2005 年 6 月 23 日 星期四 【晴】

情愛妄想症（erotomanic type）─ 又稱de Clerambault’s綜合症。病人會以為自己正和某人戀愛。這類型在女性中較為常見，但也可在男性身上發生。幻想中的戀人很多時是遙不可及 (對方不是條件太高，就是經已結婚)，甚至乎對方只是一個「魅影」，在現實中根本並不存在。病人還會一口咬定是對方先愛上了自己，但實際上兩個人只有很少甚至完全沒有真正接觸。雖然病人有時會替對方編織藉口，但也會惱羞成怒，做出一些異常的舉動，如跟蹤、騷擾、襲擊、綁架，甚至謀殺等。

香港九龍觀塘功樂道二號

香港心理衛生會

求助熱線→2528 0196　　(你仲等咩呀？仲唔打電話去？講緊你呀！！日本卡通小人物ＸＤ)

←Link去睇下啦

希望大家注意，有病宜及早就醫　刻不容緩！

P.S　大家冇咩必要就唔好『反白』求助熱線後面既位啦ＸＤＤＤ

>>June 24, 2005 at 8:26:09 PM GMT+8

2005 年 6 月 23 日 星期四 【晴】

我要靠自己．．．
唔靠任何人．．
唔再睇任何人面色．．．
總有一日我會買起所有野！
心情幾煩，幾低落，
不過，訓醒就冇野架嚕～

>>June 24, 2005 at 2:50:25 PM GMT+8

2005 年 6 月 22 日 星期三 【晴】

ｗｔｆ～
唔好再留ｄ咁無聊既言啦！
一開始我已經講得好清好楚！
我愛既人只有一個人，
只有　森綾子　一個，
唔好再留ｄ咁無聊既言，
好撚煩呀！！！！！！
你自己鐘意玩自己去玩，
唔好再拎我黎玩啦！
我唔好玩架！我真係好撚慶呀！
地球是很危險的～回火星吧～

>>June 23, 2005 at 7:21:28 AM GMT+8

2005 年 6 月 21 日 星期二 【晴】

哎呀哎呀~～
掛住攪個日記．．．
攪攪下．．．天光啦原來已經．．．
好難攪呀～＞＠＜
不過好好玩～整完好有成功感呀～Ｔ＿Ｔ
希望唔會整得太難睇啦＝口＝|||
要訓啦～好眼訓～掰８～

>>June 22, 2005 at 9:27:04 PM GMT+8

2005 年 6 月 20 日 星期一 【颱風】

今日偷懶一日冇開工ＸＤＤＤＤＤＤ
成日係屋企發呆同艾人玩ｍｓｎ講電話，
好開心，
差足電，哈哈！！！！
艾屎妳嚕～＞ｗ*＜
＝＝＝＝＝＝＝＝＝分格線＝＝＝＝＝＝＝＝＝
日日都咁大乳．．．
好討厭．．．

>>June 22, 2005 at 2:19:08 AM GMT+8

2005 年 6 月 19 日 星期日 【晴】

我愛妳　老婆
小心身體　錫自己多ｄ
嘻

>>June 21, 2005 at 6:32:16 AM GMT+8

2005 年 6 月 18 日 星期六 【晴】

恥辱！
＝＝＝＝＝＝分格線＝＝＝＝＝＝
ｚ８００ｉ唔錯，
幾好用．．．
我又換左電話啦．．．嗯．．．
＝＝＝＝＝＝分格線＝＝＝＝＝＝
蝙蝠俠好好睇，嗯．．．
＝＝＝＝＝＝分格線＝＝＝＝＝＝
拎返個平衡點先得！

>>June 20, 2005 at 4:21:40 AM GMT+8

2005 年 6 月 17 日 星期五 【晴】

今晚本來打算去睇戲～
點ｑ知冇位Ｏｒｚ
唯有改聽日先睇，
轉戰打機ａｎｄ食宵夜～
可惡既推車可伯，
今晚竟然唔出黎做生意！
我打算食生腸同雞賢架嘛～！！！！！可惡呀呀呀！！！！！
＝＝＝＝＝＝＝＝＝分格線＝＝＝＝＝＝＝＝＝
今日睇到留言，
一笑置之，
她有她的道理，
哈哈，謝謝指教！
＝＝＝＝＝＝＝＝＝分格線＝＝＝＝＝＝＝＝＝
我對於蠟頭都好頭痕，
唔知點先可以攪個好睇既頭出黎，
加上我又唔識點整個頭，
所以次次我都唔攪個頭，選擇戴帽＠＠
但係如果我決定左果日要攪個頭，
我唔會理個頭攪成點，
我都會隨心最自然咁攪個頭，
之後對個完成品充滿信心，
因為唔理好唔好睇，已經整左出黎！哈哈！
反正都整左出黎，未比ｄ信心自己囉！
好好彩，次次蠟頭出街都冇比人話樣衰過～
呼～信心，唔會自己冇啦啦咇出黎，
一定係慢慢～慢慢咁從小小野小小野咁蓄返黎～
慢慢黎～一步一步慢慢黎！
＝＝＝＝＝＝＝＝＝分格線＝＝＝＝＝＝＝＝＝
總有些人，為著他人身體著緊擔心時，
當事人永遠也不會著急，
只會懶懶行，覺得冇咩所謂，
但是擔心的人內心的焦慮，
那份不安，
真是不是味兒．．．
正所謂『皇帝唔急就太監急』．．．
口矣．．．．
＝＝＝＝＝＝＝＝＝分格線＝＝＝＝＝＝＝＝＝
好開心我有一班好鄰居！
個個都對我好好！哈哈！
好開心開心！！！

>>June 18, 2005 at 7:05:13 PM GMT+8

2005 年 6 月 16 日 星期四 【晴】

今天，
我回到了從前，
今晚，
我感覺到從前。
感動．．．
今天晚上跟屎榮去左食ｄｉｎｎｅｒ，
好耐冇見嚕同佢～
都好耐冇傾過計～
之後去左我波波～
仲即興打左場２個鐘既波，
好ｆｅｅｌ～
呢個世上冇任何聲音可以好聽過『ｃｈｕ』，
呢一聲．．．
優美既姿勢，
高高既拋物線，
清脆的一聲，
『ｃｈｕ』．．．
沒有任何事情可以比這事更為興奮！
打波時，屎榮講左句，
『你都冇咩點變呀，打波時都仲係咁開心，一樣冇變過同以前。』
原來，我一直捨棄左自己開心既事達幾年之久，
今天，我終於尋回這一點一點的快樂．．．
『ｃｈｕ』～一聲再一聲．．．
穿插的快感無可言喻．．．
我個人比較喜愛３分，
因為越遠的穿針那『ｃｈｕ』的一聲更為清脆，
成功感更強！
今晚，大家都在說，假如我們再高些就好了～
那就可以入樽了，到時玩法又多好多唔同好多～
對的，可恨的是身高不夠，
我想，這是遺憾吧～
但既然這是無可解決的問題，
那就不用執著，因為，
那『ｃｈｕ』的一聲～也有著無限的吸引力，
不是靠入樽單一的玩法代表一切，
ｓｏ～ｊｕｓｔ　ｆｏｒｇｅｔ　ｉｔ　ａｎｄ　ｊｕｓｔ　ｄｏ　ｉｔ～
繼續我的３分及剷籃～
扭過人之後再『ｃｈｕ』一聲～那快感那成就感那優越感．．．
哈哈～真是非筆墨所能形容．．．
今天，
我回到了從前，
今晚，
我感覺到從前。
感動．．．
＝＝＝＝＝＝＝＝＝分格線＝＝＝＝＝＝＝＝＝
嗯　好痛！
今晚打波ｏｎｅ　ｏｎ　ｏｎｅ既時候，
左邊身飛剷式仆街落地．．．
好爽＝　＝
以前打波一直都係好狼，
估唔到依家咁大個人，都仲係一樣咁狼死！哈哈！
以前就係因為太狼，
攪到條腰同隻腳有左舊患，
條尾龍骨第１３節移左位，
就係因為打波，
左手手指尾甩過較，
都係因為打波，
試過打完波之後全身抽根郁唔到，
又係因為打波，
亦試過打完波之後第２日落唔到床返唔到學乜都做唔到，
未係因為打波囉．．．
我係唔係太唔錫身呢？
是但啦～反正冇得救架啦～
因為我一打波就會好投入好訓身好忘我～哈哈哈！！！
＝＝＝＝＝＝＝＝＝分格線＝＝＝＝＝＝＝＝＝
今天我明白自己欠缺了甚麼，
我就會用自己的一雙手及時間來爭取回來，
打波，可以幫我取回這一切一切．．．
信心、恆心、毅力、體能、爭勝心、意志．．．．．．．．．
這一切，我誓要討回來！

>>June 18, 2005 at 6:39:28 PM GMT+8

2005 年 6 月 15 日 星期三 【晴】

終於都將成套既『消防員的故事』，
由頭到尾睇左一次。
細個既時候睇既感覺，
同依家大過左睇既感覺，真係好唔同！
呢一套我覺得真係一套不可多得既好漫畫，
往往可以觸動到我既心靈，
靠既並唔係細膩既畫工，
仍唔係超乎想像既爆血打鬥場面，
更唔係一幕幕既性感暴露色情情節，
有既，只係震撼既主角內心掙扎情景，
有既，只係火場入面果種震撼，
有既，只係主角救人果種逼力，
有既，只係主角既生路歷程．．．
當中充滿著發人深省的字句，
由第一期看起看到２０期的完結，
就有一種跟主角一起成長的感覺，
看著主角成為一個眾人眼中的不幸英雄而受到祝福時的感動，
真是非普通漫畫所能帶來的！
我也可以像主角那樣，
堅持度極強，集中力異常，不屈不撓嗎？
『消防員的故事』，
果然是一套不可多得的漫畫！

>>June 16, 2005 at 6:23:05 PM GMT+8