2004 年 12 月 17 日 星期五 【晴】

今晚返左堅樂食盆菜，３５周年校慶，
返到去，坐係個禮堂度，
唱下校歌，睇下堅樂既歷史，聽下ｄ　ｍｉｓｓ阿ｓｉｒ上台講野，
好感觸，有一種特別既感覺．．．
同時亦都覺得好遺憾．．．
因為係堅樂咁耐，我好似冇留下過任何既事情．．．
亦都冇留下過任何既足印．．．
我相信呢個係我既一件頗大既憾事．．．
＝＝＝＝＝＝＝＝＝＝＝＝分格線＝＝＝＝＝＝＝＝＝＝＝＝
今晚同ｄ　ｆｄ落左尖咀飲野，
飲到５點幾ａ．ｍ先走，
我係飲到不醒人事，
要個ｆｄ送我返屋企先得，
我都係飲左７，８支．．．
但係就嘔左７次．．．
但係呢種醉左而又帶三分醒既感覺．．．都唔錯．．．
個場ｄ拳手見到我係咁嘔，
就同我ｄ　ｆｄ講，
話我唔係飲得咁多，冇可能嘔成咁，
一定係有心事先會咁樣．．．
但係尋晚我又唔係帶住借酒消愁既感覺去飲．．．
只係一路玩一路飲．．．
但係都攪成咁～～～～～～我都唔知點解．．．
是但啦．．．反正．．．出事啦～～～～～～～～～ＸＤ

>>December 19, 2004 at 10:35:15 AM GMT+8

2004 年 12 月 16 日 星期四 【晴】

當身邊的人不再需要我的慰問時
當身邊的人不再需要我的支持時
當身邊的人不再需要我的幫助時
當身邊的人不再需要我的鼓勵時
當身邊的人不再需要我的開解時
當身邊的人不再需要我的．．．一切時
我，還可以說．．．我是我嗎？
當這天真的來臨的時候，
又有哪一個人會把肩膀借來，
好讓我得到安息呢？
又有誰人，會成為我的依靠，
讓我得到安穩？
又有哪個，願意真心愛我？
『我最期望誰來慰問』？

>>December 17, 2004 at 4:52:22 PM GMT+8

2004 年 12 月 15 日 星期三 【晴】

到了現在，還不知道過了多少個秋冬，
六人的關係，不斷的在變化，
總有種離離合合的感覺，
有些人，還是那麼的親密，
有些人，變得更加親密，
有些人，漸漸變得疏離．．．
到了現在，還是會懷念中二的時光，
在太平山上嘻嘻哈哈的大家，
在單車道上跌跌撞撞的大家，
在人生路上緊緊相連的大家．．．
現在，大家那一條名為團結的線，
變得鬆散了，是大家沒有自覺？
還是根本是我想得太多？
是大家毫不在意？
還是只有我在獨個兒的在意？
是有內在問題存在大家視而不見？
還是只是我在庸人自擾？
很多很多的問號不其然的出現了，
歸根究底，還是我太重視六人的關係、六人的感情．．．
今天，我看著大家的關係，
只是黯然神傷，奈何非常。
難道是我對大家的要求太高？不切實際？
又還是我只是不配合大家的自我？
很多的疑問在我心中打轉，
說到底，我也只是太重大家的關係及感情．．．
關於這方面的執著．．．可謂更重於男女之關的關係及感情有過之而無不及！
但所謂愛之深　恨之切，
今天，我也可以說是滿肚子的氣，滿心的怨憤，
為甚麼會這樣？我也不知道．．．
真的．．．不知道．．．嗎．．．
只希望大家不是只出於口中的重視，
而是在心中打從心底的把六人的關係及感情珍而重之的好好珍惜、好好愛護．．．
人生得一知己死而無憾！
我能得５位知己，人生如此，夫復何求！？
這是我一直的想法．．．那麼．．．
你呢？
＝＝＝＝＝＝＝＝＝＝＝＝合格線＝＝＝＝＝＝＝＝＝＝＝＝
期待著電話每天也會響起．．．
期待著每天也可以為他人帶來安慰及歡喜．．．
期待著．．．期待著．．．

>>December 16, 2004 at 4:16:10 PM GMT+8

2004 年 12 月 14 日 星期二 【晴】

活了廿戴．．．毫無活著的感覺．．．
亦找不到任何活著的證明．．．
可恥也！！！
這一陣子．．．不知是上天也看不過眼而出手幫忙，
還是自己終於有所醒悟．．．
內心的一團火漸漸從燃，
今天，道路不斷在我眼前閃現，
能不能看到它們，能不能找緊它們，
我想，將是我一生中的轉捩點．．．
但我還是不會理會是上天的眷顧還是自發的醒悟，
我只知道，這是我最好的機會，也是我改變的時刻．．．
當天那個，不能堅持任何事的我，
當天那個，不能努力最後的我，
當天那個，不能做好任何事的我，
我在此僅以我的一切起誓！
我不會再做回當天的我！！！
我要捨棄當天的我！！！
今天，我重生了，
嚴格來說，是走出低下的階段，
攀上更高的高峰。
但是我知道一山比一山高這個道理，
今天的我，只是在我一生中走出了一小步，
我並不會感到自滿，
因為，還有很多事需要我去好好學習，
我還要不斷的磨練自己的心智、擴闊自己的視野、增進自己的思為層面等等．．．
我一定會努力的！因為我不可以再給別人看少！
我不想別人提起我時只會想起我是一個一無事處的人！
二十歲了，現在還不站起來發奮，
為自己，為明天而努力，還待何時？
男子漢～就是如此！！！
始終相信，一個打從心底裡有理想有夢想的人，
才會發出魅力，散發出光芒，
這樣，不是很適合我嗎？
因為，我天生並不是一個普通人．．．
現在，是為自己的一切戰鬥的時候了！！！
＝＝＝＝＝＝＝＝＝＝＝＝合格線＝＝＝＝＝＝＝＝＝＝＝＝
『當你認真捍衛自己的夢想時，才最覺得快樂。』
這句說話是生日書給１０月９號出生的人的靜思語，
我覺得，真的很貼切。
離開了堅樂之後，內心的那一片灰暗總是為自己的人生帶來了不快，
現在我知道原因了，因為，我離開堅樂的同時，
我也失去了捍衛自己的夢想的能力及動力．．．
但是我相信，今天之後，我一定會過得很快樂的～
希望，會有人在我身邊與我分享這份快樂吧！

>>December 15, 2004 at 3:31:46 PM GMT+8

2004 年 12 月 7 日 星期二 【晴】

有感而發．．．希望大家會鐘意～

你知唔知　想去對一個人好既感覺係點架
知　見唔到佢個屎忽會痕痕地　見到佢個人又會紮紮跳　同佢吹水　佢明明拎住把遮都會想噴到佢成頭大汗　想開口推佢話唔去街　但係打完一拳　又唔識打落去啦
哼　傻瓜　呢ｄ都只不過算岩岩想對一個人好姐　真正想對一個人好　唔係咁架　
咁係點呀
等我講比你聽啦
想對一個人好　我會叫佢將所有最好既野都留返比我　我睇過一本好好睇既小說　我唔會專登買多一本　都唔會等到佢悶既時候先攞比佢睇　我會就咁比呢本佢睇　睇唔睇係佢既事　我食過一件好好味既ｃｈｅｅｓｅ　ｃａｋｅ　我會記住果份味道　係佢得閒特別係肚餓既時候　講比佢聽有幾好食　等佢有得聽冇得食　最後帶佢去等佢請我食多次　我睇緊一部好好睇既電影　明明睇睇下一半　我都會離開座位　因為　我想買爆谷一路睇一路食　最重要係我好想睇埋個結尾　好睇既　我一定會同佢講好好睇叫佢一定要睇　不過係自己一個睇
咁做比你隊～得好既人都幾幸福呀　但係講左咁耐都未見佢黎搵你既
佢比我激死左半年啦
曾經有個人　佢教我想對一個人好應該係點　佢話　你越係去對一個人好　越會好快咁令到人地變左自己　佢仲話　自己唔會再對一個人好　因為佢唔想再對親每一個人好既結局都係一無所有　但係　我好有信心咁話比佢聽　你下一次對人好既結局　一定會好激心　更頂肺　佢聽完好唔相信咁啤住我　問我點解　我鼓起勇氣同佢講　因為　我想對你好
＝＝＝＝＝＝＝＝＝＝＝＝分格線＝＝＝＝＝＝＝＝＝＝＝＝
剪左頭髮
上左色
又型左　哈哈哈！！！

>>December 8, 2004 at 1:28:58 PM GMT+8

2004 年 12 月 4 日 星期六 【晴】

最近都唔知講ｄ咩好
好似好枯燥但係同時又好似好精彩咁．．．
我都唔知點咁．．．

>>December 5, 2004 at 4:24:17 PM GMT+8

2004 年 11 月 27 日 星期六 【陰】

可能尋晚食得太多野，
加上仲未病好晒，
今朝一起身就肚仔痛要痾屎屎～
今日朝早好無聊，
做電召男，等雄雄電話，
等完同佢出左深水行２個幾鐘就返屋企．．．
本來以為今晚有得出街．．．
點知個個都唔出又搵唔到人．．．
係ｌｕｎｃｈ又冇食而返到屋企又冇飯食既情況下．．．
餓左成晚囉咁就．．．＝口＝|||
今晚都係無無聊聊咁睇下電視玩下ｉｃｑ睇下網頁咁．．．真係好無聊．．．
咁就一日同一晚啦．．．口矣．．．．．．
＝＝＝＝＝＝＝＝＝＝＝＝分格線＝＝＝＝＝＝＝＝＝＝＝＝
開始發覺自己係一個成日都處於唔開心既一個人，
就算呢個ｍｏｍｅｎｔ係度笑，
原來心態方面都唔係太開心，
點解我會咁講？
因為我留意到自己平時出街時既笑容只係用黎掩飾內在既不快面容，
當你專注做一樣野既時候就會不為而咁忘記左要掛上笑容而露出真實既神情，
而我，就留意到呢樣野．．．
不過同時我又留意到一樣野，
就係我都會有真心笑出黎既時候，
就係係我講返以前同ｇｐ６行山呀玩既時候，
我先可以感受到乜野叫做『打從心底笑出來』既感覺～
諗返起ｇｐ６，真係好感觸．．．
ｆｒｏｍ２識到依家，大大話話都有８年幾就黎９年，當中有ｄ仲識左１０年添，
諗返起．．．真係好開心，
但係諗返以前再對比依家，
就更加感觸．．．
真係對我地ｇｐ６既前景唔係太樂觀．．．
希望係我諗得太多同太悲觀啦，
我都係希望係咁．．．
＝＝＝＝＝＝＝＝＝＝＝＝分格線ＩＩ＝＝＝＝＝＝＝＝＝＝＝＝
真係好想搵到一個可以比我真心付出既人，
又或者應該話，
希望我可以遇到一個肯比我為佢好為佢付出既一個人，
希望這個『她』可以早點兒出現．．．
又可能這個『她』已經出現了，
只是我沒有沒有發現而已．．．
到底係點，我都真係唔知．．．
其實我真係好簡單，
只係想搵一個人好好咁過埋下半世．．．講真架．．．
老實講，我真係唔係好想玩，
好累．．．好想安穩落黎．．．
我想，說到這裡也沒有人相信我所講既說話．．．
不過，也沒有所謂，
反正，我也慣了，
因為大家一早也已經給我商標化了．．．
算了．．．慣了．．．累了．．．
＝＝＝＝＝＝＝＝＝＝＝＝分格線ＩＩＩ＝＝＝＝＝＝＝＝＝＝＝＝
唔知點解出親街見到ｄ　ｆｄ，
就算自己幾唔開心～
都會講笑，想ｄ　ｆｄ開心下，
但係有時會諗，
佢地笑，咁．．．我呢？
我，到底想點？點解要咁做？還是我想得到ｄ咩？
我真係唔知．．．好想幸福快樂．．．
但係．．．我．．．
有資格嗎？
我．．．
可以嗎？

>>November 28, 2004 at 3:36:31 PM GMT+8

2004 年 11 月 26 日 星期五 【微冷】

今日仲病緊．．．
個頭痛到好似就爆咁仲係，真係ｒ晒頭～不過一ｒ又痛啦～＝　＝
都唔知點解仲未病好，平時病既話～病多幾日就會自動好返架啦嘛．．．
唔通今次有人咒我．．．
今日返工真係辛苦囉～個頭又痛～
郁親個頭都好似就爆咁．．．
仲感覺，就真係好似有個炸彈係個頭度一樣，一郁就會爆．．．
一返到鋪頭即刻食藥．．．平時唔食藥既我都頂唔順啦真係．．．
＝＝＝＝＝＝＝＝＝＝＝＝我是分格線＝＝＝＝＝＝＝＝＝＝＝＝
份工都返左一個月啦差唔多，
今日第一次終於有人黎探班啦～＼（　Ｔ　Ｔ）／
好感動＝口＝
雖然傾左２句我又要走去拎書開工，
但係都好開心．．．就算知道你地只係路過屎忽痕冇野做先黎搵我．．．
但係我都好感動．．．
＝＝＝＝＝＝＝＝＝＝＝＝傳說中的分格線＝＝＝＝＝＝＝＝＝＝＝＝
今日起身，唔知點解忽然好似諗通左好多野咁．．．
係愛情方面，我實在比太多藉口自己，
去執著於以往同逃避於現在，
所以，今天的我狠下心，
把那代表著從前那些美好的事的回憶物－我床頭的一樽心，
親手丟了，
這並不是我的意氣用事，也不是我的眼不見為淨，
我覺得這是決心的表現！
決心不再為之前之事所困惑，
決心為將來的事而爭取努力，
決心為以前的事真正的劃上句號！
今天，
我並沒有一絲的悔意，
也沒有一絲的不捨，
我，
親手的把那些心，丟了，
也正式，把從前的那些事，
埋在心中的相簿中，
好讓這困擾己身多時的束縛化為祝福，
我相信，現在才醒過來，也不遲呢！
＝＝＝＝＝＝＝＝＝＝＝＝芬木各線＝＝＝＝＝＝＝＝＝＝＝＝
好鐘意呢首歌既歌詞　
送比大家～　＜＜　明日之後　＞＞

長勝到底　只不過是場夢
時間到底　不可以被停頓
在這天　竟發覺　我的美夢
給粉碎像泡影消散

今晚過後　明日我終於
清楚到運氣的有限
而運氣　在瞬間　徹底消失我要怎辦
呼天不應途上逝返

苦就算苦　我給掃下　最終爭不到天下
當失意受責　經你手觸碰
停低的雙腳才會動

苦未算苦　我給撇下　但我不感到孤獨
當再沒人願意給我拍掌　多得你在耳邊稱讚

險境窄巷　明日我即使
花光了運氣都照行
難直上　便轉彎　你說一天會到終站
彼此感應從未退減

或者心血也給耗損踩爛
但苦得過聽到你嘆息嗎

苦就算苦　我給撇下　至少不必怕孤獨
當失意受責　經你手觸碰
受傷的雙腳才願意動

挨在你身　我總會是
最偏執真勝的小孩
今晚未能做我觀眾拍掌　心知你在遠方稱讚

天塌下來但你給我壯膽
明日再有難關都應付慣

這首歌很有一步一生的感覺，
這兩首歌也帶給我無限的思索，
希望大家也可以從中得到些得著、啟示。

『苦就算苦　我給撇下　至少不必怕孤獨
當失意受責　經你手觸碰
受傷的雙腳才願意動

挨在你身　我總會是
最偏執真勝的小孩
今晚未能做我觀眾拍掌　心知你在遠方稱讚

天塌下來但你給我壯膽
明日再有難關都應付慣』

不知道，這樣的一個可以成為他人（我）的源動力的人，
可會被我找到，而相反，
不知道我又可不可以成為給我源動力的人的源動力？（笑）

ｐ．ｓ　今日病都冇之前咁ｌｏｎｅｌｙ，起碼有人探我班同打電話比我，問我死得未．．．都冇咁灰，仲好開心添～哈！

>>November 27, 2004 at 10:25:13 AM GMT+8

2004 年 11 月 25 日 星期四 【陰】

今日過左好唔開心既一日．．．
本來今朝心情都ｏｋ正，
不過到返到屋企，再出門口，
就開始唔開心．．．
今晚其實真係好唔開心，
今晚都真係難為左火火同飛飛，
好似唔知點咁．．．
唔知呀～～～～～～～～～～～～～～～
好耐都冇試過咁冇ｍｏｏｄ咁ｄｏｗｎ．．．
今晚一個人坐係水池邊時，
突然諗起一個人，好突然真係，
好有衝動打比佢，不過最後都冇打到，
而我今晚都冇搵到佢亦見佢唔到，
真係奇怪．．．
不過今晚真係唔ｄｏｗｎ好唔開心．．．口矣～

>>November 26, 2004 at 3:43:03 PM GMT+8

2004 年 11 月 24 日 星期三 【陰】

今日病左．．．
發燒、頭痛、肚仔痛、忽冷忽熱、全身冇力．．．
但係仲要返工冇得休息！
仲要咁岩多野做，做到６點幾先放工．．．
今日真係好辛苦．．．
個頭痛到好似就黎撕開要爆一樣．．．
拎書又要又出汗但係又覺凍．．．
成日都冇食野同飲水．．．因為冇胃口同驚痾．．．
就係咁，帶住疲倦同病危既身軀捱到６點放工．．．
今日．．．更加想要個女朋友．．．
好想有人打個電話黎慰問下我，
又或者相反有個電話可以比我打下撒下嬌．．．
回家既路．．．沿途都好寂寞、好空虛同好失落．．．
一個人既生活，對我而言，
真係唔係太好受．．．
今日，病了，我並沒有對象可以傾訴，
也沒有電話來慰問．．．真的累了．．．很累很累．．．

>>November 25, 2004 at 11:06:37 AM GMT+8