝利～ＡˍＡ（一陣掌聲）玩下玩下，ｓｔａｒ　ｃｈａｎ黎左，但係間房唔可以多過６個人，無奈地，佢一黎就要走～唉～呢ｄ可能就係陪女唔陪ｆｄ既後果啦～ＡˍＡ|||打完之後就玩反攻諾曼第，玩完見差唔多時間就閃人，去左ｍ記坐吹水～吹到咁上下～１２點幾到，就返屋企，點知痴線佬話冇屋企返，我同雄雄本來諗住陪佢通頂，點知佢勁型咁話唔使．佢要訓公園．．．僵持左一陣，既然佢心意已決，我地都冇野好講，就由得佢。返到屋企，玩下ＢＧ２就訓啦．．．
ｐ．ｓ　今日好開心～好耐都冇試過咁開心～好希望好希望仲有咁既一日～～～！！！

>>November 26, 2002 at 2:28:41 PM GMT+8

2002 年 11 月 20 日 星期三 【晴】

今日又係咁～無無聊聊又過左一日．．．今日ｍａｔｈ測驗．．．好彩唔係好難．．．不過都唔夠時間做晒．．．有２條冇做．．．睇黎真係要搵ｄ時間操下ｄ　ｍａｔｈ先得．．．唔係既話真係唔使旨意用ｍａｔｈ拉高個分．．．拉低都有份＞＠＜
放學．．．就返屋企．．．返弱去，二話不說，ＢＧ２即黎～嘿嘿～今晚又係咁～打下機～傾下電話～玩下ｉｃｑ咁就一晚．．．
ｐ．ｓ　放下心頭大石～

>>November 26, 2002 at 2:28:18 PM GMT+8

2002 年 11 月 19 日 星期二 【晴】

今日，上堂，又係咁，笑下笑下再笑下，就到ｌｕｎｃｈ，本來今日要上通識，但係我又約左細蚊，所以，我就作出呢個壯烈既決定～～～走堂～！！！走堂之後～就返屋企去ｌｕｎｃｈ，今日ｌｕｎｃｈ食左２碗滿滿既飯～ｄR又正喎～真係好耐都冇試過ｌｕｎｃｈ食得咁飽同咁豐富啦～＞＠＜食完飯～打左陣機，就去左沖涼，然後出門口，見等地鐵無聊冇野做，就打左個電話比友人強，牛頭角傾到去太子，傾左好多野下～＠＠去到葵芳，接完細蚊放學，就上左佢屋企，睇相相～本來諗住同佢溫ｍａｔｈ架，但係無奈今日個人好死下，去到佢屋企都係訓覺多～ˍ～|||訓到咁上下，個人都精神返ｄ，未開始教佢做功課囉，然後到左呢個ｄｉｎｎｅｒ　ｔｉｍｅ，佢阿爸唔知我今日會黎，所以就冇買R，食飯時佢老豆仲好抵死咁話，今日冇R呀，不過飯就有好多呀，真係比佢吹漲～＠＠食完飯，就繼續教細蚊做功課，教完見時間都唔早，就返屋企啦。
返到去，又係玩下ＢＧ２同傾下電話就訓啦．．．
ｐ．ｓ　成日係人地屋企白飲白食，而且又大食喎～真係有ｄ唔好意思．．．仲要食晒人地ｄR．．．唉～ˍ～|||

>>November 21, 2002 at 9:47:29 AM GMT+8

2002 年 11 月 18 日 星期一 【晴】

今日返到去，第一堂係電腦堂～嘿嘿～又係打機既時候～我滿懷希望咁等阿業帶隻ａｏｃ返黎玩，以為今次過癮啦～有得玩ａｏｃ～點知．．．點知．．．原來電腦室ｄ電腦係玩唔到ａｏｃ架～ＴˍＴ一入ｇａｍｅ就跳返出ｗｉｎｄｏｗｓ～試左勁多次都係咁～真係超勁咁無奈，唯有玩返ｌｉｔｔｌｅ　ｆｒｉｇｈｔｅｒ啦．．．落堂之後食ｌｕｎｃｈ～但係見到好多人係度排隊，就即刻冇晒心機．．．而唔死心既我，就同阿業去左『網吧』度繼續試ａｏｃ，係『網吧』度又玩到ａｏｃ喎～不過可惜係連唔到ｉｐ玩．．．一入ｇａｍｅ又跳返出黎～係咁就自己同自己玩啦～都冇所謂啦，但係，玩玩下，先發覺有ｄ唔對路．．．原來．．．原來係個ａｉ有問題．．．電腦變左白痴．．．乜都唔識做＝ˍ＝然後見時間都差唔多，就落返去食飯，食完飯就去上堂．．．
返到屋企就繼續我既ＢＧ２旅程～一面傾電話就一面玩～就係咁，又一日啦。
ｐ．ｓ　豉油撈飯再加腸腿．．．真係別有一番風味呀．．．～ˍ～|||

>>November 21, 2002 at 9:37:57 AM GMT+8