2002 年 12 月 7 日 星期六 【雨】

今日星期日呀．．．訓醒都１１點幾就１２點，今日第一個感覺比到我巴就係今日好鬼凍～ˍ～然後睇下來電，先知原來蚊蚊搵過我，咁我就打返比蚊蚊啦，原來佢比人話完心情唔好呀～咁我就話一陣陪佢出去啦，就係咁，我就沖個涼，換件衫，就出門口，一出門口，真係凍左好多呀，個變化超勁大～尋日仲要開冷氣，今日就凍到要著３件衫～＠＠咁去到之後，見到蚊蚊，好彩唔係遲左好耐，蚊蚊都係等左我一陣咁大把～－ｖ－|||然後就行下旺角咁啦，見肚餓，未食野囉，食左呢個炸魷魚鬚啦、芝士腸啦，八爪魚丸啦仲有呢個勁野～～～就係呢個勁大粒既『泰國牛丸』～！好好味架～＞＠＜食完就周圍行啦，行到咁上下，竟然比我見到堅記ｄ人係旺角大街度同ｄ唔知乜人就呢個既２３條玩呢個辯論喎，咁我未睇下囉，點知．．．一睇．．堅記ｄ質素真係．．．唉．．．不論樣同實力，都差左好多．．．咁睇左陣就閃啦，就係咁，閃左去呢個美國冒險槳園玩，玩到咁上下，冇乜點食野既蚊蚊就覺得肚餓啦，咁佢想食麥樂雞啦，就去左ｍ記食野，順手又換埋隻『蝴蝶犬』比佢啦，食完，我見佢蚊蚊成日話買返學鞋成日都買唔到，咁又冇野好做，就同蚊蚊去左旺中行下睇下咁啦，終於，都搵到對岩心水架啦，然後蚊蚊就去左試鞋啦，試岩之後就比錢啦～呢對鞋比我拎左黎當生日禮物送左比蚊蚊～買完之後見仲有時間，冇乜野做，然後就同蚊蚊去左荃灣行，行行下，見口乾乾咁，就去左７仔買野飲，忽然唔知抽起邊條根，就一人一罐喜力拎黎飲啦，行到咁上下，就搭車去葵廣，買左盒壽司同一盒意粉上蚊蚊屋企，食完，蚊蚊就試左對鞋比我睇，坐左陣，見時間都唔早就閃人啦～返到去，又係咁玩下ｉｃｑ，傾下電話就訓覺覺啦．．．．．．
ｐ．ｓ　今日好開心呀玩得，同蚊蚊玩呢個美國樂園，真係好開心，個ｆｅｅｌ真係好正，正到連我呢ｄ咁勁既人都唔知點講好．．．總之就真係好鬼正啦～蚊蚊真係好得意好可愛呀～＞＠＜我終於都知道要買乜聖誕節禮物送比蚊蚊嚕～嘻嘻～

>>December 11, 2002 at 4:04:32 PM GMT+8

2002 年 12 月 6 日 星期五 【晴】

今日９點半就比個鬧鐘嘈醒左，起物之後就打比細蚊叫佢起身啦．．．唔知咩事．．．可能係因為尋晚傾電話傾得夜啦，我地２個今日都好累，好唔想去中環．．．就係咁，細蚊就打電話比佢舅母話今日唔去，但係我都會去佢屋企溫書，就係咁，佢舅母先放過佢唔使佢去．．．然後我沖個涼，換件衫就去左細蚊屋企啦。今日好勁喎，係熱得好勁呀～熱到細蚊要開冷氣～跟住，坐下玩下溫下書，咁就到左５點幾６點，佢舅母就打黎叫細蚊落去葵芳接佢細佬啦，係咁我就陪左佢去啦，接完佢細佬就去左葵廣買ａｏｃ比細蚊，佢細佬實在太煩，我就買左包雞蛋仔塞住佢把口，果然～真係好有效，呢個世界即刻安靜晒．．．．．．返到細蚊屋企，佢老豆原來唔知我會上去食飯，就冇煮我飯，攪到佢老豆同細蚊都要分飯比我．．．真係有ｄ唔好意思～ˍ～|||食完就教細蚊玩ａｏｃ，玩到咁上下，我就閃人啦。返到屋企，就同大口同細蚊玩ａｏｃ啦～好好玩呀～玩到３點幾玩左２場，然後就去左訓覺覺啦～！
ｐ．ｓ　好好好開心呀～因為可以同細蚊玩ａｏｃ～真係諗都未諗過細蚊會同我一齊玩ａｏｃ～雖然都有諗過叫佢同我玩，不過冇諗過真係會同我玩架～好．開．心．呀～－ｖ－

>>December 11, 2002 at 3:44:53 PM GMT+8

2002 年 12 月 5 日 星期四 【晴】

今日好早起身呀～冇計啦，返８點半嘛，咁返到去，上ｅｎｇｇ上到一半時就成班出左去放自己小息，咁蚊蚊就打比我啦，咁岩佢今日唔使返學，然後我又決左呢個走英文去搵佢啦，咁我就走左啦，走既時候，見到跳跳虎喎，佢今朝走左ｅｎｇｇ，依家先『返學』，而我就走英文，依家『放學』，當『返學』遇上『放學』，真係一個好攪笑既情景－ｖ－然後我就去左葵芳搵細蚊食ｌｕｎｃｈ啦，今日去左食ｍ記，換左呢隻既大頭狗呀～係威爾斯哥基呀～！！！換左之後，就上左佢屋企，坐下玩下，阿怡又上左黎喎，然後就同阿怡去左葵廣，搵呀『哈先生』，行左陣葵廣，食下野，就同阿『哈生』去左飲野傾計．．．一路都覺得．．．阿『哈生』真係好『風趣』咁囉．．．『好岩』呢個既咀型．．．飲完野，我就返屋企沖個涼，換件衫，就又出過去，搵肥仔佢地啦～！去到觀地恆，原以為我會係最遲果個啦，點知仲有人遲過我喎～＠ˍ＠等齊人之後，佢地就去左食大家樂，食食下，ｓｔａｒ　ｃｈａｎ都黎埋，係咁我地就係咁吹水吹水同吹水啦～吹到咁上下，就離開呢個既大家樂再決定去向。ｓｔａｒ　ｃｈａｎ見時候都唔早，就去接月放學．．．（唉．．．仍真係．．．）然後我地諗左好耐就決定左去網吧，點知痴線佬話呂想去而已又好眼訓，就係咁，佢自己一個返左屋企啦．．．去到網吧，開唔到６人房玩呀～原因係唔夠６個人～ˍ～|||係咁我地唯有坐出面，因為時間既關係．．．今日．．．玩唔到ａｏｃ呀呀呀呀～～～＞＠＜成粒鐘就係度玩呢個既反攻諾曼第．．．一粒鐘既時間好快就過左去．．．就係咁．．．我地就埋單．．．然後各自歸家．．．真係好鬼冇癮架．．．然後返到屋企，就打比細蚊啦，點知講左樣野比我知，我真係立刻當場即時成個人唔知點咁．．．又火又擔心又唔知點咁．．．果個ｍｏｍｅｎｔ攪到大家都好唔愉快．．．咁上下．．．最後都冇事．．．就係咁．．．傾電話傾到好夜，然後就訓啦．．．
ｐ．ｓ　你知唔知呀～我真係會好擔心你架，可能你會覺得冇乜野，冇乜問題，但係我就係會擔心呀～你明唔明我既苦心呀．．．真係好驚你會有事．．．我保護唔到你呀．．．你．．．知唔知呀．．．今晚要多謝阿謙同ｍｏｌｌｙ啦～多謝你地聽我發牢騷同比意見我～ｔｈｘ　ａ　ｌｏｔ～！

>>December 11, 2002 at 3:33:42 PM GMT+8

2002 年 12 月 4 日 星期三 【晴】

今日我都不知幾咁勁呀～因為．．．我又冇返學～ˍ～|||原因係．．．太眼訓．．．＠＠就係咁．．．我今日又冇返學．．．然後就係屋企發呆．．．打下機咁啦，然後到左５點幾到啦，就同ｄ　ｆｄ玩ａｏｃ～玩左一陣，就係咁，食飯，ｉｃｑ，傾電話，咁就一日．．．呀．．．真係快呀．．．
ｐ．ｓ　我迷上了馬雅了～

>>December 11, 2002 at 3:32:53 PM GMT+8

2002 年 12 月 3 日 星期二 【晴】

今日講真，真係真係好唔想返學．．．今日返９點半既我，８點半先起身開始掙扎．．．再後，諗下諗下，今日唔返可能以後都唔使返．．．所以就啦啦聲起身換衫．．．刷牙，連早餐都冇食，飲盒奶就出門口啦，攪到我屎都冇痾到～＞＠＜返到去，好彩冇遲到仲要早到添，真係覺得自己有ｄ勁～嘿！就係咁，笑下玩下就到ｌｕｎｃｈ　ｔｉｍｅ，本來今日要上通識架，不過為左去搵細蚊，我又作出壯烈既決定～就係．．．走堂～！（其實都冇乜話壯烈既．．．係自己唔想上姐．ˍ．|||）然後就返屋企，沖個涼，換件衫，就出門口去搵細蚊，點知，半路中途細蚊打電話黎話佢冇啦啦要聽ｄ乜鬼野講座喎．．．要４點先走得．．．咁都冇辦法啦，我去到葵芳時先３點３多小小，咁我就去葵廣行下打發下ｄ時間．．．本來諗住去睇下有冇ａｏｍ中文版老翻買，點知冇開檔～ˍ～跟住行下行下行左去漫畫鋪，偵探學園ｑ出左左呀，未即買囉，點知買完之後得返３０蚊．．．真陰公ＴˍＴ|||買完峙後就決定去哈迪斯坐下睇下漫畫打發時間咁啦．．．點知就到哈迪斯既時候阿怡打電話黎問我係邊，話佢得一條友好鬼悶，咁我就去左搵阿怡啦，然後就去左哈迪斯坐低，傾下計咁啦．．．傾左一陣，細蚊就黎左啦，然後就搭車上細蚊屋企啦．．．一上車，細蚊就諗住拎佢今日家政堂整既蛋糕比我食啦，點知．．．點知佢唔記得左拎，留左係學校－．－咁．．．就冇蛋糕食啦．．．上到佢屋企，佢就打比阿怡諗住問下阿怡係邊，睇下阿怡方唔方便幫佢拎返，好彩，阿怡方便幫佢拎返個蛋糕．．．就係咁，阿怡就上左黎，而我亦都有蛋糕食啦．．．講真，雖然個蛋糕凍晒，不過我都覺得好好味～－ｖ－坐坐下，佢阿媽打黎話叫佢落去買野，咁我未陪佢落去囉，落到去，我就係到做跟班，冇乜點講野，等佢地買完野就上返去．．．上到去，又坐就一陣，又開飯啦．．．我又『痴』餐嚕．．．食完之後，又坐下，坐到咁上下，又１１點到啦，我又閃嚕．．．返到去，打比細蚊，點知冇人聽喎，ｉｃｑ又冇反應，我諗佢都係訓左架啦，咁我又見冇野好做，又走鬼左去訓嚕～ｚＺｚＺｚｚＺｚＺｚＺＺ
ｐ．ｓ　多謝你個蛋糕同張卡呀～個蛋糕真係好好味，好希望仲有機會食你整既野食．．．今日．．．我又作出一個壯烈既決定．．．就係．．．『戒．粗．口』～！！！所以．．．希望我身邊既朋友可以係我講粗口既時候提醒下我咁啦．．．而我今日亦都將我心裏面一直鬱埋鬱埋既野講左比細蚊知．．．真係舒服左好多．．．

>>December 5, 2002 at 8:22:06 AM GMT+8

2002 年 12 月 2 日 星期一 【晴】

今日ｉｖｅ放假，唔使返學．．．而今日本來要去搵細蚊，但係細蚊後尾先醒起自己要返女童軍．．．秧苗我就冇去搵佢．．．就係咁．．．我成日係戇居居咁一個人係屋企自閉．．．自閉到咁上下．．．就返隊啦．．．返到去，就溫下補考ｄ野．．．溫完，就聽左半粒鐘書，就閃人．．．返到屋企．．．唔知做乜鬼．．．可能係因為心情唔係咁好再加上今日係屋企自閉就勁耐．．．所以．．．我又發神經．．．唉．．．就係咁．．．一路發神經一路傾電話咁過左一晚．．．
ｐ．ｓ　ｓｏｒｒｙ呀．．．我又發神經．．．唉．．．好想切晒ｄ神經佢．．．咁就唔會再發啦．．．

>>December 5, 2002 at 8:03:18 AM GMT+8

2002 年 12 月 1 日 星期日 【晴】

今日起身之後，就整ｌｕｎｃｈ食．．．食完呢個叮叮意粉同餃子之後，就返學啦．．．返到去，又係玩下笑下咁過晒ｄ時間．．．
返到屋企，沖個涼食過飯．．．又係傾電話ｉｃｑ咁過左今晚．．．
ｐ．ｓ　係屋企真係冇乜野好做．．．

>>December 5, 2002 at 7:58:34 AM GMT+8

2002 年 11 月 30 日 星期六 【晴】

今日晨早就起身啦，因為今日要返隊．．．講真．．．今日真係唔係好想返．．．因為尋日放左阿ｓｉｒ飛機．．．好驚比佢插－．－不過．．．唔係又會比阿媽插．．．所以．．．唉．．．唯有硬著頭皮闖下去，返隊～！－ˍ－|||返到去，見到阿ｓｉｒ．．．個心都有ｄ怯．．．不過好彩阿ｓｉｒ冇插我．．．佢之不過係．．．冇理我姐～ˍ～不過都算啦．．．冇話我都算好架啦．．．今日食早餐．．．我好豪呀．．．我加料呀，要加３蚊咁多呀～多左既就係一條腸、２粒魚蛋、幾舊牛肉仔同一條蟹柳．．．然後就拎左支水去換朱古力奶飲，仲賺５毫子咁多添呀～ＡˍＡ食完早餐，聽左陣書，就出去操，操完之後就閃人嚕。然後我就返屋企，沖個涼，換件衫，就出去搵細蚊啦。出到去旺角等左一陣，真係一陣咁多，佢同肥媚就黎到，然後就行下行下行左去旺中，睇鞋．．．點知．．．點知旺中ｄ人多到乜咁．．．而且細蚊又搵唔到間鋪．．．所以就好快咁又離開左旺中．．．離開左旺中之後旺角呢個地方已經變得冇晒意思．．．忽然我又唔知抽左邊條根，想睇戲喎，所以就係咁，我地就咁入左去葵芳睇戲．．．去到戲院，就睇下７夜冤靈幾點有場啦，一睇，要成６：０５先有場，咁未行下先囉。跟住就行左去葵廣，行下行下，細蚊話想食野，想食壽司喎，咁就去左食壽司啦，食完之後，過左一陣，肥媚就閃左去搵佢阿媽，我就同細蚊去左影相，影左好耐先影到～ˍ～影完之後見時間都差唔多，就去買飛啦．．．買飛選位果時．．．真係有ｄ嚇親．．．因為成個場都只係得２個位係比人買左．．．入到去，不出我所料．．．成個場都只係得４個人，我同細蚊同另一對情侶．．．真係過癮－．－然後就係咁睇係咁睇．．．睇完之後．．．我覺得．．．套野唔多恐怖．．．但係細蚊就驚到成日都縮埋一舊唔敢睇．．．真係好可愛～＞＠＜睇完戲，就食左小小野，就上左細蚊屋企，坐左一陣，１１點到，就閃人啦．．．返到屋企，又係ｉｃｑ傾電話咁過一晚．．．
ｐ．ｓ　嗯．．．過癮就係過癮．．．仲有既就係．．．細蚊真係好得意～－ｖ－

>>December 5, 2002 at 7:55:21 AM GMT+8

2002 年 11 月 29 日 星期五 【雨】

今日１０點幾起身，打陣機，然後電話響，原來係林ｓｉｒ，見我今日去維園會操，我當然．．．冇理佢－．－因為今日要去見細蚊．．．然後阿ｓｉｒ就好冇癮好似好火咁收左我線．．．唉．．．然後咁上下時間就出門口啦．．．去到葵芳都係１２點度．．．點知細蚊仲未整完野，咁未等囉，咁坐係哈迪斯度又唔食野又霸住ｄ位好似唔係咁好咁，未出左去出面企囉．．．等果陣超勁肚餓．．．個胃都痛埋．．．最後，佢地終於黎啦．．．好可惜．．．果時已經係差唔多就快２點．．．我已經等到由肚餓到胃痛變到個胃痛到唔再肚餓．．．而我既心情都跌到落谷底．．．然後佢同琳琳就話去葵廣食野．．．沿途我都冇出聲．．．因為企到好累同冇乜心情．．．然後琳琳閃左，我就同細蚊去左買呢八爪魚丸食，跟住去左間門度坐低飲野同食野．．．食完就上左細蚊屋企．．．上到去．．．係度玩下，消磨下時間，到左６點幾，我就閃人啦．．．
返到屋企，食完飯，拉個便，沖個涼，然後就開始無聊既一晚嚕．．．
ｐ．ｓ　唉唉唉．．．我都唔想成日咁樣架．．．不過．．．唉．．．就係唔鐘意等人．．．唉唉唉．．．

>>November 30, 2002 at 1:58:01 PM GMT+8

2002 年 11 月 28 日 星期四 【晴】

今朝起身，好明顯好左好多，已經冇乜事，阿媽問我有冇事，返唔返到學，我見有ｄ眼訓又有ｄ懶，就話唔返學啦．．．然後就繼續訓啦．．．係咁訓係咁訓，訓到１１點幾到就起左身，然後就打下機咁，到左１２點就食叮叮牛河就食藥．．．然後就成日都好無聊咁等時間過．．．到左５點到，雄雄打黎問我得未出得去未，咁我就話沖埋個涼先，點知我沖完涼出黎就已經見到雄雄坐左係度＝ˍ＝|||係咁佢就係度玩左陣電腦先出去．．．
咁我見出面好似幾凍咁就帶我唯一一條既頸巾出去啦，咁去到德福又見熱喎，咁我未將條頸巾放係褲袋度囉．．．點知．．．就係咁．．．出事啦～！！！我同雄雄就去左一間野度睇銀包啦，睇完就去馬拉松到睇野啦，點知睇睇下我就發覺個褲袋小左ｄ野．．．就係小左條巾巾呀呀呀～～～ｏˍＯ|||咁我就搵啦，係咁搵都冇喎，咁我就去返頭先睇銀包間野度問下ｄ姐姐頭先見唔見我條巾啦，點知一問．．．唉．．．真係唔問好過～ˍ～條女竟然答我話：『見呀，呢～就跌左係果度之嘛～』佢指左一指門口，我就去睇啦，佢又話：『唔係呢度，再遠小小呀～』我就行遠ｄ啦，佢再講：『係呢度啦』仁係我睇極都唔見我條巾，我就問：『冇喎』，然後．．．佢就講出最經典最震撼我心靈既一句．．．就係：『係呀，冇呀，應該比人執左啦～！』我同雄雄即處成個呆左．ˍ．我地心諗，你睇住我跌左條巾巾，都唔幫我執返叫住我比返我．．．仲要同我講跌左係邊同比人執左．．．雖然我地冇幫襯你買袋同買銀包姐．．．都唔使咁架／ˍ＼然後我就好鬼冇癮咁去美心食野啦．．．我就打比細蚊聽呢件事．．．唉唉唉．．．食完飯，就去運動家睇野，雄雄就買左對鞋同件波衫，我就諗住買件ｎｉｋｅ衛衣，點知冇加大碼喎－．－又係冇晒癮．．．然後就去左馬拉松度睇啦，好彩呢度有加大碼，係咁就即買啦．．．咁．．．就３００啦又＝ˍ＝雄雄就係度買多件風褸，然後同馬拉松ｄ哥哥姐姐吹左一陣水就閃人．．．返到屋企就同細蚊傾電話．．．傾到差唔多４點先訓．．．
ｐ．ｓ　冇啦冇啦～唯一一條既巾巾都冇埋．．．今次實凍死啦．．．細蚊．．．我等緊你條巾巾呀．ˍ．|||今日又買多件衫．．．又小３００．．．唉．．．５日冇見細蚊嚕，聽日就可以見到佢啦，好開心～！！！

>>November 30, 2002 at 1:57:26 PM GMT+8