2004 年 7 月 18 日 星期日 【晴】

本來諗住今日唔訓出街散下心，就諗住反正冇地方好去就跟雄雄返兄弟，就９點鐘打比雄雄，誰不知佢今日唔使返工＝口＝咁冇計啦，冇野好做，唯有乖乖地咁訓覺啦．．．訓訓訓，訓訓訓，訓到咁上下就起左身，雄雄又打黎約我今晚出去玩食埋飯，當然冇問題啦～仲好歡迎添～我就約晒咁多個人出去啦，見咁難得雄雄平日得閒唔使返工，就係咁．．．開始左有如惡夢般既一晚．．．
到齊人之後就決定食ｐｉｚｚａ，好呀～食ｐｉｚｚａ我最鐘意食ｐｉｚｚａ～而且ｐｉｚｚａ　ｈｕｔ又有新野出喎～之後我地分別有２個黎唔到，都有６個人，就諗食乜啦，諗呀諗～諗呀諗～就決定左要２個４人餐．．．係呀．．．你冇睇錯我都冇打錯，係６個人食２個４人餐．．．好開心架．．．一路食既時候開頭大家都好開心～有講有笑，仲係咁食唔停手．．．但係．．當第２個ｐｉｚｚａ上埋之後．．．情況就唔同晒啦．．．大家停既停，死既死，反胃既反胃．．．食得好悲壯．．．大家最後都食得晒所有野．．．只不過係６個人食完之後坐左係度好耐好耐好耐好耐好耐都唔郁得姐．．．坐左陣休息下，好左小小就決定行下散下步做下運動消化下．．．最後又坐左係度吹水同打機，打左冇耐就返歸啦大家都，雖然今晚共聚既時間唔算長，不過都好開心～特別係食ｐｉｚｚａ既時候，笑聲從未間斷過，雖然當中都有ｄ反胃聲～哈哈！不過都好盡興！
ｐ．ｓ　總結下今晚食左ｄ乜野：一個大既脆芝千島海鮮ｐｉｚｚａ、一個大既脆芝超級至尊、２客特色小食拼盤、２個麵，３個飯、８碗湯同８杯野飲！
　　　　嗯．．．芝士好好味．．．怕怕．．．
　　　　有咩好笑？點解全ｐｉｚｚａ　ｈｕｔ既員工行過我地果度都會望住我地笑？
　　　　我唔要做邊佬呀呀呀呀呀～～～．．．．．．
　　　　下次都係唔好人出錢，我地出命啦～雖然有人請食野．．．
　　　　好開心！

>>July 25, 2004 at 8:59:34 AM GMT+8

2004 年 7 月 17 日 星期六 【晴】

一諗返起我既過去．．．我自己都會有ｄ睇唔起自己．．．
所以其實唔係太想比人知我既過去，
特別係我覺得重要既人＝＞愛人
以下呢首歌．．．我相信都可以表達到我既內心既一ｄ說話．．．

＜＜大開眼戒＞＞

不要著燈
能否先跟我　摸黑　吻一吻
如果我　露出了真身　可會被抱緊

驚破壞氣氛
誰都不知我　心底有多暗
如本性　是這麼低等　怎跟你相襯

＊情人如若很好奇
要有被我嚇怕我準備
試問誰可　潔白無比

＃如何承受這好奇
答案大概似剃刀鋒利
願赤裸相對時　能夠不傷你
（但你知一個人　誰沒有隱秘）

當你未放心
或者先不要走得那麼近
如果我　露出斑點滿身　可馬上轉身

早這樣降生
如基因可以　分解再裝嵌
重組我　什麼都不要緊　假使你興奮
REPEAT ＊＃ WITH ()

幾雙手　幾雙腳　方會令你喜歡我　順利無阻
你愛我　別管我　幾雙耳朵
共我放心探戈

REPEAT ＊

如何承受這好奇
你有沒有愛我的準備
若你喜歡怪人　其實我很美

>>July 19, 2004 at 7:40:09 AM GMT+8

2004 年 7 月 17 日 星期六 【晴】

。今日訓到５點先起身．．．
。好耐都冇訓得咁耐咁舒服．．．
。１４個鐘呀．．．好．．．好．．．唉．．．．
。再係咁．．．幾時死呢唔知會．．．
。我諗都就架啦。
。今日又通左頂。
。同靜靜傾左好耐電話，傾左好多好多野。
。好開心！
。講返大家好多以前既野比對方知。
。我還是比較厭惡自己的過去．．．
。可以的話，我想否定過去所有．．．
。可惜那是我人生的一部份．．．無能為力。
。老實講，唔係太想講．．．
。因為驚未係時候講，會破壞到大家呢一段薄弱既關係．．．
。還是會怕失去自己的愛人！
。但還是會去面對。
。還會珍惜體諒！
。我愛，故我在！
。雖然比老豆怒屌左一獲甘既，不過都是但啦．．．反正係咩都冇乜所謂．．．
。總之我知道自己做緊乜就冇所謂．．．
。希望係呢段感情上，我可以負出更多、學習更多、珍惜更多、忍讓更多、做得更多，好讓大家都可以隨著時間的增加信心！
。ｉ　ｈｏｐｅ　ｉ　ｃａｎ　！

>>July 19, 2004 at 7:36:09 AM GMT+8

2004 年 7 月 16 日 星期五 【乍寒還暖】

。好眼訓都係，因為通左頂！
。今日約左屎榮同肥仔食ｌｕｎｃｈ。
。唔知點解會變左５個。
。痴線佬同亞ｂｅｎ都出現，好神奇！
。食完個ｌｕｎｃｈ就去左打機。
。又打機．．．我既生活只係打機打機同打機．．．
。我都開始有ｄ頂唔順．．．
。打完返屋企．．．又打機．．．
。今晚都打到３點幾．．．捱得好辛苦．．．
。冇計啦．．．為左愛人，負出就一定架啦！
。很愛很愛~～

>>July 19, 2004 at 7:24:02 AM GMT+8

2004 年 7 月 12 日 星期一 【陰】

。今日係亞ｏｈ生日，生日快樂！
。本來今日約左去唱ｋ慶祝，可惜臨時有事，冇去度。
。因為靜靜病左。
。好擔心！
。好彩都冇乜野，不過就同唔到靜靜唱ｋ．．．
。有ｄ失望．．．
。不過唔緊要，反正來日方長！

>>July 19, 2004 at 7:20:39 AM GMT+8

2004 年 7 月 10 日 星期六 【乍寒還暖】

最近既生活，仲係咁，好眼訓．．．．．．哈哈！
今日！我約左靜靜出沙田啦！好耶～
本來今朝我係應該１２點半起身打比靜靜叫佢起身既，不過．．．我太眼訓．．．１２點半起左身又訓返．．．不過好彩．．．我點半自己識起返身，就起身打比靜靜叫佢起身啦，個傻豬都仲係仲訓緊．．．之前果晚已經叫左佢早ｄ訓架啦．．．真係一隻懶訓豬＠ｗ＠叫醒左佢，就將時間改遲一個鐘，改為４點，我就起身打下機，玩下天外，玩玩下，靜靜打黎，問我有冇睇電視，跟住又話無線有金城武睇，叫我快ｄ去睇下，之後佢又收左線啦，我就係天外一路掛住皮一路去睇金城武啦．．．套野都應該好耐下架啦．．．不過都唔錯幾好睇，套野叫乜ｑ『極盜狂熱份子』喎，都ｏｋ　ｎｉｃｅ既，睇睇下，我係打算佢會３點鐘做完，之後沖埋個涼３點半出門口４點就準時到沙田架嘛．．．點知．．．套野到左３點３個字都仲未做完．．．我就心感不妙．．．就決定去沖左個涼先，沖完再一路搵衫一路睇，睇呀睇，睇呀睇，已經３：３５ｐ．ｍ．．．．．．仲未做完．．．但係我又想睇埋佢．．．點算／　＼最後，我係決定睇埋先架＠＠睇完．．．已經４點．．．即刻衝出門口＞＠＜一出門口先發覺原來有個ｍｉｓｓｉｎｇ　ｃａｌｌ，係亞ｃｈｅｒｒｙ妹，就覆返佢啦，原來佢話亞ｏｈ星期二生日，問我出唔出去唱ｋ，我就話應該冇問題既，時間地點遲ｄ再約我啦，就係咁收左線，好好彩，８９好快黎左，唔使等得太耐，上到車，諗住玩下部ｇｂａ，點知．．．出事啦．．．出咩事？冇咩野，玩唔到之嘛，我都唔知點解，我諗應該唔關部機事，係盒ｇａｍｅ既問題．．．就係咁．．．全程戇居居冇野做．．．睇下風景訓下覺咁．．．訓訓下醒起，今日係１１號，亞ｉｒｉｓ姐生日，就ｓｅｎｄ左個ｍｅｓｓａｇｅ比佢賀下佢同串下佢咁～ｋａｋａｋａｋａ～～～過左冇耐，靜靜打黎，我心諗，死啦，今次到我遲到＞＠＜冇面見人啦＞＠＜雖然平時我都遲慣架啦．．．之後就同靜靜講，我好快到架啦～等多我一陣～最衰都係睇左你叫我睇果套電視．．．殘念．．．．．．之後就收左線，冇耐亞ｉｒｉｓ姐又打黎啦，吹左２咀咁啦，問下佢點慶祝呀，Ａ－Ｌｅｖｅｌ考成點呀，有咩打算呀咁樣咁樣，呢樣果樣，就收左線啦．．．到步後，就去左搵靜靜，哈哈！搵左之後，就４周圍行下，因為我都好耐好耐好耐好耐冇去沙田啦．．．好懷念＞＠＜跟住我就話想去玩具反斗城行～因為我好鐘意行睇玩具ＡˍＡ我仲細．．．我仲細．．．好年輕．．．嗯嗯．．．係反斗城門口我地發現左一個好奇怪既景象就係．．．一大班小朋友著住同一ｓｅｔ既衫戴住同一款既帽拎住反斗城既袋袋．．．好似岩岩參觀完反斗城有野送咁．．．呢個ｍｏｍｅｎｔ．．．真係好想扮細路去拎返玩＞＠＜入到去，好多玩具呀～好多蜘蛛俠既玩具～呢期蜘蛛俠可以話係大熱！香港人越黎越有眼光！不過．．．我諗呢間反斗城都好快摺埋架啦．．．冇咩既．．．咸蛋超人同幪面超人既玩具小到冇得再小．．．你話．．．摺唔摺啦～哼！行完就周圍走周圍走，又行左入間玩具鋪度睇，睇下ｄ　ｇａｍｅ啦，又睇下ｄ佢亞媽既歌詞，咩話，睇唔明係咩黎？乜你咁蠢架，『他媽哥池』呀！話時話，呢度間ｄｏｕｂｌｅ　ｓｔａｒ呢，ｄ氣氛呀裝潢呀咁，都好正，比起同場既其他ｃａｆｅ黎講，係正好多～（謎之音：你又黎啦～職業病呀呀呀～～～）（我都未做呢行，未算係職業病啦ＸＤ）之後我有ｄ肚餓ｂｏｏ，就去左食ｋｆｃ，順手試下佢ｄ新野，嘩～呢間ｋｆｃ好ｑ死多人～等左好耐先有個位，ａｎｄ　ｔｈｅｎ就出去買野食啦，買完返黎，同我地一樣岩岩坐落既人已經食完走埋．．．而我．．．只係岩岩買完返黎．．．真係丟架＝口＝|||買左好多野呀好似＠＠買左佢果個乜野凱撒Ｂ餐啦～再加多杯椰果紅豆冰同一杯凍檸茶仲有一份大薯格同埋一舊葡撻，本來諗住買多３件雞翼食．．．不過諗諗下都係算啦．．．因為我既直覺同我講，呢堆野只係會得我一個人食．．．中呀～我既直覺中呀～靜靜只係食左小小薯格之後就我全包啦！哈哈！舊新野呀．．．幾好味呀．．．不過我唔會食第２次囉應該．．．就係咁．．．食完就周圍行下，行左去唔知邊度，唔記得左係唔係叫好運＠＠是但啦，總之係商場一個啦，又係去睇下有冇ｇａｍｅ買同睇下漫畫～真係頂你個肺～死ｅｖａ～你幾時先出架諗住～等那左你十ｑ幾世啦～～～～～！！！靜靜就買左隻ｈｘｈ既ｄｖｄ～又見到幽遊白書既ｄｖｄ　ｓｅｔ．．．真係搵日再睇多次都唔錯．．．哈哈＞＠＜！之後，行完呢個商場，就行左去ｈｍｖ睇～嘩～好感動．．．蜘．．．蜘．．．蜘蛛．．．蜘蛛俠既ｄｖｄ　ｇｉｆｔ　ｓｅｔ呀．．．．．．嘩～２６０幾銀．．．．．仲感動．．．感動到想死．．．．．．真係．．．唔知講咩好．．．諗左一陣，買唔買好，諗唔到，就離開左ｈｍｖ，又諗左一陣，都係決定．．．唔買．．．依家冇返工冇收入．．．都係節省少少好ｄ．．．唉．．．真係慘．．．窮人既苦況（　Ｔ　Ｔ）之後靜靜話去ｍｕｊｉ買野食，真係冇佢收，正餐就唔食，成日食埋晒ｄ零食，唔怪得之你成日都胃痛啦．．．真係呀．．．買完野食好口乾，就去左買野飲，買左支寶礦力飲，好很貴＝口＝１６個幾一支，原來係日本貨．．．真係唔抵．．．呢１６個幾唔使一分鐘就比我隊晒．．．ｏｈ．．．唔知講咩好．．．飲完之後，就又行下，去左陪靜靜睇泳衣，睇完，都差唔多時間，要返屋企嚕～雖然好唔捨得～哈！送左佢上巴士我都搭車返屋企，返到屋企先９點半，打個電話比靜靜，冇人聽囉＝口＝可能聽唔到啦．．．就玩下天外，到１０點就去左睇ｇｏｏｄｌｕｃｋ～ｍｒ．ｇｏｏｄｌｕｃｋ～等你好耐啦＞＠＜睇完，打比靜靜都係冇人聽－口－|||就ｓｅｎｄ個ｍｅｓｓａｇｅ比佢叫佢打比我啦，點知都係冇用．．．完全唔知發生左ｄ咩事．．．過左一陣天外見到靜靜．．．原來．．．去左睇ｄｖｄ．．．唔知電話響．．．真係比佢激死．．．（ｂ－　－）擔心死人．．．之後呢一晚，就係咁，講下電打下機玩下天外，一晚嚕～呵呵～

ｐ．ｓ　ｇｏｏｄｌｕｃｋ真係好睇！見到男女主角一齊時既感覺ｖｅｒｙ　ｎｉｃｅ～我都唔知點解～哈哈！死香田係傻佬！死板佬！見到都激氣＝口＝
　　　　今日好開心！要多謝靜靜！哈哈！
　　　　返到屋企比我研究到部ｇｂａ咩事啦．．．真係盒ｇａｍｅ既問題．．．跟住點？比我攪掂左啦！點攪？冇呀，用暴力囉ＸＤ

>>July 13, 2004 at 7:40:13 AM GMT+8

2004 年 7 月 4 日 星期日 【晴】

放過我啦～我想訓下覺呀～做咩成日都要嘈醒我．．．
今日點幾．．．死仔強打黎叫我出去飲野．．．就係咁，比佢嘈醒左．．．約左時間，就諗住打下機ｉｃｑ下啦，點知，死仔強又打黎，話佢比人放左飛機，要我同佢食ｌｕｎｃｈ，我就叫左佢黎我屋企樓下食啦，間野都搵笨架～食碗淋到冇得再淋既牛麵加杯凍鴦要成２０蚊．．．．唉．．．．不過都冇法．．．唔叫都叫左．．．唔食都食左．．．唉．．．．跟住就上左我屋企，佢係度睇漫畫我就係度ｉｃｑ打機，之後再約埋亞ｂｅｎ仔，４點幾就出左鑽石山啦．．．
到步後就去左ｓｔａｒｂｕｃｋｓ飲野．．．坐左好耐下呀都，都成２個鐘差唔多，就決定食埋個ｄｉｎｎｅｒ先返屋企，不過真係冇咩胃口．．．可能唔夠訓啦．．．只係食左碗粥同ｄ豬皮同飲杯豆漿．．．食完，只係７點鐘．．．就返屋企啦．．．返到去，又係咁，打機ｉｃｑ．．．
今晚就特別ｄ，不過都唔算係今晚架啦，因為都天光啦已經．．．同千靜傾左陣電話．．．就訓嚕．．．就係咁．．．一日．．．．．．

ｐ．ｓ　我應該好快死架啦．．．今日先發覺呢排係咁飲咖啡．．．係咁飲係咁飲．．．又唔夠訓唔夠訓．．．一係就負家產死，一係就飲咖啡飲死．．．唔想死．．．．．．
　　　　ｃａｆｅ　ｔｉｍｅ：再一次的發覺ｓｔａｒｂｕｃｋｓ真係好ｐｒｏ！是但搵個人都可以同你吹咖啡ｄ野！勁！

>>July 8, 2004 at 7:27:45 PM GMT+8

2004 年 7 月 3 日 星期六 【雷雨】

今日～好眼訓呀＝口＝
尋日玩左成日，今日仲要訓得一陣．．．９點幾亞ｍａｙ打黎叫我起身，佢一聽我把聲都聽得出我好累，佢問我，岩岩訓呀？我話，唔係，係岩岩返．．．．佢就叫我訓多陣一陣記得出現，我就係咁嗯嗯嗯嗯嗯咁應佢，收左線即訓返．．．到左１０：５０手提響，不過真係好累，熄左佢再訓過＝　＝不過好彩，１１：５５分自己醒左，唔係就死得人多啦．．．雖然呢個時間起身都會死好多人．．．一起身，即刻乜都唔講唔攪，去刷牙痾屎屎再換衫衫，１２：０５我已經出左門口，飛的過觀塘．．．之後搵左ｓｔａｒ仔之後，就再約人時間地點啦，ａｎｄ　ｔｈｅｎ就再過九龍灣等人，齊人後，就去買飛。買飛？係呀～買飛？今次又睇咩戲？未又係蜘蛛俠囉！問你死未～買完飛就用僅餘既２０分鐘走去ｍ仔記食ｌｕｎｃｈ，嘩～ｍ仔記多左好多靚姐姐呀呀呀～～～食得特別開胃呀真係～＞＠＜之後就去睇戲啦，雖然係睇第２次，但係都睇到我津津有味～真係好ｑ死好睇～！！～！～！
睇完之後，我發覺自己好唔掂，成身都好酸痛．．．就決定唔再去玩，乖乖地返屋企訓覺．．．返到屋企，同千靜講左幾句就訓ｑ著左啦．．．訓醒，食飯，食完後，再打下機ｉｃｑ下，等到１０點睇ｇｏｏｄｌｕｃｋ～ｙｅ＠ｈ～等左成個星期啦已經～＞＠＜睇完之後，就去打下機ｉｃｑ下啦又．．．就係咁．．．一日啦．．．

ｐ．ｓ　ｇｏｏｄｌｕｃｋ對白：『睇見你同佢一齊我就好氣頂～眼火爆啦！』
　　　　同時都係我既心聲：『睇見你同佢一齊我就好氣頂～眼火爆啦！』

>>July 8, 2004 at 7:26:35 PM GMT+8

2004 年 7 月 2 日 星期五 【暴雨】

７月３號，今日，係千靜既生日，噢～生日快樂！
今日，１２點幾已經開左身，一起身就已經知道自己今日有ｄ唔妥，因為個胃頗為唔舒服，有ｄ反，我諗原因都係因為唔夠訓同心情有ｄ緊張架啦．．．咩話？做咩冇啦啦緊張？哦．．．冇乜野，因為今日約左千靜出去飲野姐．．．
之後就係度ｉｃｑ，到左１點就打左個電話比千靜，叫佢起身，諗諗下，拎左佢電話咁耐都係第一次聽到佢把聲．．．一直都係玩ｍｅｓｓａｇｅ．．．叫左佢起身之後就繼續玩我既ｉｃｑ，差唔多時間，就去左沖涼洗頭，出門口去。
今日好準時，嗯．．．好耐都未試過咁準時．．．哈哈．．．約左３點我２：５０就到左．．．等等等．．．等等等，再等等等．．．哦．．．半個鐘等左．．．女主角終於出現！見到面啦，打左招呼之後，就返屋企啦．．．．．．講笑姐～ｋａｋａｋａｋ～就行左去新都會，周圍行，係佢帶我行囉，因為我唔識路＝口＝跟住佢就去左間寵物店度買野ｂｏｏ，我心諗，呢個人真係怪，竟然去寵物店買野比自己做生日禮物～呵呵！買完之後，又周圍行，行呀行，行呀行，沿途２個人都唔係講得太多野，可能因為仲係生寶啦．．．之後我地就行左去葵廣解決我地既ｌｕｎｃｈ，我就食返我呢個好耐都冇食既章魚丸仔～ＡˍＡ千靜就飲呢個西瓜冰？西瓜汁？我都唔知佢飲左ｄ乜．．．不過我諗佢自己都唔係好知．．．跟住又係葵廣都周圍走，一路行佢都一路好多電話，嗯～大忙人，相反我就一個電話都冇／　＼嗚～～～冇朋友．．．之後我就話返過去新都會ｓｔａｒｂｕｃｋｓ飲野，到左就坐左係度，開頭就我有我寫野，佢有佢講電話．．．我都唔知點好，好不是味兒＝口＝之後佢傾完電話啦終於都．．．謝天謝地．．．就到我搭咀啦，之後果段時間都係坐左係ｓｔａｒｂｕｃｋｓ度傾計，好彩．．．全程都有講有笑，冇ｄｅａｄａｉｒ，好彩好彩．．．快樂不知時日過，轉眼間，時間都唔早，千靜要起行去搵佢爸爸食飯啦，之後就送埋佢去搭的士，我就再出發過荃灣去兄弟探下久違既大家．．．點知．．．惡夢開始左啦．．．我呢個方向白痴．．．唔識路．．．搵唔到路過地鐵站．．．呢個時候．．．電話響ｂｏｏ．．．仲要係唔知邊個，滿心期待咁聽啦～一聽～女黎架！把聲仲要好好聽！ｗｏｏ～頓時間，唔記得左自己ｌｏｓｔ緊ｗａｙ，心情大好，但係講講下，佢係咁叫我估下佢係邊個，我點都估唔到．．．我心諗．．．我識得幾多女性朋友呀．．．之後終於都開估．．．原來．．．係．．．亞嫂．．．又再一次咁頓時間．．．發覺到現實既殘酷．．．方向白痴既無力感．．．到底．．．條路係邊＝口＝原來亞嫂打黎關心下我最近點，報學校方面攪成點～都好ｗａｒｍ呀～＞＠＜之後同佢講我過緊兄弟，點知原來佢都過，咁就決定一陣見到面先再傾啦～收線冇耐，就係呢個時候．．．比我搵到條路啦．．．太好啦．．．太好啦．．．
到左兄弟，又有一件事好震撼我．．．就係．．．佢地話去唱ｋ．．．天呀～你對我實在太好啦～我當然唔會ｍｉｓｓ呢個機會～死都跟埋去唱～又唔使錢～ＡˍＡ之後就係兄弟吹下水等時間到去唱ｋ．．．點知．．．我整喊左亞ｌｉｎｇ～！＞＠＜心諗唔知點死好既時候．．．我ｆｅｅｌ到ｄ野．．．我ｆｅｅｌ到唔係咁簡單．．．當大家都彈開晒等睇戲既時候（兄弟班人都係仆街黎架／　＼）．．．我就坐左係亞ｌｉｎｇ身邊問佢做乜，佢話唔關我事，即刻鬆口氣，最怕人喊＝　＝之後再問下佢做乜，雖然佢只係講左幾句，不過都估到咩事，應該都係工作方面太大壓力架啦，再加上其他野啦．．．之後就講左ｄ正面ｄ既說話同一ｄ比較ｓｏｆｔ＆ｗａｒｍ既說話，亞ｌｉｎｇ終於都冇事．．．真係～呼～鬆口氣．．．就係咁．．．呢一晚．．．就去左唱ｋ啦～ｙｅ＠ｈ～唱ｋ～ｋ～呀～唱ｋ～～～～～～～＞＠＜基本上，呢一晚，我係冇放開個ｍｉｃ，係咁唱～ＸＤ只係得一段時間冇唱，就係亞哥喪唱ｂｅｙｏｎｄ既時候．．．真係頂佢唔順．．．就走左出去抖下氣啦，咁岩呢個時候電話響，細蚊打黎ｂｏｏ，就係呢個時候，開始左一段奇怪既對話．．．一聽電話，佢就問我係邊，我就話唱緊ｋ，佢就：『屌～叫你唱你唔同我唱就去同人唱～』我就：『屌～我都唔係同人唱～我同兄弟唱之嘛～』佢就：『屌～同兄弟唱唔同我唱』我就：『屌～同兄弟唔撚使錢嘛～』佢就：『屌～』我就：『屌咩姐』佢就：『係邊？』我就：『係邊？咁你又係邊？』佢就：『地鐵站附近間ｇｒｅｅｎｂｏｘ』我就：『我屌～做乜那野唱ｇｒｅｅｎｂｏｘ呀～我係英皇ｎｅｗａｙ呀』佢就：『屌～我點知姐』我就：『唔好講咁多，過黎搵我陪我唱～留返個位同ｄ酒比你』佢就：『你過黎唔好．．．』以下既１５分鐘都係佢叫我過去時我又叫返佢過黎．．．直到２個人都覺得太無聊．．決定收線返入房唱ｋ．．．．．．就係咁，我又返去唱ｋ，唱到５點幾，佢地話走嚕，咁就走啦．．．返到屋企，仲未６點，就上ｉｃｑ同千靜傾下計啦，傾左陣佢就訓啦．．．我就仲諗緊訓唔訓好，因為過多幾個鐘就要過觀塘．．．．但係我最後都係訓左架．．．因為太眼訓太累啦．．．就係咁．．．．一日啦．．．

ｐ．ｓ　千靜～生日快樂！不過記得就算生左日都唔可以扮大過我架！今日真係唔好意思，冇點同你慶祝，希望你唔介意啦！
　　　　ｃａｆｅ　ｔｉｍｅ：　ｓｔａｒｂｕｃｋ　比我既感覺好ｐｒｏ，比ｐｃ更ｐｒｏ，可能因為佢地一開口都係用英文啦，攪到我都覺得ｄ咖啡飲落真係ｐｒｏ好多ＸＤ

>>July 6, 2004 at 2:29:05 PM GMT+8

2004 年 7 月 1 日 星期四 【晴】

今日既生活．．．一個字，悶！
２點起身就係ｉｃｑ係咁同人講：『好悶呀～有乜攪呀』
呢種生活，好熟悉，係我返工前既生活，
呢種生活，好討厭，係我頹之後既生活，
呢種生活，好厭惡，係我現時唯一生活．．．
今日冇啦啦又明白到，凡事都唔需要逼得自己太急，
其實好多野，慢慢黎，順其自然都唔錯，
又醒起亞哥既金句：『欲速則不達！』發覺得好岩用．．．好貼切．．．
明白到，ｋｅｅｐ住好似平時咁都已經足夠，亦都唔需要同冇必要攪咁多花神，攪到自己好辛苦，又攪到人地覺得自己好白痴唔知做乜ｑ．．．都係慢慢黎啦．．．
我返黎嚕~～～～～～～～～～～～～～～～～

>>July 2, 2004 at 2:49:53 PM GMT+8