2003 年 7 月 20 日 星期日 【陰】

用甚麼來代表或比喻愛情最為貼切？
我想．．．是用愛情來比喻愛情，
用愛情來代表愛情吧．．．不明白？
因為愛情是獨特的，
沒有甚麼其他的東西能說出『愛情』二字．．．
想知道嗎？自己嚐試吧．．．
不過不要覺得自己會嚐到他／她人的愛情滋味，
因為每一對情人的『愛情』，都是獨一無二，
旁人無法明瞭的．．．無法體會．．．
＝＝＝＝＝＝＝＝我係合格線＝＝＝＝＝＝＝＝＝
真愛找到請珍惜，錯過良緣唯悔恨！

>>July 21, 2003 at 9:21:36 AM GMT+8

2003 年 6 月 21 日 星期六 【晴】

今日正式５個月．．．．．．
過程有起有跌有喜也有悲．．．．．．
唯望今後仍能繼續努力～
堅定自強～！！！！

>>June 22, 2003 at 4:38:50 AM GMT+8

2003 年 5 月 27 日 星期二 【晴】

近來唔錯呀～
一切都係度慢慢改變緊～
一切都係為左將來更美好而改變～
係就係辛苦ｄ，不過都係值得既～
大家都要努力～！！！

>>May 28, 2003 at 4:16:10 AM GMT+8

2003 年 4 月 22 日 星期二 【晴】

算罷啦．．．我冇得救架啦．．．我真係懶到冇得救架啦．．．個假放左咁耐，我都冇寫過日記．．．嗯．．．是但啦．．．總之我唔會比佢ｃｕｔ我個日記啦～！！！
今個冇啦啦既假期就真係認真爽，攪到我成日無所事事要係屋企自自閉閉無無聊聊咁過．．．不過其實都唔係咁無聊既，起碼我都有同ｄ　ｆｄ出去玩同陪女，嗯．．．今個假期都好好收獲呀我．．．總結下我ｄ成績先．．．行運超人睇左４次，少林足球又係睇左４次，蜘蛛俠同武者回歸都係２次，仲睇左ｍｒ．ｂｅａｎ套新戲同埋套９唔搭８既乜野漏網之靈．．．
今日，係我同『佢』一齊既第３個月多一日，呢種感覺，好正好ｆｒｅｅ亦好好ｆｅｅｌ～依家我同佢，都仲係好似岩岩一齊咁，咁熱情，我會繼續努力ｋｅｅｐ住上，不過我諗難唔到我，因為我成日都９唔搭８好多新野玩．．．嘿嘿嘿！
同佢一齊既時候，我好開心，亦都好舒服，同佢分開左既時候，我會變得好掛住佢，成日都會好想見到佢，講真呀，隨住日子既一日一日咁過去，我就越黎越愛佢，好開心，真係好．開．心．～！！！
３個月，同佢好似發生過好多事咁，呢３個月黎，我知道我仲有進步既空間，仲可以做得咁好，我可以係呢度同睇緊呢篇野既人講一句：『我會繼續努力，繼續好好咁對我老婆，全心全意真心真意咁愛佢～！！！』．．．等．．．等等．．．老．．．老婆～！？係！冇錯～就係老．婆．因為今次我已經認定左，無論將來既日子有ｄ乜野既困難同障礙，我都一定會努力跨過，然後帶比佢無限既幸福，同佢一齊係眾人既祝福之下結為夫婦！是～我肯定～ｉ　ｗｉｌｌ　ａｎｄ　ｉ　ｃａｎ～！
呀．．．好似有ｄ曬幸福既感覺添．．．不過．．．是但啦是但啦．．．ｋａｋａｋａ～係呢度，我想同一ｄ特定既對象講ｄ野，Ｔｏ：
大佬：無論你作下甚麼樣的決定，我也會相信你，因為我知道你係一個好可靠同信得過既人。所以，無論點都好，我呢ｄ做細既一定支持你～！
亞ｂｅｎ：我知道我講ｄ乜，對你都唔會有ｄ乜影響架啦，不過我都係想講下．．．希望你可以打開心中既果一扇門，其實你身邊都有好多人關心你架，亦都好希望你會重新面對，有勇氣去再踏出第一步～！
痴線佬：唔好再做乜浪子做乜悲劇男主角啦～冇益架～定性ｄ，有鐘意既伴侶就要好好珍惜啦，如果唔係到頭來，真係只會發覺自己係孤單一人架．．．唔好再麻醉自己啦～！
ｓｔａｒ　ｃｈａｎ：雖然呢１，２年同你生疏左，不過，你都仍然係我既好兄弟，好高興你能夠搵到你既所愛，亦都好高興你有咁好既成就，能夠成為你既朋友，我都覺得好光榮，總之一句，一日兄弟，一世兄弟～！
思強：識左你都７年嚕，真係可以講句睇住你，睇住你不斷咁改變，做為你既朋友，我都會好擔心，因為都好驚你會變得『唔係咁好』，不過好高興，唔理點變，你都仲有以前果個既影子，你既本質並未退卻，我地總有一日會有一番成就架，繼續～努力～！
雄雄：好開心可以識到你，因為你份人好真，真係比到我一種大哥哥既感覺，好欣賞你既樂觀同知足，同你做朋友真係好舒服～！
屎榮：自從你搬左之後，我地就開始冇乜聯絡，你有你忙你既學業，我有我過我既生活，不過，我都仲係好懷念以前打波吹水行街既片段，希望你能夠有一條美好既前程～！
亞蓮：好開心可以同你做返朋友，真係好開心，我知道我同你講親都係話你既多，ａｎｙｗａｙ，唔理點都好，你做乜我都會支持你，有乜開心唔開心，我都會好樂意去聽，朋友嘛～！
ｃｈｅｒｒｙ：對住你，我真係只可以講一句『小妹妹』，希望你諗野可以正面ｄ樂觀ｄ同積極ｄ，唔好成日收收埋埋，好辛苦架，布乜事就要即刻講出黎呀，唔係真係會死得人多架～！
最後，當然係同我既最愛講返幾句啦．．．Ｔｏ：
老婆：即使係開心唔開心，我都會好樂意咁同你一齊攜手渡過，唔理咩事，我都會係妳身邊，照顧妳支持妳，不離不棄，全因我愛妳～！
ｐ．ｓ　楊千嬅好靚蜘蛛俠好勁金城武好型～！行運超人同少林足球睇得特別開心，因為係佢陪我睇架～哈哈～

>>April 23, 2003 at 3:05:41 PM GMT+8

2003 年 3 月 23 日 星期日 【陰】

唉．．．我諗我真係冇得救．．．懶到冇得救．．．每次上到黎睇我既日記，我都會有一種好灰既感覺．．．心諗：『嘩～乜差野日記黎架．．．是是但但幾句就當日記．．．未免太渾渾了吧～！』之後，就會有一種好強烈既想寫日記既衝動．．．大家請留意．．．係『想』．．．去到最尾．．．都係冇寫到．．．今日我繼續寫返日記，唔係覺得ｄ乜野，只係覺得好對唔住自己．．．所以．．．呢篇既日記．．．出現左．．．
不過．．．（咩話～又不過～！？又唔想寫呀～！）不過我今日想寫既並唔係日記．．．（都話架啦～死性不改～啦啦啦～又唔寫啦佢～大家批鬥佢啦～～～～～～～）今日我想寫既係我呢幾個月黎一ｄ重要既事．．．（未即係唔係日記囉．．．）
我諗，最重要既事，莫過於一件事．．．就係．．．我同『某人』（就此請原諒我用某人，因為我諗佢都唔想開名．．．）再一次戲劇性既重聚．．．冇錯～係再．一．次．～今次．．．好唔同．．．今次同佢既感覺好唔同．．．同以前既感覺，完全唔同晒．．．不過，講真呀，開頭你問我驚唔驚，我答你唔驚，就係我昆ｑ你既，我梗係驚啦，至於原因？我諗，好簡單，就係因為同佢種種既過去，形成現今既恐懼．．．你問我以前發生過ｄ咩事？哦～好簡單姐，未就係．．．唔得，都係唔講，過去左既事都過去左咯，做乜仲要提呢。
今日，係我同佢起返埋一齊既第３個月既第２日．．．時間雖短，但係發生既事卻多得很，時間就好似過左好幾年一樣．．．你又想知我同佢發生過ｄ咩事係呢短短既３個月入面？當然，我既答案係『唔．話．你．知～』吹波呀～係唔講架啦～點呀～ｋａｋａｋａ～
好啦好啦．．．唔玩啦唔玩啦．．．認真ｄ咁講下先．．．
今次能夠同『某人』起返埋一齊，我真係好開心，因為終於可以同佢係『冇重狀態』下係埋一齊，我知道，今次既相聚，將唔會好似以前咁．．．至於以前既事，我都仲係歷歷在目，不過，種種既昨天決唔會影響到現今既我同將來既我，至於以前既事，我並無任何既恕言同悔意，因為，可能就係因為以前既種種，先會有現今咁幸福．．．所以，我仲要感恩呢～呵呵呵．．．
對唔住．．．就容許在下於現今收筆．．．因為．．．我依家正處於頭痛發燒傷風喉嚨痛鼻塞眼訓既煎熬．．．所以．．．就比我係度收筆啦．．．
ｐ．ｓ　冇錯，係ｐ．ｓ～好耐都冇見既ｐ．ｓ～～～～～～～～～好～講返今日既ｐ．ｓ先～就係．．．．．．今日ｐ．ｓ再次出場．．．多謝大家．．．．．．講笑咋～大家唔好扔～唔好搵野扔我～～～～～～認真地說：『希望我會常常帶著感激之心，好還我不會辜負我既『身邊人』同『心中人』，我相信我自己一定會做到，因為我對自己有絕對既信心，希望『某人』都可以相信自己，相信我，相信我倆（笑）。』

>>March 24, 2003 at 2:43:23 PM GMT+8

2003 年 3 月 10 日 星期一 【晴】

近來.......唔錯呀..............

>>March 11, 2003 at 5:55:45 AM GMT+8

2003 年 2 月 15 日 星期六 【晴】

冇乜心機寫日記.....................................

>>February 15, 2003 at 6:38:01 PM GMT+8

2003 年 1 月 12 日 星期日 【晴】

今日我又冇返學．．．因為真係實在太痛同太累啦．．．今日一起身，諗住落床，一轉身，隻腳一落地一用力，個屎忽即刻跌返落張床到．．．因為２隻大脾條根一用力就好痛痛痛痛痛．．．２隻手同條腰都好痛．．．就係咁．．．我就決定唔返學啦．．．係張床度訓左一陣，見１１點，就打電話比亞ｈｉｍ叫佢起身返學，打完比佢我就又訓過～＠＠訓到１２點幾度，就起左身，成身都係好痛，不過都要郁架嘛，咁就慢慢就力落床，去廁所，刷牙，攪掂晒之後即刻上返床．．．今日好悶呀．．．又唔出得街．．．又冇學返（你自己唔返咋喎，唔好講到冇得你返先得架～＠＠），而且又悶又冇野好做喎．．．就係咁，打電話比思強，傾左幾句，收左線，打比大佬，佢話佢依家同佢亞媽係觀塘飲緊茶，問我乜事，咁我就話好悶想搵人傾下計咁，佢又問我屋企冇人咩，我就話冇呀，佢就答我飲完茶再搵我，收左佢線之後．．．就又係度無聊啦．．．無聊左一陣．．．大佬打黎，話飲完茶，然後一野就問我係唔係住４樓－口－|||我話係，佢就話佢依家係觀塘，一陣見，就收左我線．．．我都唔知發生乜事架．．．過左一陣，大佬就上左黎啦．．．佢黎到，就拎左我部電腦玩，玩玩下，佢又找埋我個電話玩，打左比啟純，佢話啟純病左，星期五到今日都冇返學，諗住打去問候下佢，佢傾傾下，又比左我傾，我同大佬都係度勁玩野，完全有一種拎啟純黎消磨時間既感覺．．．依家諗返起都有ｄ唔好意思，話晒人地都係病人．．．－．－傾完之後，佢盲係我度玩ａｏｃ，玩左好耐呀佢，佢玩咁耐我就睇佢玩咁耐．．．睇到我都差ｄ訓著．．．～ˍ～|||佢玩到７點幾度，就返屋企食飯啦．．．過陣我都食飯，食完飯當我係度無聊緊唔知有乜好做既時候，手提響，一聽，原來係亞ｂｅｎ，咁就同佢係度傾電話，傾左一陣之後再駁３線比亞ｏｈ，傾左一陣，我地就冇傾啦．．．我就再打左比思強，同佢吹左陣水之後，佢就話要訓啦，係咁，我就燧度打日記玩ｏｃｑ聽下歌咁，為無聊既今日作一個完結．．．
ｐ．ｓ　今日諗左好多野，發覺，要搵一個明確既目標真係唔易，好希望好希望，可以快ｄ搵到一個明確既目標．．．唔知我既ｔａｒｇｅｔ幾時出現呢？（笑）

>>January 13, 2003 at 4:08:28 PM GMT+8

2003 年 1 月 11 日 星期六 【晴】

今日．．．原本約左大佬同佢返教會既我．．．今朝１０點大佬打黎搵我，睇下我訓醒未，而因為尋晚夜訓，攪到今朝訓唔醒既我．．．就好迷咁拎起個電話．．．唔係好知大佬講左ｄ乜，亦都唔係好知自己答左ｄ乜咁收左佢線～＠＠跟住又訓過．．．訓呀訓～訓呀訓，到左１１點幾，就起左身．．．就係咁，開始左我無聊既一日．．．起身，刷完牙，就去打機，打下打下，亞媽冇啦啦拎左碗好大碗既炒飯入黎，我先知原來已經點幾鐘，係咁我就一路食一路打機玩ｉｃｑ，本來以為今日都係自閉咁過既我～忽然聽到手提響～我就彷彿見到一線曙光咁～一睇，ｏｈ～正～原來係ｃｈｅｒｒｙ打黎，一聽電話，咦喂～本聲唔同晒～聽下聽下先知原來係亞ｏｈ，問佢攪乜啦，就問我出唔出去打波，當時果個ｍｏｍｅｎｔ，我諗，都唔使諗咁多啦～即刻話好啦～！！ｋａｋａｋａ～然後，收左線之後，第一時間就係．．．衝入廁所．．．爆～屎～！！！爆完屎，就換衫，整好晒野之後，ｃｈｅｒｒｙ又打電話黎，問我係邊，我就話仲係屋企，準備出門口，之後，我就出左門口。搭搭下地鐵～佢地又打電話黎，如是者，打左幾次黎催我．．．（攪到我好似住得好近咁．．．大佬呀～車程都要半粒鐘啦～催～ˍ～|||）去到之後，唔見佢地，就打個電話比佢地，講下講下就見到佢地，行過去既時候，我見到有條女喎～未見過架喎～原來，係亞ｏｈ條女～？！冇錯～大家唔使懷疑，係亞ｏｈ條『女』呀～ｋａｋａｋａ之後，就去打波啦，打呀打，打呀打，好似打完一場之後，見口乾，就去買野飲啦，點知，果個ｍｏｍｅｎｔ，我已經好唔舒服．．．想嘔想嘔咁～又見暈喎～真係好辛苦．．．過左一陣，又見冇野，就出去打波，打下打下，都唔記得左自己原來唔舒服．．．－口－|||講起打波，今日越打就越激氣．．．因為．．．打唔返個狀態返黎．．．可能係因為太耐冇打波啦．．．自從屎榮搬左之後，我就冇打波啦．．．唉．．．都有好幾年．．．而且，打幾場就已經覺得好索氣．．．ｄ體能大不如前，跳又冇以前跳得咁高．．．真係打到我勁燥．．．唉～睇黎我都要操返先得啦．．．打最尾果場時，已經覺得自己唔係好掂．．．因為隻腳已經好唔聽話．．．想起步都差ｄ起唔到．．．所以，打完最尾果場都已經冇打落去，亞ｏｈ同亞ｂｅｎ就繼續打，我就坐左係度同ｃｈｅｒｒｙ同亞ｏｈ條女亞珊吹水，吹到咁上下，佢地打完話走，咁就閃啦～亞ｏｈ就同佢條女自己走左，就得返我同ｃｈｅｒｒｙ同亞ｂｅｎ３條友去食飯．．．行下行下就行左入一間唔知乜野度食ｄｉｎｎｅｒ，我食呢個我既至愛～『魚香茄子飯』，點知．．．呢間．．．太恐怖啦．．．碟魚香茄子．．．唉．．．只可以唱一句～『你（碟野）太令我失望～～～（繼續升ｋｅｙ中）』食完，我就閃人嚕～因為真係好累．．．返到屋企我已經成隻死狗咁．．．沖完個涼，就即刻做一件超勁咁重要既事，就係～～～剪指因同腳甲～～！！！剪完就係度聽歌打日記玩ｉｃｑ咁．．．就過左一晚啦．．．
ｐ．ｓ　今日打波，打到我周身傷周身痛．．．２隻手都分別中招．．．為國犧牲．．．２隻腳都分別有２隻腳指爆左甲出血．．．２隻大脾條根都好痛，真係好似痴左媽根咁．．．我諗．．．聽日返唔返到學都係一個好大既問題．．．而呢個ｍｏｍｅｎｔ，我覺得好熱～因為心中有團火係度燒緊，呢一團就係久違左好耐既～～～『打波的決心之火』～我諗我咁熱係因為團火唔係我發燒病ｑ左呱～ｋａｋａｋａ

>>January 12, 2003 at 3:40:31 PM GMT+8

2003 年 1 月 10 日 星期五 【晴】

哈哈～好耐冇打日記啦～真係有ｄ唔好意思添～要咁多位ｆａｎｓ失望～ｋａｋａｋａ～
依家趁住新既一年～新既開始～就從新開始寫日記啦～係唔係好高興呢～？－ｖ－
今日～我１０點幾起左身，起身之後，當然係開電腦啦～ｋａｋａｋａ開左電腦後，就開ｉｃｑ，然後上左亞貴個西度睇，勁開心呀～因為有新片呀～ｏｈ～ｙｅ＠ｈ～～～～～～！！！睇完，就去刷牙啦。今日，約左ｃｈｅｒｒｙ同佢ｄ　ｆｄ去睇戲，見時間差唔多，就去沖涼換衫同食野啦，食完野，已經２點啦～ˍ～約左２點半既我，已經知道今次實遲硬到啦．．．攪下攪下．．．最後係２點２先出到門口．．．上左地鐵，冇啦啦電話響，一睇，原來係ｃｈｅｒｒｙ，咁就係咁同佢吹水，由呢個彩虹吹到旺角，去到呢個旺角站既時候．．．電話中既ｃｈｅｒｒｙ同我講，佢依家都係旺角站，架地鐵仲開緊門．．．然後我環顧四周，我都係身處地鐵車箱中，又係旺角站喎，仲要又係岩岩到站開緊門喎．．．就係呢個ｍｏｍｅｎｔ，我知道．．．ｃｈｅｒｒｙ班車就係我對面－．－|||上到電梯．．．冇啦啦～電話中傳黎一陣陣恐怖既笑聲．．．夭壽呀～原來係ｃｈｅｒｒｙ既笑聲黎架～＞＠＜我問佢笑乜，佢話因為見到我，佢係我後面．．．我心諗，見到我開心都唔使開心成咁係度狂笑呀．．．ｋａｋａｋａ　然後，去到呢個目的地之後，就見到ｍｏｌｌｙ同一個人，一個男仔，係ｃｈｅｒｒｙ　ｄ　ｆｄ，然後，就係度等人啦～等呀等～等呀等～終於等齊人～分別係亞ｂｅｎ同亞ｏｈ～而頭先一早係度既就係朱朱～人齊之後，就去戲院，去到之後．．．我即刻ｏ晒咀．．．因為ｄ人多到７彩．．．我地見條隊咁ｑ死長，就放棄睇戲既呢個念頭，去鬼左唱ｋ。唱ｋ既時候，我都頗自閉．．．因為都未熟落～可以話未ｗａｒｍ　ｕｐ啦～成個唱ｋ既ｍｏｍｅｎｔ我都冇乜點出聲～唱左好小歌．．．就係咁，比人既感覺就係我好文靜～（ｋａｋａｋａ你地中計啦～）到呢個ｍｏｍｅｎｔ為止，都只係得ｃｈｅｒｒｙ同ｍｏｌｌｙ知道我既真面目．．．（就係超型仔啦－ｖ－）唱完ｋ，ｍｏｌｌｙ就唔知乜事要走事，咁我地就諗左一陣，就去鬼左ｍ記食野，到步後，搵左位，就去買野食，而呢個ｍｏｍｅｎｔ就得返叫人搭買既亞ｏｈ同唔買野食既我係度．．．呢個時候．．．亞ｏｈ終於開口啦．．．佢問左我一ｄ好平常既問題，好似係唔係讀緊書呀～讀乜呀咁．．．不過．．．講下講下．．．佢竟然．．．話我個樣似２０．．．我同佢講我１８咋，佢即刻話．．．『嘩～乜你咁後生架』聽完呢句，我都已經ｏ晒．．．跟住，買野食既人就返左黎啦．．．食野既時候，我都係冇乜點出聲．．．食完野啦，佢地就話去打波，咁我未又跟埋去囉，本來諗住只睇唔打既我．．．最後都係落左場．．．一掂個波．．．真係有一種久違既感覺．．．好耐冇打波啦～真係差ｄ點打都唔記得呀～＞＠＜|||打左一場之後，我已經好熱好熱～同埋對鞋好唔舒服．．．嘿嘿．．．就係呢場波．．．我同佢地熟落左．．．之後．．．我就露出我野性既一面．．．ｋａｋａｋａ．．．係咁發癲．．．哈哈～！！！咁我地都急尿喎～咁就一齊去ｔ啦．．．就係呢個決定．．．令到我感到非常之震驚．．．因為．．．我見到亞ｏｈ入左女廁ｏˍＯ後來我先知道原來亞ｏｈ係女仔黎架～！！！＞＠＜依家諗起都覺得好唔好意思．．．唉唉呀．．．之後，痾完尿，見口渴就同寵物一號去左７仔買野飲，前後去左２次買野飲，後來我先知道自己蠢左．．．因為２支嘉士佰都只係１５蚊．．．但係．．．我就放２次買．．．每支１０蚊．．．唉唉．．．亞ｂｅｎ同亞ｏｈ佢地出左去打波既時候，我就係度同ｃｈｅｒｒｙ同朱朱吹水～ｋａｋａｋａ打到咁上下，佢地話走，咁就閃啦～分道揚鑣之後，孤身搭上歸家既路途，既疲倦亦興奮，疲倦乃因打波所至，可能真係太耐冇做運動啦，而興奮是出於今天快樂的回憶，今日玩得真係好開心，而係呢個百感交集，感觸良多既時候，有一種更震撼既感覺打斷左我既思路．．．就係．．．我急屎．．．－口－|||真係冇野好講．．．返到屋企，換完衫，就去左痾屎，痾完屎，睇下部手提，先知原來ｃｈｅｒｒｙ係我爆屎既時候搵過我，咁我就打返比佢，同佢吹左一陣之後，就收左線，就係咁，玩下ｉｃｑ，打下日記，咁為今日劃上句號。
又係久未出場既ｐ．ｓ大人出場既時候啦～～～
ｐ．ｓ　今日真係好開心～好耐都冇試過玩得咁開心～如果下次有機會～希望佢地會預埋我一份啦．．．如果佢地唔厭我癲過頭既話～ｋａｋａｋａ

>>January 11, 2003 at 4:53:35 PM GMT+8