|
2006 年 7 月 3 日 星期一 【炎熱】
 2006/7/3 Today is my love, HinHin's birthday! 生日快樂,軒軒! ^3^
為左軒軒今日o既生日,嬌嬌呢一個月都真係做左好多野!目的都係想令呢傻佬有個又驚喜,又浪漫,又豪華o既生日~~今次真係如佢所願啦! 真係好多謝Musician Cafe o既Staff, esp Kit哥!! 一個月o既心機,無敵夜景,好正o既live music,Romantic atmosphere,一流服務,美味食物,神秘禮物,再加埋我o既愛心蛋糕(人家專登報名今日學整ga!)仲有,全場off light + 大合唱birthday song...hoho~~ 呢d已經係我能力範圍最好o既野! 一次過畀晒軒軒!! 好開心,因為軒軒都好欣賞我o既安排,佢仲話真係有d感動~ ^_^
SMS from 軒軒 after the dinner tonight: [今個生日係記憶中過得最正最浪漫的...多謝!] hehe...知道軒軒開心,嬌嬌都好開心! // 仲有呀...軒軒今日讚左嬌嬌好多次~好開心!
多謝阿敬今日陪我lunch!
OMG~ 今日成朝都勁病~~ 攪到影果張id...影到勁odd...唉唉!
P.S. detail o既內容,我遲d再打!! 累啦~~好多晚冇訓! (多謝虫虫o既朋友仔esp 阿ming,Anita & Duncan...呢排要你地擔心嬌嬌,真係唔好意思啦!!^_^)
>>2006年07月05日 Wed 9:10:39 (GMT+8)
2006 年 7 月 1 日 星期六 【炎熱】
 之前o既diaries,我諗真係等一排先會有得睇~
今日同Mandy Kwok去沙田行左半日∼∼好累! 買左個card holder畀軒軒!
聽日做虫虫Summer Course Promotion Leader~ haha! 阿敬,阿冰,louis: 聽日齊齊努力呀!
後日3/7(monday) 係老公軒軒birthday o既大日子!! 真係好緊張!好期待~因為嬌嬌為軒軒o既生日準備左好耐~~ 希望畀佢一個我能力範圍內最好o既生日!hehe~ 果日一早我就去換id~咁我張id就會有軒軒o既生日日期啦!hoho~ 1430就去學整cake~~ hehe,等軒軒可以食到嬌嬌親手整o既birthday cake! 跟住先拎個cake去Musical Cafe 先,再去搵軒軒! hehe...等佢唔知有cake食!希望果晚o既節目進行順利啦~~if yes,就真係又浪漫,又難忘啦!!
P.S. 呢個week....嬌嬌緊張得好厲害~~ 成日都好愁咁!! 或者真係擔心軒軒生日 o既野啦! 連前日同阿敬食飯..都食到連叉都跌埋! 敬敬仲好認真咁話我...唔可以再係咁!再係咁...嬌嬌真係傻ga啦! 唉...都唔知做咩會咁!! 同埋...呢排成日都諗究竟軒軒..係咪真係岩我...Aiya....救命呀~~~ 我真係覺得自己愛軒軒愛到傻左~~~~~~ ...拍幾次拖都未試過咁ga,真係勁驚!>.<
>>2006年07月01日 Sat 20:16:02 (GMT+8)
2006 年 6 月 9 日 星期五 【晴】
 好lazy....大把日記未得閒寫返~~ 等下啦!
>>2006年06月09日 Fri 8:49:49 (GMT+8)
2006 年 5 月 10 日 星期三 【炎熱】
8/5 起身-->溫書-->上網-->自己去打Squash-->QEC call返工-->去Dragon Centre 買rice dumpling + 紫米豆漿-->搭bus返虫虫-->軒軒打畀嬌嬌,傾到差d唔記得落車-->開工+練琴-->同anita 一齊搭車返屋企!
9/5 o係屋企溫書-->夜晚同軒軒傾左陣電話,約佢聽日同我食lunch!-->2am訓覺!
10/5 hehe...同軒軒去拍拖拖~~ 傾左好多野呀!! wow...唔講我都唔知,原來軒軒有3間公司lor! =.= 勁勁勁呀! 陪老公去salon剪頭髮! 又係Sunny哥哥剪~~ 佢真係又靚仔又好人,技術又好!!掂呀!不過,一剪就成個鐘啦! 同軒軒去別府食Tea~ 坐到1630就走啦! 去買左d魚仔,就去KCR搭火車! 軒軒陪我搭到沙田,佢先再o係大埔轉車返屋企! 真係好o既jei~ 勁開心! 個傻佬仲話等我考晒d exam,畀佢手上果3個盤我幫佢sell...$60000一個...哈哈! 我識鬼咩!
To be continued~ 之後會打多d上去!
軒軒: 聽日考電單車,畀心機呀! 一定PASS! 但唔好好似今日曬到變燒豬仔咁!
11/5 同軒軒100日紀念! 好開心,軒軒一早考完車就打黎同我講,佢PASS左~哈哈,仲要攪笑到我錯手cut左佢線後,大家互打畀對方...攪到打極都唔通!哈哈~ 咁我覺得應該都係大家爭打,所以收線等佢打畀我! 軒軒真係叻~
>>2006年05月18日 Thu 9:49:36 (GMT+8)
2006 年 4 月 21 日 星期五 【溫暖】
21/4 7am.就起左身啦!先沖涼洗頭,之後就開電腦check email. hehe~尋晚細佬幫我整左手機d相入電腦,咁我就可以print我同軒軒d相放落銀包!鬼叫次次叫老公同我影相,佢實左推右推...衰到死!>.< Print完相相就做埋份A/C assignment2! And then went to school~ 一出門口，打畀軒軒，又冇人聽！有ｄ唔開心，又有ｄ擔心，搵佢兩日都冇影咁！Um.. 或者真係太忙啦!留左言畀佢就算啦...費事成日打,好似好煩咁!
第一堂CCT! haha~勁開心！好似上幼稚園堂咁∼要用顏色筆畫公仔-->Mind Map! Ho~Ho~太靚lu! 一落ｃｃｔ個lecture,就要趕過去上CB~淨係睇人present!唔使一陣毫落堂啦! 一落堂就有人送一隻我恨左好耐,絕左版o既<白色跳跳虎>畀嬌嬌!So happy~多謝大力！亦唔該晒German專誠送貨畀我!^o^
拎完跳跳虎,再打多次畀軒軒!但佢忙,所以都冇乜講到野就hang up!咁我就去library做ESA homework!O~Lunch都冇食，勁餓!做到1530就去上ESA堂!又係一堂好"hea"o既英文堂!唔使一陣又落堂....不過今堂好慘lor,我d朋友仔一個都冇返,攪到我自己一個坐, 自己一個答阿sir 問題~>.< 臨落堂,Raymond畀返mid-term result 我地o地睇! Wakaka~~ 勁開心，勁興奮! 嬌嬌係4個over 80 o既其中一個! Hoho~爆4呀~~ A呀!! 真係激開心呀! Marketing又A~ 呢個sem真係Good Good Good 晒呀!! 有軒軒,一切變得很美呀!
放學啦~知道軒軒搵過我,咁我就即刻打返畀佢!不過佢唔得閒,咁我就等佢再打畀我!>.< 原本想第一時間tell 軒軒我英文 A , 但又講唔到!>..< 個傻佬o既留言仲激氣...佢叫嬌嬌做"師奶"...激死人啦! 不過又幾sweet wor! 哈哈,我聽留言聽到笑出聲,甜到漏咁!攪到d人行過都望住我.... :p
等軒軒reply我o既同時,我就打畀肥比,因為約左佢落黃埔食野!約好之後,軒軒打返畀我,個衰野只係好急咁講我知想我幫佢去貿易署搵中小企基金d info,就好快咁話要收線~ woo woo...納 嬌都冇機會同軒軒講我o既開心事~算啦! tell him later!
o係都會買左包4塊o既cookies當lunch..不過只係食左一塊!咁就搭8A去黃埔等肥比!自己o係Jusco架船行左陣,肥比就到啦!哈哈~一黎就畀佢話人定件衫低! >.< 行到咁上下,行過basement o既超市始終忍唔住行左入去!見到有軒軒最愛o既米線!自己又未食過,又好似見唔到出面有呢d即食米線!就買左3包, 一包自己trial,好食o既話就留果兩包畀軒軒,等佢平時口痕or餓o既時候有好野食!^o^ P.S. 肥比就送左盒生日熊畀ｇｉｌ~Thank you so much!
After that,去左另一個shopping centre彈琴!玩左陣,又累又餓,就去食野!哈哈~我開口埋問都軒軒前軒軒後,畀人蝦o既時候又會講:我話畀軒軒知ga! wakaka,聽到肥比滴晒汗! about 8pm,我地就搭212出旺角,去Langham Place行左個圈~o係Muji買左d筆筆,之後就各自回巢! 好多謝肥比陪嬌嬌行街,食飯~What's a great time! 希望嬌綿冇悶親佢啦! 仲有,原來肥比媽媽都好錫嬌嬌ga!勁surprise+高興lor! Anyway,一散,Steve就call我,傾左陣就到屋企! 返到屋企,上網幫軒軒搵資料~睇埋報紙就覺覺豬!! 好開心,但又好tired呀~~~~~
>>2006年05月02日 Tue 16:36:12 (GMT+8)
2006 年 4 月 21 日 星期五 【晴】
Tuesday, April 18, 2006
17/4 因為唔想訓得太晏,咁8,9點就起左身沖涼洗頭...但其實..我今日都冇meeting o既! 攪掂之後,就check email,睇報紙~ 突然電話響起,原來係Ryan...稀客! 但...冇乜野想同佢講...咁傾傾下,手提又響...hehe...係我最愛o既電話鈴聲"公主一心志願做平凡女子~~~~~" ,因為只有軒軒打黎先會響呢首歌! 咁我二話不說就同Ryan講byebye,跟住聽軒軒電話~ 點知..錯手cut左軒軒線~哈哈! 咁我就即刻打返畀佢啦! 個衰佬應該要返工ga...又會呢個時候打畀我~~ hehe..佢話而家搭車出旺角...咁我就問佢...你出旺角做乜呀?...佢話買野wor....咁我又問佢:"你係咪黎搵我呢" 你唔使返工咩?" 跟住佢竟然話我唔知醜 >.< 衰人黎ga!! 咁我話...算lor...咁你去買野lor..去做野lor~~ 哈哈~耍完一輪花槍,最後軒軒約我去食早餐!話晏晝先返公司做野! 咁我就拿拿林吹頭扮靚靚! 1030我就出到旺中啦~~hoho,仲要快過軒軒到! 咁又唔知食乜,就落左大家樂食早餐~ 今次嬌嬌畀錢~~ 原本係軒軒畀..咁冇理由真係下下都食佢ga ma! 咁果幾十蚊..嬌嬌都仲有o既~ ^_^ 食到咁上下,Ryan再打畀我...咁我都冇野好講,咁講左兩句就hang up~ 一收線,軒軒就問我係咪我d仔..........真係激死lor! 唔通...到而家你都唔知我心只有軒軒咩,衰佬! 食完,同軒軒玩左陣鱷魚仔~ hoho!我won多d~~ 離開旺中果時,一路行,一路幫軒軒按摩...佢係咁叫我大力d...攪到我猛"Dunp"佢...仲要"Dunp"到bon bon"聲,d人行過..一定以為我毒打男友啦! >.< 軒軒仲要笑我wor~激死! 我仲幫佢"Dunp"到隻手畀兩隻戒指整到爆左微絲血管,仲幾乎見紅tim! 好彩,軒軒都讚我"Dunp"得好! ^_* 之後,軒軒帶我去金魚街睇魚魚~~ 我知佢又冇左條好貴o既"半號紅龍"..肉都赤~ 所以要去睇返d靚魚補數! wow...冇諗過一條魚魚...可以貴到成60萬~GEAR! 之後,同軒軒去左個未去過o既地方,臨走時影左d好百厭o既相相!但...中途,有個客搵佢~一傾就4,5個字...攪到我發晒呆!....終於傾完,軒軒見我冇晒反應,以為我嬲..問我做乜咁樣! 哈哈...只係有呆左jei~ 之後,軒軒話我知,呢單生意傾成就好啦~~ 咁我就話"一定得"~ 我咁旺夫,軒軒d生意一定多做多有o既! hehe...我又真係幾好腳頭,我同軒軒一齊之後,接二連三咁有大生意傾成~ 公司又開始賺返錢! 繼續係咁就好lu~~ 今日軒軒都讚左我幾次,話我都幾好o既~~ >.<仲話,如果嬌嬌減到肥就仲好啦!! hoho..使乜講!! 軒軒想嬌嬌瘦,唔係問題...但軒軒都要對嬌嬌好~~ 如果唔係,減左之後比而家仲多人爭,咁軒軒就危險啦! haha~~ 佢臨返工前,我地再去睇多陣魚魚~ 點幾,軒軒要返公司啦~~原本送佢搭火車,但佢話唔使啦~~咁我就自己返屋企lu~佢就去返工! 沿途,嬌嬌send左個sms畀軒軒...話佢知嬌嬌心只有軒軒~ ^_^ 買左少少野食就返屋企~ // 夜晚...Steve打畀我~~又傾到訓覺豬!! 其實...我諗...我都應該同Steve拉返開d距離~~ 始終,我都已經有軒軒呢個男友!
4:40 AM - add eprops - add comments - email it
16/4 wow...又飲茶啦! 撞鬼,入親黎就會不斷去飲茶~~ 飲完,打畀軒軒,睇下佢得唔得閒見下嬌嬌...點知,佢話佢同阿媽o係TM!我見咁近,咁佢應該唔會食太耐掛...咁就諗住留多陣,等陣佢食完,搵佢都快d~~ ....點知....冇左人影lor~ 咁Mandy就陪我出返MK,佢去做Gym,我就返屋企先~ 返到去,打畀佢....兩次都冇人聽.......即刻冇晒心情......仲亂諗野tim~ >.< 唉....乜都唔想做...去左覺覺豬~ ...訓醒.....洗完個面....個衰佬終於打黎啦~~ 話去左阿媽度...電話又放左o係袋,唔佢響>.< 原本想發佢脾氣....不過知佢"渣"緊車....咁佢又搵返我~~咁算啦!! ...嬌嬌都唔應該咁細路女o既! 問佢聽日得唔得閒...佢話要返工呀....咁就冇問落去lu~~ 做野要緊o既~~ 傾左一陣就hang up lor~ 夜晚,有傻傻o既Steve陪嬌嬌傾電話~ 好開心! .....不過....有d唔知點咁!... 自從同軒軒一齊之後,第二次同男仔傾得咁埋( i mean besides 同學仔 or識左好耐果d)..之前係基基...但基基...我一早已經拒絕左佢...果時,基基愈係追我,我個心就愈向住軒軒~~ 果時,我都同自己講...原來自己咁鍾意軒軒!連自己都估唔到~ 今次係Steve,一個新相識~ 好投契呢! 不過,一開始我已經同佢講我有男朋友...費事大家誤會! 不過,同steve傾計,真係幾開心~起碼有人會tum下嬌嬌~haha~ 但係,一路同steve傾...嬌嬌就一路諗...如果軒軒都會tum下我就好啦~~ 哈哈! 傾到差唔多一點就覺覺豬lu~
3:41 AM - 2 eprops - 2 comments - email it
15/4 今日好hea呀~~一早起身,飲完茶就返上樓同契媽,Mandy煲vcd~~ 大家睇睇下就開始食食食~~哈哈,都未停過口~ dinner有我最鍾意o既番茄旦牛肉~ 次次入親黎都要食呢樣!!! 因為好味lor~~ 都入左黎兩,三日啦~~原本諗住呢兩日會見到軒軒...點知...又係唔得閒lor~ >.< 訓埋今晚就返出去~~ he..咁到時搵軒軒都方便d~
3:01 AM - add eprops - add comments - email it
14/4 今日8半就起左身,梳洗完就同Mandy &契媽去飲茶~~ 飲到12度,契媽就同Little Angel去Ocean Park~我同Mandy就去銀座還書,之後落左TM,好耐冇去lu~~ 買左一件間條衫,一件白色閃石背心~~又靚又抵!YEAH~~ 之後,搭輕鐵出返嘉湖銀座食dinner~ 去左間叫"珊瑚寶"(好似係咁叫...唔多記得啦!) o既餐廳食~~幾靚ga~起初入去冇乜人o既,所以幾靜~~幾好feel~ 叫左個"紅酒雜菜燴牛尾窩"配意粉 + 一個焗咖哩雞飯~~兩個都好好味!都係百幾蚊咋!! 不過中途有一個奇景--> =.= 我地竟然發現有個女仔開著個電筒睇menu...真係好攪野lor~...睇唔到..點解唔叫人換個位呢? ...仲有...原本食飯o既氣氛都好好~但..愈食愈多人...d人又勁嘈.....攪到好想食完就走! Anyway,食完,就搭免費專巴返天耀~租左兩隻VCD咁就返上樓lu~ 睇左陣電視,又睇左半隻"情場絕橋王"就覺覺豬啦~~ 因為著住對尖頭行左成日,都真係有d tired~
2:47 AM - add eprops - add comments - email it
13/4 返埋今日就放easter,心情特別輕鬆~ 不過一早就要返學,返9半~~有d累! 今日A/C教果ｄ，CE果時已經學左,所以都唔使點聽就識~下半堂就做exercise~好快就兩個鐘,落堂lu~一落堂就要去傾今日個cct presentation~ 點知,d groupmates個個唔聽電話...攪到我同阿fi都唔知點算...最後o係7仔同阿mark "hea"足半個鐘~~ 終於搵到d groupmates...不過...都只係大家講過一次自己要講o既野...咁就話夠鐘去present la~~幸好,我地個report ok,而家perform得好生鬼~所以阿sir都話幾好~仲話畀我地個分都幾好ga la~hehe! WOW~~終於完晒全部presentations la~~一身鬆晒！YEAH~ 但仲有好幾個report,一份assignment +一堆Sponsors信等住我!都咪話唔大獲! Anyway,完左個 cct present,阿fi就陪我o係Li記出面吹水~~ 哈哈,fifi終於見到軒軒盧山真面目~ 阿fi: 我都算係咁啦~~全部同學仔得你一個見過咋! btw,多謝阿fi幫我消磨果一堂空堂~ 之後fifi返hall,咁我就去上埋今日最後一堂--marketing tutorial~ 返去,都只係睇人present,話咁快就4半落堂! 之後,搵人同我食dinner~ 最後決定入元朗食激爽o既"豬潤粥"+炒油麵, 好耐冇食啦~~ 先返屋企食我o既lunch先,激餓lor!之後,執d野就入去天水圍先,搵埋契媽先落元朗~~自己一個搭45min o既巴士入去! 沿路諗返軒軒幫我補祝生日o既情況...真係sweet都漏~~ 原本諗住打畀軒軒,但又唔知佢返黎未,就算返左黎,應該都忙緊,咁就冇打畀佢!! 哈哈~~嬌嬌真係一個貴人啦!! 入親去搵我契媽佢地,一定又風又雨+氣溫下跌~ 成日畀佢地話我衰~~次次入去都係咁~~ 好邪啊!! 去元朗行左陣街先食粥~~~~ 好好味呀~~ 買左少少零食,跟住就返天水圍啦! 換完衫,見軒軒差唔多放學,就打畀佢,睇下佢點! 點知,佢話聽日又要返大陸,要聽審~ 咁就叫佢快d"渣"車返去覺豬~ o...仲諗住聽日可以見到佢tim...唔知點解呢幾日勁掛住軒軒~~ 佢愈對我好,我就愈驚失去軒軒!! hehe...雖然佢唔係成日可以陪到嬌嬌,不過我知軒軒生意忙(我都希望佢忙啦~咁即係生意好啦!),所以都唔會太介意呢d o既! 我搵佢果時,搵到佢就夠啦! ...wow...未夠12點就訓lu....笑住咁覺覺豬!
12:40 AM - add eprops - add comments - email it
>>2006年04月21日 Fri 8:07:43 (GMT+8)
2006 年 3 月 22 日 星期三 【晴】
 Wednesday, March 22, 2006
A relax and happy day~
一早起身,sent左個sms畀軒軒,話佢知我今朝好free,睇下佢得唔得閒搵我! 原本諗住帶佢去我屋企坐坐o既~但我又唔記得媽媽今日dayoff....軒軒打畀我話我知而家o係元朗,咁同佢講左兩句,就叫佢晏d先打畀我啦!
將近12點,軒軒又打畀嬌嬌lu~~ 約左o係西九龍度等~一齊食lunch~~ O~嬌嬌又late la~~一見到佢就畀佢打左我一打~咁我梗係還手啦~~正衰人黎ga~成日蝦我!! 我地去左北京拉麵食~....點知....d野好唔掂lor~ 攪到軒軒發脾氣~哈哈!傻佬黎ga~ 軒軒又教我點做Marketing 個present~~仲教我點challenge我d groupmates~ 冇計啦~鬼叫d人唔buy軒軒教我條橋,而佢地諗o既...講真..又真係唔係咁work! 我發覺軒軒真係好鬼叻~乜都識!! 因為軒軒要去開工,咁我地就o係門口講拜拜~~ 咁我就自己搭車~諗住返學校上埋個CB!
行緊去bus stop搭35A果時....見住架車走左lor...=.= 突然,電話響起軒軒專用o既電話鈴聲"公主一心志願做平凡女子~~~~~" 衰人軒軒,一打黎就話我冇用,唔記得提佢拎醫生紙打印....鬼叫頭先傾得太投入,乜都唔記得!臨走又講d野激我,咪唔記得lor!!! 突然叫返我轉頭...衰野黎ga!! 又要我自己一個行住等佢...仲要唔知點解我行埋d好多男人o既地方...嚇死嬌!又要o係黃金等佢~~.....衰人黎ga~~ 果度勁多佬lor...=.= 同軒軒行左陣黃金,陪佢睇電腦& printer~之後去左個神秘o既地方!! 3點度啦~~佢要走啦!因為約左個客1530~ Kiss goodbye後~我就搭車返學lu~~但趕唔到上CB la~~ 自己o係library溫左陣書!就搭KCR落Shatin~約左Zing拎袋! 拎完就搭小巴返虫虫開工! 照舊啦~返完工就留o係虫虫練琴練到2030~~之後同receptionist 阿ming一齊搭車返屋企!!
今日好開心~~呢排都好開心~~ 呢個week隔兩,三日就可以見到佢~~開心到震!! 軒軒要畀心機做野&讀書!!! 嬌嬌無限量支持你ga!! 加油,努力~~
>>2006年03月29日 Wed 5:45:14 (GMT+8)
2006 年 3 月 19 日 星期日 【晴】
Sunday, March 19, 2006
14/3 White Venlentine's Day有香檳玫瑰收~睇埋"天生一對"!多謝晒阿基d花! 軒,如果送花畀我果個係你就好啦!
18/3 今日accout test~~um....Pass就應該一定冇問題~ test完就同mark & queenie傾CB~
之後出左Mongkok陪軒軒食飯~~第二次隔兩個禮拜先見~真係掛鬼死我!
軒軒食完返學~咁我就搵返queenie+ erica~ 同erica買完野~咁我地queenie就過海!
嘗試左遺忘已久o既Jollibee~哈哈~成間野得我地係HK ppl~ 不過其實真係幾好食d野~
Took some pic for Jollibee for our CB assignment
Jollibee前去左IFC Zara買衫~咁就幾百蚊啦~
食飽就落Wan Chai去哈迪斯took pic~
跟住介紹左Wan Chai一d特色畀queenie知~ 接住就行去Causeway Bay~
同queenie行街街好開心呢!! 去左中央附近一間鋪食dinner~又抵,又好味!
9點幾10點~終於返屋企lu~~ 好開心o既一日!
19/3 一早陪媽去玄圓學院...激多人~~攪到我好"mun"~
返到屋企食左個飯~抖左一陣~睇左軒軒果d英文notes,諗下點樣教佢~
3點到...就覺覺豬~~好累呀~ 訓到5點起身!梳洗好就等軒軒電話~
6點多d~軒軒就打畀我,話我知佢放學lu~ hehe...咁我就即刻去搵佢~
軒軒件花花衫幾靚wor~~ ^_^
去左太子間M記坐~傾過下佢d英文野~~跟住軒軒仲教我點做marketing assignment!
軒軒真係好鬼叻呀~~乜都識!
去左新世紀食野~~好多地產agents lor~~ So annoying~佢地真係幾冇禮貌lor~x.x
hehe~我地今晚食越南野~幾好味wor! Yummy!
食飽飽...about 9-10啦~咁我送軒軒去搭火車~ Kiss goodbye之後,我就自己返屋企啦!
好開心呀今日~ 今日同軒軒去街街o既感覺好好~ 之前唔開心o既感覺一d都冇啦!
希望以後我同軒軒都會咁開心~
軒軒: 畀心機做野同讀書~~ 嬌嬌支持你!
>>2006年03月29日 Wed 5:44:36 (GMT+8)
2006 年 3 月 4 日 星期六 【晴】
26/2 點解咁戲劇性o既事...再一次發生o係嬌嬌身上!?
我應該原諒你嘛? ... 你真係愛我嘛,軒?
27/2 一切由"我愛你"呢3個字重新開始~ ...... 整天都想著我倆的事!一個吻就能解決所有問題?
好怕你會再有下一次! 開心o既係...我知你起碼都將我放o係心上!真係"渣"車接我放工!
希望你應承我o既會做到! .... (第一次對嬌嬌的承諾!) 多謝阿fi陪我~感激你陪我過了兩年來,除了ALo既第一次低潮! 對不起...還是忍不住哭了!
1/3 一個月啦! 你仲記得一個月前,我地點樣開始? 一個o係街呆等嬌嬌3個鐘o既傻佬+一個傻乎乎的嬌嬌!
今日就放工果時, 你話我知要返一返大陸做野!會o係朋友度訓~~ 唔知點解...開始左嬌嬌對你第一次猜疑!......我仲可以無件條相信你嘛?
2/3 Mandoza出糧果度...好煩! 攪到成晚都訓得唔好~~
軒,估唔到我出唔到糧,你比我仲激動! 累你衝燈,sorry~小心架駛呀!
Btw,多謝阿fi個米粉~ + 帶左阿van見虫虫! 仲有~~多謝關心嬌嬌o既朋友 仔,esp Ivy,恆+frog~
3/3 因為出糧d野,同埋功課~攪到好放訓! 又訓得唔好~所以起唔到身返學!
去左搵軒軒~~ =.= 個死野...只顧住~~~ 唉!
今日...只有一個鐘相處...因為佢唔記得約左客~激死!
原本都仲幾sweet o既....不過......唔知係我諗多左定係乜啦!走果時個感覺好怪!
>>2006年03月04日 Sat 12:34:42 (GMT+8)
2006 年 2 月 13 日 星期一 【晴】
4/2 星期六,原本要返虫虫食開年飯...但..唔記得左,訓過龍~咁就同mandy叫pizza食~ 之後,阿siu約我去玩...不過同時軒軒又打畀我~咁我就梗係諗都唔諗就去搵軒軒啦! hoho~ 難得佢得閒! 咁我就由天水圍出荃灣搵軒軒~ 我地行街,飲野,傾計~~好開心!!! hehe...飲野果時...d姐姐一定眼紅我地恩愛,笑鬼我地~ 哈哈!
5/2 終於應阿siu約,同佢去美麗華唱k~ wow..一陣間就唱到天黑lu~ (後記: 原來阿siu送我返屋企途中,畀LC o係巴士見到我地~哈哈,仲話阿siu係我男朋友!梗係唔係啦~傻ga!)
6/2 今日原本約左師妹佢地去3t屋企打邊爐...但...有事...所以冇去!so sorry~ 之後..軒軒搵我~話突然放早! 咁我就搭火車去烏溪沙,之後軒軒車我返佢家! 我知軒軒做野好辛苦...一定好累...哈哈,大家都累到訓著左! o係佢度唔係留左好耐...7點幾...佢就車返我去火車站~ 我知佢累,所以都唔忍心叫佢送我返屋企! 就咁...嬌嬌就自己一個搭火車回家!
8/2 契大佬Steven Ho 's Birthday~ 生日快樂!
9/2 Mark Mark's birthday~ 生日快樂,心想事成~
10/2 第一煲愛心靚湯面世~ 不過...最後都係畀左媽媽飲!
11/2 第2煲愛心靚湯面世~ 不過....又係畀唔到軒軒飲~ 去完bank就成day都o係屋企!
12/2 湯湯留到今日..以為元宵...真係會見到軒軒...點知...唉唉! 陪媽入去契媽度拜年,飲左個$100都唔使o既下午茶! 畀左d湯湯契媽同mandy飲~ 好開心,兩個都話好好味!契媽仲讚我靚左! ^_* 送媽去左搭車~我自己留o係天水圍~睇左"Bewitched" & "BJ2"~兩套都好睇~ "BJ2"真係好攪笑!
13/2 今日識左d新同學仔,佢地都好nice! 多謝Raymond Ng's gift~haha~ 同fifi & 恆食ｌｕｎｃｈ~ 同阿恆傾左好耐計! 今日唔使上marketing,就立刻打左畀軒軒先~睇佢究竟幾時得閒! 之後,同fifi去阿恆hall~ 我都係第一次去hall咋!去hall前,呃名恆去拎玫瑰花畀我~hoho! 多謝晒! 今年有一枝紅玫瑰收~yeah~^_^多謝fifi d薯片! 又感謝fifi送我搭車! 原本以為軒軒又唔得....真係幾唔開心....唔開心係因為...第一個元宵&情人節都唔可以見到佢~ 但原來..佢可以同到我食飯~所以即刻開心返晒...見一陣...都夠啦! 我地去"西九龍中心"食野~ hehe...有個嬸嬸仲讚我靚tim~hoho~ 今餐好豐富~有軒軒..真係食麵包都會好開心! 軒軒仲飲晒我煲o既湯湯,話都ok~ 算係咁啦!^3^ ...hehe...個傻佬...仲真係買野畀嬌嬌...一隻純銀鐺鐺手鐲~ 真係甜到入心! 好彩,軒軒都好鍾意我送畀佢o既禮物! 因為軒軒要趕返去做野,聽日要開會~咁我就自己搭車返屋企~ o係巴士站,有個婆婆問我路,我見佢要搭果架bus我都岩,就陪佢一齊等~等左好耐呀! 等等下,軒軒打畀我,問我上車未!我就話佢知我陪婆婆搭車! he...佢仲話好鍾意個袋袋~ 開心死我啦! 終於有車lu~ 上到車,同婆婆傾左一陣,冇耐我就落車,婆婆仲笑晒咁同我講拜拜~ 咁我就好開心咁拎住枝花花,摸住軒軒送畀我o既手鐲咁返屋企! A very sweet and enjoyable day~~
>>2006年03月04日 Sat 12:34:07 (GMT+8)
|
|
Gil~~
<br>...