2004 年 11 月 2 日 星期二 【炎熱】

上ｐａ堂派番尋日份卷．．．．都幾開心呀，合格啦，ｍｉｓｓ　ｌｏ讚我唷～！之後ｃａｎｄｙ勁高分喎，咁同佢對番份卷啦，唉．．．．勁慘呀，冇寫ｗｏｒｋｉｎｇ　個字．．．冇左好多分呀，又唔係唔識計喎！！之後仲慘，ｂａｌａｎｃｅ　ｓｈｅｅｔ　ｇｏｏｄｗｉｌｌ個數，我個乜野加乜野係岩架，但係．．．按機按錯加錯數呀．．．．冇左差唔多３分呀．．．．ｍｉｓｓ　ｌｏ圈住寫ｃａｌｃｕｌａｔｏｒ囉，串死～如果唔係ｄ　ｃａｒｅｌｅｓｓ既野，應該再高多４．５分啦！！！

等放學，我地整＜黑森林旦糕＞唷今次，好多人參加呀～！哈哈，我同ｍｕｋｏ偷左好多朱古力既材料呀，一路整就一路食．．．．４個人整左２個，好靚唷，但整到成７點幾先走，聽日先有得食～！整完攰爆呀～！番到新港城打邊爐，１０點先返到屋企！！


ｈａｐｐｙ　ｂｉｒｔｈｄａｙ　ｔｏ　ｍｒ．Ｃ！

>>November 5, 2004 at 3:58:23 PM GMT+8

2004 年 11 月 1 日 星期一 【炎熱】

訓唔夠６個鐘，好早就起身，因為今日應承左ｍｕｋｏ幫ｓｕ做ｈｅｌｐｅｒ！！因為今日係ｓｕ既選舉日～！

７點半番到去，一齊做既仲有豆奶．ｃｏｎｎｉｅ．ｃａｎｄｙ．ｖｉｎｃｅｎｔ．亞仙同亞蚊～！傾完計至到７：５５先知自己做咩位～～我同豆奶同ｂｉｌｌｙ負責ｆ．２啦，坐低ｏ個陣，同隔離負責ｆ．１既霍俊豪吹水啦，佢勁想走唔想幫ｆ．１，話自己唔鐘意妹妹仔囉～點知即刻成班ｆ．１排住隊咁入黎投票．．．ｈａｈａ抵死啦，全部係佢ｄ女～！

早會完左就去上堂啦，小息好遲先去到，咁ｌｕｎｃｈ有錢比我地買飯食～！而我地就去左投票先啦～！
諗左好耐先話買飯盒啦，咁我地就寫張紙食咩燒味飯啦，咁我同ｃｏｎｎｉｅ．ｍｕｋｏ都食叉燒墨魚喎，張紙就寫住＜叉．墨＞啦．．．之後我地問ｓｕ幹事亞ｍａｘ（苦榮）佢食咩啦，咁佢見完我地張紙，就話都係食＜叉．墨＞．．．．．買完番黎之後，我地好勁咁ｏ係ｓｔａｇｅ上面食飯，都真係第一次．．．咁我地１０幾個食啦，分飯ｏ個陣，亞ｍａｘ見到自己盒飯，話佢叫錯飯喎，咁我地就問佢啦．點知．．．佢以為＜叉．墨＞係叉燒同＜＜墨魚丸＞＞呀．．．．．．．．我地成班勁忍笑，特別係我同豆奶．．．低能架，幾時見燒味檔有墨魚丸叫呀大佬，啤一聲呀～！

咁好快就食完飯落去幫手啦，因為仲有人未食飯～！我就頂司徒ｏ個位，ｏ係中間負責派選票，我發現好多培英既人係未見過架～！做完之後就去上堂啦～！放學就唔使幫手，因為我地ｐａ　ｔｅｓｔ．．．．今次都ｏｋ識啦～！！！ｔｅｓｔ完同ｖｉｎｃｅｎｔ．ｃａｎｄｙ佢地幾個一齊走～～返到屋企，訓ｚｚｚｚｚｚｚｚｚｚｚｚ！

>>November 5, 2004 at 3:44:58 PM GMT+8

2004 年 10 月 31 日 星期日 【炎熱】

話咁快就１１月啦，開左學已經２個月啦，時間過得真係好快！！愈係快就愈想留住，可能近期個人心情較好啦～！

今日冇咩特別想打，因為不停咁溫ｐａ．．．．溫到１２點唷～！破左我平時１０點幾訓既記錄呀．．．．個人有ｄ暈～！

>>November 5, 2004 at 3:23:47 PM GMT+8

2004 年 10 月 30 日 星期六 【酷熱】

今日係ｈａｌｌｏｗｅｅｎ，本來有人約話今晚出蘭桂芳玩架，唉，聽日要返學，推左．．．ｓｏｒ！

今朝要勁早起身，因為１１點要打學界，９點幾返到ｐｙｃ，練波ｏ個陣已經曬死左啦～之後性奴返左黎一齊練啦～～開始打ｏ個陣，好似ｏ係沙漠咁，曬到紅哂呀！！

打完返ｐｙｃ換完衫，同性奴同亞阮去左ｌｕｎｃｈ，食完就入左馬會，佢買波，我買六合彩啦，自己畫左兩條，買完更誓言如果中左３千萬聽日即刻唔返學，哈哈．．．．好唔掂呀，ｏ係ｗｏ　ｃｈｅ商場講電話，都收得好差呀．．．好唔得呀！！

講完個電話都成２點，跟住返ｐｙｃ溫ｐａ啦，之後ｂｏｂｏ又話一齊返喎，咁就更係好啦，亞燕又返喎，咁我就叫佢地ｊｏｉｎ埋一齊入黎！！ｂｏｂｏ黎到ｗｏ　ｃｈｅ，去番某ｄ地方，嘩．．．回憶哂以前ｄ開心野，真係好想返到以前呀！！

發完夢就返番ｐｙｃ，開始好努力，但ｃｏｎｓｏｌｉｄａｔｉｏｎ後面真係好難，我同ｃｏｎｎｉｅ溫死左～～５點幾，送左ｂｏｂｏ出黎，又ｈｅｉ下先啦～～溫到７點幾，同亞燕一齊走ｌｕ，叫左亞燕過ｎｔｐ食飯呀！！

咁我地去食ｋｆｃ啦，我有＄５０　ｄｉｓｃｏｕｎｔ啦，咁我地叫左好多野食，ｏｎｌｙ比我＄１７左右，亞燕比１００佢啦．．．哈哈，找多左張２０呀．．．．唔使錢ｌｕ～！食左瑞士雞亦啦終於，都冇咩特別～！食完飯行下街啦，去左好多書店呀！！返屋企～！

今日係咁多年ｈａｌｌｏｗｅｅｎ，食得最少糖既一年～！


時間過得真係，唔經唔覺就．．．．哩段時間唔知你覺得點呢？希望我成日諗既野，你會有日做到啦～！


>>November 2, 2004 at 12:43:12 PM GMT+8

2004 年 10 月 29 日 星期五 【炎熱】

今日係中大ｏｐｅｎ　ｄａｙ喎，雖然就入唔到架啦，但都去睇下啦～本來ｐｌａｎ去到聽１０點鐘ｈｏｔｅｌ　ａｎｄ　ｔｏｕｒｉｓｍ既ＴＡＬＫ，１１點就聽ＢＢＡ啦．．．．．點知，今次我遲到，去到火車站見到好多人排隊搭車上去呀．．．．咁我地落車趕到去已經ＦＵＬＬ左啦．．．．算啦，唯有周圍行下啦，曬到死～１１點去聽ＢＢＡ既ＴＡＬＫ，有成３，４百人聽喎，中大ｄ人係串ｄ！！！！

聽完上左新亞書院，睇完ｈａｌｌ，就去左＜新聞＆傳播＞啦，真係好ｐｒｏ呀，跟住ｒｉｃｈａｒｄ聽完佢ｏ個個＜政政＞就上黎ｊｏｉｎ我地，咁我地等埋佢啦，途中劍打黎傾，嘩．．．真係收得勁差呀，轉台呀要！！ｒｉｃｈａｒｄ上到黎，咁聽人介紹點樣播新聞呀咁，勁正呀，周圍行下啦，諗住搭車落番去，但等好耐，又見到ｅｓｔｈｅｒ同亞杜，咁就一齊行落山ｌｕ！！

落到去都成１點半，咁同ｒｉｃｈａｒｄ同豆奶返新港城食野～！！我地今日要試ｍ記既新野，食下個烤餅，而今日係ｒｉｃｈａｒｄ既生日，咁我地就請佢食ｌｕｎｃｈ～！！食完我地就去左補習ｌｕ！！

今日遲左，要坐勁後，又唔記得帶眼鏡，上得好辛苦！補完勁攰呀，返左屋企訓覺ｌｕ！！
電話８點幾響醒左，叫我落新港城食飯．．．．最後，１０點幾先落到去，食完傾下計行下，見到ｄ野好好笑呀！！！

>>November 2, 2004 at 12:22:06 PM GMT+8

2004 年 10 月 28 日 星期四 【微冷】

今朝交文化功課，見到個個今次都寫左勁勁勁多野，好似ｅｓｓａｙ咁，有ｄ壯觀呀！！ｄａｙ　ａ真係好煩，頭３堂有中史．文化．ｐａ．．．３堂都唔同，上既地點又唔同，但又要拎哂ｄ書，ｎｏｔｅｓ，又有報紙．．．勁重，好似擔泥咁呀，勁麻煩，又得一堂喎，轉完課室去到坐低，一陣間又落堂，又起身走，小息個人好似散哂咁！！

ｕｅ　ｌｉｓｔｅｎｉｎｇ都唔知自己做乜，好似遊魂咁，又聽唔到喎，但豆奶喪寫～跟住滿太講ｃｏｍｐ喎，好好笑呀，派左張我地ｄ　ｅｒｒｏｒ啦，唔知邊個寫＜香港係ｕｓ既殖民地＞．．．勁好笑呀，又話我地唔知ｄ　ｍｏｖｉｅ　ｓｔａｒ既英文名就亂作人地ｄ名喎，ｒｉｃｈａｒｄ寫左個叫＜ｓｔｅｐｈａｎ　ｎｇ＞既人，問番佢係寫邊個啦，佢自己都唔知．．．．．．但係我ｏ個份滿太仲未改唷～！

ｌｕｎｃｈ飲完茶，返到去執完就落左ｌａｎｇ　ｌａｂ空堂啦！！唔知係咪星期五既關係，個個都冇做野，掛住玩，同ｒｉｃｈａｒｄ，ｖｉｎｃｅｎｔ佢地玩左一陣啦，又串下ｖｉｎｃｅｎｔ喎，佢無奈個樣勁好笑呀！！做左陣野之後，又同劍，ｗａｌｅｓ＆ｔｉｍ傾下計，又講埋ｄ咸濕野．．．．笑爆咀呀！！

最尾去ｈａｌｌ聽ａｓｓｅｍｂｌｙ！今日係ｓｕ既候選人介紹，ｄ片真係幾搞笑呀，有幾段片之前霍俊豪比我睇過，都ｏｋ搞笑啦，點知其他都ｏｋ得喎，好記得ｍｕｋｏ　ｏ個幕入鏡做路人甲囉～！跟住收到我份ｃｏｍｐ，好高興唷，有進步呀我！！！聽到成４點，執好野就即刻去ｒｍ２０２，有ｐｏｌｙ既人黎講ａｄｍｉｓｓｉｏｎ　ｔａｌｋ！！都真係唔錯呀．．．

聽完就練波啦，練到６點就換完衫入番ｌａｎｇ　ｌａｂ啦，期間見到豆奶，ｍｕｋｏ佢地同滿太傾計喎，極快咁入左去啦，諗住做一陣功課先啦，點知又傾計，又傾下電話，ｍｕｋｏ佢地入番黎，叫埋我一齊走．．．．咁乜都冇做過就走左！

發現亞昇真係好好笑～！一齊ｏ係利安落車，去左搵ｍｕｍ，之後入左ｓｅｖｅｎ見到個小學同學！！！！

夜晚睇電視，播ａａｒｏｎ既演唱會片段，諗番起自己細過睇過佢既＜一變傾城演唱會＞，真係勁勁勁好睇，而家都仲諗得番呀，因為佢跳舞真係好得，好正好好睇！！見番佢今次跳舞，有ｄ後悔冇買飛睇ｔｉｍ～！

仲未揀科呀．．．．點算呀．．．．２５個ｃｈｏｉｃｅ．．．唉！

>>October 30, 2004 at 4:17:03 PM GMT+8

2004 年 10 月 26 日 星期二 【微冷】

嘩，今日過得好高興唷，真係要記一記低～！

其實都唔係話有ｄ咩特別事發生，係因為尋日我啦，豆奶，ｃａｎｄｙ同鳳仙特登抽時間放學參加家政學會既ｃｏｏｋｉｎｇ啦，今次係整士多啤梨ｍｏｕｅｓｓ旦糕唷～！尋日整ｏ個陣試過ｄ士多啤梨啦，嘩，勁酸呀，仲整到成７點幾先走呀．．．好驚今日個ｃａｋｅ會唔好食呀～！

咁我地今日食完ｌｕｎｃｈ就上去拎啦，我就叫埋ｒｉｃｈａｒｄ一齊入去．．．跟住見到我地個旦糕雪完，真係超靚唷，因為我地係唯一一組係心型架，另一個就係正方型．．．．第一啖我就俾左ｒｉｃｈａｒｄ食啦，因為佢３０號生日唷～～之後到我地自己食啦．．．超正呀！！ｄ味係岩岩好囉～！咁我地是但咁切完，就拎落去比人食啦．．．劍呀，ｖｉｎｃｅｎｔ同ｈｉｎｋｉ，亞杜，亞粉等等個個都話好食唷，但佢地話ｄ粉紅色既ｃｒｅａｍ似腦漿囉，ｈａｈａ．．．．．．真係好開心呀！！！

當然，我地留番ｄ放學食啦～！放學ｏ個陣，第一個拎比勁為食既ｍｉｓｓ　ｌｏ食，讚好啦梗係，跟住又請左ｍｉｓｓ　ｌａｕ食喎，話好食之外，仲請左我食佢ｄ勁貴既朱古力呀，超好食呀，味勁濃又唔甜喎，岩哂我呀，貴野係唔同ｄ架！！之後又請左好多人食啦．．．最後到我自己食啦，食到個人好滿足呀，自己整既始終係唔同ｄ！！整整下，咁就５點ｌｕ～！

陪左豆奶過ｎｔｐ，ｔｈｅｎ　ｇｏ　ｈｏｍｅ　ｌｕ！！

好消息唷，表姐今日生左個ｂｂ女唷，勁開心呀，真係好想快ｄ見到呀！！

下星期三又報左整＜黑森林旦糕＞唷，今次仲係多ｄ　ｆｄ一齊整ｔｉｍ　ａｒ，應該會更加好食架！！！


>>October 30, 2004 at 3:48:14 PM GMT+8

2004 年 10 月 22 日 星期五 【微冷】

今朝電話響醒左，我仲以為１０點幾左右啦，點知一望，原來已經１點幾啦，好驚，但又唔知驚乜．．．．．本來同豆奶約左２點ｏ係新港城食ｌｕｎｃｈ，咁我就即刻打比佢啦，原來佢已準備出門口～！

咁換完衫落到去都２點幾ｌｕ，咁過左大快活啦，ｏ．．．．冇哂咖哩食啦，唯有食ｔｅａ啦，但間野勁多人囉～食完３點就行去補習ｌｕ，原來何婷好早就到左，幫我地霸埋位ｔｉｍ唷，勁正，又係坐第一行．．．．．今日有新ｎｏｔｅｓ呀，勁靚呀！！

時間好快就過，補完行左陣就返屋企ｌｕ，做完功課，臨食飯之前比人急召．．．．咁勁快食完飯就落左街，上左別人的家！！上到去睇怪獸公司，睇得勁開心呀，我仲好記得ｏ個陣我係同ｘｘ入戲院睇架．．．．哈！！
睇完個人好攰，返屋企，睇番我錄低左既ｏｕｔｂａｃｋ　ｊａｃｋ啦，今日係最後一集，真係好緊張，唔知亞ｊａｃｋ揀邊個，我梗係想佢揀ｎａｔａ啦．．．點知真係揀左佢唷，勁開心呀，抵佢死啦另一個，望住人地勁恩愛咁走．．．多謝亞燕介紹呢套野比我睇呀！



>>October 24, 2004 at 4:37:03 AM GMT+8

2004 年 10 月 21 日 星期四 【微冷】

今日係重陽唷，終於有假期啦．．．．可以訓晏ｄ啦終於，但１０點幾已經起左身ｌｕ～！起左身之後，睇左好多好多既報紙，食左個早餐，跟住就做下功課，同埋打下日記先啦～！

今日好高興，因為終於搵到日比較得閒ｄ既出去行街啦．．．．我要買野呀！！同豆奶本來約５點幾ｏ係ｔｓｔ等既，咁我諗住早ｄ出利時搵ｂｏｂｏ啦，因為佢尋日打黎，傾左一陣，話佢而家ｏ係利時做！！點知，出去之前佢打黎，話今日比人調左去ｍｋ喎，ｓｈｉｔ呀，佢仲要拍住個３０歲既八婆呀，打黎訴苦唷，ｖｅｒｙ　ｐｏｏｒ　ａｒ！！

都係成６點先出到去ｔｓｔ，首先行左海港城同海運大廈ｏ個邊啦，因為開左好多新既鋪頭～但我地見到ＬＶ都係唔敢入去，入左隔離間ａｇｎｅｓ　ｂ，因為我好想買袋，可惜睇唔岩啦～之後又行左好多地方啦，見到好多新衫唷．．．．跟住入到ｈｙｓｔｅｒｉｃ喎，見到上次我勁鍾意既背囊，唉，＄１９８０呀，點買呀．．．買左返學都驚比人偷啦～！
ｔｈｅｎ我地見到ｘ－ｇａｍｅ開倉喎，咁去左搵啦，點知上到去，好似ｄ街市特賣場咁，好大好亂好多衫周圍飛，但真係幾抵既，５．６．７．８折都有，可惜我地見到ｄ衫，好似比全部人都搞過哂，好污漕下，我又搵唔到ｒｏｘｙ條電話繩買喎，ｑｕｉｃｋｓｌｉｖｅｒ既衫又唔靚，ｄ短褲又係，最後係咩都冇買到囉，但我地見到個個人入黎都買到野走喎．．．

過到ＬＣＸ啦，真係好多野行，哈哈，終於買到件ｍｉｃｋｅｙ衫啦，仲有好多野送ｔｉｍ喎，諗番起我件ｓｅｃｏｎｄ－ｈａｎｄ既ｍｉｃｋｅｙ，都係差唔多價錢，早知早ｄ黎買啦～～ｆｉｔｔｉｎｇ既時候，個ｓａｌｅｓ係咁叫豆奶買番件，做情侶裝．．．嘩，好緊張呀即刻，喪笑囉！！
睇到好多賣萬聖節既野，好靚好得意唷，仲見到有人表演魔術呀！！行到８點幾，勁爆攰啦已經，之後再行埋新港，行完都成９點ｌｕ，餓死左，咁我地就搭ｍｔｒ過石硤尾食韓燒啦！去到等左一陣就有得食ｌｕ，但人地今日收１１點，要食得好快囉～我地仲見到有條友飲醉酒唷～

食完ｂｏｂｏ打黎，佢放工ｌｕ，約我ｏ係ｍｏｓ等～咁我地行去搭車，上到８６ｃ啦，一訓就訓到去海柏就即刻落車，原來已經１２點ｌｕ～ｊｏｉｎ番ｂｏｂｏ就上左ｓｅｖｅｎ買野啦，跟住過左新港城公園坐，傾計一番，時間過得真快，一傾就傾到２點１５先走．．．

走ｏ個陣有ｄ淆底，本來諗住搭的士，但又好似好ｏ徒錢咁，最後都係行番上去啦，好左ｂｏｂｏ打黎，咁一路傾一路行都冇咁驚，好辛苦唷，喘哂氣呀．．．返到屋企沖完涼，見到有粵語長片做呀，諗住睇下啦，未睇已經訓左ｌｕ！

今日真係大解放呀，勁ｒｅｌａｘ呀個人，同豆奶兩個好似放監咁呀！！唔得呀，下次要出去買袋呀！！！！！一定要呀～！

>>October 24, 2004 at 4:03:59 AM GMT+8

2004 年 10 月 20 日 星期三 【微冷】

又１０幾日冇打日記啦！！但係諗番起呢１０幾日，都冇乜野值得我去記得，每日都係溫書，做功課咁，日日如是，ｔｅｓｔ不斷咁黎，個人好似讀到癲左咁，終於感受到原來一日２４小時係唔夠架，不過我都識節制，就係每日堅持１０點半左右就訓覺！ｏｔｈｅｒｗｉｓｅ，我相信第２日返學，有可能會暈～！

哩１０幾日入面，我經歷左２個中史ｔｅｓｔ，１個ｃａ既ｔａｓ，１個ｐａ　ｔｅｓｔ同１個ｐａ既突激測驗，比較辛苦既一個星期終於過左啦～～
就好似今日咁啦，返到學校ｏ個陣，個個都溫到死死下，今次測既田賦制度，範圍雖然唔係多，但ｄ資料好難記呀！今日ｄａｙ　ｂ又冇空堂喎，頭２堂文化又要做閱讀理解啦，做完同豆奶玩完一輪都唔係太記得ｌｕ，小息又係玩，上人文學又同埋ｓｉａｎ幾個傾計，ｌｕｎｃｈ之前堂ｐａ，ｍｉｓｓ　ｌｏ臨落堂前冇啦啦叫我地ｌｕｎｃｈ之後ｏ個堂記得帶計數機喎，豆奶就估佢一定有ｄ野啦～～
ｌｕｎｃｈ同姓奴．ｊ神食完之後，就上ｐａ堂啦，點知真係比我地估中，突激測驗，測番佢地中六尋日測過既ｃｏｎｔｒｏｌ！！唉．．．連續３堂都測驗呀，ｏ係ａｖ　ｒｍ測ｐａ時ｏ個位超凍，做得勁差唷．．．測完我同ｖｉｎｃｅｎｔ即刻上番４樓測中史啦，簡直係折磨呀！不過出奇地我都記得好多，但係時間少左，完全唔夠時間做，我識既都要寫得勁少唷！！

測完之後，個人係完全ｒｅｌａｘ哂，因為下次中史ｔｅｓｔ冇咁快黎．．．落番去ｌｏｃｋｅｒ之後，同ｒｉｃｈａｒｄ玩埋ｄ咩大砲，勁好笑呀，跟住又扮舉重呀咁，笑死囉，講番好多細個玩既遊戲，原來ｒｉｃｈａｒｄ都會陪亞妹玩煮飯仔架，ｖｉｎｃｅｎｔ仲勁，同佢家姐玩扮圖書館喎，哈哈～～～落到去ｌａｎｇｌａｂ．見到出面都有人練波，咁我都換衫打啦，唔知點解今日個球場勁多人，亞ｓｉｒ又唔ｏ係度喎，亞ｊｅｆｆ就勁大力開波，開落ｄ人到．．．ｙｅａｈ，走左ｄ～！但ｄ波都係周圍飛囉～！
練到５：４５度，換完衫入番ｌａｎｇｌａｂ搵豆奶同ｒｉｃｈａｒｄ佢地，ｈｅｉ左陣就同ｖｉｎｃｅｎｔ同亞阮走ｌｕ～！搭４０ｘ時，上到車見到亞恩喎，勁高興唷，不停咁傾，傾到番富寶都唔捨得停呀！！
返到屋企，即刻ｌｏｇｉｎ番個ｊｕｐａｓ先啦，好多日都唔得閒整～一入去就要比＄４００唷！之後訓左陣，ｂｏｂｏ打黎，高興極了，閒談之餘，佢仍不忘講ｄ虛寒問暖既說話，其實我真係好開心，起碼佢明白到我既忙碌，少左搵佢，當然，真正既朋友就係咁，最令我放心既，原來由始至終都係佢～！
９點半左右就落左街食宵夜，食完ｈｅｉ下，番到屋企又睇到＜律政新人皇＞啦，ｙｅａｈ～！

－－－－－－－－－－－－－－－－－－－－－－－－－－－－－－－－－－－－－
突然間諗番起尋日ｐｅ堂，我地班既羽毛球男女混雙比賽呀，我同亞昇一組，對住高俊康同仙姐，其實高俊康真係好勁，開頭我地ｗｉｎ一局啦，跟住又比佢地追番一局，勁緊張呀，第３局本來我同亞昇係落後，但係好努力咁追，比我地打到平手，連ｗｉｎ兩分就ｗｉｎ，真係勁激呀，我地入左四強，而豆奶本來同何婷一組，點知何婷冇帶衫，變左同ｍｕｋｏ一組，出奇地又比佢ｗｉｎ左，下次對我地呀！！！！跟住ｖｉｎｃｅｎｔ同ｃａｎｄｙ一組，對住ｒｉｃｈａｒｄ同牛屎，勁多人過哂去睇，因為兩邊都係超勁，同埋睇得出ｒｉｃｈａｒｄ係勁認真呀，不過ｖｉｎｃｅｎｔ同ｃａｎｄｙ合拍ｄ，只係ｗｉｎ出少少呀！！各人都好期待下次既ｐｅ堂呀！！

>>October 22, 2004 at 3:22:34 AM GMT+8

☆★☆★☆★☆★☆★☆★☆★☆★☆★Ｉ　ＬOＶE　ＡLＬ　MＹ　BＥSＴ　FＤ！！☆★☆★☆★☆★☆★☆★☆★☆★☆★ < 廣告 讀者留言 |  路人留言   | 生日快樂ａｒ～～～ <br>ｈａ >>December 2, 2004 at 5:10:01 AM GMT+8 咪係做FD既唔留番個言比你, 哈 >>November 5, 2004 at 4:59:02 PM GMT+8 嘩~我終於都黎睇你個日記仔ｌａ~ >>September 4, 2004 at 4:17:46 PM GMT+8 >>>乜日記唔俾人文雅架咩... >>July 13, 2004 at 4:54:49 PM GMT+8 哈哈~~其實果日果個真係我黎架~ >>July 1, 2004 at 3:13:46 AM GMT+8 你呀～勁好笑呀！！！我自己１路睇 >>June 14, 2004 at 12:27:55 PM GMT+8 ６月１日係我地ｇｅｉ　ｎｅｗ　ｄ >>June 9, 2004 at 4:49:31 PM GMT+8 個日真係眼淚都黎埋ａｒ！！！你係 >>May 22, 2004 at 4:45:26 AM GMT+8 我下個星期會係pyc出現~~ < >>April 13, 2004 at 11:27:16 PM GMT+8 係終於有日記睇啦．．．． <br >>April 12, 2004 at 5:59:14 PM GMT+8 傻妹ａｒ！！ <br>我點會怪你 >>February 24, 2004 at 1:23:37 PM GMT+8 新年快樂呀~~ <br>lazy >>January 22, 2004 at 4:50:13 AM GMT+8 你好啦．．．仲唔打日記ａｒ！！你 >>December 31, 2003 at 12:47:06 PM GMT+8 haha~~Merry Chri >>December 25, 2003 at 9:23:09 AM GMT+8 你ａｒ～～快ｄ打日記啦！！成日黎 >>December 23, 2003 at 10:27:27 AM GMT+8 勁正ａｒ～～真係最愛係阿嬸ａｒ． >>December 3, 2003 at 3:30:59 PM GMT+8 係hang機!! <br>唔係h >>December 1, 2003 at 8:58:32 AM GMT+8 。呀嬸呀～ <br>　　你ｅ＋系 >>November 24, 2003 at 10:46:05 AM GMT+8 放心啦～～話曬都係我識你第一年你 >>November 15, 2003 at 5:20:47 PM GMT+8 阿嬸果然唔再懶啦～～日日都有寫日 >>November 10, 2003 at 3:38:53 PM GMT+8 天氣愈來愈凍啦~~ <br>着多 >>November 10, 2003 at 2:32:57 PM GMT+8 嘩~~~ <br>嬸嬸剪左個ha >>November 9, 2003 at 8:07:38 AM GMT+8 yeahyeah,,, <br> >>November 8, 2003 at 10:50:39 AM GMT+8 hihi~~嬸嬸~~ <br>我 >>November 5, 2003 at 9:29:22 AM GMT+8 咁耐都唔update嫁~ >>October 15, 2003 at 12:57:21 PM GMT+8 個板整得幾靚,唔錯唔錯~ >>September 14, 2003 at 8:34:50 AM GMT+8 update啦 <br>賤人。 >>September 10, 2003 at 11:45:10 AM GMT+8 死野啊~~ｕｐｄａｔｅ　下啦～～ >>August 19, 2003 at 5:30:24 PM GMT+8 plz update!! >>August 17, 2003 at 1:15:57 PM GMT+8 嘩哈哈～嘩哈哈～嘩哈哈～嘩哈哈～ >>August 10, 2003 at 4:47:15 PM GMT+8 哇～唔睇唔知原來我係你日記出現咁 >>August 10, 2003 at 12:32:27 PM GMT+8 一次過睇晒呢幾日喇．．． <br >>August 9, 2003 at 9:31:26 AM GMT+8 嬸~~~~congra.喎升得返 >>August 6, 2003 at 4:53:39 PM GMT+8 祝您會考成功喇!!!! <br> >>August 5, 2003 at 7:36:14 AM GMT+8 勁啦~~阿嬸~~話我留一個言俾你 >>April 12, 2003 at 4:33:13 PM GMT+8 哈哈~我明明想尋日黎留言~~ < >>April 12, 2003 at 5:06:42 AM GMT+8 依家係夜晚ge2點正~~ <br >>April 8, 2003 at 6:05:48 PM GMT+8 好靚既日記啊 :) <br>見到 >>April 6, 2003 at 4:49:19 PM GMT+8 唉~~ｄ人叫人睇又唔更新下喎~~ >>April 5, 2003 at 5:13:11 PM GMT+8 點呀～～聽日去邊呀？！喂～點呀？ >>April 2, 2003 at 6:22:34 PM GMT+8 喂~~~~聽日去邊丫~~~ <b >>April 2, 2003 at 5:23:16 PM GMT+8 點呀～～聽日去邊呀？？聽日去邊呀 >>April 2, 2003 at 4:47:29 PM GMT+8 唉~~大家姐~~ <br>我俾人 >>March 31, 2003 at 3:30:14 PM GMT+8 出年326 <br>再搞'行'佢 >>March 30, 2003 at 4:46:53 AM GMT+8 咩係十分K? <br>咩歌黎架 >>March 30, 2003 at 3:02:11 AM GMT+8 遲到左咁多，有冇記遲到? >>March 27, 2003 at 4:00:12 AM GMT+8 連我個名都寫埋~唔留都唔得啦 < >>March 25, 2003 at 2:58:32 PM GMT+8 頂～留錯相添！ <br><IMG >>March 25, 2003 at 1:34:21 PM GMT+8 <IMG alt="" hspa >>March 25, 2003 at 1:32:54 PM GMT+8 哇～哈哈哈哈～黎我日記留言丫呀嬸 >>March 21, 2003 at 12:41:16 PM GMT+8

人氣: 21969

Design & Scripting by ShowHappy.Net