2005 年 6 月 15 日 星期三 【晴】

這一夜，
窗外下著微微細雨，
這一刻，
我倆哭不成聲．．．
天意弄人？
弄得現在只有一雙紅紅腫腫的雙眼，
一件滿是眼淚鼻涕的汗衣．．．
這樣的折騰我倆，
所謂何事？
難道，這是無何避免的考驗嗎？
到了這一刻，
我還是在癡癡地想，
總有一天，我倆會一起的開心幸福．．．
當晚．．．
天已停下那嘲笑般的雨點，
餘下的，
只有一把飲泣的聲音，
劃破這寂靜無聲的安寧夜，
打破了沉穩深省的醉人夜．．．
就在那暗暗的角落中．．．不斷傳來．．．不斷重複．．．

>>June 15, 2005 at 9:11:19 PM GMT+8

2005 年 6 月 14 日 星期二 【晴】

可能又始至終，
我都唔識得乜野叫左愛一個人，
一直都係自己呃緊自己，
呃緊自己咁樣先係對大家最好，
但係當回過神黎既時候，
發現大家都滿心傷痕，
而自己，卻是兇手．．．
可能是我一直都太天真，
從沒有正視問題，
逃避著的懦夫．．．原來是自己．．．
一直都以為苦盡一定會甘來，
是我太過理想化嗎？
想不到，我的極限到達之前，
惡夢先來臨，
我想，這樣是最好的吧，
反正，我為我愛的人帶來的，
只有不幸跟傷痛而已．．．
謝謝妳這段時間為我所做的一切，
我真的感到很幸福很自豪，
但是，我真的很沒力．．．
我只能眼白白的看著妳終日不快樂．．．
我的心就只有痛而已，
日復一日，我只是越來越覺得自卑，
覺得沒用．．．
怎樣也好，這個決定，是我做的．．．
我會承受自己的責任，
對不起，我想，這樣對妳來說才是最好的吧．．．
請盡快忘掉我，忘掉傷痛，
總有一天妳會找到一個更愛妳的人，
對不起．．．我實在不忍心再看到妳傷感半分．．．
我想，妳也快到極限了吧？
放膽地飛吧．．．
我實在．．．是不配．．．
到了現在，我還是很天真的在想．．．
能否有一天，我倆能夠真正的在一起，
只有開心幸福，沒有半點的憂傷？
我欺騙不了自己．．．
這才是我最想要的結果．．．
妳才是我最想要的人．．．
但是，愛並不一定要擁有．．．
我會繼續用我獨有的方式去愛著妳，
即使，妳已不再愛我也好．．．
只希望妳能每天都過得幸福，
每天都過得快樂．．．
自己可以照顧自己身體就可以了．．．
珍重．．．我最愛的人．．．
　　　　　　　　　ｂｙ只會為人帶來不幸的人

>>June 15, 2005 at 7:33:46 PM GMT+8

2005 年 6 月 14 日 星期二 【晴】

我個人真係咁衰，真係咁怪咩？
好憎自己點解唔可以有記性ｄ！
好失敗．．．Orz
＝＝＝＝＝＝＝＝＝分格線＝＝＝＝＝＝＝＝＝
今天光仔，友人強，大佬，
也來了探我．．．
跟他們談了很久很久，
也算是想通了很多的事情吧．．．
謝謝．．．
＝＝＝＝＝＝＝＝＝分格線＝＝＝＝＝＝＝＝＝
。要令別人開心，自己先要開心吧！
。做人應該放輕鬆點，既然是自己解決不到的事情，就不要太介懷．．．
。反正所有事也冥冥有安排的～
。享受一下現有的生活，為自己找些樂子，才是應做的事～
。最重要的，還是『心』吧！
。反正所有事也有極限所在，就看看在極限先到還是幸福先來吧～
。挑戰人類極限，不斷創造奇蹟，不正是我的專長嗎？
。愛一個人，果然是不簡單的！
。還是不要太執著，把緊繃的神經放鬆下來，不然只會像一把過於鋒利的刀刃，傷人傷己．．．
＝＝＝＝＝＝＝＝＝分格線＝＝＝＝＝＝＝＝＝
很高興身邊有一班好朋友，
飛飛就像大姐姐一樣，
芭芭拉就像太陽花一樣，
柔美就像阿呆一樣。
希望柔美同９０９可以快ｄ搵到工啦！
＝＝＝＝＝＝＝＝＝分格線＝＝＝＝＝＝＝＝＝
看來，再是這樣，我快要收皮的了．．．
我太易失控暴走了．．．
狠狠的一拳打在櫃子上的拳頭，
如來損了．．．何苦呢？
是我太久沒有發洩嗎？
心中的不快沒有途徑發洩出來？
沒差，反正，一個人走的路，
就是如此．．．

>>June 15, 2005 at 3:57:53 PM GMT+8

2005 年 6 月 13 日 星期一 【晴】

今日係值得慶祝既一日，
今日，我好開心．．．
su未dd來en　就是我的一切，謝謝！

>>June 14, 2005 at 6:41:43 PM GMT+8

2005 年 6 月 13 日 星期一 【晴】

夠啦！唔好再留ｄ咁撚無聊既言啦！
我受夠啦！要我講幾多次先明！
冇．可．能．架！
我已經有愛既人啦～
要我講幾多十萬次你先明呀？
有好多野　你地旁人係唔會明架啦！
我亦都唔想講出黎～唔好再逼我啦～好冇！

>>June 13, 2005 at 7:40:28 PM GMT+8

2005 年 6 月 12 日 星期日 【晴】

今日友人強黎左探我，
暴左Ｄ料比我知，係度恭喜下佢先，
總之慢慢黎啦！比Ｄ信心大家，一定掂既！
因為．．．都冇野可以輸咯．．．怕甚麼？
之後傾左陣計，
諗左好多野．．．
＝＝＝＝＝＝＝＝＝分格線＝＝＝＝＝＝＝＝＝
來來回回，
原來，所有問題也都點到起點，
並沒有前進過，
當所有問題也都回到起點時，
我才發覺自己是多麼的可笑，
多麼的可悲．．．
多麼的可憐．．．
原來，一直以來，我也只是在白過而已．．．
我是那麼的渺小．．．
今天從新正視要面對的問題，
我恐懼起上來，
周圍的人與事也頓時讓我害怕起上來．．．
撫心自問，
自出娘胎，所幹之為何事？
能無愧頂立於天地之事又有幾？
能自豪道出成功之事又有幾許？
今天，思想上，
就像赤條條的被自己的問題仇視著，
我很想逃避，但我更想面對！
但我無力．．．
我的力量，果然是微不足道．．．
面對著問題時，我怎樣想怎樣做，
也是解決不到，是問題太難超出我的能力以外？
還是我根本就能力不足？
還是我又逼得自己太緊，把自己趕上了絕路？
當身邊所有人也在否定同時，
我，應該怎樣？
我快沒力氣了．．．感覺就像再節節後退一樣．．．
但是．．．身後只是一個無底的深淵．．．
我還能為自己鼓起無名的勇氣嗎？
再為自己加添信心嗎？
我還能繼續一個人的走下去嗎？
往事就像走馬燈一樣　逐點逐點的在慢慢轉動　
就像未曾消逝過似的　一點一點的烙印在心頭
我惶惑，我驚恐，
我想，我應該聽一聽別人的忠告，
給自己一點空間，休息一下．．．
畢竟，我也獨個兒的走了很久．．．
從沒有人支持我，
從沒有人認同我，
我就像這樣的獨個兒走了過來，
我想，我真的累了．．．
我想．．．我真的要回到最起點想一想，
自己到底想要的，是甚麼．．．

>>June 13, 2005 at 5:49:24 PM GMT+8

2005 年 6 月 11 日 星期六 【晴】

今日，又係新既一日，
精神爽利咁返工！
係鋪頭睇睇下漫畫，發現亞ｂｅｎ？！被亞ｂｅｎ發現左！？
呵呵，反正都一樣啦！
亞ｂｅｎ，你係第一個係我鋪頭食蒜香雞粒炒飯既人～嗚嗚嗚
多謝芭芭拉果盒唔知算唔算辣既腸粉～
令我唔使諗碗麵唔夠飽咁點算呢個問題～
好感人！哈哈哈哈！！！！
之後雄雄黎埋搵我，
８點收工過九龍灣食ｄｉｎｎｅｒ睇戲～
用我既２２１１積分換左３張戲飛返黎～
３個人睇戲唔使錢，哈哈哈！！！
唔好多謝我～真係唔使～反正ｄ積分都係用你地ｄ錢換返黎既．．．
呵呵呵～一切都係幻覺～嚇我唔到的！！！．．．Ｏｒｚ
今日都ｏｋ開心，多謝身邊既朋友仔！仲有我班兄弟啦！
＝＝＝＝＝＝＝＝分格線＝＝＝＝＝＝＝＝
好複雜既心情．．．
黎到呢個場，ｄ人都話我個樣好細個．．．
反而話亞ｂｅｎ個樣仲老過我．．．
我應該開心？定唔開心？
好複雜既心情．．．ａｎｙｗａｙ．．．
我係我！
＝＝＝＝＝＝＝＝分格線＝＝＝＝＝＝＝＝
今日睇左史密夫決戰史密妻，
ｏｋ好睇，未算太好睇，
不過幾攪笑就真既～
睇完之後發覺，
有時做人，
未必收收埋埋呃黎呃去先係好，
其實坦坦白白，個結果可能對大家都還要好呢！
＝＝＝＝＝＝＝＝分格線＝＝＝＝＝＝＝＝
睇完艾人個留言．．．
好無言．．．＝口＝|||
不過再返個時間．．．
更無言．．．
我個交代自己去向既日記係2005年06月12日Sun 13:26:11 完成，
而艾人個擔心我既留言係2005年06月12日 13:27:15 完成．．．
如果我早ｄ打又或者艾人遲ｄ留．．．
咁就唔使擔心啦＞＠＜
ｓｏｒｒｙ艾人．．．要妳擔心．．．
我冇避開妳，真係好似拍戲咁．．．
我唔得閒果陣你先得閒搵我，
我得閒果陣妳先唔得閒搵我．．．
真係好無言．．．
我話過會等妳架嘛，
無論點，我都會等，
這是我對妳一個人的承諾，不是嗎？
難道妳就這麼不信任我嗎？
還記得妳臨走前我說過甚麼了嗎？
我說過我會好好照顧自己的，
不用擔心，好好散心，玩下放鬆下，
掛住我就得啦～呵～
ｓｏ　唔好亂諗野　我還在這裡　不用怕　好嗎？
ＭＩＳＳ　ＹＯＵ！

>>June 12, 2005 at 4:51:43 PM GMT+8

2005 年 6 月 10 日 星期五 【晴】

嗯．．．今日好熱．．．
今日開鋪好辛苦～嗚嗚嗚！
因為冇訓過既關係．．．
所以成日都唔敢坐係間鋪入面，
企左係出面，
不過企企下都差ｄ訓著左．．．Ｏｒｚ
今日收到芭芭拉送既禮物，
果然係招財貓一隻！
多謝晒～慳返唔使買～
大家都知啦～我係窮苦人家～飯都冇錢開～嗚嗚嗚．．．
今日９點就收工，
返到屋企沖個涼攪ｄ野，
９：４５左右就訓左，
好好訓，一訓就係第２朝既點半．．．
起身發現有個冇ｎｏ．既ｍｉｓｓｉｎｇ　ｃａｌｌ．．．
會唔會係艾人打黎．．．早知唔咁早訓啦　可惡！！！！！
等～繼續等～～～～～～～～

>>June 12, 2005 at 5:26:11 AM GMT+8

2005 年 6 月 9 日 星期四 【晴】

情緒再次陷入低潮．．．
很想妳在我身邊．．．
＝＝＝＝＝＝＝＝＝分格線＝＝＝＝＝＝＝＝＝
今天晚上回家吃過了一點點的東西之後，
就再次離開家門，
往荃灣進發，再轉戰屯門，
就係咁，係我亞哥屋企打機打左晚，
通左頂．．．個人好累好辛苦．．．
返到屋企打算刷個牙就出門口返工開鋪，
當然，之前要做ｄ好重要既野先，
就係開電腦睇有冇留言同ｏｆｆｌｉｎｅ　ｍｅｓｓａｇｅ，
好開心　艾人留左ｏｋ多　ｏｆｆｌｉｎｅ　ｍｅｓｓａｇｅ比我，
ｓｏｒｒｙ　幾次我都冇ｏｎｌｉｎｅ，
唔係訓左覺唔得閒就係出左街．．．
不過就算係ｏｆｆｌｉｎｅ　ｍｅｓｓａｇｅ，
我都好開心，個人好似有返精神咁，
不過我諗，我好快又累架啦．．．＝　＝|||
飲左『小小』酒～嗝～～～～～～
有ｄ頭痛有ｄ胃痛～
嗯．．．．．喔耶～我返工嚕．．．掰８．．．Ｏｒｚ
好辛苦呀～！！～！～！～！！！～！～＞＠＜

>>June 11, 2005 at 3:31:18 AM GMT+8

2005 年 6 月 8 日 星期三 【晴】

不用理會別人的閒言閒語，
只要意志堅定，
信念清晰，
對自己，對別人充滿信心，
就可以向前大步大步的再走下去！
艾人，希望妳也可以這樣子的繼續走下去，
就像我由始至終也相信妳的那樣，
相信自己，相信我，
無論怎樣，
我愛的人也只有妳一個，綾子！
艾．笠．ｕ．～
艾．ｍｉｓｓ．ｕ～
我相信妳，一定會回到我身邊，
因為，妳不是這樣子的說過嗎？
說過不會拋下我一個～
至死，汝不忘，
乃承諾，
雖非山盟海誓，
卻於願足矣，
人生可覓一最愛，
夫復何求？
我會等妳愛妳，
因為，妳值得！
＝＝＝＝＝＝＝＝＝分格線＝＝＝＝＝＝＝＝＝
原來我呢套『網上連續劇』，
都ｏｋ多觀眾，
在此感謝各位營光幕前既～你～
一套劇，一定會有正反兩面既聲音，
此乃正常現在，
我並不介意，
希望大家也可活躍發言，
可給在下一點建議及支持鼓勵！
即使是給我這個男主角，還是我的女主角。
大家唔好誤會，我唔會為左拉高個收視，
而去『作野』，全部都係真實親身親心經歷過既事情～
絕不取巧，並無半點虛構，
如有雷同，實屬不幸矣～！！！
＝＝＝＝＝＝＝＝＝分格線＝＝＝＝＝＝＝＝＝
多謝關心，
在下撐得起來！

>>June 9, 2005 at 5:16:32 PM GMT+8