|
2003 年 8 月 16 日 星期六 【晴】
我地本來今日係原定去石澳架（連飛都買左），但係由於驚落雨啦（唔知點曬太陽），同埋要太早起身既關係（８：３０ａｍ要去到禾輋）．．．．所以最後係冇去到，轉左去亞ｋａ屋企打麻雀算啦！！
今次亦都係好正架，因為係全女班呀，所以亦都比平日打得快好多＞＞＞２點幾打到６點幾，都打左成１０圈！！！其間何柏濠上左黎，勁開心呀，因為佢聽日走飛番去ｕｓａ，都好唔捨得佢呀，雖然識左佢唔係好耐，但佢返黎個拎月成日都一齊玩，又陪我地開工，臨走仲有禮物送比我ｔｉｍ．．．．．ａｈｈａ，就衰我地打緊牌，冇乜點同佢玩啦～～
打完之後就幾個女仔傾下計，而ｋａ’ｍｕｍ又煮埋飯比我地食！！未食之前就睇下ｖｃｄ咁啦，開頭睇ｏ個套愛情西片，我同筠婷都唔係好知講咩，睇到我地兩個有ｄ眼訓，一係就笑，最後都係轉左睇＜下一站天后＞！！！
睇睇下就開飯，嘩，見到ｄ＜食送＞就睇得出ａｕｎｔｉｅｓ好花心思整，又＜釀魷魚＞呀，又＜金菇牛肉＞呀．．．．但係一碟菜都冇囉！！平時又已經少食飯啦，但ｏ個晚碗飯好大碗，食到我同筠婷勁叫飽，又費事食剩啦，食完之後勁飽，又飲埋湯咁．．．．．
食完就ｏ係房傾計，玩下咁．．．．睇番我地以前映ｄ相，又笑爆咀，食埋生果１０點幾就走啦！！！！！
之後，我同亞燕同筠婷諗住食完飯行下啦，就ｏ係穗禾苑行落禾輋啦！！我係第一次行，由亞燕帶路啦，我行中間，筠婷就跟住我．．．．開頭都冇乜野，但係行行下就愈來愈黑，四周圍又冇人喎，行埋ｄ山路，我同筠婷已經愈來愈驚，已經拖住咁行，筠婷就搭住我膊頭啦．．．．行到一度勁黑，我地兩個就勁驚，叫哂咁，亞燕就勁勇，係咁拖住我行，直頭睇唔到路，筠婷就驚到拎個電話出黎照，又唔夠光喎，又有貓行喎．．．．筠婷驚到勁捉住我膊頭，搞到我膊頭勁痛．．．．之後行番ｄ光ｄ既地方，終於鬆一口氣，ｏ係度勁笑，行到落禾輋之後，我地話下次叫多ｄ人一齊行，一定勁好玩！！
探險完之後，就搭車去左我表姐，亞公角ｏ個度又教下佢用電腦，坐下咁！！ｏ個度ｄ人勁好，同我表姐又ｆｄ，一齊吹水，飲啤酒，差唔多１２點度，我表姐個ｆｄ就揸車送我返屋企啦～～～～
今晚真係勁開心呀！！！！！
>>August 22, 2003 at 9:47:00 AM GMT+8
2003 年 8 月 15 日 星期五 【晴】
尋晚飲到大哂（竟然係比幾個姨媽），今朝起身個頭勁痛呀！！但又要去我二姨媽度幫佢整電腦，表姐就約埋我一齊去藍田～～～可能好耐冇見過我表姐啦，我地兩個搭車ｏ個陣勁講野，勁笑，搞到周圍ｄ人勁啤我地！！！
到左藍田都３點幾，同埋姨媽姨丈一齊ｏ係我亞媽間酒樓飲茶，傾下計咁就４點幾，都冇乜食過野，之後上我姨媽屋企幫佢整電腦啦，我姨丈就整左ｄ＜＜咖喱雞亦＞＞比我食．．．．勁正呀！！！差唔多６點幾，我表姐話佢地隻馬ｏ係澳門跑，叫我一齊去拉下頭馬，見識下，但係我就真係冇咩興趣，冇去到啦～～～
８點幾就自己一個走左，去左德福廣場ｐｉｚｚａｈｕｔ搵我第二個表姐同佢男朋友，坐下傾下計咁，成１０點幾先走．．．．．返到屋企差唔多１２點啦又！！！個人勁ｔｒｉｅｄ．．．我老豆就話我暑假仲ｂｕｓｙ過佢～～～～～～
>>August 22, 2003 at 9:10:58 AM GMT+8
2003 年 8 月 14 日 星期四 【晴】
前幾日，因為亞媽放大假，就日日都陪佢，連日記都唔記得寫！！！但係點知一開電腦，中鬼左病毒，乜鬼野＜衝擊波＞喎，名都衰過人！！好左蕭邦又掂又好人呀，今朝一早佢補完課就黎左我屋企整電腦啦～～～～～不過我要比平日早起身呀！！
ｈｅｈｅ！！佢黎到我就落去接佢啦，我亞媽見到佢，覺得佢好乖仔呀，同埋都幾ｐｒｏ呀！！整到１點幾度，我地就一齊走，佢就返屋企，我同亞媽就去左沙田同姨媽飲茶～～～
我亞媽搭車ｏ個陣勁問我蕭邦ｄ野，跟住問我佢係咪我男朋友．．．．．．．ａｈｈａ！！我冇答呀，因為我勁笑！！佢又問我，人地幫你整電腦，使唔使請人食餐飯呀．．．．我話＜如果你比錢我咪請囉＞．．．．ａｈｈａｈａ！！！笑爆咀呀！！
ｏ係沙田飲完茶就行街街啦，竟然見到＋祺，我同佢行得好近，但佢見唔到我，我又費事叫佢啦～～～之後我姨媽叫我去ｂｉｇ ｅｃｈｏ唱ｋ，我話～ｄ歌勁唔掂呀，平都唔去呀～搞到佢地都冇去啦！！！
之後夜晚本來諗住去海港～打邊爐（ａｇａｉｎ）～架，點知超級爆多人，就算我地識人都唔好意思叫人幫我地拎位．．．．最後都冇食到，去左樓下食小菜，ｄ野真係勁好食，隊哂啤咁呀同ｄ姨媽，佢地話慶祝我升到中六呀！！！我亞媽見到我飲得都幾多，話唔俾我再飲，點知ｄ姨媽係咁倒比我．．．．．走ｏ個陣好似醉醉地，勁暈，要搭的士返屋企！！
>>August 22, 2003 at 8:58:02 AM GMT+8
2003 年 8 月 8 日 星期五 【晴】
經過左咁多日既＜狂歡＞之後，今日都終於抖一抖啦～～～我地既活動亦暫停一日！！！所以今日一起身又１點幾，就即刻聽到ｄａｄ＆ｍｕｍ打黎，原來佢地落左機啦，仲返緊黎，叫我去飲茶呀，咁我就整下野咁，２：３０度就落左海港飲茶啦！！！
好耐冇見ｄａｄ＆ｍｕｍ，都真係有ｄｄ掛住架，不過一見到我亞爸，佢就同我講：〔恭喜曬你喎，升到啦今次！！〕嘩，個人即刻勁高興呀，個ｆｅｅｌ完全唔同呀，之後佢地又講左好多去旅行既搞笑野比我聽．．．．最搞野既係，佢話佢地團人得９個人囉！！
飲完之後就去左新港城租碟，返到屋企亞爸話要睇番皇馬場波，咁我就睇多次＞＞＞＞一定係會訓著左囉！！訓醒左，得埋亞哥返黎，成１０點幾先食飯！！！食飽飽又訓過，個人非常幸福呀～～～～～～
>>August 11, 2003 at 3:52:12 PM GMT+8
2003 年 8 月 7 日 星期四 【晴】
今日我地就約埋一齊去漫畫節，有我＞亞燕＞大口＞何柏濠＞ｗａｔｅｒ＞至ｈｉｇｈ！！！！我地約左１：３０ ｏ係新城市等，但好多人遲到囉～～～
去到之後，我地就搵比我地早黎既粉強同佢個ｆｄ＞＞亞喬！！不過入到去都幾多人呀，但係入口右邊係有ｄ地攤囉，行左一陣，都好多人呀，完全唔似漫畫節囉，一本書都睇唔到，有ｄ似去行年宵呀～～～
搵到粉強同亞喬之後，佢地竟然ｏ係度食壽司呀！！而ｗａｔｅｒ，大口同至ｈｉｇｈ就去左＜天下＞，咁我地就行左地攤囉，都冇乜野睇，不過見到＜＜芝ｓｅｅ姑ｂｉ＞＞呀！！其後又ｊｏｉｎ埋亞ｋａ同ａｌａｎ，就一齊行，但實在太多人啦，我地１０個人分開左４批人黎行！！！行到咁上下，亞ｋａ話ｊｏｉｎ番我地，我地等左佢勁勁勁耐啦，點知佢竟然出左出口等我地，又入唔番黎～～唉！！！
行行下，又見到亞佳喎！！之後，我地８個又ｊｏｉｎ番埋一齊行啦，點知我地見到有個靚女做ｍｏｄｅｌ，班男仔就猜，猜輸左要問個女仔叫咩名同電話．．．．．．最後就由ｗａｔｅｒ輸左，但其實至ｈｉｇｈ好想去囉．．．．．我地擾攘左好耐，都係佢兩個一齊去問，點知個女仔話叫我地行多個圈番去問喎！！！
咁我地行多左一陣，但我好唔開心呀，我買唔到最新＜＜蠟筆小新３６期＞＞呀！！之後行番番個女仔到，好多人同佢映相呀．．．．都冇拎到，而我地就一齊走左啦！！完全冇野睇既，去左２個幾鐘，都好似去搵人咁～～以後都唔去呀！！
之後就一齊搭車去我屋企睇波呀，＜＜皇馬＞＞喎！！番到我屋企樓下，食完野，ｊｏｉｎ埋沛林，８個人就去左我屋企一齊睇波啦～～～
個個坐定定睇波，勁好玩呀，我地就每人拎一蚊出黎，買邊個第一個入波！！我就支持＜施丹＞啦，而ｗａｔｅｒ幫埋佢亞媽買＜朗拿度＞喎！！！點知第一球係１２碼，比大口ｗｉｎ左，我地成班就話唔計，１２碼都唔算～～
點知之後竟然＜朗拿度＞入左兩球呀，比ｗａｔｅｒ亞媽ｗｉｎ左呀！！！！成班一齊睇睇下，港隊入波呀．．．．．．真係勁勁勁開心呀，成班狂叫呀！！之後仲要入多球呀，勁興奮呀！！！
下半場之後，ｄ人換就哂，我地就唔想睇啦，開始打麻雀啦，又玩左好多野咁！！玩到差唔多１２點就走啦～～～～
今日真係勁開心呀，仲有大口同ａｌａｎ．．．．竟然係有路架！好驚呀！！
>>August 8, 2003 at 5:22:13 PM GMT+8
2003 年 8 月 6 日 星期三 【晴】
過左尋日之後，終於可以好好咁訓一覺啦～～
醒左之後本來陪亞ｋａ出新法報名架，但佢好早就同佢ｍｕｍ去左啦，咁我地就改左２：３０新城市啦～～
去到之後，原來佢冇報到新法，報左現代既日校＞＞＞＞成為第一屆既學生呀！！
仲應承我下年會有＜＜１１分＞＞呀～～～好，我一定支持你架！！
我地就去左鴻運食扒扒，食完又去左銀行搞ｄ ｃｈｅｑｕｅ，勁多風波囉，好煩呀！！
跟住諗住行去偉華ｊｏｉｎ亞燕，佢去左英皇報名，但我地去到又唔見佢，咁我同亞ｋａ就去左西田．．．．．．ｈｅｈｅ！！因為西田又有書展，仲有放指南針ｄ書，咁我地就諗住去搗亂啦，去到ｏ個度，ｄ書又幾整齊喎，而職業病既關係，我同亞ｋａ竟然幫佢地執番好ｄ面書呀，唔知做咩事．．．．．
行左街街一陣，就唔等亞燕，因為佢都係去左報現代日校！！陪左亞ｋａ去剪髮，因為亞ｍａｒｋ冇番，我就唔剪囉！！之後亞燕黎左，傾左好耐計，又行左陣街，到７點幾就走左啦～～～
>>August 8, 2003 at 4:46:51 PM GMT+8
2003 年 8 月 5 日 星期二 【晴】
唱完ｋ６點幾終於有車啦，咁就同ａｌａｎ搭８７Ｄ番一番屋企先啦，Ｏ係車上勁訓呀！！！！本來話約左７：３０沙田食早餐既，但我番到屋企都７：００，於是就改左約８：００禾輋７－１１等！！！咁我番到去即刻ＢＡＴＨ同執齊Ｄ野，一路執就一路驚，好驚自己Ｄ成績唔知會點．．．．真係好驚！！！
跟住極速出左門口，本來諗住搭４０Ｘ時可以訓下啦，點知真係勁勁勁多人，而我就愈來愈驚，成個腦一片空白，我之前都未試過，可能自己本身係ｒｅｐｅａｔｅｒ啦，好驚今年又考得唔好，又浪費左成年！！！！
８：１０度我就去到７－１１，佢地就全部到齊，嘩，都幾多人呀，有 我～亞ｋａ～亞燕～筠婷～沛林～大口～粉強～ａｌａｎ～何柏濠，而ｊａｓｏｎ就遲左出黎囉！！！搞笑既係，咁多人，得４個係放榜既囉～～～～～～之後我地決定去＜＜＜樓下大張枱＞＞＞又即係大排擋食早餐！！！！
講真呀，有ｆｄ陪真係唔同ｄ，一齊傾下計，搞下笑咁，心情真係輕鬆左好多，同搭巴士ｏ個陣差得遠呀！！！期間我亞媽都有打黎問我去到未呀咁，上年佢地特登放假陪我放榜，今年都係呀，不過放假係去旅行囉，我放榜ｏ個陣佢地應該ｏ係機場．．．．．
食完就成大班咁一齊返學校，個心情都幾舒服，但都有ｄ緊張呀！！！終於入到ｈａｌｌ啦，已經好多學生同家長坐哂ｏ係度啦，而我地就要去排隊拎密碼先，一路派就一路同人講笑呀，玩咁，唔想自己亂諗野呀～～～～排排下，突然筠婷走埋黎同我講，話佢見到張６Ａ既人名紙，見到有我個名呀，Ｏ個一刻我呆左，勁問筠婷係咪真架，我完全唔信呀，佢地就叫我定Ｄ，唔好咁緊張．．．．講真呀，Ｏ個一刻真係唔知信好定唔信好呀，好驚一場歡喜一場空呀！！！排到我拎密碼，徐ＳＩＲ冇啦啦同我講＜＜比Ｄ心機讀啦＞＞，我完全唔知咩事！！
拎完之後，我地成班企哂Ｏ係ＨＡＬＬ後面，連大口同沛林都話睇到張野有我名，劉ＳＩＲ都認埋係，但我Ｏ個刻真係好驚，個人完全唔知點，唔知係真係假，佢地又話可能我係ＷＡＩＴＩＮＧ ＬＩＳＴ呀．．．．搞到我仲驚，未派我已經喊左出黎啦．．．．佢地個個都話我傻，都未派已經喊定，但我真係勁驚呀！！！
之後陳副校話最勁係馬喆同肥文，７個Ａ呀．．．．但我已經冇心機聽啦，好想快Ｄ宣佈呀～～～點知今年唔係講出黎，係整Ｄ升到既名Ｏ係ＰＯＷＥＲＰＯＩＮＴ度，咁就仲恐怖！！！！！！之後佢又勁ＣＨＥＡＰ喎，開頭整錯左張ｗａｉｔｉｎｇ ｌｉｓｔ，好左冇我個名！！
跟住張正取生出左，有３０個名度，大家就好好同好辛苦咁幫我睇名（因為我地企得後），之後佢地話有我個名，我都唔敢信呀，到我自己睇得好清楚，見到自己個名之後，我第一時間勁喊呀～～～～～～真係勁喊呀，我ｄ朋友仔都替我開心呀，叫我快ｄ去１０５室註冊，我一路行就一路喊，收唔到聲，出到ｈａｌｌ見到ｅｒｍｉｎｅ，佢都話我傻，喊得咁勁，佢就好好咁借左個膞頭比我！！！而我就即刻打比ＤＡＤ＆ＭＵＭ，佢一聽電話，我就係咁喊，佢地以為我升唔到，叫我出去搵啦，唔好喊呀咁，之後我話我係升到，佢地即刻放心哂，仲話比我嚇死呀咁！！！！！入到去心情平定左少少，見到都有ｄ ｒｅｐｅａｔｅｒ一齊升到，之後校長又入埋黎，講下野咁！！！ｏ個一刻見到自己可以坐ｏ係１０５室，真係唔敢相信呀，但我就仲未知道自己係幾多分，我估都係１４／１５度．．．．．．
之後ｍｉｓｓ ｌｏ比張ｃｅｒｔ．我，我見到完全唔敢相信呀，我竟然有１７分呀，我未睇ｄ科目，ｅｖａ ｌｏ已經同我講＜＜嘩，你中文Ａ呀＞＞我望一望，真係呀，我竟然我可拎Ａ呀，仲要係中文呀～～～～～突然我亞哥打黎，佢問我驚唔驚呀，佢以為我未派，跟住我同佢講我今次終於升到啦，我又再喊啦，我亞哥話喊咩呀，即刻去慶祝啦～～～
問下其他人既成績，個個都ＯＫ呀，ＥＶＡ ＬＯ都２２分，佢就即刻去左恆商報啦，祝佢一帆風順啦～～～其後就開始揀科，我走左去豆奶同ＣＯＮＮＩＥ度，佢地都考得幾好呀，而我就揀左ＣＡ（電腦）中史同ＰＡ．．．期間又收到好多電話，其他ＦＤ都考得幾好呀，俾錢Ｏ個陣突然收到ＭＳＧ，原來係蕭邦ＳＥＮＤ比我，佢知我升到呀，我真係好開心呀，因為佢對我既支持唔少架～～～
離開１０５，就搵番班ＦＤ先，佢地Ｏ係下面等我，點知又唔見左亞燕，原來佢已經出左去搵學校啦，咁又見到好多好朋友，佢地都替我開心呀，之後仲見到ＴＩＧＥＲ同ＴＵＲＢＯ呀，好好好開心呀！！！！之後就Ｏ係學校逗留左一陣，就成班話走，去我屋企打麻雀慶祝，當我地離開學校，原來先至係１０點幾，我地以為Ｏ個陣係１點幾呀，好似過左好耐咁呀！！
走Ｏ個陣，一路收到電話，好多好朋友都替我高興同開心，每次聽到ｏｒ睇到佢地咁，我自己都會好開心架．．．．．．之後我亞媽又打多次比我，問我搞掂哂ｄ野未呀，我話比佢聽我１７分，同埋中文Ａ左，佢即刻勁大聲同亞爸呀，亞姨講呀．．．聽到佢地咁興奮，我又喊左出黎啦～～～
番到我屋企，就打下牌，睇下電視，訓下咁！！！最擔心就係亞燕啦～～～
突然又收到電話，係我至愛既ＢＯＢＯ，佢狂替我開心，知我１７分之後，佢同俊仔又係咁話＜＜勁呀勁呀勁呀＞＞，真係高興呀，邱迎訓訓下都Ｏ係電話度嗌左出黎呀！！
打下牌呀，又食下ＴＥＡ咁，玩到７點幾就走啦！！兩日冇訓既我，個人都幾ＴＲＩＥＤ架！又幫下Ｄ朋友仔諗下出路咁．．．．．夜晚又同＋祺傾左成個鐘電話～～～
得番自己一個Ｏ個陣，諗番起今日，終於知道咩叫＜喜極而泣＞啦，同埋自己真係好眼淺囉！仲有就梗係超級感謝以下既人啦＞＞＞
★ＤＡＤ＆ＭＵＭ，今年升到係報答你地★
★亞ｋａ～亞燕～筠婷～沛林～大口～粉強～ａｌａｎ～何柏濠～ｊａｓｏｎ！！多謝你地陪我一齊放榜，替我高興，陪得一齊過最驚既一刻★
★蕭邦，多謝你呢一年黎既支持★
★ＢＯＢＯ，你就梗係在心中啦★
★ＮＩＫＫＩＥ，ＷＥ ＨＡＶＥ ＬＵＮＣＨ ＡＧＡＩＮ★
★ＥＲＭＩＮＥ，多謝你借個膊頭比我呀★
★亞恩，水妹，亞欣，趙敏，水妹，可樂，十祺，ＣＡＮＤＹ，ＥＤＭＯＮＤ，仲有好多好多人，不能盡錄呀，但全部都好多謝你地呀★
而考得唔好既，都唔好灰心呀，特別係ｒｅｐｅａｔ呀！！記住要比心機呀！！
ｐｓ：寫寫下，寫左咁多野都唔知，但真係好多感受好想寫哂出黎呀，希望第日睇番，會有好好既回憶啦，而且，上年得１０分既我，今年進步咁多，真係好開心呀！！
好多謝大家可以睇咁耐呀！！不妨留個言呀！
>>August 7, 2003 at 5:28:30 PM GMT+8
2003 年 8 月 4 日 星期一 【晴】
聽日就係放榜既大日子啦，咁我地當然要去玩一玩，ｒｅｌａｘ一下啦！！！！而我ｄａｄ＆ｍｕｍ又去左旅行，咁就叫左佢地黎我屋企打牌啦～～～
本來約２點既，最後個個都成３點先到，有亞ｋａ～筠婷～亞燕～大口～沛林～ｊａｓｏｎ！！！好好玩呀，ｊａｓｏｎ唔識打，就ｏ係度玩我部相機，自製埋ｄ超級搞笑既＜＜連環快拍＞＞，真係好好笑！！之後又睇ｂｅｙｏｎｄ演唱會既ｄｖｄ，點知勁多首歌都唔識，勁飛前，都好似唔係睇咁！！！
打到８點幾度，就成班去左海港打邊爐，就加埋粉強同ａｌａｎ同雞亦！！！一如以往啦，ｄ食物一黎到，我地就會一次過落哂落去，但係真係唔知點解，可以叫左成７碟既丸囉！！！！個個食到咁上下，又飲下啤酒咁，都已經食剩少少野架啦，點知雞亦ｏ個陣先黎，一個人叫左成１０碟野囉．．．．．好左最後佢同粉強一齊食哂～～～～～個個食到勁飽呀，每人都係＄６０呀，勁抵呀！！
食完都差唔多１２點，之後我地班女仔同ａｌａｎ就出左旺角ｇｒｅｅｎｂｏｘ唱ｋ唱通頂呀！！！！！ｈａｈａ，好記得亞燕同ａｌａｎ既＜＜＜女版ｂｏｙ’ｚ＞＞＞，真係超超超好笑呀，笑到我同亞ｋａ肚痛呀！！！而ａｌａｎ成晚就勁點ｂｅｙｏｎｄ同亞ｐａｕｌ既歌，我地計計下，一晚見亞ｐａｕｌ既古怪樣，起碼有１０以上呀！！！
仲有架．．．．．＜＜待續＞＞
>>August 7, 2003 at 3:31:31 PM GMT+8
2003 年 8 月 3 日 星期日 【晴】
今日去左亞燕屋企打麻雀，好耐都冇去過啦～～～仲有係筠婷同大口．．．．開頭去到真係熱爆呀，好左條走廊勁有風，但係又吹到個頭亂哂囉，之後冇風ｏ個陣，我同筠婷又話勁熱喎．．．最後亞燕話我地兩個好＜煩＞囉！！！
而亞燕個妹＜＜關心妍＞＞被人逼左番大陸，同佢好ｆｄ既亞妹＜＜驅魔人＞＞就好悶，成日都撩我地玩！！！！！！！！！！亞燕話佢都真係幾悶架，ｄ家姐又唔同佢玩，個細路又唔識講野．．．．．ｈａｈａ，我地即刻勁笑呀，亞燕好似講到佢細路係啞既咁，笑死呀！！
６點幾度，突然勁大雨，行哂雷咁，我地就走到去＜車立＞口打，勁野！！到７點幾度，筠婷就要走．．．我同大口玩多左陣就過左沙田食野！！食完野去左ｆｕｎ ｚｏｎｅ玩＜＜ｍｒ.ｄｒｉｌｌｅｒ＞＞．．．．．超級好玩呀，雖然我次次都輸比大口～～一次過玩左３鋪，玩到１１點幾就走左啦．．．．
>>August 7, 2003 at 3:07:18 PM GMT+8
2003 年 8 月 2 日 星期六 【晴】
唔駛返工既日子，又訓到成１點幾～～～～起左身之後亞媽叫我陪佢去新港城飲茶，咁是但啦，２個就去左！！！！點知去到勁多人，要等位，但２個位都等左幾耐，好左帶亞澤本野去睇，跟住到有位ｏ個陣，先發現本來我地係諗住飲＜＜午市＞＞既，點知等到入去已經變左飲＜＜下午茶＞＞．．．．．．．過份！！！
飲完之後已經差唔多４點，我就勁話要亞媽煲粥，跟住返到富寶就一齊買野，原來屋企咩日常用品都係用完囉．．．．．．．．之後我拎住勁多野，行到番屋企樓下ｏ個陣，手提響喎，原來係亞燕打黎，話佢比老細鬧呀，咁就企左ｏ係樓下聽，又拎住既多野．．．．．返到上樓個人勁ｔｒｉｅｄ呀！！！
夜晚睇＜＜港姐＞＞，勁無聊，ｄ港姐又樣衰喎，一出場ｙｕｍｉｋｏ個頭真係勁唔掂呀！！
１２點幾亞視重播＜＜流星花園＞＞，睇左ｎ咁多次，都係仲係好好睇呀！！
>>August 7, 2003 at 12:53:42 PM GMT+8
|
![]()
 ☆★☆★☆★☆★☆★☆★☆★☆★☆★Ｉ ＬOＶE ＡLＬ MＹ BＥSＴ FＤ！！☆★☆★☆★☆★☆★☆★☆★☆★☆★
<
廣告 |
|
|
讀者留言 |
| 路人留言
|
 生日快樂ａｒ～～～
<br>ｈａ
>>December 2, 2004 at 5:10:01 AM GMT+8
咪係做FD既唔留番個言比你, 哈
>>November 5, 2004 at 4:59:02 PM GMT+8
嘩~我終於都黎睇你個日記仔ｌａ~
>>September 4, 2004 at 4:17:46 PM GMT+8
>>>乜日記唔俾人文雅架咩...
>>July 13, 2004 at 4:54:49 PM GMT+8
哈哈~~其實果日果個真係我黎架~
>>July 1, 2004 at 3:13:46 AM GMT+8
你呀～勁好笑呀！！！我自己１路睇
>>June 14, 2004 at 12:27:55 PM GMT+8
６月１日係我地ｇｅｉ ｎｅｗ ｄ
>>June 9, 2004 at 4:49:31 PM GMT+8
個日真係眼淚都黎埋ａｒ！！！你係
>>May 22, 2004 at 4:45:26 AM GMT+8
我下個星期會係pyc出現~~
<
>>April 13, 2004 at 11:27:16 PM GMT+8
係終於有日記睇啦．．．．
<br
>>April 12, 2004 at 5:59:14 PM GMT+8
傻妹ａｒ！！
<br>我點會怪你
>>February 24, 2004 at 1:23:37 PM GMT+8
新年快樂呀~~
<br>lazy
>>January 22, 2004 at 4:50:13 AM GMT+8
你好啦．．．仲唔打日記ａｒ！！你
>>December 31, 2003 at 12:47:06 PM GMT+8
haha~~Merry Chri
>>December 25, 2003 at 9:23:09 AM GMT+8
你ａｒ～～快ｄ打日記啦！！成日黎
>>December 23, 2003 at 10:27:27 AM GMT+8
勁正ａｒ～～真係最愛係阿嬸ａｒ．
>>December 3, 2003 at 3:30:59 PM GMT+8
係hang機!!
<br>唔係h
>>December 1, 2003 at 8:58:32 AM GMT+8
。呀嬸呀～
<br> 你ｅ＋系
>>November 24, 2003 at 10:46:05 AM GMT+8
放心啦～～話曬都係我識你第一年你
>>November 15, 2003 at 5:20:47 PM GMT+8
阿嬸果然唔再懶啦～～日日都有寫日
>>November 10, 2003 at 3:38:53 PM GMT+8
天氣愈來愈凍啦~~
<br>着多
>>November 10, 2003 at 2:32:57 PM GMT+8
嘩~~~
<br>嬸嬸剪左個ha
>>November 9, 2003 at 8:07:38 AM GMT+8
yeahyeah,,,
<br>
>>November 8, 2003 at 10:50:39 AM GMT+8
hihi~~嬸嬸~~
<br>我
>>November 5, 2003 at 9:29:22 AM GMT+8
咁耐都唔update嫁~
>>October 15, 2003 at 12:57:21 PM GMT+8
個板整得幾靚,唔錯唔錯~
>>September 14, 2003 at 8:34:50 AM GMT+8
update啦
<br>賤人。
>>September 10, 2003 at 11:45:10 AM GMT+8
死野啊~~ｕｐｄａｔｅ 下啦～～
>>August 19, 2003 at 5:30:24 PM GMT+8
plz update!!
>>August 17, 2003 at 1:15:57 PM GMT+8
嘩哈哈～嘩哈哈～嘩哈哈～嘩哈哈～
>>August 10, 2003 at 4:47:15 PM GMT+8
哇～唔睇唔知原來我係你日記出現咁
>>August 10, 2003 at 12:32:27 PM GMT+8
一次過睇晒呢幾日喇．．．
<br
>>August 9, 2003 at 9:31:26 AM GMT+8
嬸~~~~congra.喎升得返
>>August 6, 2003 at 4:53:39 PM GMT+8
祝您會考成功喇!!!!
<br>
>>August 5, 2003 at 7:36:14 AM GMT+8
勁啦~~阿嬸~~話我留一個言俾你
>>April 12, 2003 at 4:33:13 PM GMT+8
哈哈~我明明想尋日黎留言~~
<
>>April 12, 2003 at 5:06:42 AM GMT+8
依家係夜晚ge2點正~~
<br
>>April 8, 2003 at 6:05:48 PM GMT+8
好靚既日記啊 :)
<br>見到
>>April 6, 2003 at 4:49:19 PM GMT+8
唉~~ｄ人叫人睇又唔更新下喎~~
>>April 5, 2003 at 5:13:11 PM GMT+8
點呀～～聽日去邊呀？！喂～點呀？
>>April 2, 2003 at 6:22:34 PM GMT+8
喂~~~~聽日去邊丫~~~
<b
>>April 2, 2003 at 5:23:16 PM GMT+8
點呀～～聽日去邊呀？？聽日去邊呀
>>April 2, 2003 at 4:47:29 PM GMT+8
唉~~大家姐~~
<br>我俾人
>>March 31, 2003 at 3:30:14 PM GMT+8
出年326
<br>再搞'行'佢
>>March 30, 2003 at 4:46:53 AM GMT+8
咩係十分K?
<br>咩歌黎架
>>March 30, 2003 at 3:02:11 AM GMT+8
遲到左咁多，有冇記遲到?
>>March 27, 2003 at 4:00:12 AM GMT+8
連我個名都寫埋~唔留都唔得啦
<
>>March 25, 2003 at 2:58:32 PM GMT+8
頂～留錯相添！
<br><IMG
>>March 25, 2003 at 1:34:21 PM GMT+8
<IMG alt="" hspa
>>March 25, 2003 at 1:32:54 PM GMT+8
哇～哈哈哈哈～黎我日記留言丫呀嬸
>>March 21, 2003 at 12:41:16 PM GMT+8
|
|
人氣: 21963
Design & Scripting by ShowHappy.Net
|
我地本來今日係原定去石澳架（連飛都買左），但係由於驚落雨啦（唔知點曬太陽），同埋要太早起身既關係（８：３０ａｍ要去到禾輋）．．．．所以最後係冇去到，轉左去亞ｋａ屋企打麻雀算啦！！
尋晚飲到大哂（竟然係比幾個姨媽），今朝起身個頭勁痛呀！！但又要去我二姨媽度幫佢整電腦，表姐就約埋我一齊去藍田～～～可能好耐冇見過我表姐啦，我地兩個搭車ｏ個陣勁講野，勁笑，搞到周圍ｄ人勁啤我地！！！
前幾日，因為亞媽放大假，就日日都陪佢，連日記都唔記得寫！！！但係點知一開電腦，中鬼左病毒，乜鬼野＜衝擊波＞喎，名都衰過人！！好左蕭邦又掂又好人呀，今朝一早佢補完課就黎左我屋企整電腦啦～～～～～不過我要比平日早起身呀！！